ასაკოვანი ადამიანები

შექმნილია „ხანდაზმულთა ვაქცინა“ კორონავირუსის წინააღმდეგ: ქვეყნდება დეტალები

76
(განახლებულია 12:33 02.10.2020)
ამერიკელი მეცნიერების მიერ შექმნილი „ხანდაზმულთა ვაქცინა“ კორონავირუსის წინააღმდეგ, ამ დროისათვის კვლევების ფინალურ სტადიაზეა

თბილისი, 2 ოქტომბერი — Sputnik. ამერიკელმა მეცნიერებმა შექმნეს კორონავირუსის საწინააღმდეგო ვაქცინა, რომელიც, წინასწარი მონაცემებით, ეწფექტურად დაიცავს ინფიცირებისგან ხანდაზმულ ადამიანებს, იუწყება გამოცემა Nature.

გავრცელებული ინფორმაციით, ვაქცინა, რომელიც ბიოტექნოლოგიურმა კომპანია Moderna–მ შექმნა აშშ–ს ალერგიისა და ინფექციური დაავადებების ეროვნულ ინსტიტუტთან ერთად, ამ დროისათვის გამოცდის ფინალურ სტადიაზეა.

აღნიშნული ვაქცინა გამოიცადა ასაკოვან ადამიანებზეც. ტესტირებისას დადგინდა, რომ პრეპარატის ინექცია რისკის ჯგუფის პაციენტების ორგანიზმში COVID–19–ის საწინააღმდეგო ანტისხეულებს დიდი რაოდენობით წარმოქმნის.

კვლევამ, რომელშიც 56 წელზე უფროსი ასაკის ორმოცი ადამიანი იღებდა მონაწილეობას, დაადასტურა, რომ პაციენტების ორგანიზმში რამდენიმე ტიპის ანტისხეულები გამომუშავდა — იმუნური მოლეკულები, რომელთა დანიშნულებაც მავნე ინფექციებთან ბრძოლაა. კერძოდ, კვლევის მონაწილეების ორგანიზმში წარმოიქმნა გამანეიტრალებელი ანტისხეულები, რომლებსაც დაავადების აღმძვრელების ბლოკირების უნარი აქვთ.

ირკვევა, რომ ვაქცინის მეორედ შეყვანის შემდეგ კვლევის მონაწილეებს ანტისხეულების ისეთივე დონე დაუფიქსირდათ, როგორიც საკონტროლო ჯგუფის წევრებს. ამ უკანასკნელში შედიოდნენ ადამიანები, რომლებიც COVID-19-სგან ბუნებრივი გზით განიკურნენ.

ამასთან მეცნიერები ხაზს უსვამენ, რომ ახალ ვაქცინას გვერდითი ეფექტები გამოუვლინდა, თუმცა „მსუბუქი და ზომიერი ფორმით“.

 

76
თემები:
მსოფლიო და მეცნიერება (532)
უძველესი მონეტები

ტურისტმა წაქცეული ხის ძირში უძველესი განძი იპოვა

72
(განახლებულია 21:18 27.10.2020)
სპეციალისტებმა მცირე მონაკვეთის გათხრის შემდეგ შუა საუკუნეებში მოჭრილი რამდენიმე ათეული მონეტა იპოვეს, რომელთა საერთო ღირებულება ჯერ დადგენილი არ არის.

თბილისი, 27 ოქტომბერი — Sputnik. შემთხვევით გავლილმა ტურისტმა წაქცეული ხის ფესვებში უძველესი განძი იპოვა, იუწყება სლოვაკეთის ძეგლთა დაცვის სამმართველო.

გავრცელებული ინფორმაციით, ტურისტმა სლოვაკეთის ქალაქ ტრნავეში ხის ძირში ვერცხლის უსწორმასწორო ფირფიტები შენიშნა დრაკონის გამოსახულებით და ნაპოვნის შესახებ ძეგლთა დაცვის სამმართველოს აცნობა. ორგანიზაციამ მაშინვე თავისი სპეციალისტები გაგზავნა ადგილზე, რომლებმაც ხის გარშემო ლითონის საძიებო ხელსაწყოებით განსაზღვრეს მათთვის საინტერესო 25X20 სმ ფართობის მონაკვეთი.

ადგილის გათხრის შემდეგ მიწაში შუა საკუნეებში მოჭრილი რამდენიმე ათეული მონეტა აღმოაჩინეს. განძის უდიდეს ნაწილს ვენური პფენინგები შეადგენდა. იქვე იყო ყალბი პფენინგები, რომლებიც 1251–1330 წლებში იყო მოჭრილი უნგრეთში.

„XIV საუკუნის შუა წლებში ადგილობრივი მოსახლეობა ხშირად მალავდა მიწაში ქონებას, განსაკუთრებით მონეტებს. ეს ყოველმხრივ არასტაბილური დრო იყო და ადამიანები ცდილობდნენ, დაეცვათ ქონება როგორც შემოსეული მტრის, ისე მძარცველებისგან“, — ამბობს ექსპერტი მატუშ სლადოკი.

