ინტერპოლი

ბავშვებზე სექსუალური ძალადობის შემთხვევები იზრდება: ინტერპოლი მიზეზებს ასახელებს

85
(განახლებულია 16:13 08.09.2020)
ინტერპოლის გენერალური მდივანი იურგენ შტოკი აცხადებს, რომ მათთვის „ქსელში ბავშვების ექსპლუატაციის მზარდი აისბერგის მხოლოდ წვერია ხილული“.

თბილისი, 8 სექტემბერი — Sputnik. კორონავირუსის პანდემიის გამო ბავშვების მიმართ სექსუალური ძალადობის შემთხვევათა რაოდენობა გაიზარდა, ნათქვამია ინტერპოლის საიტზე.

ორგანიზაციის განმარტებით, მსგავსი დანაშაულების ზრდის მიზეზად იქცა სკოლების დახურვა კარანტინზე, რის შედეგადაც ბავშვები ბევრად მეტ დროს ატარებდნენ ინტერნეტში.

ამასთან, ის სოციალური სამსახურები, რომლებსაც ბავშვების უსაფრთხოება უნდა უზრუნველეყოთ, ასევე არ მუშაობდნენ გარკვეული პერიოდის განმავლობაში COVID-19-ის გამო. ხოლო ბავშვები, რომელთა ინფიცირებული მშობლებიც საავადმყოფოებში გადაჰყავდათ, ხშირად რჩებოდნენ უცხო ადამიანების მეთვალყურეობის ქვეშ, ან საერთოდ უმეთვალყურეოდ.  

გარდა ამისა, პანდემიამ ერთგვარად მოშალა სამართალდამცველი ორგანოების მუშაობის კოორდინაციაც, რამაც ასევე ხელი შეუწყო ბავშვებზე სექსუალური ძალადობის შემთხვევათა ზრდას.

ამ ყველაფერს დაემატა ისიც, რომ სექსუალურ დამნაშავეებს, რომლებსაც საკმარისი ცოდნა აქვთ შესაბამისი თემატიკის ფორუმების ადმინისტრირებაში, კარანტინის გამო მეტი დრო ჰქონდათ, რათა მეტი ახალი ფორუმი შეექმნათ „დარკნეტზე“.

თანაც, როგორც ინტერპოლის გენერალური მდივანი იურგენ შტოკი აცხადებს, მათთვის „ქსელში ბავშვების ექსპლუატაციის მზარდი აისბერგის მხოლოდ წვერია ხილული“.

ორგანიზაცია შიშობს, რომ ბავშვების სექსუალური ექსპლუატაციის პირდაპირ ფასიან ტრანსლაციებზე მოთხოვნა მომავალში კიდევ მეტად გაიზრდება კორონავირუსის პანდემიასთან დაკავშირებით დაწესებული შეზღუდვების გამო.

85
თემები:
მსოფლიო დღეს (2472)
ამერიკული დოლარი

მაღალი პრიორიტეტის პროექტი: აშშ ელექტრონული დოლარის შემოღებაზე მუშაობს

42
აშშ-ის ფედერალური სარეზერვო სისტემა ფართო კონსულტაციებს გამართავს საზოგადოებასთან, რათა დაადგინოს, რამენად მიზანშეწონილია ელექტრონული დოლარის შემოღება

თბილისი, 24 თებერვალი — Sputnik. აშშ–ის ფედერალური სარეზერვო სისტემა  ყურადღებით სწავლობს ელექტრონული დოლარის შექმნის საკითხს, განაცხადა Federal Reserve–ს ხელმძღვანელმა ჯერომ პაუელმა.

მისი თქმით, ეს ისე უნდა გაკეთდეს, რომ ქვეყნის საბანკო სისტემას ზიანი არ მიადგეს.

„ჩვენ ძალიან ყურადღებით ვსწავლობთ საკითხს, შემოვიღოთ თუ არა ელექტრონული დოლარი. ამ საკითხს მსოფლიოს ცენტრალური ბანკები სწავლობენ... არსებობს სერიოზული ტექნიკური და მარეგულირებელი საკითხებოი იმასთან დაკავშირებით, თუ როგორ უნდა გაკეთდეს ეს“, — განაცხადა პაუელმა სენატის საბანკო კომიტეტში სიტყვით გამოსვლისას.

მისი თქმით, Federal Reserve აპირებს, ფართო კონსულტაციები გამართოს საზოგადოებასთან ელექტრონული დოლარის შემოღების მიზანშეწონილობაზე.

  • „ვიტყოდი, რომ ჩვენ მსოფლიო სარეზერვო ვალუტა ვართ და ამიტომ სწორად მოქმედებაზე პასუხისმგებლობა გვაკისრია. არ არის საჭირო, ვიყოთ პირველები, საჭიროა, რომ ეს სწორად გავაკეთოთ“, — აღნიშნა პაუელმა.

