ოპერაცია

ექიმებმა პაციენტს კუჭიდან 25 სმ სიგრძის არმატურა ამოუღეს: ვიდეო საოპერაციოდან

115
(განახლებულია 20:00 29.09.2020)
პაციენტის თქმით, არმატურა ორ წელზე მეტი ხნის წინ გადაყლაპა, როდესაც საგამოძიებო იზოლატორში იმყოფებოდა.

თბილისი, 29 სექტემბერი — Sputnik. ალმათის მე-4 კლინიკური საავადმყოფოს ქირურგებმა მამაკაცს კუჭიდან 25 სმ სიგრძის არმატურა ამოუღეს, იუწყება „Sputnik–ყაზახეთი“.

როგორც ქალაქის ჯანდაცვის ადმინისტრაციაში იტყობინებიან, მამაკაცი ორ-ნახევარი წლის განმავლობაში ცხოვრობდა რკინის ნაჭრით სხეულში და ამ პრობლემის გამო მხოლოდ ახლაღა მიმართა ექიმებს.

პაციენტის თქმით, არმატურა ორ წელზე მეტი ხნის წინ გადაყლაპა, როდესაც საგამოძიებო იზოლატორში იმყოფებოდა.

გავრცელებული ინფორმაციით, მამაკაცმა საავადმყოფოს მწვავე ტკივილებით 28 სექტემბერს მიმართა. პაციენტს რენტგენოდიაგნოსტიკა ჩაუტარდა და ის მაშინვე საოპერაციოდ გადაიყვანეს.

ოპერაციამ წარმატებით ჩაიარა. ექვსკაციანმა საოპერაციო ჯგუფმა დავალებას თავი 54 წუთში გაართვა.

115
თემები:
მსოფლიო დღეს (2178)
არჩევნები უკრაინაში

კენჭისყრა კარანტინის პირობებში: უკრაინელები ადგილობრივ თვითმმართველობას ირჩევენ

13
უკრაინელები მაჟორიტარული სისტემით ირჩევენ დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასამდე ამომრჩეველი ცხოვრობს

თბილისი, 25 ოქტომბერი – Sputnik. უკრაინაში კვირას ადგილობრივი თვითმმართველობის ორგანოების არჩევნები მიმდინარეობს, იუწყება РИА Новости.

წელს არჩევნები იმართება საერთო ეროვნული კარანტინის პირობებში, რომელიც კორონავირუსის აფეთქების გამო 12 მარტს დაწესდა და მინიმუმ წლის ბოლომდე გაგრძელდება. უბნებზე მისულ ამომრჩევლებს მოუწევთ რამდენიმე ეპიდსაწინააღმდეგო წესის დაცვა, რომლებიც მინისტრთა კაბინეტმა სექტემბერში ოფიციალურად დაამტკიცა.

ადგილობრივი არჩევნები ახალი საარჩევნო კანონით ტარდება. უკრაინელები მაჟორიტარული სისტემით ირჩევენ დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასამდე ამომრჩეველი ცხოვრობს. დეპუტატებს და იმ ტერიტორიული თემების სოფლების, დაბების და ქალაქების საბჭოების თავმჯდომარეებს, სადაც 10 ათასზე მეტი ამომრჩეველი ცხოვრობს, პროპორციული სისტემით ღია სიებით ირჩევენ.

COVID-19-ის აქტიური ფორმის მქონე ამომრჩევლები, რომლებიც საავადმყოფოებში ან სახლში თვითიზოლაციაში იმყოფებიან, ხმის მიცემას მკურნალობის ადგილის მიხედვით გაცვლითი ბრიგადების დახმარებით შეძლებენ.

მიმდინარე არჩევნების შედეგები 6 ნოემბერს გაირკვევა და გამოქვეყნდება ხუთი დღის განმავლობაში, დიდ ქალაქებში მერის არჩევნების მეორე ტურის შემთხვევაში - არაუგვიანეს 20 ნოემბრისა. ადგილობრივი არჩევნები დონბასის ტერიტორიების ნაწილში არ გაიმართება.

