დონალდ ტრამპი

დონალდ ტრამპი ნობელის მშვიდობის პრემიაზეა წარდგენილი

50
(განახლებულია 20:41 09.09.2020)
ტიბრინგ-გერდეს მიაჩნია, რომ ქვეყნებს შორის მშვიდობის დამყარების საქმეში ტრამპმა იმაზე მეტი გააკეთა, ვიდრე მშვიდობის პრემიის სხვა ნომინანტების უმრავლესობამ.

თბილისი, 9 სექტემბერი ― Sputnik. ნორვეგილემა დეპუტატმა კრისტიან ტიბრინგ-გერდემ ნობელის პრემიის კომიტეტს დონალდ ტრამპის მშვიდობის პრემიაზე წარდგენის წინადადებით მიმართა, იუწყება Fox News.

დეპუტატის წინადადებით, ამერიკის ლიდერს პრემია ძველი საერთაშორისო კონფლიქტების დასარეგულირებლად გაღებული ძალისხმევისთვის უნდა გადაეცეს.

ტიბრინგ-გერდეს მიაჩნია, რომ ქვეყნებს შორის მშვიდობის დამყარების საქმეში ტრამპმა იმაზე მეტი გააკეთა, ვიდრე მშვიდობის პრემიის სხვა ნომინანტების უმრავლესობამ.

დეპუტატი ნობელის კომიტეტისადმი წერილში აცხადებს, რომ ტრამპის ადმინისტრაციამ საკვანძო როლი შეასრულა ისრაელსა და არაბთა გაერთიანებულ საამიროებს შორის ურთიერთობების ნორმალიზაციაში, რომელთა შორის სამშვიდობო ხელშეკრულების გაფორმება ვაშინგტონში 15 სექტემბერს იგეგმება. ამასთან, მას მიაჩნია, რომ ახლო აღმოსავლეთის ქვეყნები საამიროების მაგალითს მიბაძავენ და ამ კუთხით სამშვიდობო ხელშეკრულების მოსალოდნელი გაფორმება გარდამტეხი მომენტი გახდება, რომლის წყალობითაც ახლო აღმოსავლეთი თანამშრომლობისა და კეთილდღეობის რეგიონად გადაიქცევა. 

აღსანიშნავია, რომ მშვიდობის დარგში ნობელის პრემია ტრამპის წინამორბედ ბარაკ ობამას გაპრეზიდენტებიდან ერთი წლის შემდეგ გადაეცა.

 

50
თემები:
მსოფლიო დღეს (2066)
მსოფლიო ბანკი

როდის აღდგება მსოფლიო ეკონომიკა კორონავირუსის შემდეგ - მსოფლიო ბანკის პასუხი

100
მსოფლიო ბანკი ივნისში აცხადებდა, რომ 2020 წელს მეორე მსოფლიო ომის შემდეგ მსოფლიო ეკონომიკაში რეკორდული ვარდნა მოხდება - 5,2%-ით, 2,5%-იანი ზრდის ნაცვლად, რაც იანვარში იყო მოსალოდნელი

თბილისი, 17 სექტემბერი – Sputnik. მსოფლიო ეკონომიკას კორონავირუსის პანდემიით გამოწვეული კრიზისიდან გამოსასვლელად შეიძლება ხუთი წელი დასჭირდეს, განაცხადა მსოფლიო ბანკის მთავარმა ეკონომისტმა კარმენ რეინჰარტმა (Carmen Reinhart). ამის შესახებ РИА Новости სააგენტო Reuters-ზე დაყრდნობით იუწყება.

„სავარაუდოდ, კარანტინთან დაკავშირებული ყველა შემზღუდავი ზომების გაუქმების ფონზე სწრაფი ნახტომი მოხდება, მაგრამ სრულ აღდგენას ხუთ წლამდე დრო დასჭირდება“,  - ციტირებს სააგენტო ეკონომისტს.

ამასთან რეიჰარტი ვარაუდობს, რომ კრიზისის შემდეგ მსოფლიოში სიღარიბის დონე პირველად ბოლო 20 წლის განმავლობაში გაიზრდება.

