პროტესტი ყირგიზეთში

ატამბაევი თავისუფალია, „თეთრი სახლი“ აღებული: რა ხდება ყირგიზეთში ვიდეო

127
(განახლებულია 14:22 06.10.2020)
არჩევნების შედეგებით უკმაყოფილო ადამიანებმა „თეთრი სახლი“ აიღეს და ყირგიზეთის ყოფილი პრეზიდენტი პატიმრობიდან გაათავისუფლეს.

თბილისი, 6 სექტემბერი — Sputnik. ყირგიზეთის დედაქალაქში დაწყებული საპროტესტო აქცია, რომელიც საპარლამენტო არჩევნების შედეგებით უკმაყოფილო პარტიებმა წამოიწყეს, ორშაბათს, საღამოს მილიციასთან შეტაკებაში გადაიზარდა, წერს „Sputnik–ყირგიზეთი“.

შეტაკება სამართალდამცველებსა და დემონსტრანტებს შორის რამდენიმე საათის განმავლობაში გძელდებოდა, რის შედეგაც დაშავდა 590 ადამიანი, ერთი კი დაიღუპა. 13 კაცი ამ დროისათვის რეანიმაციაშია.

სააგენტოს ინფორმაციით, მომიტინგეებმა, რომლებიც ხმის მიცემის შედეგების გაბათილებასა და ხელახალი არჩევნების ჩატარებას მოითხოვდნენ, ღამით „თეთრი სახლი“ აიღეს.

ამის შემდეგ დემონსტრანტები ეროვნული უშიშროების კომიტეტისკენ დაიძრნენ და პატიმრობიდან გაათავისუფლეს ქვეყნის ყოფილი პრეზიდენტი ალმაზბეკ ატამბაევი და მისი რამდენიმე თანამებრძოლი.

ყირგიზეთის ყოფილმა შინაგან საქმეთა მინისტრმა კურსან ასანოვმა, რომელიც ატამბაევის საქმეში სამხილების დამალვისთვის იყო გასამართლებული, თავი ბიშკეკის კომენდანტად გამოაცხადა. ხოლო დეპუტატმა ალმამბეტ შიკმამატოვმა გენერალური პროკურორის სავარძელი დაიკავა და საპარლამენტო არჩევნების შედეგები ბათილად გამოაცხადა.

დილის 9 საათისთვის პრეზიდენტის პრეს-მდივანმა გაავრცელა განცხადება, რომ  სოორონბაი ჟეენბეკოვმა შესაძლებლად მიიჩნია არჩევნების შედეგების გაუქმება, და რომ ამ დროისათვის ვითარებას პრეზიდენტი აკონტროლებს.

 

127
თემები:
მსოფლიო დღეს (2164)
გაზეთები

ისლამისტები ფრანგულ გაზეთს „ცეცხლით“ ემუქრებიან

21
(განახლებულია 18:00 21.10.2020)
ფრანგულმა რეგიონულმა მედიასაშუალებამ პირველ გვერდზე წინასწარმეტყველ მუჰამედის კარიკატურა გამოაქვეყნა ერთსიტყვიანი სათაურით.

თბილისი, 21 ოქტომბერი — Sputnik. ფრანგულმა რეგიონულმა გაზეთმა Nouvelle République მუქარები მიიღო მას შემდეგ, რაც წინასწარმეტყველ მუჰამედზე კარიკატურა გამოაქვეყნა ჟურნალ Charlie Hebdo-დან, განაცხადა გაზეთის მთავარმა რედაქტორმა კრისტოფ ერიგომ ტელეარხ BFMTV-სთან ინტერვიუში.

​მისი თქმით, აღნიშნული კარიკატურა მასწავლებელ სამუელ პატის მკვლელობიდან რამდენიმე დღის შემდეგ დაიბეჭდა გაზეთის პირველ გვერდზე ერთსიტყვიანი სათაურით INNOMABLE („სასტიკი“) და მას უზარმაზარი გამოხმაურება მოჰყვა.

ამასთან, კრისტოფერ ერიგოს განმარტებით, კომენტარების 99,9% დადებითია, თუმცა იყო მუქარის შემცველი გამოხმაურებებიც რედაქციის მისამართით: „უფრთხილდით ცეცხლს“, „ჩვენ გაგაფრთხილეთ“ და ა.შ., რის გამოც ჟურნალისტებმა სამართალდამცველ ორგანოებს უკვე მიმართეს.

გაზეთის რედაქტორი ამბობს, რომ კარიკატურის გამოქვეყნება სულაც არ ისახავდა მიზნად ვინმეს პროვოცირებას. მათ უბრალოდ სურდათ დაეგმოთ ძალადობა და მხარდაჭერა გამოეხატათ სიტყვის თავისუფლებისა და საფრანგეთის რესპუბლიკის ფასეულობებისადმი.

ამასთან მან ხაზგასმით აღნიშნა, რომ გამოცემა პატივისცემით ეპყრობა ყველა რელიგიას.

16 ოქტომბერს ისტორიის მასწავლებელ სამუელ პატის თავი მოკვეთა წარმოშობით ჩეჩენმა, 18 წლის აბდულაჰ ანზოროვმა, რის შემდეგაც ფოტო- და ვიდეომასალა ინტერნეტში გამოაქვეყნა. მოგვიანებით ანზოროვი პოლიციამ მოკლა.

