“ჩრდილოეთის ნაკადი-2-ის“ მშენებლობა

„ჩრდილოეთის ნაკადი-2“-ის მშენებლობაზე დასაქმებულ ხომალდებს აღარ დააზღვევენ

49
(განახლებულია 14:13 23.09.2020)
ცირკულარი „დაბეჯითებით“ ურჩევს კლუბის წევრებს, „შეაფასონ და მინიმუმამდე დაიყვანონ Nord Stream 2-თან და Turk Stream-თან კონტრაქტების გაფორმების რისკები“.

თბილისი, 23 სექტემბერი — Sputnik. გემთმფლობელების ურთიერთდასადაზღვევო კლუბების საერთაშორისო ჯგუფმა (IG P&I) გადაწყვიტა არ დააზღვიოს ის ხომალდები, რომლებმაც შეიძლება მონაწილეობა მიიღონ გაზსადენ „ჩრდილოეთის ნაკადი-2“-ის მშენებლობაში.

ამის შესახებ ცნობილი ხდება ცირკულარიდან, რომელიც ჯგუფის წევრი ყველა კლუბის სახელით გავრცელდა.

„[თითოეული კლუბის] წევრებს შევახსენებთ, რომ არ უნდა არსებობდეს არანაირი დაზღვევა ხომალდებისთვის, რომლებიც ჩართული არიან კანონსაწინააღმდეგო საქმიანობაში ან რაც კლუბს სანქციების დარღვევის საფრთხის წინაშე აყენებს. დამზვევებისთვის პირდაპირი სანქციების საფრთხის ფონზე, ამერიკული კანონების — CAATSA-ს და PEESA-ს გათვალისწინებით, კლუბი არ გასცემს დაზღვევებს იმგვარი საქმიანობისთვის, როგორებიცაა „ჩრდილოეთის ნაკადი-2“ ან „თურქული ნაკადი“, — ნათქვამია დოკუმენტში.

ამასთან ცირკულარი „დაბეჯითებით“ ურჩევს კლუბის წევრებს, „შეაფასონ და მინიმუმამდე დაიყვანონ Nord Stream 2-თან და Turk Stream-თან კონტრაქტების გაფორმების რისკები, რათა თავი აარიდონ სანქციებს.

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. პროექტს ახორციელებს Nord Stream 2 AG ერთადერთ აქციონერთან – „გაზპრომთან“ ერთად. ევროპელი პარტნიორები ― Royal Dutch Shell, OMV, Engie, Uniper და Wintershall მშენებლობას სანახევროდ, ანუ თითოეული 950 მლნ ევროთი აფინანსებენ.

აშშ აქტიურად ეწინააღმდეგება პროექტს და ევროკავშირს სანაცვლოდ საკუთარ თხევად გაზს სთავაზობს. ასევე ეწინააღმდეგება უკრაინაც, რომელსაც რუსული საწვავის ტრანზიტის დაკარგვისა ეშინია. ეს ორი და კიდევ ევროპის ზოგი ქვეყანა პროექტს პოლიტიკურს უწოდებენ.

გასული წლის ბოლოს შეერთებულმა შტატებმა დაამტკიცა თავდაცვის ბიუჯეტი, რომელშიც შევიდა სანქციები „ჩრდილოეთის ნაკადი-2“-ის მშენებლობაში მონაწილე კომპანიების წინააღმდეგ. შედეგად – მშენებლობა შეჩერდა.

აშშ-ის სახელმწიფო დეპარტამენტმა 15 ივლისს გამოაქვეყნა ახალი რეკომენდაციები „სანქციების მეშვეობით მოწინააღმდეგის შეკავების შესახებ“ კანონის (CAATSA) ფარგლებში და მასში, „ჩრდილოეთის ნაკადი-2“-ის გარდა, ასევე ჩართო პროექტ „თურქული ნაკადის“ მეორე ტოტი, რომელზეც მანამდე სანქციები არ ვრცელდებოდა.

