ემანუელ მაკრონი

„სიმშვიდე არ ეღირსებათ“: მაკრონი ისლამისტებს ემუქრება

118
(განახლებულია 13:58 19.10.2020)
ჩეჩენმა ახალგაზრდამ პარიზის მახლობლად ისტორიის მასწავლებელს თავი მოჰკვეთა, რაც პრეზიდენტმა ტერორისტულ აქტად შეაფასა.

თბილისი, 19 ოქტომბერი — Sputnik. ისლამისტებს საფრანგეთში მშვიდი ძილი არ ეღირსებათ, განაცხადა ქვეყნის პრეზიდენტმა ემანუელ მაკრონმა თავდაცვის საბჭოს სხდომაზე პარიზის მეზობელ კომუნაში მომხდარის შემდეგ.

აღნიშნულის თაობაზე ტელეარხი BFMTV იუწყება საკუთარ წყაროებზე დაყრდნობით.

თავდაცვის საბჭო, პრეზიდენტისა და მთავრობის წევრების მონაწილეობით, კვირა საღამოს შეიკრიბა ორი დღით ადრე ისტორიის მასწავლებლის მკვლელობასთან დაკავშირებით, რამაც მთელი ქვეყანა შეძრა.

პარასკევ საღამოს ისტორიის მასწავლებელს სამუელ პატის, რომელმაც მანამდე გაკვეთილებზე სიტყვის თავისუფლებაზე მსჯელობისას წინასწარმეტყველ მუჰამედის კარიკატურები წარუდგინა მოსწავლეებს თვალსაჩინო მასალად, ბოროტგანმზრახველმა თავი მოჰკვეთა.

მოგვიანებით პოლიციამ პარიზის მეზობელ კომუნაში მოკლა დამნაშავე, რომელიც დაკავების მცდელობისას პოლიციელებს დაესხა თავს. პრეზიდენტმა მაკრონმა მასწავლებელზე თავდასხმა ტერორისტულ აქტად შეაფასა.

შაბათს საფანგეთის ანტიტერორისტული პროკურატურის ხელმძღვანელმა ჟან-ფრანსუა რიკარმა განაცხადა, რომ თავდამსხმელი მოსკოვში 2002 წელს დაბადებული წარმოშობით ჩეჩენი მამაკაცი იყო, რომელსაც საფრანგეთში ლტოლვილის სტატუსი ჰქონდა.

გავრცელებული ინფორმაციით, გამოძიების პროცესში უკვე დაკავებულია 11 ადამიანი. ამასთან, ტელეარხის ცნობით, ორშაბათიდან ყველა იმ გამოხმაურების ავტორების შემოწმება დაიწყება, რომლებმაც სოციალურ ქსელებში მხარი დაუჭირეს მასწავლებელზე თავდამსხმელს.

კვირას პარიზის რესპუბლიკის მოედანზე და ასევე საფრანგეთის სხვა ქალაქებში ხალხმრავალი აქციები გაიმართა სამუელ პატის მკვლელობასთან დაკავშირებით, რომელშიც ქვეყნის პრემიერ-მინისტრმა და მთავრობის სხვა წევრებმაც მიიღეს მონაწილეობა.

118
თემები:
მსოფლიო დღეს (2325)
მდგომარეობა მსოფლიოში კორონავირუსთან დაკავშირებით

მსოფლიოში COVID-19-ით ინფიცირების ახალი შემთხვევების და გარდაცვალების რეკორდი დაფიქსირდა

37
კორონავირუსის მეორე ტალღამ ქვეყნებს გაცილებით დიდი ძალით გადაუარა, ვიდრე პირველმა, და ინფიცირებულთა რაოდენობა გამუდმებით იზრდება

თბილისი, 28 ნოემბერი – Sputnik. მსოფლიოში კორონავირუსით ინფიცირების ახალი შემთხვევების რაოდენობა ბოლო 24 საათში 747 082-ით გაიზარდა, რაც პანდემიის დაწყებიდან რეკორდული მაჩვენებელია, ნათქვამია ჯანდაცვის მსოფლიო ორგანიზაციის ვებგვერდზე მოყვანილ მონაცემებში.

ერთ დღე-ღამეში გარდაიცვალა 13 296 ადამიანი, რაც ასევე რეკორდული რიცხვია.

COVID-19-ის ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში (405 ათასზე მეტი) და ევროპაში (236 ათასზე მეტი).

