დონალდ ტრამპი

„უგუნური საქციელი“: ტრამპი საავადმყოფოდან ცოტა ხნით „გაიპარა“

75
(განახლებულია 12:18 05.10.2020)
კორონავირუსით ინფიცირებულმა დონალდ ტრამპმა ცოტა ხნით დატოვა საავადმყოფო, რათა მხარდამჭერებს მისალმებოდა

თბილისი, 5 ოქტომბერი — Sputnik. აშშ–ის პრეზიდენტის საქციელი, რომელიც მხარდამჭერებთან შესახვედრად გავიდა საავადმყოფოდან, უგუნურია, წერს  ექიმი ჯეიმს ფილიპსი საკუთარ Twitter-ზე. 

​მედიკოსის თქმით, ყველა ის პირი, რომელიც ავტომობილში იმყოფებოდა ამ „სრულიად არასაჭირო“ მგზავრობისას, 14 დღით უნდა მოთავსდეს კარანტინში.

„ისინი შეიძლება დაავადდნენ. შეიძლება მოკვდნენ. პოლიტიკური თეატრალური წარმოდგენის გამო. ტრამპმა მათ თეატრის გამო სიცოცხლის გარისკვა უბრძანა, ეს უგუნურებაა“, — წერს ფილიპსი.

აღნიშნულთან დაკავშირებით კომენტარი გააკეთა თეთრი სახლის წარმომადგენელმა ჯად დირმა და განაცხადა, რომ დონალდ ტრამპი მხარდამჭერებთან მისასალმებლად ექიმების ნებართვით წავიდა. ამასთან, პრეზიდენტის მგზავრობის დროს მიღებული იყო უსაფრთხოების ყველა აუცილებელი ზომა მისი თანმხლები პირების ინფიცირებისგან დასაცავად.

​აღსანიშნავია, რომ დონალდ ტრამპი საავადმყოფოსთან შეკრებილ მხარდამჭერებს ავტომობილიდან მიესალმა — ის მანქანიდან არ გადმოსულა, რის შემდეგაც კვლავ საავადმყოფოში დაბრუნდა. 

პრეზიდენტმა საკუთარ Twitter-ზე ატვირთა ავტომობილიდან გადაღებული ვიდეო და მადლობა გადაუხადა მომხრეებს. 

 

75
თემები:
მსოფლიო დღეს (2178)
თურქეთის პრეზიდენტი რეჯეფ თაიიფ ერდოღანი

ერდოღანმა განაცხადა, რომ არ ეშინია აშშ-ის სანქციების

14
თურქეთის ლიდერმა კომენტარი გააკეთა რამდენიმე ამერიკელი პოლიტიკოსის განცხადებებზე, რომლებიც ანკარის წინააღმდეგ სანქციების დაწესებას ეხებოდა

თბილისი, 25 ოქტომბერი — Sputnik. თურქეთს არ ეშინია ამერიკული სანქციების ყარაბაღის კონფლიქტში აზერბაიჯანის მხარდაჭერის გამო და არ წამოეგება აშშ-ის მუქარის ენას, რომლებიც С-400-ის ტიპის საჰაერო თავდაცვის რუსულ სისტემებზე უარის თქმას მოითხოვენ, განაცხადა თურქეთის პრეზიდენტმა რეჯეფ თაიიფ ერდოღანმა.

„ზოგიერთები ამერიკიდან ურეკავენ ჩემს ძმას ილჰამს (ალიევს, აზერბაიჯანის პრეზიდენტს - რედ.) და აცხადებენ, რომ იციან, ვინ უჭერს მხარს აზერბაიჯანს. ეს არის ერდოღანი და თურქეთი. ამერიკელები ანკარის წინააღმდეგ სანქციებით იმუქრებიან. ჩვენ კი ვპასუხობთ: „შენ (ამერიკა - რედ.) არ გესმის, ვისთან გაქვს საქმე. მიდი, შემოიღე, ნუღა აყოვნებ“, - განაცხადა თურქეთის პრეზიდენტმა ქალაქ მალათიაში. ტრანსლაცია პრეზიდენტის Twitter-ში მიმდინარეობდა.

გარდა ამისა, ერდოღანმა ყურადღება გაამახვილა აშშ-ის ხელისუფლების პოზიციაზე, რომლებმაც უარი თქვეს თურქული მხარისთვის მეხუთე თაობის  F-35-ის ტიპის თვითმფრინავების გადაცემაზე, რაშიც ანკარას თანხა უკვე გადახდილი ჰქონდა.

С-400-ის ტიპის საჰაერო თავდაცვის უახლესი რუსული სისტემების მიწოდება, რამაც თურქეთსა და აშშ-ს შორის კრიზისი გამოიწვია, 2019 წლის ივლისში დაიწყო. ვაშინგტონი გარიგებაზე უარის თქმას მოითხოვდა და სანაცვლოდ ამერიკული კომპლექსების - Patriot-ების შეძენას სთავაზობდა, წინააღმდეგ შემთხვევაში თურქეთისთვის F-35-ის ტიპის უახლესი გამანადგურებლების მიყიდვის შეჩერებით ან გაუქმებით იმუქრებოდა. ასევე გაისმა მუქარა „სანქციების მეშვეობით მოწინააღმდეგის შეკავების შესახებ“ კანონის (CAATSA) ფარგლებში სანქციების დაწესების შესახებ. ანკარამ უარი თქვა დათმობაზე და С-400-ის დამატებითი პარტიის შესახებ მოლაპარაკებები განაგრძო.

