ვალუტის გადამცვლელი პუნქტი

მოსალოდნელია დოლარის მკვეთრი ვარდნა: ამერიკელი ექსპერტი სამ ფაქტორს ასახელებს

189
(განახლებულია 15:31 28.09.2020)
აშშ დოლარი ამ მომენტისთვის მკვეთრი ვარდნის ადრეულ სტადიაზე იმყოფება და ეს მხოლოდ დასაწყისია, მიაჩნია იელის უნივერსიტეტის პროფესორს.

თბილისი, 28 სექტემბერი — Sputnik. ამერიკული დოლარის კურსი უახლოეს მომავალში შესაძლოა მკვეთრად დაეცეს, წერს Morgan Stanley Asia-ს ყოფილი ხელმძღვანელი და ამჟამად მთავარი ეკონომისტი სტივენ როუჩი Project Syndicate-ში გამოქვეყნებულ სტატიაში.

Morgan Stanley – ამერიკული საფინანსო კონგლომერატია (2008 წლამდე საინვესტიციო ბანკი), რომელიც მსოფლიოს უმსხვილეს საბროკერო ბიზნესს ფლობს. 

ექსპერტის თქმით, მაისიდან აგვისტომდე ამერიკული ვალუტის რეალური ეფექტური გაცვლითი კურსი 4,3%-ით შემცირდა, თუმცა აშშ დოლარი მაინც ყველაზე ძლიერ ვალუტად რჩება მსოფლიოს სხვა ვალუტებთან შედარებით. 

ამასთან ერთად სტივენ როუჩმა დაასახელა სამი მიზეზი, რომელთა საფუძველზეც მივიდა დასკვნამდე, რომ დოლარის ფართო ინდექსი 2021 წლის ბოლოსთვის 35%-ით დაეცემა.

„მე კვლავ ველოდები, რომ დოლარის ფართო ინდექსი 35%-ით დაეცემა 2021 წლის ბოლოსთვის. ამას სამი ფაქტორი განაპირობებს: აშშ-ში მაკროეკონომიკური დისბალანსის მკვეთრი ზრდა, ალტერნატიული ვალუტების — ევროსა და იუანის როლის ამაღლება და ასევე ის, რომ გაქრა ამერიკული გამორჩეულობის განსაკუთრებული აურა, რომელიც დოლარს ტეფლონის გამძლეობას სძენდა თითქმის მთელი ომისშემდგომი პერიოდის განმავლობაში“, — წერს როუჩი.

მისი აზრით, ამ ფაქტორებიდან ყველაზე მეტ ყურადღებას პირველი პუნქტი იმსახურებს. ექსპერტი აცხადებს, რომ აშშ-ში მაკროეკონომიკური დისბალანსის მკვეთრი და სწრაფი ზრდა გამოწვეულია შიდა ანაბრების რეკორდული ვარდნითა და მიმდინარე ოპერაციების დეფიციტის ზრდით.

სტივენ როუჩს მიაჩნია, რომ ეს „დოლარის დაცემის მხოლოდ დასაწყისია“.

189
თემები:
მსოფლიო დღეს (2204)
შონ კონერი

გარდაიცვალა შონ კონერი

60
(განახლებულია 17:01 31.10.2020)
შონ კონერი გადაღებულია 70–ზე მეტ ფილმში, იყო „ოსკარის“,BAFTA–ს ორგზის და „ოქროს გლობუსის“ სამგზის ლაურეატი

თბილისი, 31 ოქტომბერი — Sputnik. ბრიტანელი მსახიობი შონ კონერი, რომელიც განსაკუთრებით ჯეიმს ბონდის როლის გამო შეიყვარა მაყურებელმა, 90 წლის ასაკში გარდაიცვალა, იუწყება BBC.

