ობსერვატორიის ტელესკოპი

პირველად ისტორიაში: უდიდესმა ციფრულმა კამერამ 3200 მეგაპიქსელიანი ფოტოები გადაიღო ვიდეო

80
(განახლებულია 15:27 09.09.2020)
მსოფლიოს უდიდეს და ყველა დროის უნიკალურ ციფრულ კამერას რამდენიმე ათასი კილომეტრის დაშორებიდან სანთლის ალის დაფიქსირება შეუძლია.

თბილისი, 9 სექტემბერი — Sputnik. აშშ-ის ენერგეტიკის სამინისტროს ამაჩქარებელი ლაბორატორია SLAC-ს მეცნიერებმა მსოფლიოს უდიდესი ციფრული კამერით გადაღებული პირველი სატესტო გამოსახულებები მიიღეს — 3200 მეგაპიქსელის გაფართოებით, ნათქვამია SLAC-ს ოფიციალურ ვებ-გვერდზე.

​კამერას ჩილეში მშენებარე ვერა რუბინის ობსერვატორიის ტელესკოპზე დააყენებენ.

გავრცელებული ინფორმაციით, გამოსახულებები იმდენად დიდია, რომ მათი მთლიანად ასახვისთვის 4K ზემაღალი სიმკვეთრის 378 ტელევიზორის ეკრანი იქნებოდა საჭირო. მსგავსი გაფართოება 25 კილომეტრის მანძილიდან გოლფის ბურთის დანახვის საშუალებას იძლევა.

მეცნიერების თქმით, SLAC-ში შექმნილი ციფრული კამერა ასტროფიზიკური დაკვირვებების დეტალურობას უპრეცედენტო დონეზე გაიყვანს.

ობსერვატორიაში დამონტაჟების შემდეგ კამერა ცის მთელი სამხრეთ ნახევარსფეროს პანორამულ გამოსახულებებს გადაიღებს ათი წლის განმავლობაში. მიღებული მონაცემები კი ყველა დროის უდიდეს ასტრონომიულ კატალოგში LSST (Legacy Survey of Space and Time) შევა, რომელმაც, გეგმით, დაახლოებით 20 მლრდ გალაქტიკა უნდა მოიცვას.

ახალი ციფრული კამერა ყველაფრით უნიკალურია, ხოლო ტელესკოპი ისეა დაპროექტებული, რომ მის სენსორებს შეუიარაღებელი თვალისთვის ხილულ ობიექტებზე 100 მილიონჯერ მცირე ობიექტების აღმოჩენა შეუძლია. მაგალითად, სანთლის ალს კამერა რამდენიმე ათასი კილომეტრის დაშორებით დააფიქსირებს.

აღინიშნება, რომ ყველგანმავალი ავტომობილის ზომის კამერა ფინალური გამოცდებისთვის 2021 წლის შუა თვეებისთვის იქნება მზად, რის შემდეგაც მას ჩილეში გაგზავნიან.

 

80
თემები:
მსოფლიო და მეცნიერება (505)
ჯეიმს ბონდის პოსტერი ავტობუსზე

აგენტი ჯეიმს ბონდი ნამდვილად არსებობდა: ნაპოვნია საარქივო დოკუმენტები და ფოტო

67
(განახლებულია 21:19 25.09.2020)
პოლონეთის უშიშროების სამსახურის არქივში ნაპოვნია დოკუმენტი, რომელიც ბრიტანელი აგენტის ჯეიმს ბონდის ნამდვილად არსებობას ადასტურებს.

თბილისი, 25 სექტემბერი — Sputnik. საყოველთაოდ ცნობილი აგენტი 007, იგივე ჯეიმს ბონდი იან ფლემინგის მიერ გამოგონილი პერსონაჟი კი არა, სრულიად ნამდვილი აგენტი გამოდგა, იუწყება The Times.

​გავრცელებული ინფორმაციით, მზვერავის შესახებ დოკუმენტები, რომლებიც ნამდვილი ბრიტანელი აგენტის საქმიანობაზე მოგვითხრობს, პოლონეთის უშიშროების სამსახურის არქივებში აღმოაჩინეს.