სულ წაქცეული ხის ძირში სპეციალისტებმა 147 მონეტა აღმოაჩინეს, რომელთა შეფასების შემდეგ მათ მპოვნელ ტურისტს სახელმწიფოსგან პრემია გადაეცემა.

 

72
თემები:
მსოფლიო დღეს
სერგეი ლავროვი

ნავალნის ინციდენტი: ლავროვმა ევროკავშირის მიერ დაწესებულ სანქციებზე კომენტარი გააკეთა

11
(განახლებულია 20:45 27.10.2020)
რუსეთის პირველ დიპლომატს მიაჩნია, რომ დასავლეთმა რუსეთის განვითარების შესაკავებლად ძალისხმევა გააორმაგა, თუმცა მოსკოვის დანაშაულის მტკიცებულებები არ წარმოუდგენია.

თბილისი, 27 ოქტომბერი — Sputnik. გერმანიისა და საფრანგეთის მიერ ინიცირებული სანქციები ალექსეი ნავალნის ინციდენტის გამო წარმოაჩენს ევროკავშირის უუნარობას, ადეკვატურად შეაფასოს მომხდარი, განაცხადა რუსეთის საგარეო საქმეთა მინისტრმა სერგეი ლავროვმა.

15 ოქტომბერს ბრიუსელმა შეზღუდვები დაუწესა რუსეთის ხუთ მოქალაქეს და ასევე სამეცნიერო ინსტიტუტს, რაზეც მოსკოვმა სარკისებურად რეაგირების პირობა დადო.

როგორც საინფორმაციო სააგენტო РИА Новости წერს, სერგეი ლავროვმა საზოგადოებას შეახსენა ბერლინის „ქედმაღლური უარი“, პასუხი გაეცა რუსეთის გენერალური პროკურორის მრავალრიცხოვან განაცხადებზე ნავალნის საქმესთან დაკავშირებით. დიპლომატის აზრით, ამით ბერლინმა დაარღვია ევროპული კონვენცია, რომელიც გერმანიას სისხლის სამართლის საქმეებზე სამართლებრივ ურთიერთდახმარებას ავალდებულებს.

„ამ საერთაშორისო სამართლებრივი დოკუმენტის პატივისცემის ნაცვლად გერმანიისა და საფრანგეთის წარმომადგენლებმა ევროკავშირის არალეგიტიმური სანქციების მორიგი ულუფის ინიციატივა წამოაყენეს რუსეთის მოქალაქეების მიმართ. ყველაფერი ეს მეტად სამწუხაროა და წარმოაჩენს <...> [ბრიუსელის] სწრაფვას, კანონის გარეთ დააყენოს თავი“, — განაცხადა ლავროვმა ხორვატიულ გაზეთ „საღამოს ფურცელთან“ ინტერვიუში.

მინისტრის თქმით, დასავლელი კოლეგების ანტირუსულ გამოხდომებს, რომლებსაც დაავიწყდათ, რა არის დიპლომატია და ბანალურ თავხედობამდე დაეშვნენ, მოსკოვი უპასუხოდ არ დატოვებს.

დიპლომატმა აღნიშნა, რომ ვაშინგტონმა და ბრიუსელმა გააორმაგეს რუსეთის განვითარების შემაკავებელი ძალისხმევა, თუმცა არანაირი მტკიცებულება მოსკოვის დანაშაულისა არ წარმოუდგენიათ.  

ლავროვს იმედი აქვს, რომ ევროპელ პარტნიორებს ჯანსაღი აზრი და შორსმჭვრეტელობა ეყოფათ დიალოგის აღსადგენად.

ალექსეი ნავალნის ინციდენტი

ალექსეი ნავალნი მიმდინარე წლის 20 აგვისტოს გადაიყვანეს ომსკის ჰოსპიტალში მას შემდეგ, რაც ის შეუძლოდ გახდა თვითმფრინავში. გამოკვლევის შემდეგ ომსკელმა ექიმებმა პაციენტის ცუდად გახდომის ძირითად მიზეზად ნივთიერებათა ცვლის დარღვევა დაასახელს, რამაც სისხლში შაქრის დონის მკვეთრი ცვლილება გამოიწვია. ომსკელ მედიკოსებს ნავალნის სისხლსა და შარდში საწამლავის ნიშნები არ აღმოუჩენიათ.

მოგვიანებით ბლოგერი გერმანიაში გადააფრინეს. გერმანიის მთავრობამ სამხედრო ექიმებზე დაყრდნობით განაცხადა, რომ ნავალნი „ნოვიჩოკის“ ჯგუფის სუბსტანციითაა მოწამლული. კრემლში ამასთან დაკავშირებით ითქვა, რომ ბერლინს არ უცნობებია მოსკოვისთვის თავისი დასკვნები, ხოლო რუსეთის საგარეო საქმეთა სამინისტრომ აღნიშნა, რომ რუსეთი გერმანიისგან პასუხს ელოდება ამ საქმესთან დაკავშირებულ ოფიციალურ მოთხოვნაზე. თუმცა პასუხი არ ყოფილა.

