თბილისი, 1 ოქტომბერი — Sputnik. ბრიტანულმა სამაშველო სამსახურებმა წარმატებით გამოსცადეს მსოფლიოში პირველი რეაქტიული ზურგჩანთა პარამედიკოსებისთვის, იუწყება სასწრაფო სამედიცინო დახმარების სამსახური Great North.
გავრცელებული ინფორმაციით, კომპანია Gravity Industries-ის დამფუძნებელმა რიჩარდ ბრაუნინგმა საცდელი ფრენისას „შემთხვევის“ ადგილამდე სულ რაღაც 90 წამში მიაღწია ზურგჩანთის მეშვეობით. და ეს მაშინ, როცა ადგილამდე ფეხით მისვლას მაშველებმა 25 წუთი მოანდომეს.
ტესტირებამ აჩვენა, რაოდენ დიდი პოტენციალი აქვს რეაქტიული ზურგჩანთების გამოყენებას სამედიცინო დახმარების გაწევის მხრივ კრიტიკულ სიტუაციებში.