საფრანგეთი ქვეყნიდან 200-ზე მეტ უცხოელს აძევებს>>

გავრცელებული ინფორმაციით, ისტორიის მასწავლებელი იმისთვის დაისაჯა, რომ გაკვეთილებზე სიტყვის თავისუფლებაზე მსჯელობისას წინასწარმეტყველ მუჰამედის კარიკატურები წარუდგინა მოსწავლეებს თვალსაჩინო მასალად.

 

21
თემები:
მსოფლიო დღეს (2164)
ქოქოსის კაკალი და ქოქოსის ზეთი

ქოქოსის ზეთი კორონავირუსს ანადგურებს: სენსაციური კვლევა

91
(განახლებულია 16:49 21.10.2020)
ირკვევა, რომ კვლევაში სუსტად ინფიცირებული 56 ადამიანი მონაწილეობდა, თუმცა ახლა იგივე სახის ტესტირება COVID-19-ით მძიმედ დაავადებულ ადამიანებზე ტარდება.

თბილისი, 21 ოქტომბერი — Sputnik. ქოქოსის ზეთს აქვს უნარი, გაანადგუროს დაავადება COVID-19-ის გამომწვევი კორონავირუსი SARS-CoV-2 და აღადგინოს იმუნური სისტემა ინფიცირებულ პაციენტებში, წერს International Business Times ფილიპინელ მეცნიერთა კვლევაზე დაყრდნობით.

ფილიპინების ჯანდაცვის კვლევისა და განვითარების საბჭოს მეცნიერებმა წარმოადგინეს კვლევის შედეგები, რომელშიც 56 ადამიანი მონაწილეობდა. ამასთან სპეციალისტებმა განმარტეს, რომ ეს პაციენტები მძიმე მდგომარეობაში არ იყვნენ.

მეცნიერთა აზრით, პირველი დაწურვის ქოქოსის ზეთის მოლეკულებს, სისხლში კორონავირუსის დაბალი დონის შემთხვევაში, ამ მაჩვენებლის შემცირება დაახლოებით 60-90%-ით შეუძლია. გარდა ამისა, ქოქოსის ზეთი ასევე ხელს უწყობს ადამიანის ორგანიზმის უჯრედების სიცოცხლისუნარიანობის გაზრდასაც.

გავრცელებული ინფორმაციით, ამ დროისათვის მსგავსი კვლევა COVID-19-ის მძიმე ფორმით დაავადებულ პაციენტებზე მიმდინარეობს ფილიპინების ერთ-ერთ ჰოსპიტალში.

მანამდე ინდოეთის ტექნოლოგიური ინსტიტუტის მეცნიერებმა ჟურნალში Journal of Biomolecular Structure and Dynamics გამოაქვეყნეს კვლევა, რომლის თანახმად, შავ პილპილში შემავალ ნივთიერება პიპერინს კორონავირუსი SARS-CoV-2-ის მოქმედების ბლოკირების უნარი აქვს. 

91
თემები:
მსოფლიო და მეცნიერება
ირაკლი კობახიძე

სპეცოპერაცია ზუგდიდში: კობახიძემ მედიასაშუალებები გააკრიტიკა

0
ამ დროისთვის შემთხვევის ადგილზე მობილიზებული არიან სამართალდამცველები, მიმდინარეობს დამნაშავის გაუვნებელყოფის ოპერაცია.

თბილისი, 21 ოქტომბერი - Sputnik. საგანგაშოა კონკრეტული მედიასაშუალებების მიერ განხორციელებული ქმედებები, რომელთა ნაწილი სისხლის სამართლის დანაშაულის ნიშნებსაც კი შეიცავს, განაცხადა პარტია „ქართული ოცნება - დემოკრატიული საქართველოს“ აღმასრულებელმა მდივანმა, ირაკლი კობახიძემ მედიასაშუალებების მიერ ზუგდიდში მიმდინარე მოვლენების შეფასებისას.

რამდენიმე საათის წინ ზუგდიდში, ზვიად გამსახურდიას გამზირზე მდებარე „საქართველოს ბანკის“ ფილიალზე თავდასხმა მოხდა. გავრცელებული ინფორმაციით, შეიარაღებულ პირს მძევლად 19 ადამიანი – ბანკის თანამშრომლები და კლიენტები ჰყავს აყვანილი.

კობახიძის განცხადებით,  გამაოგნებელია, როდესაც მედასაშუალების წარმომადგენელი პირდაპირ ეთერში აწარმოებს მოლაპარაკებებს დანაშაულის ჩამდენ პირთან.

„ამ ვითარებაში თითოეული ჩვენგანის მთავარი სურვილი მძევლების რაც შეიძლება სწრაფად და უვნებლად გათავისუფლებაა. მთავარია, სამართალდამცავ ორგანოებს მიეცეთ საკუთარი პასუხისმგებლობით მოქმედების შესაძლებლობა. განსაკუთრებული პასუხისმგებლობა მართებთ პოლიტიკოსებსა და ჟურნალისტებს, რათა მათმა მოქმედებებმა ხელი არ შეუშალოს დანაშაულის აღკვეთასა და მძევლების გათავისუფლებას“, -განაცხადა კობახიძემ.

გავრცელებული ინფორმაციით, თავდამსხმელი 500 ათას დოლარს და შენობიდან უსაფრთხოდ გასვლას ითხოვს და სამართალდამცველებს მოთხოვნების შესასრულებლად ორ საათს აძლევს.

შემთხვევის ადგილზე მობილიზებულია საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ამ დრომდე გრძელდება. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

0
თემები:
კრიმინალი საქართველოში