​შონ კონერი 1930 წლის 25 აგვისტოს დაიბადა შოტლანდიის ქალაქ ედინბურგში. ის გადაღებულია 70–ზე მეტ ფილმში, თუმცა ყველაზე მეტი პოპულარობა მას „ბონდიანამ“ მოუტანა.

შონ კონერი იყო „ოსკარის“,BAFTA–ს ორგზის და „ოქროს გლობუსის“ სამგზის ლაურეატი.

 

60
მეცნიერები ლაბორატორიაში

კორონავირუსმა უცნაური დადებითი თვისება გამოავლინა: მეცნიერული კვლევა

220
(განახლებულია 15:01 31.10.2020)
ამერიკელი მეცნიერები აპირებენ დეტალურად შეისწავლონ ვირუსის ეს თვისება, ვინაიდან ის შესაძლოა ძალიან საჭირო გამოდგეს ანესთეზიოლოგებისთვის

თბილისი, 31 ოქტომბერი — Sputnik. ახალი ტიპის კორონავირუს SARS-CoV-2–ს უჩვეულო დადებითი თვისება აღმოაჩნდა — მას ტკივილის ჩახშობა შეუძლია, აცხადებენ ამერიკელი მეცნიერები, რომლეთა კვლევის შედეგებიც სამეცნიერო ჟურნალ Pain–შია გამოქვეყნებული.

ექსპერტები აღნიშნავენ, რომ ანესთეზიის ეფექტს წარმოქმნის S-ცილის (რომელიც კორონავირუსს ადამიანის უჯრედებში შეღწევის საშუალებას აძლევს) შენაერთი რეცეპტორ ACE2–თან და ასევე სხვა ნივთიერებებთან.

მეცნიერები მივიდნენ დასკვნამდე, რომ იმ სიგნალების გადაცემა, რომლებიც ტკივილის შეგრძნებებზე აგებს პასუხს, ნეიროპილინ–1–ისა და ცილა VEGF-A–ს მეშვეობით ფერხდება.

ამერიკელი სწავლულების ვარაუდით, სწორედ ეს შეიძლება იყოს COVID-19–ის უსიმპტომოდ მიმდინარეობის მიზეზი, რა დროსაც ავადმყოფი პრაქტიკულად ვერ გრძნობს შეუძლოდ ყოფნას.

ახლა მკვლევარები აპირებენ, უფრო დეტალურად შეისწავლონ ნეიროპილინ–1, ვინაიდან მისი თვისებები შეიძლება ძალიან სასარგებლო აღმოჩნდეს ანესთეზიოლოგებისთვის.

მანამდე მეცნიერთა ორმა ჯგუფმა ერთმანეთისგან დამოუკიდებლად ჩაატარეს კვლევები და მივიდნენ დასკვნამდე, რომ ახალი კორონავირუსი მის წინამორბედებთან შედარებით უფრო აგრესიული იმიტომაა, რომ ის უჯრედებში შესაღწევად რეცეპტორ ნეიროპილინ-1-ს იყენებს. 

220
თემები:
მსოფლიო და მეცნიერება
ზაალ უდუმაშვილი

„ნაციონალური მოძრაობა“ იწყებს აქტიურ კონსულტაციებს მთავრობის ფორმირებაზე

0
ოთხივე ეგზიტპოლის შედეგების მიხედვით, 2020 წლის საპარლამენტო არჩევნებზე „ქართულმა ოცნება-დემოკრატიულმა საქართველომ“ მოქალაქეების ყველაზე დიდი მხარდაჭერა მიიღო.

თბილისი, 1 ნოემბერი - Sputnik. ოპოზიციური ბლოკი „ნაციონალური მოძრაობა – ძალა ერთობაშია“ მთავრობის ფორმირებისთვის ოპოზიციურ პარტიებთან კონსულტაციებს იწყებს, განაცხადა პარტია „ერთიანი ნაციონალური მოძრაობის“ ერთ-ერთმა ლიდერმა ზაალ უდუმაშვილმა დღეს გამართულ ბრიფინგზე.

