დონალდ ტრამპი

ტრამპი ბაიდენს დაეწია: ცნობილი გახდა ახალი გამოკითხვის შედეგები

72
(განახლებულია 16:24 29.09.2020)
CAPS/Harris-მა რესპონდენტებს ასევე დაუსვა კითხვა, რომელი კანდიდატის მიმართ განიცდიან პირად სიმპათიას.

თბილისი, 29 სექტემბერი — Sputnik. აშშ-ის პრეზიდენტ დონალდ ტრამპსა და მის ოპონენტ ჯო ბაიდენს შორის რეიტინგული სხვაობა მნიშვნელოვნად შემცირდა, იუწყება გამოცემა The Hill ჰარვარდის უნივერსიტეტის სოციოლოგიურ გამოკითხვა CAPS/Harris-ზე დაყრდნობით.

გამოცემის ინფორმაციით, შეკითხვაზე, „ვის მისცემდით ხმას საპრეზიდენტო არჩევნები ახლა რომ ტარდებოდეს“, გამოკითხულთა 47%-მა დემოკრატი კანდიდატი ჯო ბაიდენი დაასახელა, ხოლო 45%-მა — მოქმედი რესპუბლიკელი პრეზიდენტი დონალდ ტრამპი.

აღნიშნული გამოკითხვის თანახმად, ტრამპმა სამი ქულით გაიუმჯობესა პოზიცია აგვისტოს მონაცემებთან შედარებით, ხოლო ბაიდენის პოზიცია ორი ქულით გაუარესდა.

CAPS-ის დირექტორის პოლ მარკ პენის განმარტებით, მოქმედი პრეზიდენტის რეიტინგი ეკონომიკური ზრდისა და ქვეყანაში მიმდინარე არეულობების დაძლევის ფონზე გაუმჯობესდა.   

გარდა ამისა, CAPS/Harris-მა რესპონდენტებს დაუსვა კითხვა, რომელი კანდიდატის მიმართ განიცდიან პირად სიმპათიას. აღმოჩნდა, რომ ჯო ბაიდენი გამოკითხულთა 44%-ს ესიმპათიურება, 38%-ს კი — არა. დონალდ ტრამპი კი 33%-ის პირად სიმპათიას იმსახურებს საწინააღმდეგო აზრის მქონე 55%-ის საპირისპიროდ.  

გამოკითხვაში, რომელიც 22–24 სექტემბერს ჩატარდა, აშშ-ის 1314 მოქალაქე მონაწილეობდა.

საპრეზიდენტო არჩევნები ამერიკის შეერთებულ შტატებში 3 ნოემბრისთვისაა დანიშნული.

72
თემები:
მსოფლიო დღეს (2167)
მამაკაცი მკერდზე გადაჯვარედინებული ხელებით

მარტოხელა მამაკაცი: განაჩენი თუ... დასახელდა დაოჯახებისთვის კრიტიკული ასაკი

28
არის თუ არა განაჩენი 40 წელს გადაცილებული მამაკაცისთვის მარტოხელობა და რამდენად დიდია მისი დაქორწინების შანსი - ფსიქოლოგი განმარტავს

თბილისი, 22 ოქტომბერი — Sputnik. არის თუ არა მარტოხელობა 40 წლის ასაკში და აქვს თუ არა ამ ასაკში მამაკაცს დაოჯახების შანსი, ამის შესახებ რადიო Sputnik-თან ინტერვიუში ოჯახის ფსიქოლოგმა ნატალია პანფილოვამ ისაუბრა.

მისი თქმით, ორმოც წელზე მეტი ხნის მარტოხელა მამაკაცები იშვიათად ქორწინდებიან. მაშინაც კი, თუ მათ ცხოვრების თანამგზავრი ჰყავთ, ისინი არ ჩქარობენ ოჯახურ მარწუხებში მოქცევას.

„საშუალოდ 35 წლის შემდეგ ჰორმონალური ფონი თანდათან იცვლება. მამაკაცები მოწიფულობას ერგებიან და ამას თავისი შედეგები მოაქვს. ფსიქოლოგიური თვალსაზრისით, ადამიანები უფრო რიგიდულნი ხდებიან, მათ აღარ სურთ ექსპერიმენტები“, — აღნიშნა ნატალია პანფილოვამ.