გაზსადენი „თურქული ნაკადი“ მიმდინარე წლის იანვრის დასაწყისში დაიწყო. ის ორი ტოტისგან შედგება და თითოეულის სიმძლავრე 15,75 მლრდ კუბური მეტრია. პირველი ტოტის დანიშნულება — რუსული გაზის თურქი მომხმარებლებისთვის მიწოდებაა, ხოლო მეორე ტოტისა — სამხრეთ და სამხრეთ–აღმოსავლეთ ევროპის მომარაგება ბუნებრივი აირით.

49
თემები:
მსოფლიო დღეს (2167)
ლაბორატორია

დადგინდა COVID-19-ის აგრესიულობის მიზეზი და მკურნალობის ახალი მეთოდი

105
(განახლებულია 14:14 22.10.2020)
იმის გასარკვევად, თუ რატომ არის SARS-CoV-2 ესოდენ გადამდები, მეცნიერებმა ორი დამოუკიდებელი კვლევა ჩაატარეს და „დამნაშავე“ აღმოაჩინეს

თბილისი, 22 ოქტომბერი — Sputnik. ახალი კორონავირუსი მის წინამორბედებთან შედარებით უფრო აგრესიული იმიტომაა, რომ ის უჯრედებში შესაღწევად მათ ზედაპირზე არსებულ სხვა რეცეპტორსაც იყენებს, რომელიც მრავლადაა სასუნთქ გზებში, სისხლძარღვებსა და ნეირონებში, აცხადებენ მეცნიერები, რომელთა კვლევაც Science-ში გამოქვეყნდა ორ სტატიად (სტატია პირველი, სტატია მეორე). 

იმის გასარკვევად, თუ რატომ არის SARS-CoV-2 ესოდენ გადამდები, მეცნიერებმა ორი დამოუკიდებელი კვლევა ჩაატარეს და დაადგინეს, რომ ადამიანის უჯრედების ზედაპირზე არსებული ცილა, რომელიც ვირუსს მასთან დამაგრებაში ეხმარება, ACE2-ის გარდა, ასევე უკავშირდება სხვა რეცეპტორს — ნეიროპილინ 1-ს. კვლევების ავტორები მიიჩნევენ, რომ სწორედ ეს უადვილებს ვირუსს უჯრედებში შეღწევას. 

მეცნიერთა ორივე ჯგუფმა აღწერა და ექსპერიმენტულად დაადასტურა, რომ არსებობს ისეთი ანტივირუსული მკურნალობის შექმნის შესაძლებლობა, რომელიც ნეიროპილინ 1-ის ინჰიბირებაზე იქნება დაფუძნებული. საქმე ისაა, რომ ლაბორატორიული კვლევისას სწავლულებმა ადამიანის უჯრედებში ნეიროპილინ 1 გათიშეს და ამ გზით შეამცირეს SARS-CoV-2- ის ინფიცირების უნარი.

გარდა ამისა, ნეიროპილინ 1–ის არსებობით აიხსნა ერთ-ერთი კვლევისას COVID-19-ის დროს ყნოსვის დაკარგვის მიზეზიც. გერმანელმა მეცნიერებმა COVID-19-ით გარდაცვლილი ექვსი პაციენტის გაკვეთის დროს აღმოაჩინეს, რომ ხუთ მათგანს ყნოსვის ეპითელიუმის ინფექცია ჰქონდა, რასაც თან ერთვოდა ინფიცირებულ უჯრედებში ნეიროპილინ 1-ის მაღალი ექსპრესია.

კვლევის ავტორები იგივე მიზეზით ხსნიან COVID-19-ის დროს ტვინის დაზიანებასაც. როდესაც მკვლევარებმა ნეიროპილინ 1-ის მსგავსი ნანონაწილაკები შეუშვეს ცხოველების ცხვირხახაში, მათ რამდენიმე საათში მიაღწიეს ტვინის ნეირონებსა და კაპილარულ სისხლძარღვებს — განსხვავებით საკონტროლო ნაწილაკებისგან, რომლებსაც კავშირი არ ჰქონდა ამ რეცეპტორთან.