ირკვევა, რომ ჯეიმს ალბერტ ბონდი 1964 წლის 18 თებერვალს მიავლინეს პოლონეთში დიდი ბრიტანეთის საელჩოში, როდესაც ის 36 წლის იყო. ბონდის მუშაობა სამხედრო ატაშეს მდივან–არქივარიუსის თანამდებობაზე სულ ერთი წელი გაგრძელდა, ვინაიდან პოლონეთის დაზვერვამ ის მალევე გაშიფრა და ფაილიც შექმნა მისი ფოტოთი.

ბონდზე დაკვირვების შედეგად დადგინდა, რომ ის იყო „ძალიან ენაწყლიანი, მაგრამ ძალიან ფრთხილი“. ამასთან, ფილმის პერსონაჟის მსგავსად, ისიც „დიდ ინტერესს იჩენდა ქალების მიმართ“.

1964 წელს ჯეიმს ალბერტ ბონდი და კიდევ სხვა ორი ბრიტანელი აგენტი ქალაქ ბელოსტოკსა და ოლშტინში ჩასულან, რათა სამხედრო ობიექტებზე შეეღწიათ. სხვა მონაცემები ფაილში აღნიშნულის თაობაზე არ ფიქსირდება.

1965 წლის 21 იანვარს ბონდს პოლონეთის ტერიტორია დაუტოვებია, ვინაიდან, პოლონელი სპეციალისტების აზრით, როგორც ჩანს, მალევე გააცნობიერა, რომ „ღირებული ინფორმაციის მოპოვებას ვერ შეძლებდა“.

პოლონური მასალების თანახმად, ჯეიმს ალბერტ ბონდი ბრიტანეთის დევონის საგრაფოს ქალაქ ბიდეფორდში დაიბადა 1928 წლის 30 იანვარს. თუმცა ნამდვილი სახელით ჩავიდა პოლონეთში თუ გამოგონილით, ეს უცნობია.

 

67
თემები:
მსოფლიო დღეს

რუსული ვაქცინა COVID-19-ის წინააღმდეგ შესაძლოა დსთ-ის ქვეყნებში გამოჩნდეს ვიდეო

30
(განახლებულია 19:36 25.09.2020)
რუსეთი წარმოებულ ვაქცინას მასობრივად არ გაგზავნის საზღვარგარეთ. ამის ნაცვლად რუსი მეცნიერები მზად არიან სხვა ქვეყნებს გაუზიარონ წამლის წარმოების ტექნოლოგია.

ამის შესახებ გამალეის სახელობის ინსტიტუტის დირექტორმა ალექსანდრ გინცბურგმა განაცხადა.

მაგრამ ეს მიდგომა არ შეიძლება გამოყენებულ იქნეს დსთ-ის ქვეყნებში. ამჟამად რუსეთში კიდევ ორი ვაქცინის ტესტირება მიმდინარეობს. 2020 წლის 22 სექტემბერს რუსეთის ჯანდაცვის სამინისტრომ ახალი პრეპარატის კლინიკური გამოკვლევების ნებართვა გასცა. ვაქცინა შემუშავდა რუსეთის მეცნიერებათა აკადემიაში. სამეცნიერო ცენტრი „ვექტორის“ მიერ შემუშავებული ვაქცინის ტესტები დასასრულს უახლოვდება. როგორ შეძლებენ მეზობელი ქვეყნები რუსული ვაქცინის მიღებას და რატომ არის რუსეთი მზად, გაამჟღავნოს საკუთარი კვლევები - იხილეთ ვიდეოში.

30
კორონავირუსის ეპიდემია. ჟურნალისტები პირბადეებით

ვინ და როგორ აშუქებს არჩევნებს? სპეციალისტებმა ქართული მასმედია გააანალიზეს

0
ყველაზე კრიტიკული ტონი მთავრობის მიმართ ჰქონდა :მთავარ არხს“ – 72%, ხოლო ყველაზე დადებითი Postv–ს – 33%

თბილისი, 26 სექტემბერი - Sputnik. ქართული მასმედია ყველაზე მეტ ყურადღებას უთმობს მმართველი პარტია „ქართული ოცნება – დემოკრატიული საქართველოს“ საქმიანობის გაშუქებას. შემდეგ მოდიან ოპოზიციური პარტიები „ერთიანი ნაციონალური მოძრაობა“ და „ევროპული საქართველო“.

