ბორის ჯონსონი

Brexit-ის ხისტი სცენარი: ჯონსონმა ევროკავშირთან სავაჭრო გარიგების ბოლო ვადა დაასახელა

44
(განახლებულია 13:20 07.09.2020)
დიდმა ბრიტანეთმა ევროკავშირი ოფიციალურად 31 იანვარს დატოვა, თუმცა 2020 წლის ბოლომდე გარდამავალი პერიოდი გრძელდება.

თბილისი, 7 სექტემბერი — Sputnik. დიდ ბრიტანეთსა და ევროკავშირს 15 ოქტომბრამდე აქვთ ვადა Brexit-ის სავაჭრო ხელშეკრულების დასადებად, წინააღმდეგ შემთხვევაში შეთანხმება არ შედგება და ამას მხარეებს შორის მომავალი სავაჭრო ურთიერთობების ხისტი სცენარი მოჰყვება, იუწყება BBC ბრიტანეთის პრემიერ-მინისტრის ბორის ჯონსონის განცხადებაზე დაყრდნობით. 

აღნიშნული განცხადება ჯონსონმა ლონდონსა და ბრიუსელს შორის მოლაპარაკებათა დასკვნითი ეტაპის დაწყებამდე დააკეთა, რომელიც ბრიტანეთის დედაქალაქში ორშაბათს იწყება.

იმ შემთხვევაში, თუ გარიგება არ შედგა, ბრიტანეთისა და ევროკავშირის სავაჭრო ურთიერთობები 2021 წლის 1 იანვრიდან იმ შეთანხმების მსგავსად გაგრძელდება, რომელიც ავსტრალიასა და ევროკავშირს შორის მოქმედებს.

„მსურს აბსოლუტურად მკაფიოდ განვაცხადო, რომ, როგორც თავიდანვე ვამბობდით, ეს კარგი შედეგი იქნებოდა დიდი ბრიტანეთისთვის. ჩვენ შევძლებთ თავისუფლად გავაფორმოთ სავაჭრო გარიგებები მსოფლიოს ყველა ქვეყანასთან და შედეგად წარმატებას მივაღწევთ“, — დაამატა ჯონსონმა. 

ამასთან ბრიტანეთი უარს არ ამბობს, განაგრძოს თანამშრომლობაზე მსჯელობა ევროკავშირთან იმ შემთხვევაშიც კი, თუ მოლაპარაკებები ჩაიშლება.

ჯონსონის თქმით, ლონდონი მზად იქნება მონახოს გონივრული გადაწყვეტილებები ისეთ პრაქტიკულ საკითხებზე, როგორებიცაა ფრენები, სატვირთო გადაზიდვები თუ სამეცნიერო თანამშრომლობა — თუ ევროკავშირი ამას მოისურვებს.

ევროკავშირის ქვეყნებმა შვიდწლიან ბიუჯეტზე შეთანხმებას ვერ მიაღწიეს>>

აღსანიშნავია, რომ მოლაპარაკებათა წინა რაუნდის დროს მხარეები ვერ შეთანხმდნენ თევზჭერის სფეროსთან დაკავშირებულ საკითხებზე.

დიდი ბრიტანეთი ევროკავშირიდან 31 იანვარს გავიდა, თუმცა მიმდინარე წლის ბოლომდე გარდამავალი პერიოდი გრძელდება. მხარეები სწორედ ამ დროში ცდილობენ შეთანხმდნენ მომავალ ურთიერთობათა მოდელზე. დღეისათვის ქვეყნის მიმართ კვლავ გამოიყენება ევროკავშირის წესები, თუმცა ბრიტანეთი არ მონაწილეობს გადაწყვეტილებების მიღებაში. მიუხედავად ამისა, ქვეყანა კვლავ იხდის გადასახადს ევროკავშირის საერთო ბიუჯეტში. თუ მხარეები წლის ბოლომდე ვერ შეთანხმდებიან, მათი ურთიერთობები „ხისტ“ ფორმატში გადავა.

 

44
თემები:
მსოფლიო დღეს (2098)
ალექსანდრ ლუკაშენკო

„საკუთარ საქმეებს მიხედე“ - ლუკაშენკო ემანუელ მაკრონს პასუხობს

30
(განახლებულია 12:45 28.09.2020)
ლუკაშენკოს აზრით, მაკრონი ზედმეტად ბევრ ყურადღებას უთმობს ბელარუსის პრეზიდენტობის ყოფილ კანდიდატს ქალს, რამაც შეიძლება ოჯახში შეუქმნას პრობლემები

თბილისი, 29 სექტემბერი — Sputnik. აქეთ–იქით ცქერას სჯობს, საკუთარი ქვეყნის საშინაო საქმეებით დაკავდეთ, მიმართა ალექსანდრ ლუკაშენკომ საფრანგეთის პრეზიდენტს ემანუელ მაკრონს, რომელმაც მანამდე ბელარუსის ლიდერს პოსტიდან წასვლა ურჩია. 

