მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ისრაელი იკეტება: COVID-19-ის მეორე ტალღა პირველზე ძლიერი გამოდგა

© AP Photo / Oded Baliltyკორონავირუსი ისრაელში
კორონავირუსი ისრაელში - Sputnik საქართველო
გამოწერა
მანამდე ისრაელის საელჩომ საქართველოს იმ მოქალაქეებს, რომლებიც ისრაელში იმყოფებიან, კომენდანტის საათის ამოქმედების შესახებ აცნობა და სიფრთხილისკენ მოუწოდა.

თბილისი, 14 სექტემბერი — Sputnik. ისრაელის მთავრობამ ქვეყანაში სრული საკარანტინო მდგომარეობა გამოაცხადა, რომელიც სამი კვირის განმავლობაში გაგრძელდება — ებრაული დღესასწაულების პერიოდში, იუწყება Ynetnews.com.

ისრაელის დროშა - Sputnik საქართველო
ისრაელის საელჩო საქართველოს მოქალაქეებს აფრთხილებს

გავრცელებული ინფორმაციით, კარანტინი 19 სექტემბრის 14:00 საათიდან ამოქმედდება.

„დღეს მთავრობის სხდომაზე მივიღეთ გადაწყვეტილება უახლოესი სამი კვირის განმავლობაში ჩაკეტვის შესახებ, რაც საჭიროების შემთხვევაში შეიძლება გაგრძელდეს, მაგრამ ამ მომენტისთვის ეს სიმჰათ თორას დღესასწაულამდე იმოქმედებს“, — განაცხადა პრემიერ-მინისტრმა ბენიამინ ნათანიაჰუმ პრესკონფერენციაზე.

შეზღუდვები მოიაზრებს მოქალაქეების გადაადგილების აკრძალვას, საგანმანათლებლო დაწესებულებების მუშაობის შეჩერებას, რესტორნების, კაფეებისა და ოფისების დახურვას. მუშაობას არ შეაჩერებს მხოლოდ სტრატეგიული დანიშნულების ობიექტები.

გამოცემის ცნობით, ისრაელში COVID-19-ის მეორე ტალღა ბევრად ძლიერია პირველზე.

ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე მსოფლიოში ახალი ტიპის კორონავირუსით ინფიცირება 28 996 407 ადამიანს დაუდგინდა. აქედან გარდაიცვალა 922 737 და განიკურნა 19 547 423 პაციენტი.

ყველა ახალი ამბავი
0