საერთაშორისო სავალუტო ფონდი (სსფ)

საერთაშორისო სავალუტო ფონდმა პანდემიით გამოწვეული ზარალის ოდენობა გაასაჯაროვა

97
(განახლებულია 13:01 15.10.2020)
სსფ-ში „უკიდურესი გაურკვევლობის ამჟამინდელ მომენტში“ ქვეყნების მხარდასაჭერად დაკრედიტების ბერკეტების შემდგომი მორგების ვარიანტები განიხილება

თბილისი, 14 ოქტომბერი - Sputnik. კორონავირუსის პანდემიით გამოწვეულმა კრიზისმა მსოფლიოს დაკარგული მშპ-ს სახით თითქმის 30 ტრილიონი დოლარი დააკარგვინა, განაცხადა საერთაშორისო სავალუტო ფონდის (სსფ) განმკარგველმა დირექტორმა კრისტალინა გეორგიევამ. ამის შესახებ РИА Новости იტყობინება.

„არსებული შეფასებებით, შემდგომი ხუთი წლის განმავლობაში კრიზისი დაკარგული მშპ-ს 28 ტრილიონი დოლარი შეიძლება დაგვიჯდეს“, - განაცხადა გეორგიევამ სსფ-ს და მსოფლიო ბანკის საშემოდგომო შეხვედრების გახსნაზე.

მან ასევე განაცხადა, რომ კრიზისის დროს სსფ-მა ვალდებულებები ქვეყნების დაკრედიტებაზე 280 მილიარდ დოლარამდე გაზარდა, ამასთან ამ თანხის თითქმის მესამედი მარტიდან დამტკიცდა.

„წევრი ქვეყნების მხარდასაჭერად ისევ გაგვაჩნია მნიშვნელოვანი რესურსები 1 ტრილიონი დოლარის ოდენობით ჩვენი საკრედიტო პოტენციალიდან. დაფინანსება 81 ქვეყანას გამოვუყავით. უღარიბესი წევრი ქვეყნებისთვის ვალის გადახდა შევაჩერეთ და უპროცენტო საფუძველზე დაკრედიტებისთვის 21 მილიარდი დოლარის აკუმულირება მოვახდინეთ“, - განაცხადა გეორგიევამ.

მისი თქმით, სსფ „უკიდურესი გაურკვევლობის ამჟამინდელ მომენტში“ ქვეყნების მხარდასაჭერად დაკრედიტების ბერკეტების შემდგომი მორგების ვარიანტები განიხილავს.

97
თემები:
COVID-19-ის პანდემია მსოფლიოში (1175)
კორონავირუსის პანდემია

COVID-19-მა მორიგი რეკორდი დაამყარა: ჯანმომ ერთი კვირის შედეგები გამოაქვეყნა

28
(განახლებულია 10:35 21.10.2020)
ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა

თბილისი, 21 ოქტომბერი — Sputnik. გასულ კვირაში მსოფლიოში კორონავირუსი 2,4 ადამიანს დაუდასტურდა, რაც რეკორდულად მაღალი მაჩვენებელია პანდემიის დაწყებიდან, ნათქვამია ჯანდაცვის მსოფლიო ორგანიზაციის მასალებში.

„COVID-19–ის ახალი შემთხვევების რაოდენობა დაჩქარებულად იზრდება, თუმცა ახალი სიკვდილიანობის რაოდენობა შედარებით სტაბილური რჩება... ბოლო კვირაში დარეგისტრირებულია ინფიცირების 2,4 მლნ–ზე მეტი და სიკვდილის 36 ათასი შემთხვევა“, — აღნიშნულია ორგანიზაციის საინფორმაციო ბიულეტენში.

ამასთან ყველაზე მძიმე ეპიდემიური ვითარება შეინიშნება ჩრდილოეთ და სამხრეთ ამერიკაში, სადაც ინფიცირებულთა საერთო რაოდენობამ 18,8 მლნ კაცს გადააჭარბა.

რაც შეეხება ევროპას, გასულ კვირაში იქ დაავადების 25%-იანი ზრდა შეინიშნებოდა — ინფიცირებულთა რაოდენობამ 927 ათასით მოიმატა და 8 მილიონზე მეტი ადამიანი შეადგინა.

ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა.

28
თემები:
COVID-19-ის პანდემია მსოფლიოში (1175)
ალექსანდრ ლუკაშენკო

„რა გეშველებათ უჩემოდ?“ ლუკაშენკო აცხადებს, რომ ხელისუფლებას არ ეჭიდება

44
(განახლებულია 22:12 20.10.2020)
ბელარუსის პრეზიდენტმა დამოუკიდებლობის სასახლეში ახალი ხელმძღვანელობის დანიშვნისას შეკრებილებს სიტყვით მიმართა.

თბილისი, 20 ოქტომბერი — Sputnik. ხელისუფლებას თითების გალურჯებამდე ჩემთვის კი არ ვეჭიდები, არამედ ხალხის ბედი მაწუხებს, განაცხადა ბელარუსის პრეზიდენტმა ალექსანდრ ლუკაშენკომ.

მისი თქმით, მას მხოლოდ ქვეყნის ბედი აღელვებს ამჟამინდელი ოპოზიციის სახელმწიფოს სათავეში მოსვლის შემთხვევაში.

„რაც შეეხება ბელარუსის პრეზიდენტს, მან არაერთხელ თქვა, რომ ხელისუფლებას თითების გალურჯებამდე არ ეჭიდება. „საქმე ჩემში არ არის. საქმე თქვენშია: რა გეშველებათ უჩემოდ?!“ — ციტირებს ლუკაშენკოს სიტყვებს „Sputnik–ბელარუსი“.

თუმცა პრეზიდენტმა არ გამორიცხა, რომ შეიძლება გადაჭარბებულად აფასებდეს თავის როლს, მაგრამ მას აფიქრებს ადამიანების ბედი, რომლებსაც „ამ ქვეყანაში ცხოვრება მოუწევთ“ და რომლებიც შეიძლება „ნაკუწებად აქციოს“ ახალმა ხელისუფლებამ.

9 აგვისტოს ბელარუსში საპრეზიდენტო არჩევნები ჩატარდა. ქვეყნის ცესკოს მონაცემებით, არჩევნებში ზედიზედ მეექვსედ გაიმარჯვა ალექსანდრ ლუკაშენკომ, რომელმაც ამომრჩეველთა ხმების 80,1% მიიღო, ხოლო მეორე ადგილზე სვეტლანა ტიხანოვსკაია გავიდა 10,12%-ით.

ოპოზიციამ არჩევნების შედეგები არ აღიარა და ქვეყანაში არასანქცირებული მასობრივი საპროტესტო აქციები დაიწყო, რომლებსაც ძალოვანი ორგანოების წარმომადგენლები სასტიკად გაუსწორდნენ. ტიხანოვსკაიამ, რომელსაც ოპოზიცია არჩეულ პრეზიდენტად მიიჩნევს, ბელარუსი დატოვა და საზღვარგარეთ გაემგზავრა. ექს-კანდიდატის ინიციატივით ქვეყანაში შეიქმნა საკოორდინაციო საბჭო ხელისუფლების გადაცემის მიზნით. მისი წარმომადგენლები ახალი არჩევნების დანიშვნასა და მოლაპარაკებებს მოითხოვენ.

44
თემები:
მსოფლიო დღეს
პაციენტი

საქართველოში კორონავირუსით 14 პაციენტი გარდაიცვალა

0
(განახლებულია 11:16 21.10.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1351-ით გაიზარდა და საერთო რიცხვმა 21208-ს მიაღწია.

თბილისი, 21 ოქტომბერი – Sputnik. ბოლო 24 საათში საქართველოში კორონავირუსით 14 პაციენტი გარდაიცვალა და მათი საერთო რაოდენობა 172-მდე გაიზარდა. შესაბამისი ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1351-ით გაიზარდა და საერთო რიცხვმა 21208-ს მიაღწია.

ამ დროისათვის სულ გამოჯანმრთელდა 9003 ადამიანი, გარდაიცვალა – 172, კარანტინის რეჟიმში იმყოფება 4462, სტაციონარებში ექიმების დაკვირვების ქვეშ 3071 პაციენტია, ხოლო კოვიდ–სასტუმროებში 1772 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

0
თემები:
COVID-19 საქართველოში