უკრაინაში კორონავირუსით ინფიცირების შემთხვევების რაოდენობა ბოლო დღე-ღამეში 6088-ით გაიზარდა, გარდაიცვალა 102 ადამიანი. პანდემიის დაწყებიდან 25 ოქტომბრამდე ქვეყანაში 343 498 შემთხვევა გამოვლინდა, გამოჯანმრთელდა 141 508 ადამიანი, აქედან ბოლო დღე-ღამეში - 1753.

13
თემები:
მსოფლიო დღეს (2178)
საათის გადაწევა

ევროპის ქვეყნები ზამთრის დროზე გადავიდნენ

114
(განახლებულია 11:32 25.10.2020)
ევროკავშირის ყველა სახელმწიფოში დრო ერთნაირად იცვლება - კვირას დილის 4 საათზე, რადგან ეს მნიშვნელოვანია საერთაშორისო სარკინიგზო და საჰაერო გადაზიდვებისთვის

თბილისი, 25 ოქტომბერი — Sputnik. კვირას ღამით თითქმის ყველა ევროპულმა ქვეყანამ საათის ისრები ერთი საათით უკან გადაწია - ქვეყნები ზამთრის დროზე გადავიდნენ.

დრო ყველა სახელმწიფოში ერთდროულად იცვლება - კვირას დილის 4 საათზე, რადგან ეს მნიშვნელოვანია საერთაშორისო სარკინიგზო და საჰაერო გადაზიდვებისთვის. პროცესი ყოველთვის ერთ და იგივე დღეებში ხდება - მარტის და ოქტომბრის ბოლო კვირა დღეს. კვირის ადრეული დილა იმიტომ შეირჩა, რადგან ყველაზე ნაკლებ დისკომფორტს იწვევს, რადგან ამ დღეს ტრაფიკი ყველაზე ნაკლებია.

საათის ისრების გადაწევა მთელს ევროკავშირშია მიღებული.

ამჟამად რეალიზაციის პროცესშია ფინეთის ინიციატივა, რომელიც ევროკავშირში საათების ისრების გადაწევის პრაქტიკის შეწყვეტას გულისხმობს.

ევროპარლამენტმა 2019 წლის გაზაფხულზე კენჭი უყარა ფინეთის წინადადებას. მოსალოდნელია, რომ ეს იქნება ევროპარლამენტის და ევროპის კავშირის საბჭოს ერთობლივი გადაწყვეტილება. ამის შემდეგ ეს ინიციატივა ყველა წევრ სახელმწიფოში ეროვნულ დონეზე იქნება რატიფიცირებული.

ევროპის კავშირის საბჭოს ეს წინადადება ჯერ არ განუხილავს, ეს ნიშნავს, რომ გადაწყვეტილება შეიძლება ამოქმედდეს არა უადრეს 2022 წლისა. დროის შეცვლის შესახებ დისკუსიაც კორონავირუსის პანდემიის გამო გადაიდო.

საქართველო ზამთრის დროზე არ გადადის. საქართველოს პრეზიდენტის შესაბამისი ბრძანებულება „საქართველოს ტერიტორიაზე მოქმედი დროის ათვლის შესახებ“ 2005 წლის 20 ოქტომბერს გამოიცა. შესაბამისად, საქართველოში ოქტომბრის ბოლო კვირა დღეს საათის ისრები ერთი საათით უკან მას მერე არ გადაწეულა.