ფსიქოლოგის განმარტებით, 35 წლამდე ასაკის მამაკაცები შეცდომებს უფრო ადვილად ეგუებიან, ხვდებიან, რომ მათი გამოსწორების შესაძლებლობა არსებობს. ასაკის მატებასთან ერთად კი გადამწყვეტი ნაბიჯებისა ეშინიათ, არ სურთ შეცვალონ კომფორტული და ჩვეული ცხოვრების წესი, რომელიც ამ დროისთვის ჩამოუყალიბდათ.

„მამაკაცს, რაც უფრო ახლოს არის 40 წელთან, მით უფრო ნაკლები შეცდომის დაშვება სურს. მას უკვე აღარ უნდა არანაირი ექსპერიმენტი. ამ ასაკში ადამიანს უკვე აქვს ჩვევები, რომლისგან თავის დაღწევაც  რთულია და ის არც ცდილობს მათ მოშორებას. თუ ქალი თანახმაა, მოერგოს ამ მამაკაცის ცხოვრებას, მაშინ ის მასთან ერთად იცხოვრებს, მაგრამ ეს სულაც არ ნიშნავს იმას, რომ ისინი დაქორწინდებიან“, — ამბობს პანფილოვა.

ამასთან ირკვევა, რომ იგივე ასაკის ქალბატონებსაც ნაკლებად აინტერესებთ 40 წელს გადაცილებული მამაკაცები.

რაც შეეხება ახალგაზრდა გოგონებს, ხშირად დიდი სიამოვნებით იწყებენ ურთიერთობას უფროს კაცებთან, მაგრამ როგორც კი აღმოაჩენენ, რომ მასთან გამუდმებით მორგებაა საჭირო, ხოლო მამაკაცი ურთიერთობებში უფრო შორს  წასვლას არ აპირებს, ისინიც მაშინვე კარგავენ ინტერესს.

28
თემები:
მსოფლიო და მეცნიერება
ძროხები

სტრესის მოსახსნელად ნიდერლანდებში ძროხასთან ჩახუტების მეთოდი დაინერგა - ვიდეო

22
(განახლებულია 11:41 22.10.2020)
მეთოდს, რომლის ეფექტურობაც სტრესის მოხსნის კუთხით უკვე დადასტურებულია, შვეიცარიაში და შეერთებულ შტატებშიც მიმართავენ

თბილისი, 22 ოქტომბერი — Sputnik. ნიდერლანდებში სტრესის მოხსნის  ახალი ტრენდი გაჩნდა — ადამიანები ფერმებში მიდიან ძროხებთან ჩასახუტებლად, იუწყება ბრიტანული ტელეარხი BBC.

გავრცელებული ინფორმაციით, აღნიშნული პრაქტიკის მომხრეები, რომელსაც koe knuffelen–ი ეწოდება („ძროხასთან ჩახუტება“), მიიჩნევენ, რომ ამ ცხოველის დიდი ზომა, თბილი სხეული, ადამიანთან შედარებით ნელი გულისცემა ხელს უწყობს ჰორმონ ოქსიტოცინის გამომუშავებას, რომელიც სტერსთან ბრძოლაში ეხმარება ადამიანს.

აღსანიშნავია, რომ ერთ ექსკურსანტთან „ჩახუტების“ შემდეგ ფერმაში ძროხას ორი–სამი საათით ასვენებენ.

ტელეარხის ცნობით, koe knuffelen–ის პრაქტიკა ნიდერლანდებში დაახლოებით ათი წლის წინ გაჩნდა, თუმცა ფართო მასშტაბები ახლაღა შეიძინა. უფრო მეტიც, ირკვევა, რომ ასეთივე მეთოდს შვეიცარიაში და აშშ–იც მიმართავენ, ვინაიდან დადასტურებულია, რომ მსხვილ ძუძუმწოვრებთან ურთიერთობა დადებით გავლენას ახდენს ადამიანის ნერვულ სისტემაზე.

