ალექსანდრ ლუკაშენკოს ინაუგურაცია

„არალეგიტიმური პრეზიდენტი“: ევროკავშირი ლუკაშენკოსთვის სანქციების დაწესებაზე შეთანხმდა

19
(განახლებულია 20:22 12.10.2020)
მანამდე დიდმა ბრიტანეთმა და კანადამ უკვე დაუწესეს სანქციები ალექსანდრ ლუკაშენკოს, მის ვაჟსა და ასევე რიგ მაღალი თანამდებობის პირებს.

თბილისი, 12 ოქტომბერი — Sputnik. ევროკავშირის საბჭო მზადაა შემდგომი სანქციები დაუწესოს ბელარუსულ ორგანიზაციებს, მაღალი თანამდებობის პირებსა და თავად პრეზიდენტ პრეზიდენტ ალექსანდრ ლუკაშენკოს, „თუ სიტუაცია არ გამოსწორდება“, ნათქვამია საბჭოს განცხადებაში.

„საბჭო მტკიცედ გმობს ძალადობას, რომელსაც ბელარუსის ხელისუფლება მიმართავს მშვიდობიანი დემონსტრანტების წინააღმდეგ და მოუწოდებს მათ, გაათავისუფლონ ყველა დაკავებული პირი, პოლიტიკური პატიმრების ჩათვლით“, — ნათქვამია ევროკავშირის საბჭოს განცხადებაში.

ამასთან ევროკავშირში დააზუსტეს, რომ მზად არიან „გაააქტიურონ პოლიტიკური მონაწილეობა, დარგობრივი თანამშრომლობა და ფინანსური დახმარება“ ბელარუსის მიმართ, თუ ქვეყნის ხელისუფლება „პატივს სცემს დემოკრატიის, კანონის უზენაესობისა და ადამიანის უფლებების პრინციპებს“.

აღსანიშნავია, რომ მანამდე დიდმა ბრიტანეთმა და კანადამ სანქციები უკვე დაუწესეს ალექსანდრ ლუკაშენკოს, მის ვაჟსა და ასევე მთელ რიგ ბელარუს ძალოვნებს.

ბელარუსსა და ევროკავშირის ქვეყნებს შორის ურთიერთობა მკვეთრად გაუარესდა 9 აგვისტოს საპრეზიდენტო არჩევნების შემდეგ, რაც ქვეყნის ცენტრალურმა საარჩევნო კომისიამ გამარჯვებულად, ზედიზედ მეექვსედ, ალექსანდრ ლუკაშენკო გამოაცხადა. ოპოზიციამ ქვეყნის არჩეულ ლიდერად სვეტლანა ტიხანოვსკაია მიიჩნია და ქვეყანაში მასობრივი საპროტესტო აქციები წამოიწყო. ევროკავშირი არ ცნობს ლუკაშენკოს ბელარუსის ლეგიტიმურ პრეზიდენტად.

19
თემები:
მსოფლიო დღეს (2177)
საათის გადაწევა

ევროპის ქვეყნები ზამთრის დროზე გადავიდნენ

71
(განახლებულია 11:32 25.10.2020)
ევროკავშირის ყველა სახელმწიფოში დრო ერთნაირად იცვლება - კვირას დილის 4 საათზე, რადგან ეს მნიშვნელოვანია საერთაშორისო სარკინიგზო და საჰაერო გადაზიდვებისთვის

თბილისი, 25 ოქტომბერი — Sputnik. კვირას ღამით თითქმის ყველა ევროპულმა ქვეყანამ საათის ისრები ერთი საათით უკან გადაწია - ქვეყნები ზამთრის დროზე გადავიდნენ.

დრო ყველა სახელმწიფოში ერთდროულად იცვლება - კვირას დილის 4 საათზე, რადგან ეს მნიშვნელოვანია საერთაშორისო სარკინიგზო და საჰაერო გადაზიდვებისთვის. პროცესი ყოველთვის ერთ და იგივე დღეებში ხდება - მარტის და ოქტომბრის ბოლო კვირა დღეს. კვირის ადრეული დილა იმიტომ შეირჩა, რადგან ყველაზე ნაკლებ დისკომფორტს იწვევს, რადგან ამ დღეს ტრაფიკი ყველაზე ნაკლებია.

საათის ისრების გადაწევა მთელს ევროკავშირშია მიღებული.

ამჟამად რეალიზაციის პროცესშია ფინეთის ინიციატივა, რომელიც ევროკავშირში საათების ისრების გადაწევის პრაქტიკის შეწყვეტას გულისხმობს.

ევროპარლამენტმა 2019 წლის გაზაფხულზე კენჭი უყარა ფინეთის წინადადებას. მოსალოდნელია, რომ ეს იქნება ევროპარლამენტის და ევროპის კავშირის საბჭოს ერთობლივი გადაწყვეტილება. ამის შემდეგ ეს ინიციატივა ყველა წევრ სახელმწიფოში ეროვნულ დონეზე იქნება რატიფიცირებული.

ევროპის კავშირის საბჭოს ეს წინადადება ჯერ არ განუხილავს, ეს ნიშნავს, რომ გადაწყვეტილება შეიძლება ამოქმედდეს არა უადრეს 2022 წლისა. დროის შეცვლის შესახებ დისკუსიაც კორონავირუსის პანდემიის გამო გადაიდო.

საქართველო ზამთრის დროზე არ გადადის. საქართველოს პრეზიდენტის შესაბამისი ბრძანებულება „საქართველოს ტერიტორიაზე მოქმედი დროის ათვლის შესახებ“ 2005 წლის 20 ოქტომბერს გამოიცა. შესაბამისად, საქართველოში ოქტომბრის ბოლო კვირა დღეს საათის ისრები ერთი საათით უკან მას მერე არ გადაწეულა.

71
თემები:
მსოფლიო დღეს (2177)
რადიკალი ისლამისტები ავღანეთში

ავღანეთში „ალ-ქაიდას“ ერთ-ერთი ლიდერი მოკლეს

17
(განახლებულია 09:45 25.10.2020)
ალ-მასრი აშშ-ის გამოძიებათა ფედერალური ბიუროს (FBI) ყველაზე ძებნილი ტერორისტების სიაში ფიგურირებდა.

თბილისი, 25 ოქტომბერი — Sputnik. ავღანეთის უშიშროების ძალებმა ტერორისტული დაჯგუფება „ალ-ქაიდას“ ერთ-ერთი ლიდერი მოკლეს, იუწყება ტელეარხი TOLO News ავღანეთის უშიშროების ეროვნული დირექტორატის (NDS) განცხადებაზე დაყრდნობით. ამის შესახებ РИА Новости წერს.

„NDS... იუწყება, რომ „ალ-ქაიდას“ მეთაური აბუ მუჰსინა ალ-მასრი ლიკვიდირებულია ავღანეთის ძალების ოპერაციის დროს ღაზნის პროვინციის ანდარის რაიონში“, - იუწყება ტელეარხი.

როგორც სააგენტო Reuters-ი აღნიშნავს, ალ-მასრი აშშ-ის გამოძიებათა ფედერალური ბიუროს (FBI) ყველაზე

17
თემები:
მსოფლიო დღეს (2177)
კორონავირუსის ეპიდემია. ხალხი ქუჩაში

„დაბურული მინის“ ნიშანი : რა ცვლილებები აღმოაჩნდათ უსიმპტომო პაციენტებს

0
(განახლებულია 13:27 25.10.2020)
უსიმპტომო ინდფიცირებული ვერ გრძნობს ტემპერატურას და გამოხატულ სუბიექტურ სიმპტომებს. ამიტომაცაა ეს საყურადღებო, აცხადებს ცნობილი ექიმი

თბილისი, 24 ოქტომბერი — Sputnik. უსიმპტომო პაციენტების, რომლებიც კორონავირუსით არიან ინფიცირებულები, ფილტვებში გარკვეული ცვლილებები აღენიშნებათ, განაცხადა იმუნოლოგ-ალერგოლოგმა ბიძინა კულუმბეგოვმა.

მისი თქმით, აშშ-ის დაავადებათა კონტროლის ცენტრის მონაცემებით, ვირუსის მატარებელი ადამიანებიდან დაახლოებით 40% უსიმპტომოა, რაც თავის თავად საკმაოდ ბევრია, თუმცა მათაც გარკვეული ცვლილებები აღმოაჩნდათ.

„როდესაც ე.წ. „უსიმპტომო“ პაციენტები გამოიკვლიეს, აღმოჩნდა, რომ, კომპიუტერული ტომოგრაფიის გადაღების შემდეგ, ამ პაციენტების 50%-ს ფილტვში მაინც ჰქონდა ე.წ. „დაბურული მინის“ ნიშანი ანუ ანთებისთვის დამახასიათებელი ცვლილებები. ინფიცირებული უსიმპტომოა, ვერ გრძნობს ტემპერატურას და გამოხატულ სუბიექტურ სიმპტომებს. ამიტომაცაა ეს საყურადღებო“, - განაცხადა ბიძინა კულუმბეგოვმა.

მისი თქმით, ასეთი ადამიანები ამ დროს ავრცელებენ ინფექციას და სწორედ მათზე მოდის ინფექციის ელვისებური თუ ცეცხლისებური გავრცელების უზარმაზარი პროცენტი.

ამ დროისათვის მსოფლიოში კორონავირუსით ინფიცირების 42 641 728 შემთხვევაა გამოვლენილი, გარდაიცვალა 1 150 157. ამ მონაცემებს ჯონს ჰოპკინსის უნივერსიტეტი ავრცელებს.

რაც შეეხება საქართველოს, ახალი კორონავირუსით დაავადებულთა რაოდენობა ბოლო დღე-ღამეში 1928-ით გაიზარდა და საერთო რიცხვმა 28431-ს მიაღწია, გამოჯანმრთელებულთა რიცხვს 604 ადამიანი შეემატა, გარდაიცვალა 8 ადამიანი.

ამ დროისათვის სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

COVID-19-ის გეოგრაფია საქართველოში: თბილისში შემთხვევების რიცხვმა იკლო >>

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა. ჯანმომ კორონავირუსის აფეთქება პანდემიად 11 მარტს გამოაცხადა.

0
თემები:
COVID-19-ის პანდემია მსოფლიოში