აღნიშნულის თაობაზე ინფორმაცია ლუკაშენკოს პრესმდივანმა ნატალია ეისმონტმა გაავრცელა.

„როგორც გამოცდილმა პოლიტიკოსმა უმწიფარს, მსურს ვურჩიო ბატონ მაკრონს, ნაკლებად იყუროს აქეთ–იქით და ამის ნაცვლად, ბოლოს და ბოლოს, საფრანგეთის საშინაო საქმეებით დაკავდეს. იმ პრობლემების გადაჭრა მაინც დაიწყოს, რომლებიც ქვეყანაში დაგროვდა“, — ციტირებს ეისმონტი ბელარუსის პრეზიდენტის სიტყვებს.

გარდა ამისა, ლუკაშენკომ მაკრონს ურჩია, თავად დატოვოს პოსტი საფრანგეთში მიმდინარე საპროტესტო აქციების გამო.

„თავად საფრანგეთის პრეზიდენტი, მისივე ლოგიკით, ჯერ კიდევ ორი წლის წინ უნდა გადამდგარიყო, როდესაც პარიზის ქუჩებში „ყვითელმა ჟილეტებმა“ დაიწყეს გამოსვლა“, — აცხადებს ლუკაშენკო.

როგორც ბელარუსის პრეზიდენტი ამბობს, „წლები გადის, „ყვითელი ჟილეტები“ ისევ ქუჩაში არიან და ბატონი მაკრონიც, საოცარია, მაგრამ ისევ თანამდებობაზე რჩება“.  

ალექსანდრ ლუკაშენკოს აზრით, მაკრონი ზედმეტად ბევრ ყურადღებას უთმობს ბელარუსის პრეზიდენტობის ერთ–ერთ ექს–კანდიდატს.

  • „იმის გათვალისწინებით, რომ ეს ექს–კანდიდატი ქალბატონია, საფრანგეთის ლიდერი რისკავს, რომ საფრანგეთის შიდა პრობლემებთან ერთად პირადიც მიიღოს — საკუთარ სახლში“, — აცხადებს ლუკაშენკო.

მანამდე ემანუელ მაკრონმა გამოცემა Journal du Dimanche–სთან საუბრისას განაცხადა, რომ აღფრთოვანებულია  ბელარუსების სიმამაცით, „რომლებიც აცნობიერებენ, რა რისკზე მიდიან ყოველ კვირას დემონსტრაციაზე გასვლით, მაგრამ მაინც განაგრძობენ ამის კეთებას, რათა სული შთაბერონ დემოკრატიას, რომელიც ამ ქვეყანაში უკვე დიდი ხანია, ითრგუნება“.

 

 

30
თემები:
მსოფლიო დღეს (2098)
ვალუტის გადამცვლელი პუნქტი

მოსალოდნელია დოლარის მკვეთრი ვარდნა: ამერიკელი ექსპერტი სამ ფაქტორს ასახელებს

96
(განახლებულია 10:40 28.09.2020)
აშშ დოლარი ამ მომენტისთვის მკვეთრი ვარდნის ადრეულ სტადიაზე იმყოფება და ეს მხოლოდ დასაწყისია, მიაჩნია იელის უნივერსიტეტის პროფესორს

თბილისი, 29 სექტემბერი — Sputnik. ამერიკული დოლარის კურსი უახლოეს მომავალში შესაძლოა მკვეთრად დაეცეს, წერს Morgan Stanley Asia–ს ყოფილი ხელმძღვანელი და ამჟამად მთავარი ეკონომისტი სტივენ როუჩი Project Syndicate-ში გამოქვეყნებულ სტატიაში.

Morgan Stanley - ეს ამერიკული ფინანსური კონგლომერატია (2008 წლამდე საინვესტიციო ბანკი), რომელიც მსოფლიოს უმსხვილეს ბროკერულ ბიზნესს ფლობს. 

ექსპერტის თქმით, მაისიდან აგვისტომდე ამერიკული ვალუტის რეალური ეფექტური გაცვლითი კურსი 4,3%-ით შემცირდა, თუმცა აშშ დოლარი მაინც ყველაზე ძლიერ ვალუტად რჩება მსოფლიოს სხვა ვალუტებთან შედარებით. 