ყველა ეგზიტპოლის შემაჯამებელი მონაცემები ცნობილია >>

ხმის მიცემის პროცედურის დასრულებისა და საარჩევნო უბნების დახურვის შემდეგ, ოთხმა ტელეკომპანიამ ეგზიტპოლების შედეგები გამოაქვეყნა. ეგზიტპოლების მონაცემებით, ბლოკმა „ძალა ერთობაშია“, რომლის ლიდერია ყოფილი მმართველი პარტია „ერთიანი ნაციონალური მოძრაობა“, ამომრჩეველთა ხმების 24%-დან 33%-მდე მოიპოვა. ხოლო მისმა მთავარმა კონკურენტმა, მმართველმა პარტიამ „ქართულმა ოცნებამ“ – 40%-დან 54%-მდე.

უდუმაშვილის თქმით, წინასწარი დათვლის შედეგებით, საპარლამენტო არჩევნებში ოპოზიცია იმარჯვებს.

„არა მხოლოდ სანდო ეგზიტპოლებით, არამედ წინასწარი დათვლის შედეგებითაც უკვე ცნობილია, რომ „ქართული ოცნება“ არის უმცირესობაში და ოპოზიცია იმარჯვებს საპარლამენტო არჩევნებში. ახლა მიმდინარეობს ბიულეტენების დათვლის პროცესი საარჩევნო უბნებზე და „ქართულმა ოცნებამ“ დაიწყო გაყალბების მცდელობის მეორე ტალღა“, - განაცხადა უდუმაშვილმა.

მისი განცხადებით, ოპოზიცია იწყებს აქტიურ კონსულტაციებს მთელ ოპოზიციურ სპექტრთან, მათ შორის მთავრობის ფორმირებაზე.

ოთხივე ეგზიტპოლის შედეგების მიხედვით, 2020 წლის საპარლამენტო არჩევნებზე „ქართულმა ოცნება-დემოკრატიულმა საქართველომ“ მოქალაქეების ყველაზე დიდი მხარდაჭერა მიიღო. თუმცა,  ოპოზიციური ტელეკომპანიების დაკვეთით ჩატარებული გამოკითხვების მონაცემებით, „ქართულ ოცნებას“ არ ჰყოფნის ხმები მთავრობის ფორმირებისა და დამტკიცებისთვის.

მთავრობის ფორმირებისა და დამტკიცებისთვის „ქართულ ოცნებას“ ხმების არანაკლებ 50% სჭირდება,  წინააღმდეგ შემთხვევაში ოპოზიციას თეორიულად შეუძლია შექმნას კოალიცია და მთავრობის ფორმირების უფლება მიიღოს, „ქართული ოცნება“ კი უმცირესობაში აღმოჩნდება.

არჩევნებში 55 პარტია მონაწილეობდა, მათგან შვიდი ორ ბლოკში – „ძალა ერთობაშია“ და „სტრატეგია აღმაშენებელი“. პირველ ბლოკში გაერთიანებული იყო ხუთი პარტია, მეორეში ორი.

პარტიებისთვის გამსვლელი ბარიერი 1%–ს შეადგენდა, ბლოკებისთვის იმდენი პროცენტი, რამდენი პარტიაც შედის ბლოკში. ექსპერტები თავიდანვე ვარაუდობდნენ, რომ ახალი პარლამენტი მრავალპარტიული იქნება.

პარლამენტში 120 ადგილისთვის პროპორციული სისტემით პარტიებიდან და ბლოკებიდან 6 880 კანდიდატი იბრძვის – 1 ადგილზე 57 ადამიანია პრეტენდენტი.

2016 წლის საპარლამენტო არჩევნების შედეგებით საკანონმდებლო ორგანოში სამი პარტია შევიდა.

0
თემები:
საქართველოს საპარლამენტო არჩევნები 2020