კორონავირუსის პანდემია

განკურნების შემდეგ: COVID-19-მა ახალი საშიში შედეგები გამოავლინა

358
(განახლებულია 21:19 04.10.2020)
COVID-19-სგან განკურნებულ პაციენტებს შეიძლება მულტისისტემური ანთებითი სინდრომი განუვითარდეთ, რისი საფუძველიც მედიკოსებისთვის ჯერჯერობით უცნობია

თბილისი, 4 ოქტომბერი — Sputnik. პაციენტები, რომლებიც უკვე განიკურნენ COVID-19–სგან, შესაძლოა მულტისისტემური ანთებითი სინდრომით დაავადდნენ, აცხადებენ აშშ–ის დაავადებათა კონტროლის და პროფილაქტიკის ცენტრების სპეციალისტები, რომელთა ანგარიშიც ჟურნალ Morbidity and Mortality Weekly Report–შია გამოქვეყნებული.

ამერიკელი სწავლულების თქმით, სახიფათო გართულება ერთდროულად შეეხება ორგანოების უმეტესობას. ეს გამოიწვევს მაღალ ტემპერატურას, წნევის დაწევას, ჟანგბადის უკმარისობასა და ზოგ შემთხვევაში ორგანოების მუშაობის შეწყეტასაც კი, რაც, კლინიკური გამოვლინებით, კავასაკის სინდრომს უახლოვდება.

აღსანიშნავია, რომ მანამდე ასეთი გართულება ბავშვებში დაფიქსირდა, თუმცა ახლა ექიმებმა ის ზრდასრულებშიც შენიშნეს.

გავრცელებული ინფორმაციით, აღნიშნული გართულებები 21–დან 50 წლამდე ასაკის პაციენტებში გამოვლინდა. მათი ნაწილი ასევე უჩიოდა ცხელებას, გამონაყარს, საჭმლის მომნელებელი სისტემის პრობლემებსა და ასევე ტკივილებს მკერდში, ტაქიკარდიას.

ყურადღება, სლოკინი! კორონავირუსმა არატიპური სიმპტომი გამოავლინა>>

ცნობილი ხდება, რომ ათი პაციენტი ინტენსიური თერაპიის განყოფილებაში გადაიყვანეს, ხოლო ორი გარდაიცვალა.

მედიკოსების თქმით, რა მიზეზები უდევს საფუძვლად პოსტინფექციურ მულტისისტემურ ანთებით სინდრომს, ჯერჯერობით უცნობია.

 

358
თემები:
მსოფლიო და მეცნიერება (520)
ემანუელ მაკრონი

მაკრონი რადიკალი ისლამისტების წინააღმდეგ ბრძოლას აძლიერებს

7
მანამდე საფრანგეთის პრეზიდენტმა უკვე განაცხადა, რომ რადიკალ ისლამისტებს საფრანგეთში „სიმშვიდე არ ეღირსებათ“

თბილისი, 21 ოქტომბერი — Sputnik. საფრანგეთის პრეზიდენტი ქვეყნის მოსახლეობას დაპირდა, რომ ხელისუფლება, სამუელ პატის მკვლელობის შემდეგ, რადიკალური ისლამისტების წინააღმდეგ ბრძოლას გააძლიერებს.

„ტერაქტის შემდეგ მე უკვე ვთქვი, რომ ვაპირებთ გავაძლიეროთ მოქმედება ამ მიმართულებიით. ამას საფრანგეთის ყველა მოქალაქე ელოდება“, — თქვა საფრანგეთის ლიდერმა სენ–დენიში გამოსვლისას.

მაკრონის თქმით, ბოლო დღეებში ამ მიმართულებით უკვე გადაიდგა კონკრეტული ნაბიჯები. მან ასევე აღნიშნა, რომ ისლამიზმთან ბრძოლის ფარგლებში, ოთხშაბათს მინისტრთა საბჭო დაშლის შეიხ იასინის პროპალესტინურ ჯგუფს, რომელიც პირდაპირ იყო ჩართული მასწავლებელ სამუელ პატის მკვლელობაში.

შეგახსენებთ: ისტორიის მასწავლებელი სამუელ პატი 16 ოქტომბერს მოკლა პარიზის მახლობლად 18 წლის ჩეჩენმა აბდულაჰ ანზოროვმა. ის კოლეჯთან დაუდარაჯდა პატის და თავი მოჰკვეთა პედაგოგს, რის შემდეგაც ფოტო– და ვიდეომასალა ინტერნეტში გამოაქვეყნა. მოგვიანებით ანზოროვი პოლიციამ მოკლა.

სამართალდამცველებმა გამოძიების პროცესში 16 ადამიანი დააკავა, მათ შორის იმ მეჩეთის იმამი, რომლის საიტზეც იყო გამოქვეყნებული  სამუელ პატის წინააღმდეგ წამქეზებელი ვიდეო.

უახლოეს საათებში: საფრანგეთი ქვეყნიდან 200-ზე მეტ უცხოელს აძევებს>>

პრეზიდენტმა მაკრონმა მასწავლებელზე თავდასხმა ტერორისტულ აქტად შეაფასა და განაცხადა, რომ „ისლამისტებს საფრანგეთში მშვიდი ძილი არ ეღირსებათ“. ამასთან, საფრანგეთის შინაგან საქმეთა მინისტრმა ჯერალდ დარმანენმა ხელი მოაწერა განკარგულებას ქვეყნიდან ორასზე მეტი რადიკალი ისლამისტის გაძევების შესახებ.  

