Huawei

იქმნება გაჯეტების უსადენო ლაზერული დამტენი: Huawei-მ გამოგონება უკვე დააპატენტა

92
(განახლებულია 19:02 16.09.2020)
ტექნოლოგია შესაძლებელს ხდის, რომ ერთი უსადენო მოდულის მეშვეობით ერთდროულად რამდენიმე მოწყობილობა დაიმუხტოს ენერგიით.

თბილისი, 16 სექტემბერი — Sputnik. კომპანია Huawei გაჯეტების დასატენად სრულიად ახალ ტექნოლოგიას ქმნის, რომელიც უხილავი ლაზერით ენერგიის უსადენო გადაცემას ეფუძნება, იუწყება Pocketnow პატენტზე დაყრდნობით, რომელიც უკვე მიიღო კომპანიამ.

გავრცელებული ინფორმაციით, ახალი ტექნოლოგიის მეშვეობით ერთი უსადენო მოდული ერთდროულად რამდენიმე მოწყობილობას დამუხტავს ენერგიით — უბრალოდ იმ სივრცეში ყოფნით, რომელშიც მოდული იქნება განთავსებული.

ასეთ შემთხვევაში აღარც ინდივიდუალური დამტენების ტარება იქნება საჭირო და აღარც აკუმულატორის მდგომარეობაზე შფოთვა, ვინაიდან ენერგიის უსადენოდ გადაცემის მოდული მუდმივ რეჟიმში უზრუნველყოფს კვებას.

Huawei-ში აცხადებენ, რომ კარგად აცნობიერებენ ლაზერების საფრთხეს ადამიანებისა და ცხოველების მხედველობისთვის, ამიტომ კომპანია ამ დროისათვის იმაზე მუშაობს, რომ დამტენმა სადგურმა თვალების განსაზღვრა შეძლოს და დაიცვას ისინი დაზიანებისგან.

ახალ ტექნოლოგიას ჯერჯერობით სახელი არ აქვს. ამასთან არც ლაზერული დამუხტვის მხარდაჭერის მქონე პირველი გაჯეტების გამოსვლის თარიღია ცნობილი.

92
თემები:
მსოფლიო და მეცნიერება (501)
ბარაკ ობამა

„დრო და დრო გიპასუხებთ“ - ბარაკ ობამამ Twitter-ზე თავისი ტელეფონის ნომერი გამოაქვეყნა

6
(განახლებულია 09:18 24.09.2020)
ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით

თბილისი, 24 სექტემბერი — Sputnik. აშშ–ის ექს–პრეზიდენტმა ბარაკ ობამამ Twitter–ზე საკუთარი ტელეფონის ნომერი გამოაქვეყნა და ამერიკელებს სთხოვა, გაუგზავნონ მას შეტყობინებები მომავალ  არჩევნებში მონაწილეობასთან დაკავშირებით.

​„მოსინჯეთ რაღაც ახალი. თუ შეერთებულ შტატებში იმყოფებით, გამომიგზავნეთ შეტყობინება ნომერზე 773-365-9687. მინდა გავიგო, როგორ მიდის თქვენი საქმეები, რაზე ფიქრობთ და როგორ გეგმავთ ხმის მიცემას წელს“, — წერს ობამა.

ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით.

აშშ–ში საპრეზიდენტო არჩევნები 3 ნოემბერსაა დაგეგმილი. ვადამდელი ხმის მიცემა ზოგ შტატში უკვე დაიწყო. მოქმედი პრეზიდენტის, დონალდ ტრამპის კონკურენტი არჩევნებში დემოკრატების კანდიდატი ჯო ბაიდენია.

6
თემები:
მსოფლიო დღეს

კორონავირუსის რუსული ვაქცინა: რომელ ქვეყნებს სურთ მისი ყიდვა

6
(განახლებულია 02:14 24.09.2020)
როდის დასრულდება პანდემია? ალბათ, ეს საკითხი ყველას აღელვებს. კორონავირუსის დასრულებაში წვლილს შეიტანს რუსული ვაქცინაც სახელწოდებით „Sputnik V“. რომელი ქვეყნები აპირებენ პრეპარატის ყიდვას და სად შეიმუშავეს საკუთარი ვაქცინა – იხილეთ ჩვენს ვიდეოში
6