მსოფლიოში კორონავირუსით ინფიცირების 61,2 მილიონზე მეტი შემთხვევა დაფიქსირდა, გარდაიცვალა 1,4 მილიონზე მეტი ადამიანი.

ჯანდაცვის მსოფლიო ორგანიზაციამ 11 მარტს ახალი კორონავირუსის აფეთქებას პანდემია უწოდა.

37
თემები:
COVID-19-ის პანდემია მსოფლიოში
საპროტესტო აქცია პარიზში

მასშტაბური საპროტესტო აქცია პარიზში არეულობებში გადაიზარდა - ვიდეო

29
თავიდან მშვიდობიანი აქცია არეულობებში მას მერე გადაიზარდა, რაც პოლიციის მისამართით მომიტინგეებმა ბოთლები და ფოიერვერკები ისროლეს, სამართალდამცველებმა კი საპასუხოდ ცრემლსადენი გაზი გამოიყენეს

თბილისი, 28 ნოემბერი - Sputnik. მედიის თავისუფლების მხარდამჭერი მასობრივი მანიფესტაცია პარიზში არეულობებში გადაიზარდა, იუწყება РИА Новости.

საფრანგეთის უმსხვილესი პროფკავშირების ორგანიზებით გამართულმა აქციამ მონაწილეთა უზარმაზარი რაოდენობა შეკრიბა. მომიტინგეები 14:00 საათზე მსვლელობით გაემართნენ რესპუბლიკის მოედნიდან ბასტილიის მოედნის მიმართულებით.

მსვლელობაში მონაწილეობა მიიღეს შემდეგი უმსხვილესი ფრანგული მედიის წარმომადგენლებმა - გაზეთი Monde, ჟურნალი Paris Match, რადიოსადგური RFI, ასევე საერთაშორისო ორგანიზაცია „რეპორტიორები საზღვრების გარეშე“. გარდა ამისა, მანიფესტაციას შეუერთდნენ ადვოკატები, როლებიც აქციაზე შავ მანტიებში გამოწყობილები გამოცხადდნენ, და ზოგიერთი პარლამენტარები. კოლონაში ყვითელჟილეტიანებიც ჩანდნენ.

საათნახევარში მშვიდობიან დემონსტრაციას შეუერთდა შავ სამოსში გამოწყობილი ადამიანების მრავალრიცხოვანი ჯგუფი. ისინი ჯერ პოლიციის მისამართით შეურაცხმყოფელ შეძახილებს გაჰყვიროდნენ, შემდეგ კი ძალოვანებს ბოთლები და ფოიერვერკები ესროლეს. ხულიგნებმა ასევე ნაგვის დიდ კონტეინერს ცეცხლი წაუკიდეს.

პოლიციელებმა უკან დაიხიეს და ამავე დროს ცრემლსადენი გაზი გამოიყენეს.

კანონპროექტის არსი

სამშაბათს, საფრანგეთის ეროვნულმა ასამბლეამ პირველი მოსმენით მხარი დაუჭირა კანონპროექტს „გლობალური უსაფრთხოების შესახებ", რომლის 24-ე მუხლი ერთი წლით თავისუფლების აღკვეთას და 45 ათასი ევროს ოდენობის ჯარიმას ითვალისწინებს „პოლიციელის ან ჟანდარმის სახის ან იდენტიფიკაციის სხვა ელემენტის გამოსახულებისათვის, მათი ფიზიკური ან ფსიქიკური ხელშეუხებლობისთვის აშკარა ზიანის მიყენების მიზნით”.

ცვლილებაში, რომელიც ამ მუხლში შევიდა, ზუსტდება, რომ ეს ზომა ვერ დაარღვევს ინფორმაციის ცოდნის უფლებას.

სტატიამ მკვეთრი კრიტიკა გამოიწვია ჟურნალისტების საზოგადოებაში. მედიის თანამშრომლები ფიქრობენ, რომ კანონპროექტის მიღების შემთხვევაში სიტყვის თავისუფლებას ზიანი მიადგება, რადგან მანიფესტაციების დროს ძალოვანების ქმედებების გადაღება შეუძლებელი გახდება.

მთავრობაში კი განაცხადეს, რომ დოკუმენტი ამ უფლებას არ არღვევს.

პარიზში ამ კანონპროექტის წინააღმდეგ აქციები რამდენიმე დღის განმავლობაში არ წყდება. ბევრჯერ მანიფესტაციები დემონსტრანტების და პოლიციის შეტაკებებით დასრულდა.

29
თემები:
მსოფლიო დღეს (2325)