COVID-19-ის შესწავლა ლაბორატორიაში

სარისკო ექსპერიმენტი: ახალგაზრდებს განზრახ დააავადებენ COVID-19-ით

198
(განახლებულია 16:41 21.10.2020)
დაგეგმილია, რომ კვლევები 2021 წლის იანვარში უნდა დაიწყოს და შედეგები უკვე მაისისთვის უნდა გახდეს ცნობილი.

თბილისი, 21 ოქტომბერი — Sputnik. დიდი ბრიტანეთის ხელისუფლება დათანხმდა ექსპერიმენტის ჩატარებას, რომლის დროსაც ადამიანებს განზრახ დაასნებოვნებენ კორონავირუსით, იუწყება სააგენტო Reuters.

გავრცელებული ინფორმაციით, აღნიშნული ექსპერიმენტი ვაქცინის მოკლე დროში შექმნას ემსახურება.

ქვეყნის მთავრობის განცხადებით, კვლევისთვის, რომელსაც ლონდონის „იმპერიალ კოლეჯი“ აწარმოებს ფარმაცევტულ კომპანიებთან ერთად, ბიუჯეტიდან 33,6 მლნ გირვანქა სტერლინგი გამოიყოფა.

სააგენტო აღნიშნავს, რომ მანამდე ექსპერიმენტი მარეგულირებელმა ორგანოებმა და ასევე ეთიკის საკითხთა კომიტეტმა უნდა დაამტკიცონ. და თუ ეს ასე მოხდება, მაშინ ეს იქნება მსოფლიოში პირველი გამოცდა, რომლის დროსაც ახალგაზრდა და ჯანმრთელ ადამიანებს განზრახ დააავადებენ COVID-19-ით.

დაგეგმილია, რომ კვლევები 2021 წლის იანვარში დაიწყოს და შედეგები უკვე მაისისთვის უნდა გახდეს ცნობილი.

კომპანია hVIVO-ს (ფარმაცევტული კომპანია Open Orphan ORPH.L-ის ქვედანაყოფი) განცხადებით, კვლევის საწყის ეტაპში მონაწილეობას 90 მოხალისე მიიღებს, რომლებსაც კორონავირუსის კონტროლირებად დოზას შეუყვანენ. ესენი იქნებიან 18-დან 30 წლამდე ასაკის ახალგაზრდები, ანუ დაბალი რისკის ჯგუფის წარმომადგნელები.

როგორც ლონდონის „იმპერიალ კოლეჯის“ მკვლევარი კრის ჩიუ განმარტავს, ექსპერიმენტი მათ საშუალებას მისცემს, უკეთ გაუგონ COVID-19-ს და ამასთან დააჩქარონ როგორც მკურნალობის პოტენციური მეთოდების, ისე ვაქცინის შექმნა.

მეცნიერის თქმით, მისი გუნდი უკვე 10 წელზე მეტია უსაფრთხოდ ატარებს სხვა რესპირატორული ვირუსების გამოცდას ადამიანებზე და პირობას დებს, რომ ახალი კვლევის დროსაც პოტენციური რისკები, „რომლისგანაც არც ერთი კვლევა არ არის სრულად დაზღვეული“, შეძლებისდაგვარად დაბალი იქნება.

 

198
თემები:
მსოფლიო დღეს (2324)
COVID 19 იტალიაში

გასროლა იტალიაში: გერმანელმა ეპიდემიოლოგმა პანდემიის სენსაციური ვერსია გაახმოვანა

112
(განახლებულია 17:22 27.11.2020)
გერმანელი ეპიდემიოლოგი ევროპელებს უყურადღებობაში სდებს ბრალს, რამაც შეუწყო კიდეც ხელის კორონავირუსის გლობალურ გავრცელებას

თბილისი, 27 ნოემბერი — Sputnik. ამ დროისათვის მსოფლიოში კორონავირუსის იტალიური შტამია გავრცელებული, რომელმაც ქვეყნის ჩრდილოეთში განიცადა მუტაცია და ამას არავინ მიაქცია ყურადღება, განაცხადა გერმანელმა ეპიემიოლოგმა ალექსანდერ კეკულემ ტელეარხ ZDF–ის ეთერში.