ეკონომისტის თვალსაზრისით, პანდემიით გამოწვეული კრიზისი მსოფლიოში უთანასწორობას გააღრმავებს, რადგან მდიდარ ქვეყნებში  კრიზისი უფრო მეტად დააზარალებს მოსახლეობის უღარიბეს ფენებს, და უღარიბესი ქვეყნები მეტად დაზარალდება, ვიდრე მდიდრები.

ჯანდაცვის მსოფლიო ორგანიზაციამ (ჯანმო) 11 მარტს კორონავირუსული ინფექციის აფეთქება პანდემიად გამოაცხადა. ჯანმოს ბოლო მონაცემებით, მსოფლიოში ინფიცირების 29,1 მილიონზე მეტი შემთხვევა გამოვლინდა, 926 ათასზე მეტი ადამიანი გარდაიცვალა.

100
თემები:
COVID-19-ის პანდემია მსოფლიოში
ამერიკული დოლარი

Duty Free-ს მსოფლიო ქსელის დამფუძნებელმა მთელი ფული ქველმოქმედებას შესწირა

63
(განახლებულია 20:37 17.09.2020)
„ფორბსის“ ინფორმაციით, ჩაკ ფინი ასკეტურ ცხოვრებას ეწევა სან-ფრანცისკოში მდებარე მოკრძალებულ ბინაში, რომელიც უფრო სტუდენტური საერთო საცხოვრებლის ოთახს ჰგავს.

თბილისი, 17 სექტემბერი — Sputnik. ამერიკელმა ფილანტროპმა და ბიზნესმენმა, მაღაზია Duty Free-ს მსოფლიო ქსელის შემქმნელმა ჩაკ ფინიმ მთელი თავისი მრავალმილიარდიანი ქონება ქველმოქმედებაზე დახარჯა, იუწყება გამოცემა Forbes.

​ფინის თქმით, მან და მისმა მეუღლემ მხოლოდ 2 მლნ დოლარი დაიტოვეს პენსიაზე კომფორტული ცხოვრებისთვის, ხოლო დანარჩენი მან მთლიანად ქველმოქმედებაზე გაიღო.

გავრცელებული ინფორმაციით, ბიზნესმენმა 40 წლის განმავლობაში 8 მილიარდი დოლარი გადაურიცხა სხვადასხვა საქველმოქმედო ფონდებს.

„ჩვენ ბევრი რამ ვისწავლეთ. უკან რომ ვიხედები, ვხვდები, რომ ზოგი რამის გაკეთება სხვანაირადაც შეიძლებოდა, მაგრამ მაინც ძალიან კმაყოფილი ვარ. მიხარია, რომ მიზანს სიცოცხლეშივე მივაღწიე“, — თქვა ფილანტროპმა.

„ფორბსის“ ინფორმაციით, ჩაკ ფინი ასკეტურ ცხოვრებას ეწევა სან-ფრანცისკოში მდებარე მოკრძალებულ ბინაში, რომელიც უფრო სტუდენტური საერთო საცხოვრებლის ოთახს ჰგავს.

 

63
თემები:
მსოფლიო დღეს (2066)
ივანე მაჭავარიანი

ივანე მაჭავარიანი აზიის განვითარების ბანკის მმართველთა საბჭოს თავმჯდომარე გახდა

0
(განახლებულია 16:34 18.09.2020)
საქართველო 2021 წელს აზიის განვითარების ბანკის ყოველწლიური შეხვედრის მასპინძელი ქვეყანა იქნება. ამ მასშტაბურ ღონისძიებაში 5 ათასამდე მაღალი რანგის სტუმარი მიიღებს მონაწილეობას.

თბილისი, 18 სექტემბერი - Sputnik. საქართველოს ფინანსთა მინისტრი ივანე მაჭავარიანი აზიის განვითარების ბანკის მმართველთა საბჭოს თავმჯდომარედ აირჩიეს, იუწყება საქართველოს ფინანსთა სამინისტრო.

