ტრამპი, პუტინი და მაკრონი მთიან ყარაბაღთან დაკავშირებით განცხადებას ავრცელებენ

© photo: Sputnik / Ministry of Defence of Azerbaijan / გადასვლა მედიაბანკშიაზერბაიჯანელი სამხედროები
აზერბაიჯანელი სამხედროები - Sputnik საქართველო
გამოწერა
სამი ქვეყნის ლიდერებმა აზერბაიჯანისა და სომხეთის ლიდერებს მოუწოდეს, სასწრაფოდ აღადგინონ მოლაპარაკებები დარეგულირების საკითხებზე ეუთოს მინსკის ჯგუფის ხელშეწყობით.

თბილისი, 1 ოქტომბერი — Sputnik. დონალდ ტრამპმა, ვლადიმირ პუტინმა და ემანუელ მაკრონმა, რომლებიც ეუთოს მინსკის ჯგუფის თანათავმჯდომარე ქვეყნებს წარმოადგენენ, მოუწოდეს აზრებაიჯანსა და სომხეთს, დაუყოვნებლივ შეწყვიტონ შეიარაღებული დაპირისპირება მთიან ყარაბაღში.   

ილჰამ ალიევი - Sputnik საქართველო
„დიალოგისკენ მოწოდება უადგილოა“ – ალიევი ყარაბაღის კონფლიქტის შესახებ
„მონაწილე მხარეებს მოვუწოდებთ, დაუყოვნებლივ შეწყვიტონ საომარი მოქმედებები შეიარაღებულ ძალებს შორის“, — ნათქვამია განცხადებაში.

ამასთან სამი ქვეყნის ლიდერებმა აზერბაიჯანისა და სომხეთის ლიდერებს მიმართეს მოთხოვნით, სასწრაფოდ აიღონ ვალდებულება – კეთილსინდისიერად და წინასწარი პირობების წამოყენების გარეშე აღადგინონ მოლაპარაკებები დარეგულირების საკითხებზე ეუთოს მინსკის ჯგუფის ხელშეწყობით.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

Георгий Гахария - Sputnik საქართველო
გახარიამ აზერბაიჯანსა და სომხეთს თბილისში შეხვედრის გამართვა შესთავაზა

რიგმა ქვეყნებმა და საერთაშორისო ორგანიზაციებმა, მათ შორის საქართველომ, მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

ყველა ახალი ამბავი
0