ამასთან Federal Reserve–ს ხელმძღვანელმა ხაზი გაუსვა, რომ მუშაობის პროცესში თავი უნდა აარიდონ რაღაც ისეთი სიახლის შექმნას, რაც მადესტაბილიზებელ როლს ითამაშებს ან საბანკო სისტემიდან ფულს გაიტანს.

აღსანიშნავია, რომ ჯერომ პაუელმა პროექტი „მაღალპრიორიტეტულად“ შეაფასა და თქვა, რომ ფედერალური სარეზერვო სისტემა მასში დიდ დროსა და შრომას აბანდებს.  

 

 

42
თემები:
საერთაშორისო პანორამა
მამაკაცი იცვამს გორგოლაჭებს

გორგოლაჭებიანი სპეცრაზმი: პოლიციელებს „როლიკებით“ დევნას ასწავლიან ვიდეო

58
(განახლებულია 19:27 24.02.2021)
სამართალდამცველებს უჭირთ დამნაშავეების დევნა ქალაქის ვიწრო ქუჩებში, ამიტომ მათ გორგოლაჭებით სირბილს, კიბეებზე ხტომასა და სროლას ასწავლიან.

თბილისი, 24 თებერვალი — Sputnik. პაკისტანელი სამართალდამცველები დამნაშავის დევნის უჩვეულო მეთოდს ითვისებენ, კერძოდ, გორგოლაჭებით სირბილს, იუწყება მასმედია.

აღინიშნება, რომ ორი ათეული პოლიციელისგან შემდგარი სპეციალური რაზმი უკვე გადის წვრთნებს ქალაქ ყარაჩიში დამნაშავეებთან ბრძოლისთვის.

სამართალდამცველების თქმით, ქალაქში ხშირია შემთხვევები, როდესაც დამნაშავეები გამვლელებს ჩანთებსა და ტელეფონებს სტაცებენ, მერე კი ყარაჩის ვიწრო ქუჩებში იმალებიან. სწორედ ამიტომ გორგოლაჭები საუკეთესო საშუალებაა მათ სწრაფად სადევნად და დასაკავებლად.  

სპეციალურ რაზმს ასევე ასწავლიან კიბეებზე ხტომასა და ცეცხლსასროლი იარაღიდან სროლას გორგოლაჭებით დევნისას.

გავრცელებული ინფორმაციით, პირველი „როლიკებიანი“ პატრული ყარაჩიში მომდევნო თვეში გამოჩნდება.

58
თემები:
საერთაშორისო პანორამა
არჩილ თალაკვაძე

თალაკვაძე: ვგმობთ ძალადობას ჟურნალისტ ვახო სანაიას მიმართ

0
ჟურნალისტ ვახო სანაიაზე თავდასხმის ფაქტზე სამი პირია დაკავებული. ბრალის დამტკიცების შემთხვევაში, მათ ორ წლამდე ვადით თავისუფლების აღკვეთა ემუქრებათ.

თბილისი, 25 თებერვალი - Sputnik. საქართველოს პარლამენტის თავმჯდომარე არჩილ თალაკვაძემ ჟურნალისტ ვახო სანაიაზე თავდასხმის ფაქტი დაგმო და განაცხადა, რომ ინციდენტზე დროული და ეფექტური რეაგირება მოხდა.

ტელეკომპანია „ფორმულას” ტელეწამყვან ვახო სანაიასა და მისი მეუღლის ნათესავს დღეს დილით წყნეთის ქუჩაზე დაესხნენ თავს. სამართალდამცველებმა თავდასხმის ფაქტზე სამი პირი ცხელ კვალზე, თბილისში დააკავეს.

„ვგმობთ ჟურნალისტ ვახო სანაიას მიმართ მომხდარ ძალადობას. ამ ინციდენტზე დროული და ეფექტური რეაგირება მკაფიო გზავნილი უნდა იყოს მათთვის, ვინც გამოსავალს ძალადობაში ხედავს", - წერს არჩილ თალაკვაძე სოციალურ ქსელში.

გამოძიების მიხედვით, ჟურნალისტზე ნასვამ დგომარეობაში მყოფმა სამმა პირმა ფიზიკურად იძალადა. მომხდარს წინ ურთიერთშელაპარაკება უძღოდა.

გამოძიება საქართველოს სსკ-ის 126-ე მუხლით მიმდინარეობს, რაც ორი ან მეტი პირის მიმართ ჯგუფურად ჩადენილ ძალადობას გულისხმობს და  ორ წლამდე ვადით თავისუფლების აღკვეთას ითვალისწინებს.

0