114
თემები:
მსოფლიო დღეს (2178)
„თიბისი ბანკის“ მთავარი ოფისი

საქართველოს ბანკები მზად არიან სასესხო დავალიანებების რესტრუქტურიზაციისთვის

0
დღეისათვის მთავარ პრობლემას წარმოადგენს წინა გადავადებების დროს დაგროვილი დარიცხული პროცენტები და დღეს მათი კაპიტალიზაცია ხდება, განაცხადა ბანკების ასოციაციის ხელძღვანელმა

თბილისი, 25 ოქტომბერი – Sputnik. კორონავირუსის პანდემიასთან დაკავშირებით ბანკები მზად არიან განახორციელონ ვალების რესტრუქტურიზაცია ყველაზე მოწყვლადი სექტორებისთვის, ყველა საკითხი შეისწავლება ინდივიდუალურად და შედგება გადახდების მოქნილი განრიგი, განაცხადა ბანკების ასოციაციის პრეზიდენტმა ალექსანდრე ძნელაძემ.

მისი თქმით, სესხებზე საყოველთაო გადავადება, როგორ ეს ადრე მოხდა, ამჟამად არ იგეგმება.

„რეალურად, აღარ იქნება ერთიანი საყოველთაო გადავადება, რაც იყო წინა პერიოდში შეთავაზებული. მაგრამ მონიტორინგი კეთდება ინდივიდუალურად, უკვე მიდის კლიენტებთან მუშაობა და ხდება რესტრუქტურიზაციები. პრემიერ-მინისტრმა დაავალა ბიზნესომბუდსმენის აპარატს აღნიშნული მიმართულებით მუშაობის გაგრძელება. ჩვენც ვაგრძელებთ მუშაობას იმ პრობლემების იდენტიფიცირებაზე, რა პრობლემებიც შეიძლება არსებობდეს რესტრუქტურიზაციების დროს“, - განაცხადა ძნელაძემ.

მან ასევე აღნიშნა, რომ არსებობს მზადყოფნა, წლის ბოლომდე გაფართოვდეს გარკვეული არსებული სახელმწიფო პროექტები, სუბსიდირების თუ საკრედიტო გარანტიების ფარგლებში, რაც, რა თქმა უნდა ხელს შეუწყობს იმას, რომ უფრო მარტივად მოხდეს რესტრუქტურიზაცია.

„აქ ცალსახად უნდა ვთქვათ, რომ ერთ-ერთი ყველაზე მნიშვნელოვანი პრობლემა, რომელსაც კლიენტები აფიქსირებენ, არის ის დარიცხული პროცენტები, რაც უკვე დაუგროვდათ წინა გადავადებების დროს და დღეის მდგომარეობითაც, მისი კაპიტალიზაცია ხდება“, – აღნიშნა ალექსანდრე ძნელაძემ.

ბანკების ასოციაციის პრეზიდენტის თქმით, ყველაზე მოწყვლადი სექტორი, რომელიც პანდემიის დროს განსაკუთრებით დაზარალდა, არის ტურიზმი და ტურიზმის მომიჯნავე დარგები.

ახალი კორონავირუსის პანდემიით გამოწვეული ვითარებიდან გამომდინარე, სააგენტომ „აწარმოე საქართველოში“ სპეციალური პროგრამა შეიმუშავა „თანადაფინანსების მექანიზმი საოჯახო, მცირე და საშუალო სასტუმრო ინდუსტრიის ხელშეწყობისთვის“, რომლის მიზანია მათთვის კომერციული ბანკების წინაშე ფინანსური ტვირთის შემსუბუქება.

პროგრამის ფარგლებში, სააგენტო 2020 წლის 1 მარტიდან მომდევნო ექვსი თვის განმავლობაში მეწარმე სუბიექტებისთვის სესხზე დარიცხული წლიური სარგებლის თანადაფინანსებას ახორციელებდა – ეროვნულ ვალუტაში 80%-ის ოდენობით, ხოლო უცხოურ ვალუტაში 70%-ის ოდენობით. ალექსანდრე ძნელაძის ინფორმაციით, მთავრობა სავარაუდოდ აპირებს ამ პროგრამის გაგრძელებას.

მისი ინფორმაციით, სუბსიდირების პროექტში მხოლოდ სასტუმროების ნაწილი მონაწილეობს, ამიტომ დღეს მიმდინარეობს მსჯელობა პროექტის შესაძლო გაფართოებაზე.

0
თემები:
საქართველოს ეკონომიკა