14
თემები:
ესკალაცია ყარაბაღში 2020
არჩევნები უკრაინაში

კენჭისყრა კარანტინის პირობებში: უკრაინელები ადგილობრივ თვითმმართველობას ირჩევენ

30
უკრაინელები მაჟორიტარული სისტემით ირჩევენ დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასამდე ამომრჩეველი ცხოვრობს

თბილისი, 25 ოქტომბერი – Sputnik. უკრაინაში კვირას ადგილობრივი თვითმმართველობის ორგანოების არჩევნები მიმდინარეობს, იუწყება РИА Новости.

წელს არჩევნები იმართება საერთო ეროვნული კარანტინის პირობებში, რომელიც კორონავირუსის აფეთქების გამო 12 მარტს დაწესდა და მინიმუმ წლის ბოლომდე გაგრძელდება. უბნებზე მისულ ამომრჩევლებს მოუწევთ რამდენიმე ეპიდსაწინააღმდეგო წესის დაცვა, რომლებიც მინისტრთა კაბინეტმა სექტემბერში ოფიციალურად დაამტკიცა.

ადგილობრივი არჩევნები ახალი საარჩევნო კანონით ტარდება. უკრაინელები მაჟორიტარული სისტემით ირჩევენ დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასამდე ამომრჩეველი ცხოვრობს. დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასზე მეტი ამომრჩეველი ცხოვრობს, პროპორციული სისტემით ღია სიებით ირჩევენ.

COVID-19-ის აქტიური ფორმის მქონე ამომრჩევლები, რომლებიც საავადმყოფოებში ან სახლში თვითიზოლაციაში იმყოფებიან, ხმის მიცემას მკურნალობის ადგილის მიხედვით გაცვლითი ბრიგადების დახმარებით შეძლებენ.

მიმდინარე არჩევნების შედეგები 6 ნოემბერს გაირკვევა და გამოქვეყნდება ხუთი დღის განმავლობაში, დიდ ქალაქებში მერის არჩევნების მეორე ტურის შემთხვევაში - არაუგვიანეს 20 ნოემბრისა. ადგილობრივი არჩევნები დონბასის ტერიტორიების ნაწილში არ გაიმართება.

უკრაინაში კორონავირუსით ინფიცირების შემთხვევების რაოდენობა ბოლო დღე-ღამეში 6088-ით გაიზარდა, გარდაიცვალა 102 ადამიანი. პანდემიის დაწყებიდან 25 ოქტომბრამდე ქვეყანაში 343 498 შემთხვევა გამოვლინდა, გამოჯანმრთელდა 141 508 ადამიანი, აქედან ბოლო დღე-ღამეში - 1753.

30
თემები:
მსოფლიო დღეს (2178)
ცესკო

არჩევნებამდე ერთ კვირაზე ნაკლები რჩება - რა წესები უნდა დაიცვათ უბანზე

0
კორონავირუსის პანდემიის გამო კაბინა მთლიანად დახურული არ იქნება, ხოლო კალამი, რომლითაც ამომრჩეველმა ბიულეტენი შეავსო, მან უბანზე სპეციალურ ყუთში უნდა გადააგდოს

თბილისი, 25 ოქტომბერი – Sputnik. ცენტრალურმა საარჩევნო კომისიამ (ცესკო) გააცნო მედიას ის წესები, რომლებიც არჩევნების დღეს ამომრჩევლებმა უბნებზე უნდა დაიცვან.

ცესკოს თავმჯდომარე თამარ ჟვანიას თქმით, საარჩევნო უბანზე შესვლისას ამომრჩეველს პირბადე უნდა ეკეთოს.

„ვისაც პირბადე არ ექნება, მას ადგილზე მისცემენ. ამის შემდეგ ის დეზობარიერს გაივლის... ამის შემდეგ ამომრჩეველი რიგის მომწესრიგებელთან მიდის, აჩვენებს პირადობის მოწმობას და პირბადეს იხსნის, რადგან მისი იდენტიფიცირება მოხდეს. პირბადის გაკეთების შემდეგ, მარკირება მოწმდება და ამის შემდეგ ხელზე დეზინფექცია უტარდება, მიდის მაგიდასთან“, – განაცხადა ჟვანიამ.

ამის შემდეგ ამომრჩეველი კვლავ მოიხსნის პირბადეს და აიღებს ინდივიდუალურ კალამს, რომლითაც ხელს მოაწერს. იღებს მისთვის განკუთვნილ ბიულეტენს და ამის შემდეგ შედის კაბინაში.

კორონავირუსის პანდემიის გამო კაბინა მთლიანად დახურული არ იქნება.

ცესკო: გადასატანი საარჩევნო ყუთის მიტანა 900-მდე ამომრჩეველმა მოითხოვა >>

„როდესაც ამომრჩეველი დააფიქსირებს საკუთარ არჩევანს, კალამს სპეციალურ ურნაში აგდებს და ამის შემდეგ ხდება ბიულეტენის ყუთში ჩაგდება. ამის შემდეგ ამომრჩეველი დატოვებს საარჩევნო უბანს“, - განაცხადა ჟვანიამ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

 

 

0
თემები:
საქართველოს საპარლამენტო არჩევნები 2020