 

105
თემები:
მსოფლიო და მეცნიერება
ჩაი

სვით ერთად და დიდი რაოდენობით: დადგინდა მწვანე ჩაისა და ყავის სარგებელი დიაბეტიანებისთვის

59
(განახლებულია 13:23 22.10.2020)
კვლევა, რომელშიც ხუთი ათასამდე ადმიანი მონაწილეობდა, ხუთი წლის განმავლობაში მიმდინარეობდა და საბოლოოდ მანამდე უცნობი შედეგი გამოავლინა

თბილისი, 22 ოქტომბერი — Sputnik. იაპონელმა მეცნიერებმა დაადგინეს, რომ მწვანე ჩაისა და ყავის ყოველდღიურად დიდი რაოდენობით მოხმარება მნიშვნელოვნად ამცირებს  მეორე ტიპის დიაბეტიან  ადამიანებში სიკვდილიანობის რისკს. კვლევა გამოქვეყნებულია ჟურნალ BMJ Open Diabetes Research & Care-ში.

არაერთი კვლევით დადასტურებულია, რომ მწვანე ჩაისა და ყავის რეგულარული მოხმარება, ამ სასმელებში შემავალი სხვადასხვა ბიოაქტიური ნაერთების გამო, სასარგებლოა ჯანმრთელობისთვის. თუმცა, აქამდე უცნობი იყო, თუ როგორ მოქმედებს ეს ორი სასმელი ერთად მეორე ტიპის დიაბეტის მქონე ადამიანებზე.

სწორედ ეს საკითხი შეისწავლეს კიუსიუს უნივერსიტეტის მეცნიერებმა იუჯი კომორიტას ხელმძღვანელობით.

ექსპერიმენტისთვის შეირჩა 4923 იაპონელი — 2790 კაცი და 2133 ქალი, რომელტა საშუალო ასაკი 66 წელი იყო და რომლებსაც მეორე ტიპის დიაბეტი, სულ მცირე, ხუთი წლით ადრე დაუდგინდათ.

კვლევის დასაწყისში მონაწილეებმა შეავსეს 58-პუნქტიანი კითხვარი, რომელიც მოიცავდა ინფორმაციას ცხოვრების სტილის შესახებ.  კითხვები უკავშირდებოდა ისეთ ფაქტორებს, როგორებიცაა რეგულარული ვარჯიში, მოწევა, ალკოჰოლის მოხმარება და ძილის საათების რაოდენობა. ანკეტაში ასევე შედიოდა კითხვა, თუ რამდენ ჭიქა მწვანე ჩაისა და ყავას სვამდნენ საცდელი პირები ყოველდღიურად.

რისკის ფაქტორების კორექტირების მიზნით, მონაწილეებს გაუზომეს სიმაღლე, წონა და არტერიული წნევა, აუღეს სისხლისა და შარდის ტესტები.

კვლევის განმავლობაში, რომელიც ხუთი წელი გაგრძელდა, 309 ადამიანი გარდაიცვალა. სიკვდილის ძირითადი მიზეზები იყო კიბო და გულსისხლძარღვთა დაავადებები — 114 და 76 ადამიანი შესაბამისად. ამასთან სიკვდილიანობა ყველაზე დაბალი იყო მათ შორის, ვინც ბევრ მწვანე ჩაისა და ყავას მიირთმევდა.

საბოლოოდ მეცნიერებმა დაადგინეს, რომ ყოველდღიურად ოთხი ან მეტი ჭიქა მწვანე ჩაისა და ამას პლუს ორი ან მეტი ფინჯანი ყავის სმა 63%-ით ამაცირებს მეორე ტიპის დიაბეტით დაავადებულ ადამიანებში სიკვდილიანობის რისკს.

„ეს არის პერსპექტიული კოჰორტაციული გამოკვლევა, რომელმაც აჩვენა, რომ მწვანე ჩაისა და ყავის დიდი რაოდენობით მოხმარება მნიშვნელოვნადაა დაკავშირებული   ყველა მიზეზით გამოწვეული სიკვდილიანობის შემცირებასთან. შესაძლოა ეფექტს ამ ორი სასმელის ერთობლივი მოქმედება აძლიერებდეს“, — აცხადებენ კვლევის ავტორები.

მკვლევარები ამას იმ ფაქტს მიაწერენ, რომ მწვანე ჩაი შეიცავს რამდენიმე ანტიოქსიდანტურ და ანთების საწინააღმდეგო ნაერთს, მათ შორის ფენოლებს, თეანინსა და კოფეინს. ყავა ასევე შეიცავს მრავალ ბიოლოგიურად აქტიურ კომპონენტს, მათ შორის ფენოლებს. მიიჩნევა, რომ კოფეინი დადებითად მოქმედებს ინსულინის გამომუშავებაზე და აუმჯობესებს მის მიმართ მგრძნობელობას.

59
თემები:
მსოფლიო და მეცნიერება
ტრამპისა და ბაიდენის ტელედებატები

მოსაზრება: ბაიდენის არჩევნებში დამარცხებას რუსეთს ვერ დააბრალებენ

0
(განახლებულია 15:56 22.10.2020)
წინასაარჩევნო კამპანია ამერიკაში ფინიშს უახლოვდება — დღეს დონალდ ტრამპი და ჯო ბაიდენი ბოლოჯერ შეხვდებიან ტელედებატებში

პიოტრ აკოპოვი

ამასთან ეს შეხვედრა, პრინციპში, შეიძლება უკანასკნელიც იყოს მათ ცხოვრებაში. აშშ–ში ახლა ვნებათაღელვა იმდენად მძაფრია, რომ ამ ორი ადამიანის კიდევ ოდესმე ერთად წარმოდგენა ძალიან ძნელია. საოცრებაც რომ მოხდეს და ბაიდენმა არჩევნები მოიგოს, ტრამპმა შეიძლება არც კი აღიაროს შედეგები, ან უბრალოდ, სულ ცოტა, ინაუგურაციაზე არ მივიდეს — ყველა ტრადიციის დარღვევთ. აი ბაიდენი კი არაფრის ფასად არ დაესწრება ტრამპის ინაუგურაციას. ასე რომ ხუთშაბათს მათ ბოლო შესაძლებლობა ექნებათ, უთხრან ერთმანეთს ის, რაც სურთ. და ისინი ამ შესაძლებლობას სრულად გამოიყენებენ.

ტრამპი ბაიდენს მთავარი დანაშაულებრივი ჯგუფის ხელმძღვალეს უწოდებს და ჯოს ჩასმას მოითხოვს ციხეში (ვაჟთან, ჰანტერთან ერთად). ჯო ციხეში არ ჩაჯდება, მაგრამ როცა არჩევნებს წააგებს, მედიასაშუალებები იტყვიან, რომ ის „ოქტომბრის სიურპრიზმა“ მოცელა — ჰანტერის კომპიუტერში ნაპოვნმა და ამ დღეებში გამოქვეყნებულმა კომპრომატმა, რომელიც ყოფილ ვიცე–პრეზიდენტს სიცრუესა და კორუფციაში ამხელს. მაგრამ ბაიდენი ამ მასალების გარეშეც წააგებდა არჩევნებს, უბრალოდ იმიტომ რომ ტრამპი გამარჯვებისთვისაა განწირული. მაგრამ ეს როგორ, როცა ყველა გამოკითხვა ბაიდენის უპირატესობაზე მეტყველებს? ხომ არ  შეიძლება, რომ შედეგები გამოგონილი იყოს?

შეიძლება. იმიტომ რომ ფსონები ისე მაღალი, როგორც არასდროს. და არ არსებობს ისეთი ტყუილი, რომელსაც ტრამპის წინააღმდეგ მოთამაშეები არ წავლენ.

„მე კენჭს ვიყრი არა მარტო მემარცხენე მედიასაშუალებების, არამედ დიდი ტექნოლოგიური კომპანია–გიგანტებისა („ფეისბუქი“, „ტვიტერი“, „გუგლი“) და „ვაშინგტონური ჭაობის“ წინააღმდეგ“, — განაცხადა ტრამპმა ცოტა ხნის წინ. და ამის საუკეთესო დასტურად იქცა ამ სამთავიანი მონსტრის რეაქცია ბაიდენის ოჯახის შესახებ გამოჩენილ კომპრომატზე. „ნიუ–იორკ პოსტის“ პუბლიკაცია უბრალოდ დაბლოკეს — ის არ ცანდა „გუგლის“ საძიებელში, ხოლო „ფეისბუქმა“ და „ტვიტერმა“ მისი გადაზიარების საშუალება მოსპო. რაღა თქმა უნდა, მედიასაშუალებებიც ცდილობდნენ, უბრალოდ არ შეემჩნიათ სკანდალური პუბლიკაცია, ხოლო პოლიტიკოსების უმეტესობა ისეთ სახეს იღებდა, თითქოს არაფერი სერიზული არ მომხდარა. ანუ სამივე ძალა სინქრონულად მოქმედებდა, რითაც ტრამპის აიმართლეს ამტკიცებდა. ამასთან მაშინვე გაჟღერდა ბრალდებებიც რუსეთის წინააღდეგ — ხომ გასაგები, რომ მოსკოვი ისევ ჩაერია ამერიკულ არჩევნებში და ბაიდენზე კომპრომატი შემოაგდოო.

ამაზე საუბრობდნენ არა მარტო კომენტატორები და კონგრესმენები, არამედ სპეცსამსახურების თანამშრომლებიც. ყოფილი თანამშრომლები — ვინაიდან აშშ–ის ეროვნული დაზვერვის დირექტორმა ჯონ რეტკლიფმა განაცხადა, რომ ბაიდენის ნოუთბუქში ნაპოვნი ინფორმაცია „რუსეთის რაიმე დეზინფორმაციული კამპანიის ნაწილი არ არის“. მაგრამ ორმოცდაათამდე ყოფილმა მზვერავმა (რეტკლიფის წინამორბედ ჯიმ კლეპერის ჩათვლით, რომელიც სიცრუეში ამხილეს) ღია წერილი დაწერეს, გამოცდილება „გვაიძულებს, სერიოზულად დავეჭვდეთ, რომ ამ საქმეში მნიშვნელოვანი როლი რუსეთის მთავრობამ ითამაშაო“:

„აშშ–ში პოლიტიკურ არენაზე გამოჩენილი ელექტრონული წერლები, რომლებიც სავარაუდოდ ვიცე–პრეზიდენტ ბაიდენის ვაჟს ეკუთვნის და რომელთა დიდი ნაწილი იმ პერიოდს განეკუთვნება, როდესაც ის უკრაინულ გაზის კომპანია Burisma–ს ხელმძღვანელობაში მუშაობდა, რუსეტის ინფორმაციული კამპანიის ყველა ნიშანს ატარებს“.

ანუ რუსეთს იმაში კი არ ადანაშუალებენ, რომ მან ბაიდენზე კომპრომატები გააყალბა, არამედ იმაში, რომ მან ისინი გაავრცელა. მაგრა როგორ, როცა რუდი ჯულიანის (ტრამპის ყოფილი ადვოკატი) თქმით, ჰანტერ ბაიდენის კომპიუტერის მყარი დისკის შემადგენლობა უკვე შვიდი თვის წინ გადაეცა გამოძიების ფედერალურ ბიუროს? ანუ მოსკოვს ეს მასალები „ოქტომბრის სიურპრიზის“ სამზადისში დამალული ჰქონდა? თუ თავად ტრამპის შტაბმა და მისმა მრჩევლებმა გააკეთეს, იგივე ჯულიანის ჩათვლით? უი, არა, ჯულიანი ხომ პუტინზე მუშაობს... და ეს ხუმრობა არ არის: როგორც სენატორმა კრის მერფიმ განაცხადა, „ამჯერად რუსებმა ამერიკელების თავის აგენტებად დამუშავება გადაწყვიტეს. ისინი ცდილობენ განავრცონ თავიანთი პროპაგანდა მეინსტრიმულ მედიაში... და მათ წარმატებას მიაღწიეს. იცოდეთ, რუდი ჯულიანი ახლა არსებითად რუსეტის აგენტია“.

დიახ, რა თქმა უნდა. თუკი თავად ტრამპი მუშაობს კრემლზე, მის თანამშრომლებსა და დაახლოებულ პირებზე რაღა ითქმის. სიცილი სიცილად, მაგრამ ვითარების სწორედ ასეთი არაადეკვატური შეფასება და ამერიკელებისთვის „რუსეთის ჩარევის“ მიყიდვის მცდელობა, ბაიდენების ოჯახზე კომპრომატების ისტორიაშიც კი, საუკეთესო დასტურია იმისა, რომ ტრამპმა უკვე გაიმარჯვა. იმიტომ რომ მისი მოწინააღმდეგეები სრულად გამოგონილ სამყაროში ცხოვრობენ, რომელშიც რუსები გავლენას ახდენენ აშშ–ის არჩევნების შედეგებზე, ხოლო ბაიდენისა და ტრამპის რეიტინგებს შორის სხვაობა ორნიშნა რიცხვებით გამისაზღვრება. თანაც ეს ყველაფერი  ერთდროულად ხდება და ერთმანეთს არანაირად არ ეწინააღმდეგება.

მაგრამ რეალურ სამყაროში ჩვენ სულ სხვა რამეს ვხედავთ: ტრამპის მომხრეთა უზარმაზარ რაოდენობას მის დაუსრულებელ მიტინგებზე მთელი ქვეყნის მასშტაბით, და ენთუზიაზმის არარსებობას ბაიდენის იშვიათ შეხვედრებზე მცირე რაოდენობის მომხრეებით; ტრამპის  მხარდაჭერის ზრდას უმცირესობის (მაგალითად, ფერადკანიანებისა და მუსლიმების) წარმომადგენლებს შორის, რომლებიც საერთოდაც არ შეადგენენ ელექტორატს, ტრამპის რუსეთთან კავშირის დაუსაბუთებლობასა და ბაიდენის ოჯახის სიცრუისა და კორუფციონერობის სულ ახალ მტკიცებულებებს. და რაც ყველაზე მთავარია: რეალურ სამყაროში ამერიკელები დიდი ხნის წინ განიხიბლნენ პოლიტიკური ელიტისა და ზეპარტიული „ვაშინგტონური ჭაობისგან“ და სწორედ ამიტომ ტრამპის ერთადერთ სერიოზულ ალტერნატივად არასისტემური სენატორი სანდერსი შეიძლებოდა ყოფილიყო. მაგრამ სწორედ თავისი არასისტემურობის გამო არ დაუშვა ის არჩევნებზე „კოლექტიურმა ბაიდენმა“.

რიგითი ამერიკელები რეალურ სამაროში ცხოვრობენ და არა პროპაგანდისა, ამიტომ 3 ნოემბრის არჩევნების შედეგი ბედისწერითაა განსაზღვრული. იმ შემთხვევაშიც კი, თუ საჭირო „მერყევ შტატებში“ ხმებს წაიმატებენ პასიური დემოკრატიული ელექტორატის ფოსტით ხმის მიცემაზე მობილიზაციის გზით — ეს იმიტომ რომ იმ შტატებშიც შეინიშნება იმათი რაოდენობის ზრდა, ვინც რესპუბლიკელებს წინასწარ მისცა ხმა.

გამოგონილი სამყარო 3 ნოემბერს დამარცხდება, თუნდაც ქაოსი მოაწყოს და არ აღიაროს რეალობა. სამთავიან ჰიდრას რევანშის იმედი ექნება და ამაზე იმუშავებს როგორც ამერიკის, ისე გლობალური მასშტაბით. და აი იქ უკვე ექნება მას სრული უფლება, დაადანაშაულოს რუსები თავის წარუმატებლობაში.

რედაქცია შესაძლოა არ ეთანხმებოდეს ავტორის მოსაზრებებს!

0
თემები:
რუსეთი დღეს