ალექსანდრ საბაევი: ნავალნის „მოწამვლის“ დიაგნოზი არ დაუდასტურდა>>

ამასთან რუსეთი აცხადებს, რომ გერმანიის დაზვერვას (BND) 1990-იანი წლებიდან აქვს წვდომა „ნოვიჩოკზე“, ხოლო კიდევ ოცი დასავლური ქვეყანა, მათ შორის, დიდი ბრიტანეთი, აშშ, შვედეთი და ჩეხეთი სწავლობდნენ მას. რაც შეეხება რუსეთს, მოსკოვის განმარტებით, პრეზიდენტის 1992 წლის ბრძანებულების შესაბამისად, ქვეყანამ შეწყვიტა ქიმიური იარაღის სფეროში სამუშაოების წარმოება, ხოლო 2017 წელს სრულად გაანადგურა ამგვარი ნივთიერებების არსებული მარაგი.

ოქტომბრის დასაწყისში ქიმიური იარაღის აკრძალვის ორგანიზაციამ განაცხადა, რომ ნავალნის ორგანიზმში აღმოჩენილი ნივთიერებები არ არის შესული აკრძალული პრეპარატების ნუსხაში, თუმცა ისინი მახასიათებლებით „ნოვიჩოკის“ ანალოგიურია. მიუხედავად ამისა, ევროკავშირმა მაინც დააწესა ანტირუსული სანქციები.

აღსანიშნავია, რომ ამ დროისათვის ალექსეი ნავალნის მდგომარეობა გაუმჯობესებულია და ის რეაბილიტაციის კურსს გადის.

 

11
თემები:
რუსეთი დღეს
ცარიელი საკლასო ოთახი

კახეთის ერთ-ერთ სკოლაში კორონავირუსი სამ მოსწავლეს დაუდასტურდა

0
ამ დროისთვის კახეთის რეგიონში კორონავირუსით ინფიცირებულთა რაოდენობა 362-ია. რეგიონში Covid-19-ით გარდაცვალების არცერთი შემთხვევა არ დაფიქსირებულა.

თბილისი, 27 ოქტომბერი - Sputnik. ყვარლის ერთ-ერთი საჯარო სკოლაში კორონავირუსი სკოლის სამ მოსწავლეს დაუდასტურდა, იუწყება პირველი არხი.

სკოლა ხვალიდან დისტანციური სწავლების რეჟიმზე გადავა. დაავადებათა კონტროლის ეროვნული ცენტრის კახეთის განყოფილების ხელმძღვანელის, ნელი ხიზანიშვილის ინფორმაციით, ინფიცირებულები ერთი ოჯახის წევრები არიან და ისინი დადასტურებული შემთხვევის კონტაქტები არიან.

ამ დროისთვის კახეთის რეგიონში კორონავირუსით ინფიცირებულთა რაოდენობა 362-ია. რეგიონში Covid-19-ით გარდაცვალების არცერთი შემთხვევა არ დაფიქსირებულა.

საკლასო ოთახებში სწავლის განახლების შემდეგ კორონავირუსით ინფიცირების ფაქტი საქართველოს მასშტაბით უკვე არაერთ სკოლაში დაფიქსირდა.

კორონავირუსის გავრცელების პრევენციის მიზნით შემუშავებული რეგულაციების თანახმად, რომელიმე სკოლაში კორონავირუსით ინფიცირების ფაქტის დადასტურების შემთხვევაში, საჭიროებიდან გამომდინარე, პედაგოგები და მოსწავლეები (იქნება ეს კლასი, ესა თუ ის სართული, მთლიანად სკოლა და ა.შ.) თვითიზოლაციაში გადადიან, სწავლა კი დისტანციურ რეჟიმში გრძელდება. ასევე სკოლას უტარდება დეზინფექცია.

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურ რეჟიმში მიმდინარეობს.

საქართველოს ოთხ ქალაქში – თბილისში, ზუგდიდში, რუსთავსა და ქუთაისში, სადაც სკოლებში სწავლა 1 ოქტომბრიდან განახლდა. განათლების სამინისტრომ დაწყებითი კლასების მოსწავლეების მშობლებს არჩევანის საშუალება მისცა – ბავშვები სკოლაში ივლიდნენ ან ონლაინ–რეჟიმში გააგრძელებდნენ სწავლას. მეშვიდე და უფროსი კლასების მოსწავლეები კი დისტანციურ რეჟიმში სწავლობენ.

კორონავირუსის პანდემიის პირობებში საქართველოში I-VI კლასების 130 ათასი მოსწავლიდან დაახლოებით 10 ათასმა მოსწავლემ სწავლის დისტანციური რეჟიმი აირჩია.

რუსთავში კორონავირუსისგან გამოჯანმრთელებული 21 წლის ბიჭი გარდაიცვალა >>

საქართველოში ბოლო დღე–ღამეში კორონავირუსით დაავადებულთა რაოდენობა 1824-ით გაიზარდა და 32127-ს მიაღწია. სულ გამოჯანმრთელდა 12632 ადამიანი, გარდაიცვალა – 238.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში