ტესტი კორონავირუსზე

აშშ-ში შექმნეს კორონავირუსის ტესტი, რომლის გაკეთება სახლში შეიძლება

76
ექსპრესტესტის ღირებულება ჯერ არ არის ცნობილი, თუმცა გასაყიდად მას მხოლოდ აშშ-ის სურსათისა და მედიკამენტების ადმინისტრაციის ნებართვის შემდეგ გამოიტანენ

თბილისი, 16 სექტემბერი - Sputnik. აშშ-ში ორმა კომპანიამ გაავრცელა განცხადება ხელოვნური ინტელექტის გამოყენებით კორონავირუსის პირველი ექსპრესტესტის დამზადების შესახებ - ტესტის გაკეთება შესაძლებელია 15 წუთში, წერს РИА Новости.

კერძოდ, Cellex-მა, რომელიც დიაგნოსტიკაზე მუშაობს, შექმნა ტესტი ანტიგენებზე. ტესტირებისას ადამიანმა ბამბის ჩხირით უნდა აიღოს ნაცხი ცხვირიდან და ჩხირი სპეციალური სითხით სავსე ფლაკონში მოათავსოს. ამის შემდეგ ფლაკონიდან წვეთები უნდა გადაიტანოს ტესტკასეტაზე, რომელიც ნიმუშში ვირუსის არსებობას განსაზღვრავს.

აღსანიშნავია, რომ შედეგის გაგება შესაძლებელი იქნება საკუთარი ექსპრესტესტის ფოტოსურათით: აპლიკაცია, შემუშავებული Gauss-ის სტარტაპით, იყენებს ხელოვნურ ინტელექტს, რათა 15 წუთში გამოთვალოს შედეგი და მომხმარებელს აცნობოს, არის თუ არა იგი ავად კორონავირუსით.

როგორც კომპანიაში აღნიშნავენ, ამ „სწრაფ, საიმედო, იაფ და მარტივად გამოსაყენებელ“ ტესტს მნიშვნელოვნად შეუძლია ვირუსის გავრცელების შემცირება, განსაკუთრებით უსიმპტომო პაციენტებში.

კომპანიაში განმარტავენ, რომ ეს პირველი ტესტია, რომელიც  ნიმუშების ლაბორატორიაში გაგზავნის გარეშე სახლის პირობებში შეიძლება გაკეთდეს. ამასთან, პორტალ Axios-ის მონაცემებით, კომპანია Cellex-ში აცხადებენ, რომ ტესტის მგრძნობელობა დადებითი შედეგისადმი 90%-ს შეადგენს, უარყოფითი შედეგისადმი - თითქმის 100%-ს.

ტესტი გასაყიდად მხოლოდ მას შემდეგ შეიძლება გამოიტანონ, რაც აშშ-ის სურსათისა და მედიკამენტების ადმინისტრაცია ლიცენზიას გასცემს. ტესტის ფასი ჯერჯერობით არ საჯაროვდება.

76
თემები:
COVID-19-ის პანდემია მსოფლიოში (1142)
სერგეი ლავროვი

ლავროვი: განცხადებები, რომ Sputnik და RT პროპაგანდის ინსტრუმენტებია, აბსურდულია

4
(განახლებულია 16:58 18.09.2020)
რუსულ მასმედიასთან დაკავშირებული ვითარება დასავლეთში ბოლო წლებში უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა

თბილისი, 18 სექტემბერი – Sputnik. RT და Sputnik უმრავლეს ქვეყნებში დიდი პოპულარობით სარგებლობენ, ამიტომ განცხადებების იმის შესახებ, რომ ეს მედიასაშუალებები პროპაგანდის ინსტრუმენტებია, აბსურდულია, განაცხადა რუსეთის საგარეო საქმეთა მინისტრმა სერგეი ლავროვმა РИА Новости–სთან ინტერვიუში.

მისი თქმით, მოსკოვს მიუღებლად მიაჩნია ევროპაში Sputnik–ისა და RT–ს დისკრიმინაცია.

ჩერიშევა: სანქციები ჟურნალისტების წინააღმდეგ – ეს ცენზურაა>>

„რა თქმა უნდა, ეს პრობლემა განხილული იყო (ფრანგ კოლეგებთან). მიუღებლად მიგვაჩნია, რომ Sputnik–ისა და RT–ს, მათი კორესპონდენტების დისკრიმინაცია მიმდინარეობს ღიად – საფრანგეთშიც, და რაც Sputnik–ს ეხება ბალტიისპირეთის ქვეყნებში, ესეც კარგად ცნობილი ფაქტია. ის, რომ ბოლო წლებში, 2017 წლიდან აკრედიტება ელისეს სასახლეში არა აქვს არც RT–ს, არც Sputnik–ს, ეს, რა თქმა უნდა, სამწუხაროა“, – განაცხადა მინისტრმა.

ლავროვმა აღნიშნა, რომ რუსეთი ამ საკითხებს აყენებს არა მხოლოდ ფრანგების წინაშე და მოითხოვს რუსეთში დარეგისტრირებული მასმედიის საშუალებების დისკრიმინაციის შეწყვეტას.

„ჩვენი ფრანგი კოლეგები აცხადებენ, რომ არ შეცვლიან თავიანთ გადაწყვეტილებას, აკრედიტება არ გაიცემა, რადგან RT და Sputnik, ვციტირებ, „ეს მასმედია არ არის, არამედ პროპაგანდის ინსტრუმენტია“. ვფიქრობ, ამგვარი იარლიყების აბსურდულობაზე კომენტარის გაკეთება არაა საჭირო, რადგან RT–ცა და Sputnik–იც უზარმაზარი პოპულარობით სარგებლობენ უფრო და უფრო მეტ ქვეყანაში, იზრდება აუდიტორია“, – აღნიშნა ლავროვმა.

რუსულ მასმედიასთან დაკავშირებული სიტუაცია დასავლეთში ბოლო წლებში სულ უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა და აღინიშნა, რომ აუცილებელია ამ საშუალებების წინააღმდეგ მოქმედება. რუსეთის პრეზიდენტმა ვლადიმირ პუტინმა ამ რეზოლუციის კომენტარისას Sputnik–ისა და RT–ს ჟურნალისტებს მიულოცა შედეგიანი მუშაობა და აღნიშნა, რომ რეზოლუცია დასავლურ საზოგადოებაში დემოკრატიის შესახებ წარმოდგენის დეგრადაციაზე მეტყველებს, თუმცა, იმედი გამოთქვა, რომ ჯანსაღი აზრი გაიმარჯვებს.

4
თემები:
რუსეთი დღეს
მსოფლიო ბანკი

როდის აღდგება მსოფლიო ეკონომიკა კორონავირუსის შემდეგ - მსოფლიო ბანკის პასუხი

100
მსოფლიო ბანკი ივნისში აცხადებდა, რომ 2020 წელს მეორე მსოფლიო ომის შემდეგ მსოფლიო ეკონომიკაში რეკორდული ვარდნა მოხდება - 5,2%-ით, 2,5%-იანი ზრდის ნაცვლად, რაც იანვარში იყო მოსალოდნელი

თბილისი, 17 სექტემბერი – Sputnik. მსოფლიო ეკონომიკას კორონავირუსის პანდემიით გამოწვეული კრიზისიდან გამოსასვლელად შეიძლება ხუთი წელი დასჭირდეს, განაცხადა მსოფლიო ბანკის მთავარმა ეკონომისტმა კარმენ რეინჰარტმა (Carmen Reinhart). ამის შესახებ РИА Новости სააგენტო Reuters-ზე დაყრდნობით იუწყება.

„სავარაუდოდ, კარანტინთან დაკავშირებული ყველა შემზღუდავი ზომების გაუქმების ფონზე სწრაფი ნახტომი მოხდება, მაგრამ სრულ აღდგენას ხუთ წლამდე დრო დასჭირდება“,  - ციტირებს სააგენტო ეკონომისტს.

ამასთან რეიჰარტი ვარაუდობს, რომ კრიზისის შემდეგ მსოფლიოში სიღარიბის დონე პირველად ბოლო 20 წლის განმავლობაში გაიზრდება.

ეკონომისტის თვალსაზრისით, პანდემიით გამოწვეული კრიზისი მსოფლიოში უთანასწორობას გააღრმავებს, რადგან მდიდარ ქვეყნებში  კრიზისი უფრო მეტად დააზარალებს მოსახლეობის უღარიბეს ფენებს, და უღარიბესი ქვეყნები მეტად დაზარალდება, ვიდრე მდიდრები.

ჯანდაცვის მსოფლიო ორგანიზაციამ (ჯანმო) 11 მარტს კორონავირუსული ინფექციის აფეთქება პანდემიად გამოაცხადა. ჯანმოს ბოლო მონაცემებით, მსოფლიოში ინფიცირების 29,1 მილიონზე მეტი შემთხვევა გამოვლინდა, 926 ათასზე მეტი ადამიანი გარდაიცვალა.

100
თემები:
COVID-19-ის პანდემია მსოფლიოში (1142)
გერმანული ნაგაზი

„თავში დაჭრილი ჩემი შვილის ძაღლია, მხოლოდ მის ყეფაზე რეაგირებს“- დაიკარგა გერმანული ნაგაზი

0
(განახლებულია 12:36 18.09.2020)
17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა

თბილისი, 18 სექტემბერი – Sputnik. სოციალურ ქსელში გერმანული ნაგაზის დაკარგვასთან დაკავშირებით ინფორმაცია ვრცელდება.

ირკვევა, რომ ძაღლის პატრონი ცოტა ხნის წინ სწორედ მის გამო დაჭრეს და ავადმყოფი მხოლოდ ამ ძაღლის ყეფაზე რეაგირებს.

როგორც მეპატრონე წერს, 5 წლის ნაგაზსს დექსტერი ჰქვია, ყელზე ჯაჭვი აქვს და გრძელი საბმელი, ნეიროდერმიტის დაავდება აქვს და თუ ვინმე მას სახლში წაიყვანს, ნერვიულობის ფონზე საკვებს არ მიეკარება და მოკვდება.

„მე როგორც დედა ყველას გთხოვთ დააბრუნეთ ერეკლეს ძაღლი!“, - წერს სოციალური ქსელის მომხმარებელი ნინო ჩეკურიშვილი.

17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა.

რო­გორც მო­ზარ­დის დედა ნინო ჩე­კუ­რიშ­ვი­ლი აცხა­დებს, გან­ზრახ მკვლე­ლო­ბის მცდე­ლო­ბის ბრალ­დე­ბით და­კა­ვე­ბულ­მა 37 წლის დი­მიტ­რი როს­ტო­მაშ­ვილ­მა და­ნა­შა­უ­ლი აღი­ა­რა და გა­ნა­ცხა­და, რომ სრო­ლის მო­მენ­ტში ამ­ფე­ტა­მი­ნის ზე­მოქ­მე­დე­ბის ქვეშ იმ­ყო­ფე­ბო­და.

0