საქართველოს ფინანსთა მინისტრი ერთი წლის ვადით აზიის განვითარების ბანკის მმართველთა საბჭოს თავმჯდომარედ მიმდინარე წლის 17-18 სექტემბერს, ვირტუალურ ფორმატში გამართულ აზიის განვითარების ბანკის (ADB) რიგით 53-ე ყოველწლიური შეხვედრის ფარგლებში აირჩიეს.

საქართველოს ფინანსთა მინისტრმა და საქართველოს მხრიდან აზიის განვითარების ბანკის მმართველმა, ივანე მაჭავარიანმა, ბანკის მმართველთა ბიზნეს–სესიაზე სიტყვით გამოსვლისას, ხაზი გაუსვა აზიის განვითარების ბანკთან თანამშრომლობის მნიშვნელობას და ბანკის როლს COVID-19-ის პანდემიის წინააღმდეგ ბრძოლაში.

მან აღნიშნა, რომ  ბანკმა COVID-19-ის პანდემიის საპასუხოდ, გამოყო 20 მილიარდი აშშ დოლარი, რამაც ბანკის წევრ ქვეყნებს საშუალება მისცა ფინანსური რესურსი გამოეყენებინათ როგორც ჯანდაცვის, ისე სოციალური მხარდაჭერისა და კერძო სექტორის სტიმულირებისათვის.

ამავე დროს, ფინანსთა მინისტრმა აღნიშნა, რომ პანდემიის უარყოფითი შედეგები ეკონომიკებისთვის იქნება გრძელვადიანი, რისთვისაც საჭირო იქნება ყველა ქვეყნის კოორდინირებული და ერთობლივი მუშაობა გამოწვევების დასაძლევად.

აზიის ბანკი საქართველოს პანდემიის შემდგომი კრიზისის დაძლევაში დაეხმარება>>

„უპირველეს ყოვლისა, უნდა განვაგრძოთ და გავაძლიეროთ ეკონომიკური და სტრუქტურული რეფორმები, რაც ხელს შეუწყობს ეკონომიკის მდგრადობის შენარჩუნებას. ჩვენ უნდა გავაძლიეროთ კერძო სექტორის როლი ეკონომიკის აღდგენის პროცესში და ამ მიმართულებით, აზიის განვითარების ბანკს მნიშვნელოვანი წვლილის შეტანა შეუძლია“, -აღნიშნა მაჭავარიანმა.

მისი თქმით, ასევე მნიშვნელოვანია ადამიანური კაპიტალის განვითარება, რისთვისაც აუცილებელია განათლებისა და ჯანდაცვის სისტემების რეფორმირება. აზიის განვითარების ბანკს აქვს დიდი გამოცდილება რეფორმების მხარდაჭერაში და აუცილებელია ამ მიმართულებით ყურადღების გამახვილება გრძელვადიან პერსპექტივაში. გარდა ამისა, მნიშვნელოვანია რეგიონული თანამშრომლობისა და ინტეგრაციის ხელშეწყობა.

„საქართველო აქტიურად უჭერს მხარს თავისუფალი ვაჭრობის პოლიტიკას. მნიშვნელოვანია ბანკის წევრ ქვეყნებში სატრანსპორტო ინფრასტრუქტურის, ვაჭრობის, საბაჟოსა და საზღვრისპირა ქვეყნებს შორის კავშირების განვითარება. მეტი ინტეგრაცია და ღიაობა, ნაკლები ბარიერები - ესაა ის ძირითადი საფუძვლები, რომელზეც უნდა ავაგოთ ჩვენი მომავალი“, - აღნიშნა ივანე მაჭავარიანმა.

ჯერ კიდევ გასული წლის ნოემბერში ცნობილი გახდა , რომ ბანკის მმართველთა საბჭოს მიერ მიღებული გადაწყვეტილებით, საქართველო 2021 წელს აზიის განვითარების ბანკის ყოველწლიური შეხვედრის მასპინძელი ქვეყანაა. ამ მასშტაბურ ღონისძიებაში 5 ათასამდე მაღალი რანგის სტუმარი მიიღებს მონაწილეობას.

0