„გლობალური პანდემიისთვის სასტარტო გასროლა ჩრდილოეთ იტალიაში მოხდა“, — აღნიშნა ეპიდემიოლოგმა.

მისი თქმით, დღეისათვის COVID-19–ით დაავადებულთა 99% სწორედ იტალიური შტამითაა ინფიცირებული.

კეკულეს განმარტებით, კორონავირუსი SARS-nCov-2, რომელიც პირველად ჩინეთის უჰანში გაჩნდა, შეუმჩნევლად ვრცელდებოდა იტალიაში რამდენიმე კვირის განმავლობაში, რამაც მას მუტაციისა და ადამიანებზე კარგად ადაპტაციის საშუალება მისცა.

გერმანელი ექიმი ევროპელებს სერიოზულ შეცდომად უთვლის იმას, რომ თავიდანვე არ მიაქციეს შესაბამისი ყურადღება კორონავირუსის საფრთხეს და ის არავინ აღიქვა სერიოზულად. და ეს მაშინ, როდესაც ისეთი ვირუსები, როგორიც COVID-19–ის აღმძვრელია, ვრცელდება არა დღეების, არამედ საათების განმავლობაში — განსაკუთრებით, წელიწადის ცივ სეზონზე, როცა პირველად იჩინა კიდეც თავი ვირუსმა.

112
თემები:
COVID-19-ის პანდემია მსოფლიოში
სტუდენტები აუდიტორიაში

14 წლის ვუნდერკინდმა უმაღლესი სასწავლებელი დაამთავრა

40
(განახლებულია 16:11 27.11.2020)
ნორჩი ბაკალავრი სწავლის გარდა სხვა სფეროებშიც წარმატებულია და რაც ყველაზე საინტერესოა, ამბიდექსტერია

თბილისი, 27 ნოემბერი — Sputnik. ინდოელმა ვუნდერკინდმა უმაღლესი სასწავლებელი 14 წლის ასაკში დაამთავრა და ბაკალავრის დიპლომი მიიღო, წერს გამოცემა Newsflare.

​გავრცელებული ინფორმაციით, აგასტია ჯაისვალი (Agastya Jaiswal) ჰაიდარაბადის უნივერსიტეტში სწავლობდა მასობრივი კომუნიკაციებისა და ჟურნალისტიკის ფაკულტეტზე. მისი თქმით, ის პირველი სტუდენტია, ვინც ბაკალავრის ხარისხი ასეთ ასაკში მიიღო.

გარდა ამისა, ჯაისვალს დიდი წარმატებები აქვს სხვა სფეროებშიც. კერძოდ, ის შესანიშნავად თამაშობს მაგიდის ჩოგბურთს და ეროვნულ ჩემპიონატებშიც იღებს მონაწილეობას.

საინტერესოა ის ფაქტიც, რომ ნორჩი ბაკალავრი ამბიდექსტერია — ორივე ხელით თანაბრად კარგად წერს.

40
თემები:
მსოფლიო დღეს (2324)
City Mall საბურთალოზე

სავაჭრო ცენტრები: მოგვეცით საშუალება, 15 დეკემბრიდან 3 იანვრამდე ვიმუშაოთ

0
(განახლებულია 18:45 27.11.2020)
სავაჭრო ობიექტების ხელმძღვანელების განცხადებით, უმუშევარი ცენტრებში  დასაქმებული  დაახლოებით 17 ათასი ადამიანი დარჩება

თბილისი, 27 ნოემბერი - Sputnik. თბილისში მდებარე ხუთი სავაჭრო ცენტრი მთავრობას საგანგებო განცხადებით მიმართავს და სთხოვს, მუშაობის საშუალება მიეცეთ არა 24 დეკემბრიდან, არამედ 15 დეკემბრიდან 3 იანვრამდე პერიოდში. 

