თბილისი, 7 სექტემბერი — Sputnik. ცნობილი ამერიკელი მსახიობის ჯონ მალკოვიჩის ვაჟი პოლიციამ გასულ პარასკევს დააკავა პორტლენდში, იუწყება New-York Post.
John Malkovich’s Son Was Arrested At BLM Rally In Portland After It Turned Violent https://t.co/fgknBMCSzs
— MaybachMedia.com ✪ (@maybachmedia) September 6, 2020
გაზეთის ინფორმაციით, პოლიციამ 4 სექტემბერს ქალაქში დემონსტრაციის 27 მონაწილე დააკავა. აქციის ბევრი მონაწილე მუზარადებითა და აირწინაღებით იყო აღჭურვილი, რაც იმაზე მიანიშნებდა, რომ ისინი მშვიდობიან მოქმედებებს არ გეგმავდნენ. მას შემდეგ, რაც სამართალდამცველებს ქვები და ბოთლები ესროლეს, დემონსტრაცია უკანონოდ გამოცხადდა.
არსებული ცნობით, 38 წლის ინჟინერ-პროგრამისტი ლოუი მალკოვიჩი სწორედ იმ 27 დაკავებულს შორის აღმოჩნდა. პოლიციის ანგარიშის თანახმად, მას სამართალდამცველების საქმიანობისთვის ხელის შეშლასა და წვრილმან ხულიგნობაში ედება ბრალი.
პორტლენდსა და აშშ-ის მთელ რიგ ქალაქებში საპროტესტო აქციები, რომლებიც მინეაპოლისში პოლიციის მიერ აფროამერიკელი ჯორჯ ფლოიდის მკვლელობის შემდეგ დაიწყო, აქამდე არ წყდება. დემონსტრაციებს ხშირად თან სდევს არეულობა და დარბევები.