 

22
თემები:
მსოფლიო დღეს (2167)
სპეცოპერაცია ზუგდიდში

მძევლების აყვანის გახმაურებული შემთხვევები საქართველოში

0
(განახლებულია 12:37 22.10.2020)
მთელი საქართველო შოკირებულია ზუგდიდში მძევლების აყვანის ფაქტით. საბედნიეროდ, არავინ დაშავებულა, მაგრამ დამნაშავემ მიმალვა მოახერხა, თან ნახევარი მილიონი დოლარიც გაიყოლა.

 

21 ოქტომბერს უცნობმა პირმა ზუგდიდში დაახლოებით 40 ადამიანი მძევლად აიყვანა. სამხედრო ფორმაში გამოწყობილი, ნიღბიანი დამნაშავე „საქართველოს ბანკის“ ფილიალში ხელყუმბარითა და ავტომატით შეიჭრა, მოითხოვა 500 ათასი დოლარი, მანქანა ან ვერტმფრენი, ასევე უსაფრთხოების გარანტია. მძევლების გათავისუფლების სპეცოპერაცია შვიდ საათზე მეტხანს გაგრძელდა.

ხანგრძლივი მოლაპარაკების შემდეგ, რომელშიც ქვეყნის შს მინისტრი ვახტანგ გომელაური მონაწილეობდა, სამართალდამცავი ორგანოების თანამშრომლებმა დამნაშავეს ფული გადასცეს. შედეგად დამნაშავემ სამი მძევლისა და ერთი პოლიციელის თანხლებით გვიან ღამით ბანკის შენობა დატოვა. ამჟამად ყველა მძევალი გათავისუფლებულია, თავდამსხმელი კი იძებნება.

საქართველოში მძევლების აყვანის ყველაზე სისხლიან და გახმაურებულ საქმედ 1983 წელს თვითმფრინავის გატაცება ითვლება. ამ მოვლენაზე არაერთი წიგნი და ფილმი შეიქმნა. 1983 წლის 18 ნოემბერს სსრკ-დან აშშ-ში გაქცევის მიზნით ახალგაზრდებმა მძევლად აიყვანეს Ту-134 თვითმფრინავის მგზავრები. სპეცდანიშნულების რაზმმა თვითმფრინავი შტურმით აიღო. დაიღუპა შვიდი ადამიანი - ორი მფრინავი და ბორტგამცილებელი, ორი მგზავრი და ორი გამტაცებელი. 

Спецоперация по освобождению заложников в филиале Банка Грузии в Зугдиди
© AP Photo / Zurab Tsertsvadze
„საქართველოს ბანკში“ მძევლად აყვანილი პირების გათავისუფლების სპეცოპერაცია

დამოუკიდებელი საქართველოს ისტორიაში მძევლების აყვანის სხვა გახმაურებული ფაქტებიც მოიძებნება. „Sputnik-საქართველო“ მათ ქრონოლოგიას გთავაზობთ.

1998 წლის 19 თებერვალი. საქართველოს პირველი პრეზიდენტ ზვიად გამსახურდიას შეიარაღებულმა მხარდამჭერებმა ზუგდიდის რაიონის სოფელ ჯიხაშკარში გაეროს ოთხი სამხედრო დამკვირვებელი - შვედეთის, ურუგვაის, ჩეხეთის მოქალაქეები - გაიტაცეს.

22 თებერვალს გამართული მოლაპარაკებების შემდეგ, ურუგვაელი გაათავისუფლეს. დანარჩენი მძევლები 25 თებერვალს ოპოზიციის წარმომადგენლებთან პრეზიდენტ ედუარდ შევარდნაძის შეხვედრის შემდეგ გამოუშვეს. პოლიციამ რვა გამტაცებელი დააკავა.

