ჯეიმს ბონდის პოსტერი ავტობუსზე

აგენტი ჯეიმს ბონდი ნამდვილად არსებობდა: ნაპოვნია საარქივო დოკუმენტები და ფოტო

289
(განახლებულია 21:19 25.09.2020)
პოლონეთის უშიშროების სამსახურის არქივში ნაპოვნია დოკუმენტი, რომელიც ბრიტანელი აგენტის ჯეიმს ბონდის ნამდვილად არსებობას ადასტურებს.

თბილისი, 25 სექტემბერი — Sputnik. საყოველთაოდ ცნობილი აგენტი 007, იგივე ჯეიმს ბონდი იან ფლემინგის მიერ გამოგონილი პერსონაჟი კი არა, სრულიად ნამდვილი აგენტი გამოდგა, იუწყება The Times.

​გავრცელებული ინფორმაციით, მზვერავის შესახებ დოკუმენტები, რომლებიც ნამდვილი ბრიტანელი აგენტის საქმიანობაზე მოგვითხრობს, პოლონეთის უშიშროების სამსახურის არქივებში აღმოაჩინეს.

ირკვევა, რომ ჯეიმს ალბერტ ბონდი 1964 წლის 18 თებერვალს მიავლინეს პოლონეთში დიდი ბრიტანეთის საელჩოში, როდესაც ის 36 წლის იყო. ბონდის მუშაობა სამხედრო ატაშეს მდივან–არქივარიუსის თანამდებობაზე სულ ერთი წელი გაგრძელდა, ვინაიდან პოლონეთის დაზვერვამ ის მალევე გაშიფრა და ფაილიც შექმნა მისი ფოტოთი.

ბონდზე დაკვირვების შედეგად დადგინდა, რომ ის იყო „ძალიან ენაწყლიანი, მაგრამ ძალიან ფრთხილი“. ამასთან, ფილმის პერსონაჟის მსგავსად, ისიც „დიდ ინტერესს იჩენდა ქალების მიმართ“.

1964 წელს ჯეიმს ალბერტ ბონდი და კიდევ სხვა ორი ბრიტანელი აგენტი ქალაქ ბელოსტოკსა და ოლშტინში ჩასულან, რათა სამხედრო ობიექტებზე შეეღწიათ. სხვა მონაცემები ფაილში აღნიშნულის თაობაზე არ ფიქსირდება.

1965 წლის 21 იანვარს ბონდს პოლონეთის ტერიტორია დაუტოვებია, ვინაიდან, პოლონელი სპეციალისტების აზრით, როგორც ჩანს, მალევე გააცნობიერა, რომ „ღირებული ინფორმაციის მოპოვებას ვერ შეძლებდა“.

პოლონური მასალების თანახმად, ჯეიმს ალბერტ ბონდი ბრიტანეთის დევონის საგრაფოს ქალაქ ბიდეფორდში დაიბადა 1928 წლის 30 იანვარს. თუმცა ნამდვილი სახელით ჩავიდა პოლონეთში თუ გამოგონილით, ეს უცნობია.

 

289
თემები:
მსოფლიო დღეს (2189)
ვიტამინები თეფშზე

წვავს ცხიმს: მეცნიერებმა დაადგინეს ვიტამინი, რომელიც წონის დაკლებას უწყობს ხელს

36
(განახლებულია 13:48 28.10.2020)
ავსტრიელი მეცნიერების თქმით, ამ ვიტამინის დიდი რაოდენობით მიღება, მით უმეტეს, ექიმის დანიშნულების გარეშე, დაუშვებელია

თბილისი, 28 ოქტომბერი — Sputnik. არსებობს ვიტამინი, რომელსაც ცხიმების წვის უნარი აქვს, აცხადებენ ვენის სამედიცინო უნივერსიტეტის მკვლევარები, რომელთა ნაშრომიც MedicalXpress-ზეა გამოქვეყნებული.