ამასთან სტივენ როუჩმა დაასახელა სამი მიზეზი, რომელთა საფუძველზეც მივიდა დასკვნამდე, რომ დოლარის ფართო ინდექსი 2021 წლის ბოლოსთვის 35%-ით დაეცემა.

„მე კვლავ ველი, რომ დოლარის ფართო ინდექსი 35%-ით დაეცემა 2021 წლის ბოლოსთვის. ამას სამი ფაქტორი განაპირობებს: აშშ–ში მაკროეკონომიკური დისბალანსის მკვეთრი ზრდა, ალტერნატიული ვალუტების — ევროსა და იუანის როლის ამაღლება, და ასევე ის, რომ გაქრა ამერიკული გამორჩეულობის განსაკუთრებული აურა, რომელიც დოლარს ტეფლონის გამძლეობას სძენდა თითქმის მთელი ომისშემდგომი პერიოდის განმავლობაში“, —  წერს როუჩი.

მისი აზრით, ამ ფაქტორებიდან ყველაზე მეტ ყურადღებას პირველი პუნქტი იმსახურებს. ექსპერტი აცხადებს, რომ აშშ–ში მაკროეკონომიკური დისბალანსის მკვეთრი და სწრაფი ზრდა გამოწვეულია შიდა ანაბრების რეკორდული ვარდნითა და მიმდინარე ოპერაციების დეფიციტის ზრდით.

სტივენ როუჩს მიაჩნია, რომ ეს „დოლარის დაცემის მხოლოდ დასაწყისია“.

96
თემები:
მსოფლიო დღეს (2098)
ნანიკო ხაზარაძე

„კარგად მაჭმევენ, წყნარად იყავი...“ - ნანიკო ხაზარაძის მამა პანსიონატიდან დედას მიმართავს

0
(განახლებულია 11:09 28.09.2020)
ყველასთვის საყვარელმა ტელეწამყვანმა ცოტა ხნის წინ სოციალურ ქსელში ქართული რეალობისთვის უჩვეულო განცხადება გაავრცელა

თბილისი, 28 სექტემბერი — Sputnik. ტელეწამყვანი ნანიკო ხაზარაძე მამის ვიდეოს აქვეყნებს, სადაც მისი მამა, ცნობილი პროფესორი დავით ხაზარაძე, რომელსაც ალცჰაიმერის დაავადება აქვს, პანსიონატიდან დედას მიმართავს.

ცნობილი ექიმი ვიდეოში დედას ეუბნება, რომ დაწესებულებაში კარგად კვებავენ და სანერვიულო არაფერი აქვს, ბაღში ვარჯიშობს კიდეც.

ტე­ლე­წამ­ყვან­მა ნა­ნი­კო ხა­ზა­რა­ძემ მამა, ცნობილი ექიმი და ლექტორი პან­სი­ო­ნატ­ში წა­იყ­ვა­ნა. ნა­ნი­კო ამის შე­სა­ხებ „ფე­ის­ბუქ­ის“ პირად გვერდზე წერდა და საზოგადოებას სთხოვდა, ამისთვის არ გაეკიცხათ.

ნა­ნი­კო აღ­ნიშ­ნავად, რომ მის მა­მას ალ­ცჰა­ი­მე­რის და­ა­ვა­დე­ბა აქვს და ოჯახმა გადაწყვიტა, რომ ის თავს უკეთ იგრძნობდა პანსიონატში, რადგან ამ მდგომარეობაში მისი თუნ­დაც მომ­ვლელ­თან ერ­თად სახ­ლში მარ­ტო და­ტო­ვე­ბა რის­კია.

სოციალური ქსელის მომხმარებლებისგან ტელეწამყვანმა მხოლოდ დადებითი გამოხმაურება მიიღო. საზოგადოების ნაწილმა საკუთარი გამოცდილებაც კი გაუზიარა ამ მძიმე სენთან ბრძოლაში და ნანიკოს გადაწყვეტილება შეუქო.

ნანიკო ხაზარაძე წლებია მედიასივრცის შეუცვლელი მუშაკია. კარიერა იმ პერიოდში დაიწყო, როდესაც საქართველოში მასმედია განვითარების პირველ საფეხურებს გადიოდა. პოპულარული ტელეწამყვანი ბევრი ადამიანის საყვარელ ტელესახედ იქცა. ცოტა ხნის წინ ტელეწამყვანმა ახალი საავტორო გადაცემა „საიმედო რეკომენდაციები“ დაიწყო. ტელესახე მხოლოდ საინტერესო რჩევებით არ შემოიფარგლება და მაყურებელს სხვადასხვა საყოფაცხოვრებო საკითხზე საკუთარ გამოცდილებას პირდაპირ ეთერში უზიარებს.

0
თემები:
სელებრითების ცხოვრება