ამაზე მეტყველებს საპარლამენტო არჩევნების შუალედური მედიამონიტორინგის შედეგები. მედიამონიტორინგმა მასობრივი ინფორმაციის 43 საშუალება მოიცვა: 12 ტელეარხი, 10 რადიო, რვა გაზეთი და 13 ონლაინ–გამოცემა. კვლევა 15 ივნისიდან 31 აგვისტოს ჩათვლით პერიოდში ჩატარდა.

არჩევნები 2020: „ოდირმა“ საქართველოში სადამკვირვებლო მისია გახსნა>>

მედიამონიტორინგი ხორციელდება ევროკავშირისა და გაეროს განვითარების პროგრამის (UNDP) მხარდაჭერით და სამ არასამთავრობო ორგანიზაციასთან – საქართველოს ჟურნალისტური ეთიკის ქარტია, Internews Georgia და CRRC–საქართველო – თანამშრომლობით. მონიტორინგი2020 წლის დეკემბერში დასრულდება.

მონიტორინგის პირველი შედეგები

„ქართული ოცნება უფრო დადებით კონტექსტში გააშუქა ტელეარხმა „იმედი“ (29%), ხოლო ნეგატიურად – ოპოზიციურმა ტელეარხმა „მთავარი არხი“ (72%).

 „ერთიანი ნაციონალური მოძრაობა“ ყველაზე დადებითად გააშუქა „მთავარმა არხმა“ (6%), ხოლო ნეგატიურად – ტელეარხმა „ობიექტივმა (79%).

ოპოზიციურ საპარლამენტო პარტია „ევროპულ საქართველოს“ ყველაზე მეტი დრო დაუთმა ტელეარხმა „ფორმულამ“. დადებითი გაშუქება შეადგენდა მთელი დროის 1%–ზე ოდნავ მეტს. ყველაზე მეტად პარტიას დადებითად იხსენებდა „TV პირველი“ და „კავკასია (2%). ყველაზე ნეგატიურად ეს პარტია გააშუქეს „იმედის“ ეთერში.

პარტიას „ლელო საქართველოსთვის“ ყველაზე მეტი დრო დაუთმო „TV პირველმა“. დადებითი გაშუქება შეადგენდა მხოლოდ 3%–ს. ყველაე მეტად დადებითად პარტია გააშუქა ტელეარხმა „კავკასია“ (21%).

ექს–პრეზიდენტ მიხეილ სააკაშვილს ყველაზე მეტი დრო დაუთმო „იმედმა“. ნეგატიური გაშუქება შეადგენდა 74%–ს.

მთავრობის მიმართ ყველაზე კრიტიკული ტონი ჰქონდა „მთავარ არხს“ – 72%, ხოლო ყველაზე დადებითი – Postv–ს – 33%.

„წინა წლების მსგავსად თითქმის ყველა არხზე პრობლემად რჩება სიღრმისეული, მოკვლევითი სიუჟეტების სიმცირე, რომლებიც დაკავშირებული იქნება საარჩევნო თემატიკასთან და ამომრჩეველს მეტად დაეხმარება ინფორმირებული არჩევანის გაკეთებაში“, – აღნიშნავენ დოკუმენტის ავტორები.

მედიამონიტორინგმა ასევე აჩვენა, რომ წინა წლებთან შედარებით გაიზარდა ეთიკური დარღვევების ფაქტები. როგორც წინა წლებში, თითქმის ყველა არხზე პრობლემას წარმოადგენს გენდერული სტერეოტიპები. როგორც დოკუმენტშია აღნიშნული, მთელი პერიოდის განმავლობაში დაფიქსირდა სექსისტური განცხადებების ტირაჟირების რამდენიმე შემთხვევა. სექსისტური განცხადების ავტორი პოლიტიკოსებთან ერთად ჟურნალისტებიც იყვნენ.

0
თემები:
საქართველოს საპარლამენტო არჩევნები 2020