ავსტრიელი სწავლულების თქმით, ეს A-ვიტამინია, რომელიც სიცივეში თეთრ ცხიმს რუხ ცხიმად გარდაქმნის.

ცნობილია, რომ ადამიანის სხეული ყველაზე მეტი რაოდენობით თეთრ ცხიმს შეიცავს, რომელიც ძირითადად გვერდების, თეძოებისა და მუცლის არეში გროვდება. ცივ ამინდებში კი ორგანიზმი იწყებს A ვიტამინის მარაგის გაზრდას. ამის შედეგად იწყება რუხი ცხიმის სინთეზი, რომელიც მეტაბოლურ აქტივობასა და ენერგიის მოხმარებას ზრდის.

„ჩვენი კვლევის შედეგები აჩვენებს, რომ ვიტამინი A მნიშვნელოვან როლს ასრულებს ცხიმოვანი ქსოვილის ფუნქციონირებაში და გავლენას ახდენს გლობალურ ენერგეტიკულ ცვლაზე“, — ნათქვამია სამეცნიერო სტატიაში.  

ამასთან მეცნიერები მოგვიწოდებენ, არავითარ შემთხვევაში არ მივიღოთ დიდი რაოდენობით A ვიტამინი, განსაკუთრებით მაშინ, თუ ის ექიმს არ დაუნიშნავს. მათი თქმით, აუცილებელია, რომ ნივთიერება ორგანიზმში საჭირო დროსა და საჭირო უჯრედებში მოხვდეს.

ავსტრიელი სწავლულები აცხადებენ, რომ სიმსუქნესთან ბრძოლის მიზნით, მომავალში ჭარბ წონაზე სიცივის გავლენის შესწავლას გეგმავენ.

 

36
თემები:
მსოფლიო და მეცნიერება
შარლ მიშელი ბრიუსელის სამიტზე

ტესტირების უნიფიცირებული სისტემა: რას მოითხოვს ევროსაბჭოს ხელმძღვანელი

18
(განახლებულია 13:22 28.10.2020)
შარლ მიშელს მიაჩნია, რომ ევროკავშირის შიგნით საზღვრების ჩაკეტვა კორონავირუსის მეორე ტალღას ვერ შეაჩერებს, ვინაიდან ვირუსი ჯერ კიდევ ამოცანად რჩება

თბილისი, 28 ოქტომბერი — Sputnik. ევროპის საბჭოს ხელმძღვანელმა შარლ მიშელმა ევროკავშირის ქვეყნებს COVID-19–ის ტესტირების სისტემის უნიფიცირება შესთავაზა.

მიშელმა ფრანგულ რადიოსადგურ RTL–ისთვის მიცემულ ინტერვიუში განაცხადა, რომ საუბარია ექსპრეს–ტესტებზე, რომლებიც სწრაფად გამოავლენს ვირუსს და ინფიცირებულების იზოლირებაც ასევე სწრაფად მოხდება.

„მკვლევარები ამ დროისათვის სწრაფი ტესტების შექმნაზე მუშაობენ, რომლებიც ნერწყვის ანალიზით დაადგენს ვირუსის არსებობას და რომლებიც დაეხმარება ხელისუფლებებს, სწრაფად გამოავლინონ ინფიცირებულები და სწრაფად გადაიყვანონ ისინი იზოლაციაში“, — აღნიშნა ევროსაბჭოს მეთაურმა.

მისი თქმით, ევროპა, ევროკავშირის შიგნით საზღვრების ჩაკეტვით, ვერ გაუმკლავდება კორონავირუსის მეორე ტალღას, ვინაიდან „ვირუსზე ჯერ კიდევ ბევრი რამ არ ვიცით და ამოცანად რჩება“.