ფინანსთა მინისტრი: შეზღუდვები ქვეყნის ეკონომიკურ მაჩვენებლებზე აისახება>>

ხუთშაბათს  უწყებათაშორისო საკოორდინაციო საბჭომ ქვეყანაში მოქმედი რეგულაციები უფრო გაამკაცრა. ახალი შეზღუდვების მიხედვით, დიდ ქალაქებსა და ზამთრის კურორტებზე სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქის, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) იმუშავებენ მხოლოდ დისტანციურ რეჟიმში, ხოლო  24 დეკემბერი - 15 იანვრის პერიოდში მათთვის შეზღუდვები მოიხსნება. 16 იანვარი - 31 იანვრის პერიოდში კი სავაჭრო ცენტრები არ იმუშავებენ შაბათ-კვირას.

მიმართვას უერთდებიან: „თბილისი მოლი", „ისთ ფოინთი", „თბილისი ცენტრალი", „ქარვასლა", „სითი მოლი".

ერთობლივ პრესკონფერენციაზე ხუთი სავაჭრო ცენტრის წარმომადგენელმა განაცხადა, რომ წერტილოვანი შეზღუდვების ფარგლებში სავაჭრო მოლების დახურვის აუცილებლობა არ არსებობდა, რადგან  ვირუსის გავრცელების საწინააღმდეგო ღონისძიებების ფარგლებში ისინი ინარჩუნებდნენ სამუშაო ადგილებს და სავაჭრო ცენტრები არასდროს გამხდარა ვირუსის გარცელების ცხელი წერტილი.

„გვქონდა მოთხოვნები, ჩვენ მიმართ შეზღუდვები ყოფილიყო უფრო ლოიალური, რადგან ვთვლით, რომ ნამდვილად დაცულია სავაჭრო ცენტრებში ყველაფერი. ჩვენ გვირჩევნია დეკემბრის თვეში 24-ის ნაცვლად 1 კვირით ადრე გაგვხსნან და მზად ვართ, ამისთვის იანვარი სრულად დავთმოთ. მზად ვართ, 16-დან 30 იანვრამდე პერიოდში სრულად დავიკეტოთ, ოღონდ დეკემბერში ეს დღეები დაგვიმატონ“,- განაცხადა „თბილისი მოლის“ მარკეტინგის განყოფილების ხელმძღვანელმა ნატა გოგოლაძემ.

ამასთან, მათი მტკიცებით,  მოლების დახურვა მოულოდნელი გადაწყვეტილება აღმოჩნდა.

„გადარჩენის რეჟიმში გვიწევს ფუნქციონირება. არანაირი წინაპირობა, რომ იკეტებოდა სავაჭრო ცენტრები და ხდებოდა სატრანსპორტო შეზღუდვა, არ არსებობდა. იყო საჯარო განცხადებები და კერძო კომუნიკაცია, სადაც გვეუბნებოდნენ, რომ ეს არ მოხდებოდა, თუმცა დავდექით მწარე რეალობის წინაშე“, - განაცხადა „თბილისი ცენტრალის" წარმომადგენლმა ლევან ყარალაშვილმა.

სავაჭრო ობიექტების ხელმძღვანელების განცხადებით,  ხუთი სავაჭრო ცენტრისთვის ყოველი დაკეტილი დღე ნიშნავს 10 მლნ ლარამდე ზარალს, ამ ცენტრებში კი დასაქმებულია  დაახლოებით 15 ათასი ადამიანი, რომლებიც სავაჭრო ცენტრებში არსებული ობიექტების დაკეტვის შემთხვევაში რჩებიან უმუშევრად.

ამასთან, მათი განცხადებით, სავაჭრო ცენტრების ფუნქციონირება 15 დეკემბრიდან  – 3 იანვრის ჩათვლით პერიოდში მნიშვნელოვნად შეამცირებს მასობრივი თავყრილობების რისკს (მომხმარებლის დროში გადანაწილების თვალსაზრისით) და ინფექციის გავრცელების ალბათობას. 

სექტემბრის დასაწყისიდან ქვეყანაში ინფიცირების ბუმი დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს მიაღწია, დღეს კი რეკორდული მაჩვენებელი - 4780 ახალი დადასტურებული შემთხვევა გამოვლინდა.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123 470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში