დიაბეტი

გარღვევა დიაბეტის მკურნალობაში: აღმოჩენილია დაავადების „მართვის პულტი“

120
(განახლებულია 21:28 09.10.2020)
კვლევის ავტორების განცხადებით, მათ „დიაბეტის დისტანციური მართვის პულტს“ მიაგნეს, რაც სრულიად შემთხვევით მოხდა.

თბილისი, 9 ოქტომბერი ― Sputnik. ამერიკელმა მეცნიერებმა სისხლში შაქრის დონის გაკონტროლების ახალი, უსაფრთხო და არაინვაზიური მეთოდი შეიმუშავეს, იუწყება სამეცნიერო ჟურნალი Cell Metabolism.

მეცნიერთა აზრით, ეს აღმოჩენა შეიძლება იყოს ნახტომი მეორე ტიპის დიაბეტის მკურნალობაში. ახალი მიდგომა ემყარება ელექტრომაგნიტური ველის გამოყენებას, რომლებიც, როგორც ირკვევა, სისხლში შაქრის დონეზე გავლენას ახდენს და აიძულებს ორგანიზმს, უკეთესი რეაქცია გამოავლინოს ინსულინზე.

ირკვევა, რომ აღმოჩენა შემთხვევით გაკეთდა. მკვლევართა ჯგუფის ერთ-ერთი წევრი ელექტრომაგნიტური ველის გავლენას სწავლობდა ცხოველების ტვინსა და ქცევაზე, რა დროსაც აღმოაჩინა, რომ დიაბეტით დაავადებული საცდელი თაგვების ანალიზები ნორმაში მოვიდა.

სწორედ ამის შემდეგ დაიწყეს სწავლულებმა ელექტრომაგნიტური ველის გავლენის შესწავლა სისხლში შაქრის დონეზე. დადგინდა, რომ ეს ველი ცვლის ოქსიდანტების და ანტიოქსიდანტების ბალანსს ღვიძლში, რაც აუმჯობესებს კიდეც ორგანიზმის რეაქციას ინსულინზე.

ჰიპოთეზის დასადასტურებლად მკვლევარებმა დამატებითი ექსპერიმენტები ჩაატარეს თაგვებზე. ისინი ყოველდღიურად რამდენიმე საათის განმავლობაში ზემოქმედებდნენ მღრღნელებზე ელექტრომაგნიტური ველით. უკვე სამი დღის შემდეგ საცდელი თაგვების ორგანიზმი უკეთ რეაგირებდა ინსულინზე და ეფექტი დიდი ხნის განმავლობაში რჩებოდა.

მნიშვნელოვანია ის ფაქტი, რომ ადამიანის ღვიძლის უჯრედებზე ასეთივე დასხივებამ იდენტური შედეგი გამოიღო.

კვლევის ავტორების განცხადებით, მათ „დიაბეტის დისტანციური მართვის პულტს“ მიაგნეს. მათი თქმით, ელექტრომაგნიტური თერაპიის გამოყენება შესაძლებელია ძილის დროს ან მთელი დღის განმავლობაში.

120
თემები:
მსოფლიო და მეცნიერება (520)
დედოფალი ელიზაბეტი

ელიზაბეტ II-მ უკიდურესად იშვიათი პრეროგატივა გამოიყენა და მკვლელი შეიწყალა

2
(განახლებულია 12:35 20.10.2020)
დედოფლის შეწყალებას მხარს უჭერს გალანტის მიერ მოკლული მეხანძრის ოჯახიც - დაღუპულის ვაჟის თქმით, მომხდარი არის მაგალითი იმისა, თუ როგორ შეიძლება შეიცვალოს ადამიანი 

თბილისი, 20 ოქტომბერი — Sputnik. დიდი ბრიტანეთის დედოფალმა ელიზაბეტ II–მ უკიდურესად იშვიათი პრეროგატივა გამოიყენა და შეიწყალა მკვლელი, რომელმაც 2019 წლის ნოემბერში ლონდონის ხიდზე ტერორისტის შეჩერებაში მიიღო მონაწილეობა, იუწყება Daily Mail–ი.

​გავრცელებული ინფორმაციით, 42 წლის სტივენ გალანტი 2005 წელს დააპატიმრეს მეხანძრის მკვლელობისთვის და 17 წლით თავისუფლების აღკვეთა მიუსაჯეს. 2019 წლის 29 ნოემბერს, მიიღო რა ციხის ხელმძღვანელობისგან საპატიმროდან გასვლის უფლება პატიმრებისთვის სარეაბილიტაციო ღონისძიებაში მონაწილეობის მისაღებად, ის შემთხვევის წყალობით მოხვდა ლონდონის ხიდზე, სადაც 28 წლის უსმან ჰანი გამვლელებს დაესხა თავს მოსაკლავად. 

ირკვევა, რომ გალანტს იმ დღეს თან ჰქონდა ნარვალის (ზღვის ძუძუმწოვარა) ეშვი, რომელიც მას ერთ–ერთმა ჩინოვნიკმა აჩუქა. სწორედ ამ ეშვის დახმარებით შეაჩერა მან სხვა გამვლელებთან ერთად დანებითა და თვითმკვლელის ჟილეტის მულაჟით აღჭურვილი ჰანი პოლიციის მოსვლამდე. საბოლოოდ ტერორისტი სწორედ სამართალდამცველებმა მოკლეს.

მიმდინარე წლის 17 ოქტომბერს ბრიტანეთის იუსტიციის სამინისტრომ გაავრცელა ინფორმაცია, რომ დედოფალმა ელიზაბეტ II–მ გამოიყენა იშვიათი სამეფო პრეროგატივა გალანტის შეწყალების თაობაზე, რომლის ქმედებებიც ქვეყნის ხელისუფლებამ „უკიდურეს სიმამაცედ“ შეაფასა.

გამოცემის ინფორმაციით, მართალია, სტივენ გალანტის გათავისუფლების შესახებ საბოლოო გადაწყვეტილება სპეციალურმა კომისიამ უნდა მიიღოს, მაგრამ უარის თქმის შანსი თითქმის არ არსებობს.  

აღსანიშნავია ისიც, რომ დედოფლის შეწყალებას მხარს უჭერს გალანტის მიერ მოკლული მეხანძრის ოჯახიც. დაღუპულის ვაჟის თქმით, მომხდარი არის მაგალითი იმისა, თუ როგორ შეიძლება შეიცვალოს ადამიანი. 

შეგახსენებთ: უსმან ჰანი გამვლელებს გასული წლის 29 ნოემბერს დაესხა თავს ლონდონის ხიდზე და ხუთი ადამიანი დაჭრა, რომელთაგან ორი გარდაიცვალა. ცნობილია, რომ ჰანი, რომელიც 2012 წელს დააპატიმრეს ტერორიზმთან დაკავშირებული დანაშაულის გამო, 2018 წელს გათავისუფლდა ციხიდან.

2
თემები:
მსოფლიო დღეს
საფრანგეთის სენატი

საფრანგეთის სენატში მთიანი ყარაბაღის აღიარების პროექტი შევიდა

10
(განახლებულია 11:30 20.10.2020)
ფრანგი ​დეპუტატის თქმით, მთიან ყარაბაღში აზერბაიჯანისთვის წინააღმდეგობის გაწევა ნიშნავს თურქული ისლამიზმის ევროპაში შეღწევისთვის ხელის შეშლას

თბილისი, 20 ოქტომბერი — Sputnik. საფრანგეთის ეროვნული კრების დეპუტატმა ვალერი ბუაიემ სენატს მთიანი ყარაბაღს დამოუკიდებლობის აღიარების შესახებ პროექტი წარუდგინა.

„ამ კვირაში სენატს მთიანი ყარაბაღის აღიარებისა და თურქეთისა და აზერბაიჯანის ქმედებების დაგმობის შესახებ პროექტი წარვადგინე“, დაწერა ბუაიემ Twitter–ზე.

​დეპუტატის თქმით, მთიან ყარაბაღში აზერბაიჯანისთვის წინააღმდეგობის გაწევა ნიშნავს „ევროპაში თურქული ისლამიზმის შეღწევისთვის“ წინაღმდეგობის გაწევას.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

მთიან ყარაბაღში კონფრონტაციული რიტორიკა უნდა შეწყდეს: სერგეი ლავროვი>>

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

 

10
თემები:
მსოფლიო დღეს