ალა-ტოოს მოედანი ბიშკეკში

ყირგიზეთის ექს-პრეზიდენტზე თავდასხმა მოხდა: ვიდეო

46
(განახლებულია 21:21 09.10.2020)
ყირგიზეთის პრეზიდენტმა სოორონბაი ჟეენბეკოვმა ბიშკეკში საგანგებო მდგომარეობა გამოაცხადა, რომელიც დღეს, 9 ოქტომბერს ამოქმედდება.

თბილისი, 9 ოქტომბერი — Sputnik. ყირგიზეთის ყოფილ პრეზიდენტს ალმაზბეკ ატამბაევს თავდამსხმელებმა ცეცხლი გაუხსნეს, წერს Facebook-ზე პოლიტიკოსის მრჩეველი კუნდუზ ჟოლდუბაევი.

გავრცელებული ინფორმაციით, ატამბაევი უვნებლად გადარჩა, დაცხრილულია მისი ავტომობილი.

როგორც თავად ყოფილი პრეზიდენტი ამბობს, მან იცოდა, რომ თავდახმა მზადდებოდა.

მანამდე ბიშკეკში შეტაკება მოხდა ექს-პრეზიდენტ ატამბაევისა და ოპოზიციონერ სადირ ჟაპაროვის მომხრეებს შორის. მოწინააღმდეგეებმა ერთმანეთს ბოთლები და ქვები დაუშინეს, ისმოდა ცეცხლსასროლი იარაღიდან გასროლის მსგავსი ხმებიც.

როგორც მოვლენების თვითმხილველმა აცნობა რადიო Sputnik-ს, „დადის ხმები, რომ ხელისუფლება კომენდანტის საათის შემოღებას გეგმავს, თუმცა ოფიციალური ინფორმაცია ამის თაობაზე არ გავრცელებულა“.

აღსანიშნავია, რომ ყირგიზეთის პრეზიდენტმა სოორონბაი ჟეენბეკოვმა ბიშკეკში საგანგებო მდგომარეობა გამოაცხადა, რომელი დღეს, 9 ოქტომბერს ამოქმედდება.

სახელმწიფოს მეთაურმა აღნიშნული ზომები ქვეყანაში განვითარებული იმ მოვლენების გამო მიიღო, რომლებიც 4 ოქტომბრის საპარლამენტო არჩევნების შემდეგ დაიწყო. ცესკოს პირველადი მონაცემების გამოცხადებას ყირგიზეთში მღელვარება მოჰყვა. დემონსტრანტებმა აიღეს პარლამენტი, პატიმრობიდან გაათავისუფლეს ყოფილი პრეზიდენტი ალმაზბეკ ატამბაევი და მისი მომხრეები.

ამ პირობებში პრეზიდენტმა ჟეენბეკოვმა ბათილად ცნო არჩევნების შედეგები, ხოლო ხელისუფლებამ ცენტრალური საარჩევნო კომისიის დათხოვნისა და ახალი არჩევნების ჩატარების გადაწყვეტილება მიიღო. თუმცა ამ ნაბიჯებს მდგომარეობის სტაბილიზაცია არ მოჰყოლია.

 

46
თემები:
მსოფლიო დღეს (2161)
ემანუელ მაკრონი

მაკრონი რადიკალი ისლამისტების წინააღმდეგ ბრძოლას აძლიერებს

7
მანამდე საფრანგეთის პრეზიდენტმა უკვე განაცხადა, რომ რადიკალ ისლამისტებს საფრანგეთში „სიმშვიდე არ ეღირსებათ“

თბილისი, 21 ოქტომბერი — Sputnik. საფრანგეთის პრეზიდენტი ქვეყნის მოსახლეობას დაპირდა, რომ ხელისუფლება, სამუელ პატის მკვლელობის შემდეგ, რადიკალური ისლამისტების წინააღმდეგ ბრძოლას გააძლიერებს.

„ტერაქტის შემდეგ მე უკვე ვთქვი, რომ ვაპირებთ გავაძლიეროთ მოქმედება ამ მიმართულებიით. ამას საფრანგეთის ყველა მოქალაქე ელოდება“, — თქვა საფრანგეთის ლიდერმა სენ–დენიში გამოსვლისას.

მაკრონის თქმით, ბოლო დღეებში ამ მიმართულებით უკვე გადაიდგა კონკრეტული ნაბიჯები. მან ასევე აღნიშნა, რომ ისლამიზმთან ბრძოლის ფარგლებში, ოთხშაბათს მინისტრთა საბჭო დაშლის შეიხ იასინის პროპალესტინურ ჯგუფს, რომელიც პირდაპირ იყო ჩართული მასწავლებელ სამუელ პატის მკვლელობაში.

შეგახსენებთ: ისტორიის მასწავლებელი სამუელ პატი 16 ოქტომბერს მოკლა პარიზის მახლობლად 18 წლის ჩეჩენმა აბდულაჰ ანზოროვმა. ის კოლეჯთან დაუდარაჯდა პატის და თავი მოჰკვეთა პედაგოგს, რის შემდეგაც ფოტო– და ვიდეომასალა ინტერნეტში გამოაქვეყნა. მოგვიანებით ანზოროვი პოლიციამ მოკლა.

სამართალდამცველებმა გამოძიების პროცესში 16 ადამიანი დააკავა, მათ შორის იმ მეჩეთის იმამი, რომლის საიტზეც იყო გამოქვეყნებული  სამუელ პატის წინააღმდეგ წამქეზებელი ვიდეო.

უახლოეს საათებში: საფრანგეთი ქვეყნიდან 200-ზე მეტ უცხოელს აძევებს>>

პრეზიდენტმა მაკრონმა მასწავლებელზე თავდასხმა ტერორისტულ აქტად შეაფასა და განაცხადა, რომ „ისლამისტებს საფრანგეთში მშვიდი ძილი არ ეღირსებათ“. ამასთან, საფრანგეთის შინაგან საქმეთა მინისტრმა ჯერალდ დარმანენმა ხელი მოაწერა განკარგულებას ქვეყნიდან ორასზე მეტი რადიკალი ისლამისტის გაძევების შესახებ.  

 

7
თემები:
მსოფლიო დღეს (2161)
კორონავირუსის პანდემია

COVID-19-მა მორიგი რეკორდი დაამყარა: ჯანმომ ერთი კვირის შედეგები გამოაქვეყნა

33
(განახლებულია 10:35 21.10.2020)
ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა

თბილისი, 21 ოქტომბერი — Sputnik. გასულ კვირაში მსოფლიოში კორონავირუსი 2,4 ადამიანს დაუდასტურდა, რაც რეკორდულად მაღალი მაჩვენებელია პანდემიის დაწყებიდან, ნათქვამია ჯანდაცვის მსოფლიო ორგანიზაციის მასალებში.

„COVID-19–ის ახალი შემთხვევების რაოდენობა დაჩქარებულად იზრდება, თუმცა ახალი სიკვდილიანობის რაოდენობა შედარებით სტაბილური რჩება... ბოლო კვირაში დარეგისტრირებულია ინფიცირების 2,4 მლნ–ზე მეტი და სიკვდილის 36 ათასი შემთხვევა“, — აღნიშნულია ორგანიზაციის საინფორმაციო ბიულეტენში.

ამასთან ყველაზე მძიმე ეპიდემიური ვითარება შეინიშნება ჩრდილოეთ და სამხრეთ ამერიკაში, სადაც ინფიცირებულთა საერთო რაოდენობამ 18,8 მლნ კაცს გადააჭარბა.

რაც შეეხება ევროპას, გასულ კვირაში იქ დაავადების 25%-იანი ზრდა შეინიშნებოდა — ინფიცირებულთა რაოდენობამ 927 ათასით მოიმატა და 8 მილიონზე მეტი ადამიანი შეადგინა.

ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა.

33
თემები:
COVID-19-ის პანდემია მსოფლიოში
პოლიცია ბაზარში პირბადეების ტარებას აკონტროლებს

შსს ბაზრებსა და ბაზრობებზე Covid-19-ის პრევენციისთვის მონიტორინგს ახორციელებს

0
(განახლებულია 11:04 21.10.2020)
სექტემბრიდან მოყოლებული საქართველოში ეპიდემიური ვითარება  მკვეთრად გაუარესდა. ინფიცირებულთა რაოდენობამ თითქმის 20 ათასს მიაღწია

თბილისი, 21 ოქტომბერი - Sputnik. შსს-ს თანამშრომლები COVID–19-ის გავრცელების წინააღმდეგ მიმართული წესებისა და რეკომენდაციების აღსრულების მონიტორინგს აგრარული ბაზრებისა და ბაზრობების ტერიტორიებზე ინტენსიურ რეჟიმში ახორციელებენ, ნათქვამია უწყების მიერ გავრცელებულ განცახდებაში.

უწყების ცნობით, პატრულირება  დედაქალაქსა და საქართველოს ყველა დიდ ქალაქში არსებული აგრარული ბაზრების, აგრეთვე ბაზრობების ტერიტორიაზე მიმდინარეობს.

კერძოდ, სამართალდამცველები ბაზრებისა და ბაზრობების შესასვლელებთან, ასევე, შიდა პერიმეტრზე - სავაჭრო სივრცეში მოქალაქეების მიერ პირბადეების სწორად ტარებას და კორონავირუსის გავრცელების პრევენციისთვის მოქმედი წესების დაცვას აკონტროლებენ.

შინაგან საქმეთა სამინისტრო მოუწოდებს ყველა მოქალაქეს, დაიცვან სოციალური დისტანცია, სწორად ატარონ პირბადე და დაემორჩილონ პოლიციელთა მითითებებს.

საქართველოს ყველა სასურსათო ბაზარსა და ბაზრობაზე ჯანდაცვის სამინისტროს რეკომენდაციების საფუძველზე მუშაობის განსაკუთრებული წესებია შემოღებული, რაც კორონავირუსის გავრცელების აღკვეთას ემსახურება. მოვაჭრეებს უნდა ჰქონდეთ პირბადეები, ხელთათმანები და მუშაობის დაწყების წინ გაიარონ თერმოსკრინინგი. ეს ყველაფერი დირექციამ წერილობით უნდა დაადასტუროს. ასევე მნიშვნელოვანია სოციალური დისტანციის დაცვა როგორც მომხმარებლებს, ისე მოვაჭრეებს შორის.

სექტემბრიდან მოყოლებული ეპიდემიური ვითარება საქართველოში მკვეთრად გაუარესდა. ინფიცირებულთა რაოდენობა ყოველდღიურად, უკვე რამდენიმე დღეა, ათასს აჭარბებს. ასევე იზრდება გარდაცვლილთა რიცხვი.

დღევანდელი მონაცემებით, საქართველოში კოროვავირუსით ინფიცირებულთა რაოდენობამ 21 208-ს მიაღწია. ამ დროისათვის სულ გამოჯანმრთელდა 9 003 ადამიანი, გარდაიცვალა – 172.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში