Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

COVID-19-ის ხელახალი აფეთქების მიზეზი: დადგინდა ყველაზე სახიფათო ზედაპირი

© AP Photo / Oded BaliltyCOVID-19-ს პანდემია - გასაშრობად გაფენილი პირბადეები იაფაში (ისრაელი)
COVID-19-ს პანდემია - გასაშრობად გაფენილი პირბადეები იაფაში (ისრაელი) - Sputnik საქართველო
გამოწერა
მკვლევარებმა სხვადასხვა ზედაპირებზე დაიტანეს ვირუსი და დააკვირდნენ, რამდენი ხნის განმავლობაში ინარჩუნებდა ის სიცოცხლის უნარს.

თბილისი, 13 ოქტომბერი — Sputnik. ახალი ტიპის კორონავირუსი SARS-CoV-2 ზედაპირებზე 28 დღის განმავლობაში ინარჩუნებს აქტივობას, აცხადებენ დაავადებასთან ბრძოლის ცენტრის სპეციალისტები ავსტრალიიდან, რომელთა კვლევის შედეგები გამოქვეყნებულია ჟურნალში Virology Journal.

მეცნიერების თქმით, განსაკუთრებულ საფრთხეს წარმოადგენს სმარტფონები და ფულის ბანკნოტები, რითიც აიხსნება კიდეც ეპიდემიის ხელახალი აფეთქება მთელ მსოფლიოში.

გავრცელებული ინფორმაციით, მკვლევარებმა სხვადასხვა ზედაპირებზე დაიტანეს ვირუსი და დააკვირდნენ, რამდენი ხნის განმავლობაში ინარჩუნებდა ის სიცოცხლის უნარს.

ორაგული - Sputnik საქართველო
კორონავირუსი ორაგულზე საკმაო ხანს რჩება: დასახელდა ვადა და ტემპერატურა

გაირკვა, რომ მინაზე, მათ შორის, სმარტფონების ეკრანებზე, ვინილის, უჟანგავი ფოლადის, ბანკნოტებისა და საბანკო ბარათების ზედაპირებზე ვირუსი 28 დღის განმავლობაში ცოცხლობდა — 20 გრადუს სითბოზე. ჰაერის ტემპერატურის 30 გრადუსამდე გაზრდის შემთხვევაში ვირუსი პრიალა ზედაპირებზე სამი კვირის განმავლობაში ინარჩუნებდა სიცოცხლის უნარს, ხოლო 40 გრადუსზე — რამდენიმე დღეში იღუპებოდა.

ინარჩუნებს თუ არა სიცოცხლისუნარიანობას COVID-19 გაყინულ საკვებში?>>

დადგინდა ისიც, რომ ფოროვან ზედაპირებზე, მაგალითად, ქსოვილებზე მოხვედრილი კორონავირუსი ნაკლებად სახიფათოა, ვიდრე პრიალა ზედაპირებზე მოხვედრილი.

აღსანიშნავია, რომ მეცნირებმა ყველაზე სახიფათო ზედაპირად სმარტფონები მიიჩნიეს, ვინაიდან, მათი თქმით, ადამიანებს არ აქვთ ტელეფონების რეგულარულად დეზინფიცირების ჩვევა.

„ამით შეიძლება აიხსნას, რატომ ბრუნდება ეპიდემია მაშინაც კი, როცა გადამდები ადამიანები აღარ არიან და ქვეყანა ვირუსისგან თავისუფლად მიიჩნევა“, — ამბობს კვლევითი ცენტრის ხელმძღვანელი ტრევორ დრიუ.

თუმცა ისიც უნდა აღინიშნოს, რომ კალიფორნიის უნვერსიტეტის მედიცინის პროფესორის მონიკა განდის აზრით, კორონავირუსი საერთოდ არ გადაეცემა ზედაპირებიდან და ინფიცირების მთავარი მიზეზი — ვირუსის მატარებელთან ახლო დისტანციაზე კონტაქტია.

ყველა ახალი ამბავი
0