1999 წლის 9 ივლისი. კოდორის ხეობაში ვერტმფრენი გაიტაცეს და მასში მყოფი აფხაზეთის ავტონომიური რესპუბლიკის უმაღლესი საბჭოს წევრები და ჟურნალისტები მძევლებად აიყვანეს. ვერტმფრენში იმყოფებოდა ასევე საქართველოს ჯანდაცვის მინისტრი ავთანდილ ჯორბენაძე, რომელიც გატაცებიდან მალევე გაათავისუფლეს, ყველა დანარჩენი კი ერთი დღის განმავლობაში გამოუშვეს. გამტაცებლებს ყურადღება არ მიუქცევიათ ტომრებისთვის, რომლებიც ვერტმფრენში ეყარა. ტომრებში ელაგა ფული - რეგიონის დაწესებულებათა თანამშრომლების ნახევარი წლის ხელფასები.

1999 წლის ოქტომბერი. უცნობმა პირებმა გამოსასყიდის მიღების მიზნით გაიტაცეს გაეროს მისიის წევრები - ჩეხეთის, საბერძნეთის, ურუგვაის, შვეიცარიის, შვედეთის მოქალაქეები. მძევლები გამოსასყიდის გარეშე გაათავისუფლეს.

2000 წლის 1 ივნისი. კოდორის ხეობის პატრულირებისას მძევლად აიყვანეს გაეროს მისიის საპატრულო ჯგუფი. მძევალთა შორის იყვნენ გაეროს მისიის თანამშრომლები - დანიის მოქალაქეები კაი ლაურსენი და ტომას როზენკვისტი, დიდი ბრიტანეთის მოქალაქე, ბრიტანული არასამთავრობო ორგანიზაციის თანამშრომელი ჯონ ვუდვორდი და მთარგმნელი - აფხაზეთის მკვიდრი. მძევლები გამოსასყიდის გარეშე გაათავისუფლეს.

2000 წლის ნოემბერი. პანკისის ხეობაში გაიტაცეს ესპანელი ბიზნესმენები ფრანცისკო როდრიგესი და ანტონიო ტრიმილიო. ისინი თითქმის ერთი წელიწადი ჰყავდათ ტყვეობაში პანკისის ხეობის ერთ-ერთ სოფელში და 550 ათასი დოლარის გამოსასყიდის სანაცვლოდ გაათავისუფლეს.

2001 წლის დეკემბერი. კოდორის ხეობაში გაიტაცეს საბერძნეთისა და პოლონეთის მოქალაქეები. მძევლები გამოსასყიდის გადახდის გარეშე გაათავისუფლეს.

2002 წლის 18 მარტი. კოდორის ხეობაში მძევლად აიყვანეს რუსი სამხედროების ჯგუფი - კაპიტანი სტაროვაროვი, ლეიტენანტები ბელოვი და სტაროვოიტოვი, ასევე რიგითი პოდშივალოვი. ჯგუფი დავალების შესრულებისას ჩასაფრებულმა პირებმა გაიტაცეს, თუმცა, გამოსასყიდის გარეშე გაათავისუფლეს.

2002 წლის 18 ივნისი. პანკისის ხეობაში გაიტაცეს ბრიტანელი ბიზნესმენი პიტერ შოუ. მან მძევლად ხუთი თვე დაჰყო. მის გასათავისუფლებლად ქართული სპეცსამსახურების ოპერაციის დროს ორმხრივი სროლა გაიმართა. დაიღუპა ერთი გამტაცებელი.

2003 წლის ივნისი. კოდორის ხეობაში გერმანიის ორი მოქალაქე და დანიის ერთი მოქალაქე გაიტაცეს. მძევლები გამოსასყიდის გარეშე გაათავისუფლეს.

2012 წლის 7 აგვისტო. პანკისის ხეობის ქართულ ტერიტორიაზე დაღესტნის ტერიტორიიდან შემოაღწია კარგად შეიარაღებულ ბოევიკთა ჯგუფმა. ბოევიკებმა მძევლად აიყვანეს ადგილობრივ მცხოვრებთა სამი ჯგუფი, დაახლოებით ათი ადამიანი. მძევლების გასათავისუფლებლად ჩატარებული სპეცოპერაციის შედეგად დაიღუპა საქართველოს შსს-ს სპეცრაზმის სამი თანამშრომელი და დაიჭრა ხუთი, ამასთან, 11 სავარაუდო ბოევიკი იქნა ლიკვიდირებული. 

0
თემები:
ზუგდიდში შეიარაღებულმა პირმა მძევლები აიყვანა