ევროსაბჭოს ხელმძღვანელის განმარტებით, ახლა ევროკავშირის ბევრი ქვეყანა განიხილავს განმეორებითი ლოკდაუნის — საყოველთაო თვითიზოლაციის გამოცხადების საკითხს, რასაც „სერიოზული ეკონომიკური, სოციალური და ფსიქოლოგიური შედეგები შეიძლება მოჰყვეს“.

მიშელის აზრით, ლოკდაუნის ალტერნატივა შეიძლება იყოს ტესტირების ეფექტური სისტემის გავრცელება საერთო ევროპულ დონეზე, რისთვისაც სწრაფი ტესტების არსებობაა აუცილებელი.

ევროსაბჭოს ხელმძღვანელი განმარტავს, რომ COVID–19–ის ტესტების უნიფიცირების საკითხის განხილვა ხუთშაბათს იგეგემება ევროპელი ლიდერების ვიდეოკონფერენციაზე.

 

18
თემები:
მსოფლიო დღეს (2189)
თამო ვაშალომიძე

„მეშინია, ვიცი რაც არის...“ - რა მოხდა თამო ვაშალომიძის ცხოვრებაში?

0
(განახლებულია 14:05 28.10.2020)
ფოტომოდელმა ფეხმძიმობის პერიოდს ვრცელი პოსტი მიუძღვნა. რის ეშინია და რა სირთულე გადახდა თავს საქმროსთან ურთიერთობისას?

პოპულარულმა ბლოგერმა და ფოტომოდელმა საკუთარ გვერდზე თაყვანისმცემლებს გულახდილი პოსტით გამოეხმაურა. თამო ვაშალომიძე მშობიარობისთვის ემზადება. მას სულ რამდენიმე დღეში ვაჟი შეეძინება. ეს მეორე შვილია, რომელიც მას მეორე პარტნიორისგან ეყოლება. წყვილი ამჟამად ერთად ცხოვრობს, ბევრმა სირთულემ კი მათი ურთიერთობა უფრო გაამყარა.

View this post on Instagram

🖤

A post shared by Tamo Vashalomidze (@tamovashalomidze) on

თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია რაც ერთმანეთს ხვდებიან. ეს ერთი ნახვით შეყვარებას ჰგავს. ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

„ესეც მეცხრე თვე. დღეები მაშორებს, რომ ჩემ ბიჭს შევხვდე. ეს ორსულობა ცოტა რთული იყო, ვიდრე სოფიაზე ვიყავი. ორსულობას თან ტოქსიკოზი და ბევრი სხვა სირთულე ახლდა, მაგრამ ვეცადე ცხოვრების რიტმი არ შემეცვალა. ჯერ-ჯერობით წონაც კარგად შევინარჩუნე, 10 კილოგრამი მოვიმატე, სტრიები არ მაქვს და მშობიარობის მეშინია“, - წერს თამო „ინსტაგრამის“ „სთორიზე“.

View this post on Instagram

♥️

A post shared by Tamo Vashalomidze (@tamovashalomidze) on

როგორ ჩანს, მიუხედავად გამოცდილებისა, მშობიარობის პროცესი მისთვის ემოციურად ძალიან რთულად გადასატანია. „ვიცი რაც არის და მშობიარობას ისევ გაუტკივარების გარეშე  ვაპირებ, რადგან სოფია 20 წუთში გავაჩინე, ვიმედოვნებ, ახლაც არ ვიწვალებ“,- ასე გულახდილად გამოუტყდა „ფოლოვერებს“. სკანდალური ფოტოსესიები, თოქ-შოუებში ინტიმურ თემებზე ხმამაღლა საუბარი, გამომწვევი ჩაცმულობა და ინტრიგებით აღსავსე პირადი ცხოვრება – ეს თამო ვაშალომიძის პოპულარობის გზა და მეთოდებია, რომელიც დროებითმა პაუზამ და ვაჟზე ფეხმძიმობამ ჩაანაცვლა.

0
თემები:
სელებრითების ცხოვრება