 

7
თემები:
მსოფლიო დღეს
კორონავირუსის პანდემია

COVID-19-მა მორიგი რეკორდი დაამყარა: ჯანმომ ერთი კვირის შედეგები გამოაქვეყნა

31
(განახლებულია 10:35 21.10.2020)
ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა

თბილისი, 21 ოქტომბერი — Sputnik. გასულ კვირაში მსოფლიოში კორონავირუსი 2,4 ადამიანს დაუდასტურდა, რაც რეკორდულად მაღალი მაჩვენებელია პანდემიის დაწყებიდან, ნათქვამია ჯანდაცვის მსოფლიო ორგანიზაციის მასალებში.

„COVID-19–ის ახალი შემთხვევების რაოდენობა დაჩქარებულად იზრდება, თუმცა ახალი სიკვდილიანობის რაოდენობა შედარებით სტაბილური რჩება... ბოლო კვირაში დარეგისტრირებულია ინფიცირების 2,4 მლნ–ზე მეტი და სიკვდილის 36 ათასი შემთხვევა“, — აღნიშნულია ორგანიზაციის საინფორმაციო ბიულეტენში.

ამასთან ყველაზე მძიმე ეპიდემიური ვითარება შეინიშნება ჩრდილოეთ და სამხრეთ ამერიკაში, სადაც ინფიცირებულთა საერთო რაოდენობამ 18,8 მლნ კაცს გადააჭარბა.

რაც შეეხება ევროპას, გასულ კვირაში იქ დაავადების 25%-იანი ზრდა შეინიშნებოდა — ინფიცირებულთა რაოდენობამ 927 ათასით მოიმატა და 8 მილიონზე მეტი ადამიანი შეადგინა.

ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება სულ 40 783 641 ადამიანს გამოუვლინდა, საიდანაც 1 124 753 გარდაიცვალა.

31
თემები:
COVID-19-ის პანდემია მსოფლიოში
პოლიცია ბაზარში პირბადეების ტარებას აკონტროლებს

შსს ბაზრებსა და ბაზრობებზე Covid-19-ის პრევენციისთვის მონიტორინგს ახორციელებს

0
(განახლებულია 11:04 21.10.2020)
სექტემბრიდან მოყოლებული საქართველოში ეპიდემიური ვითარება  მკვეთრად გაუარესდა. ინფიცირებულთა რაოდენობამ თითქმის 20 ათასს მიაღწია

თბილისი, 21 ოქტომბერი - Sputnik. შსს-ს თანამშრომლები COVID–19-ის გავრცელების წინააღმდეგ მიმართული წესებისა და რეკომენდაციების აღსრულების მონიტორინგს აგრარული ბაზრებისა და ბაზრობების ტერიტორიებზე ინტენსიურ რეჟიმში ახორციელებენ, ნათქვამია უწყების მიერ გავრცელებულ განცახდებაში.

უწყების ცნობით, პატრულირება  დედაქალაქსა და საქართველოს ყველა დიდ ქალაქში არსებული აგრარული ბაზრების, აგრეთვე ბაზრობების ტერიტორიაზე მიმდინარეობს.

კერძოდ, სამართალდამცველები ბაზრებისა და ბაზრობების შესასვლელებთან, ასევე, შიდა პერიმეტრზე - სავაჭრო სივრცეში მოქალაქეების მიერ პირბადეების სწორად ტარებას და კორონავირუსის გავრცელების პრევენციისთვის მოქმედი წესების დაცვას აკონტროლებენ.

შინაგან საქმეთა სამინისტრო მოუწოდებს ყველა მოქალაქეს, დაიცვან სოციალური დისტანცია, სწორად ატარონ პირბადე და დაემორჩილონ პოლიციელთა მითითებებს.

საქართველოს ყველა სასურსათო ბაზარსა და ბაზრობაზე ჯანდაცვის სამინისტროს რეკომენდაციების საფუძველზე მუშაობის განსაკუთრებული წესებია შემოღებული, რაც კორონავირუსის გავრცელების აღკვეთას ემსახურება. მოვაჭრეებს უნდა ჰქონდეთ პირბადეები, ხელთათმანები და მუშაობის დაწყების წინ გაიარონ თერმოსკრინინგი. ეს ყველაფერი დირექციამ წერილობით უნდა დაადასტუროს. ასევე მნიშვნელოვანია სოციალური დისტანციის დაცვა როგორც მომხმარებლებს, ისე მოვაჭრეებს შორის.

სექტემბრიდან მოყოლებული ეპიდემიური ვითარება საქართველოში მკვეთრად გაუარესდა. ინფიცირებულთა რაოდენობა ყოველდღიურად, უკვე რამდენიმე დღეა, ათასს აჭარბებს. ასევე იზრდება გარდაცვლილთა რიცხვი.

დღევანდელი მონაცემებით, საქართველოში კოროვავირუსით ინფიცირებულთა რაოდენობამ 21 208-ს მიაღწია. ამ დროისათვის სულ გამოჯანმრთელდა 9 003 ადამიანი, გარდაიცვალა – 172.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში