პრეზიდენტი დონალდ ტრამპი COVID 19-ის ახალ ტესტებს წარადგენს

დონალდ ტრამპმა აშშ-ში ვაქცინაციის დაწყების თარიღი დაასახელა

126
(განახლებულია 16:15 17.09.2020)
მანამდე შეერტებულ შტატებში რამდენიმე დღით შეჩერდა ვაქცინის გამოცდა, ვინაიდან ერთ-ერთ მოხალისეს ნევროლოგიური დაავადება განუვითარდა, რომლის კავშირიც პრეპარატთან საბოლოოდ არ დადასტურდა.

თბილისი, 17 სექტემბერი — Sputnik. აშშ-ის ხელისუფლებას მოსახლეობაში COVID-19-ის საწინააღმდეგო ვაქცინის გავრცელება უკვე ოქტომბერში შეუძლია, განაცხადა პრეზიდენტმა დონალდ ტრამპმა პრესკონპერენციაზე, რომლის ტრანსლაციას აწარმოებდა ტელეარხი FoxNews.

ტრამპის თქმით, ვაქცინაცია იქნება „ძალიან უსაფრთხო და ეფექტური“.

„ჩვენ ამის დაწყება ოქტომბერში შეგვიძლია... ვფიქრობ, თვის შუა რიცხვებიდან, ან ოდნავ მოგვიანებით“, — აღნიშნა პრეზიდენტმა.

ამასთან მან განმარტა, რომ მიმდინარე წლის ბოლომდე აშშ-ში ვაქცინის 100 მლნ დოზა იქნება მზად.

9 სექტემბერს ცნობილი გახდა, რომ შეერთებულ შტატებში შეჩერდა ფარმაცევტული კომპანია AstraZeneca-ს მიერ შექმნილი ანტოკორონავირუსული ვაქცინის კლინიკური გამოცდები, ვინაიდან ერთ-ერთი აცრილი ბრიტანელი პაციენტი ავად გახდა.

მსოფლიოს COVID-19-ის ვაქცინა არ ეყოფა: კომენტარი პლანეტის უმსხვილესი მწარმოებლისგან>>

საუბარია ნევროლოგიურ სიმპტომებზე, მათ შორის კიდურების სისუსტესა და მგრძნობელობის შეცვლაზე. თუმცა დამოუკიდებელმა კვლევამ აჩვენა, რომ ვაქცინასთან ამგვარი გამოვლინებების დაკავშირება ან ნაკლებად სარწმუნოა, ან საერთოდ არ დასტურდება. შესაბამისად, რამდენიმე დღის შემდეგ პრეპარატის გამოცდა გაგრძელდა.

ამ დროისათვის მსოფლიოში ერთადერთი ვაქცინაა რეგისტრირებული, რომელიც რუსეთის გამალეის ცენტრში შეიქმნა სახელწოდებით Sputnik V. 8 სექტემბერს პრეპარატი სამოქალაქო ბრუნვაში გაუშვეს.

126
თემები:
მსოფლიო დღეს (2082)
როუვენ რივლინი

უჩვეულო ინიციატივა: ისრაელის პრეზიდენტმა თავისი ხელფასის შემცირება მოითხოვა

14
(განახლებულია 14:26 23.09.2020)
ისრაელის პრეზიდენტის ხელფასი ერთ თვეში დაახლობით 18 ათას აშშ დოლარს უტოლდება, ხოლო დეპუტატებისა - 12 ათას დოლარს

თბილისი, 23 სექტემბერი — Sputnik. ისრაელის პრეზიდენტმა როუვენ (რუბი) რივლინმა ქვეყნის მთავრობას მისთვის ხელფასის 10%-ით შემცირების თხოვნით მიმართა, ამის შესახებ პრეზიდენტმა საკუთარ Twitter–აკაუნტზე დაწერა.

​მანამდე, 21 სექტემბერს, ისრაელის მინისტრთა კაბინეტმა მინისტრებისა და ქნესეთის (პარლამენტის) დეპუტატებისთვის დროებით ჯამაგირის 10%-ით შემცირების გადაწყვეტილება მიიღო. ინიციატივა ქვეყნის ფინანსთა მინისტრ ისრაელ კაცს ეკუთვნოდა.

აღნიშნული წინადადების განხილვისას საგარეო საქმეთა მინისტრმა არიე დერიმ ყველა მაღალჩინოსანი სახელმწიფო მოხელისთვის ხელფასების 20%-ით შემცირება მოითხოვა, თუმცა მის ინიციატივას მხარი არ დაუჭირეს.

ისრაელის პრეზიდენტის ხელფასი დაახლოებით 64 ათას შეკელს (18 ათასი 479 აშშ დოლარი) შეადგენს ერთ თვეში, ხოლო ქნესეთის დეპუტატის ხელფასი თვეში დაახლოებით 44 ათას შეკელს (12 768 აშშ დოლარი) უტოლდება.

14
თემები:
მსოფლიო დღეს (2082)
მაიკლ პენსი

ინციდენტი ჰაერში: აშშ-ის ვიცე-პრეზიდენტის თვითმფრინავი მოულოდნელად დაჯდა

42
(განახლებულია 13:54 23.09.2020)
ირკვევა, რომ ინციდენტი აფრენიდან მოკლე ხანში მოხდა, რის შემდეგაც ვიცე–პრეზიდენტის ხომალდი სიფრთხილის ზომებიდან გამომდინარე დასვეს ნიუ–ჰემპშირში

თბილისი, 23 სექტემბერი — Sputnik. ვაშინგტონიდან აფრენილი თვითმფრინავი, რომლის ბორტზეც აშშ–ის ვიცე–პერზიდენტი მაიკლ პენსი იმყოფებოდა, მოულოდნელად დაეშვა ნიუ–ჰემპშირის აეროპორტში, იუწყებაCNN–ი პენსის პრესმდივანზე დაყრდნობით.

​გავრცელებული ინფორმაციით, თვითმფრინავის შტატგარეშე დაჯდომის მიზეზი — ეს ჰაერში ფრინველთან შეჯახება იყო.

ირკვევა, რომ ინციდენტი აფრენიდან მოკლე ხანში მოხდა, რის შემდეგაც ვიცე–პრეზიდენტის ხომალდი სიფრთხილის ზომებიდან გამომდინარე დასვეს ნიუ–ჰემპშირში.

როგორც გამოცემა წერს, მაიკლ პენსი და მისი თანმხლები პირები ვაშინგტონში სატვირთო თვითმფრინავით დაბრუნდნენ.

42
თემები:
მსოფლიო დღეს (2082)
სტეფანე მღებრიშვილი

„მსოფლიოში ყველაზე ლამაზ ქალთან“- სტეფანე მღებრიშვილი მაკა ასათიანთან ერთად გამოჩნდა

0
(განახლებულია 13:21 23.09.2020)
ცნობილი დიზაინერი მაკა ასათიანი თბილისში სტუმრობისას თინეიჯერობის მეგობრებს შეხვდა. როგორ გამოიყურებიან წლების შემდეგ სტეფანე და მაკა?

მსოფლიოს მუსიკალური ინდუსტრია ცნობილი არტისტების ვიზუალითაა დაინტერესებული. ვარსკვლავების უმეტესობა პლატიკურ ქირურგიას დაუფიქრებლად თანხმდება - შედეგიც სახზეა. სელებრითები ბუნებრივ სილამაზეს ხელოვნურ გარეგნობაში ერთი ხელის მოსმით ცვლიან. თუმცა, ქართველ ვარსკვლავებს შორის გამონაკლისებიც არიან. ერთ-ერთია მაკა ასათიანი - ელეგანტური, მუდამ საუცხოოდ გამოწყობილი, რომელზეც ვერავინ იტყვის, რომ ცნობილი ქალბატონი უკვე ბებიაა. ის, სულ ცოტა ხნის წინ სტეფანე მღბრიშვილთან ერთად ერთ-ერთ საღამოზე გამოჩნდა.

მიუხედავად ცხოვრებისეული ტრაგედიებისა, მაკა ასათიანი შინაგან სილამაზეს არ კარგავს. მის მშვენებას დრო ვერ ცვლის, ვერც განვლილი ცხოვრება და ტკივილი. ცნობილია, რომ მაკა ასათიანს წლების წინ ჯერ მამა – კახი ასათიანი მოუკლეს, მოგვიანებით კი საყვარელი კაცი – ცნობილი კალათბურთელი დუდუ დადიანი. მაკას პირადმა ცხოვრებამ და შინაგანმა სამყარომ დიდი გარდატეხა განიცადა. საზოგადოება მის მუდამ შავ ჩაცმულობას სწორედ ცხოვრებისეულ განვლილ ეტაპებს უკავშირებს.

მაკა ასათიანს მერაბ ჟორდანიასგან ორი ვაჟი – კახი და ლევან ჟორდანიები ჰყავს. მათ სიყვარულზე ქალაქში ლეგენდებს ჰყვებოდნენ, მერაბი მაკას ისეთ სიურპრიზებს უწყობდა, ხალხი გაოგნებით ისმენდა და კითხულობდა, მაგრამ მათი ურთიერთობა ხანმოკლე აღმოჩნდა. მოგვიანებით სილამაზის ეტალონი ცოლად კოტე გოგელიამ მოიყვანა. ცნობილია, რომ კოტე გოგელია რუსეთსა და შვეიცარიაში მოღვაწე ბიზნესმენია. წყვილს ერთი ვაჟი – კოსტა გოგელია შეეძინა.

View this post on Instagram

❤️

A post shared by ქართველი სელებრითები (@georgiancelebritiesofficial) on

მაკა ასათიანის სილამაზე ყველაზე გულგრილი ადამიანების აღტაცებასაც კი იწვევს. მისი შარმი, ჩაცმის ევროპული სტილი, ნატიფი სხეული, გამორჩეული მანერები 90-იანი წლების თბილისის განხილვის მთავარი თემა იყო. მიუხედავად ახლანდელი მშვიდი ცხოვრებისა, მასზე საუბარს არ წყვეტენ.

0
თემები:
სელებრითების ცხოვრება