თურქული ტექნიკის კოლონა

თურქეთი საბერძნეთის საზღვარზე ტანკების გადასროლას იწყებს

445
(განახლებულია 18:07 06.09.2020)
თურქულ მედიაში აღნიშნავენ, რომ საბერძნეთის საზღვარზე სამხედრო ტექნიკის გადასროლის შესახებ ინფორმაცია სინამდვილეს არ შეესაბამება

თბილისი, 6 სექტემბერი – Sputnik. ხმელთაშუა ზღვის აღმოსავლეთ რეგიონში არსებული კრიზისის ფონზე თურქეთს ჰათაის სამხრეთ-აღმოსავლეთი პროვინციიდან ტანკები საბერძნეთის მოსაზღვრე ედირნეს ჩრდილო-დასავლეთ რაიონში გადაჰყავს, იუწყება სააგენტო IHA სამხედრო წყაროებზე დაყრდნობით.

ინფორმაციის თანახმად, ტექნიკის ორმა კონვოიმ, რომელსაც 40-მდე ტანკი გადაჰყავდა, სირიის საზღვარზე ჰათაის პროვინციის რეიჰანლის რაიონი დატოვა. მოსალოდნელია, რომ ტანკების გადასროლა ედირნეში რკინიგზით მოხდება.

თუმცა თურქეთის მედიაში აცხადებენ, რომ მიმდინარეობს თურქეთის ქვეითი ჯარების მეორე არმიის ქვედანაყოფების გეგმიური დისლოკაციის შეცვლა, ხოლო ინფორმაცია სამხედრო ტექნიკის საბერძნეთის საზღვარზე გადასროლის შესახებ სინამდვილეს არ შეესაბამება, იუწყება РИА Новости. რესპუბლიკის თავდაცვის სამინისტროს ამასთან დაკავშირებით კომენტარი ჯერჯერობით არ გაუკეთებია.

თურქულ-ბერძნული ურთიერთობების მორიგი გამწვავება მას შემდეგ მოხდა, რაც თურქულმა გემმა Oruç Reis დაიწყო სეისმური კვლევები ხმელთაშუა ზღვის აღმოსავლეთ ნაწილში. საუბარია იმ რაიონზე, რომელსაც საბერძნეთი საკუთარ განსაკუთრებულ ეკონომიკურ ზონად მიიჩნევს. საბერძნეთის შეიარაღებული ძალები სრულ საბრძოლო მზადყოფნაში მოიყვანეს. თურქეთიც აწარმოებს კვლევებს რაიონში, რომელსაც კვიპროსი საკუთარ განსაკუთრებულ ეკონომიკურ ზონად მიიჩნევს. ევროკავშირში თურქეთს უკვე დაემუქრნენ სანქციებით უკანონო ბურღვითი საქმიანობისთვის ხმელთაშუა ზღვის აღმოსავლეთ ნაწილში.

445
თემები:
მსოფლიო დღეს (2071)
თავის ტკივილი

შეუსწავლელი დაავადება: იაპონელმა მეცნიერებმა შაკიკის მიზეზი დაადგინეს

65
(განახლებულია 12:15 21.09.2020)
როგორც ცნობილია, ამ დროისათვის შაკიკის მკურნალობის ეფექტური მეთოდები არ არსებობს და ამასთან, არც დაავადების ბუნებაა დადგენილი

თბილისი, 21 სექტემბერი — Sputnik. ტოკიოს სამედიცინო და სტომატოლოგიური უნივერსიტეტის (TMDU) მეცნიერებმა შაკიკის წარმოშობის ერთ–ერთ მიზეზს მიაგნეს, მათი კვლევა უნივერსიტეტის საიტზეა გამოქვეყნებული.

იაპონელმა მეცნიერებმა თაგვებზე ჩატარებული ექსპერიმენტების შედეგად დაადგინეს, რომ შაკიკის წარმოშობას შესაძლოა ნეირონების ზედმეტად დაძაბვა იწვევდეს.

ირკვევა, რომ ნორმალურ მდგომარეობაში ტვინის ნეირონები ერთმანეთთან ნეიროტრანსმიტერების — ბიოლოგიურად აქტიური ქიმიური ნივთიერებების გადაცემით ურთიერთქმედებენ, რის შემდეგაც ისინი „უკუდაპყრობას“ ექვემდებარებიან. ეს კი ნეიროტრანსმიტერების ხელმეორედ გამოყენებას აღკვეთს და ნეირონების ზედმეტად დაძაბვას იწვევს.

შაკიკის პრობლემა: დასახელდა პროდუქტები, რომლებიც თავის ტკივილს იწვევს>>

ამასთან, იაპონელი მეცნიერების თქმით, შაკიკი უკავშირდება „კორტიკალურ დეპრესიას“, რომლისთვისაც ნეირონების ჰიპერქტიურობის მკვეთრი ცვლილებაა დამახასიათებელი.

მათი ვარაუდით, ამგვარი მდგომარეობისადმი მიდრეკილება ნეირომედიატორ GLT–1–ის ტრანსპორტირების დარღვევაა.

„თუ აღმოჩნდება, რომ შაკიკის მქონე ადამიანებში GLT-1–ის მუშაობა ირღვევა, მაშინ გლუტამატის უკუდაპყრობის გაზრდაზე მომართული მედიკამენტური თერაპია შეიძლება მკურნალობის ეფექტური მეთოდი იყოს“, — ასკვნიან კვლევის ავტორები.

როგორც ცნობილია, ამ დროისათვის შაკიკის მკურნალობის ეფექტური მეთოდები არ არსებობს. ამასთან, არც დაავადების ბუნებაა დადგენილი.

65
თემები:
მსოფლიო და მეცნიერება
ხელები

თითების მდგომარეობით ფილტვების კიბოს ნაადრევად დადგენა შეიძლება: ბრიტანული კვლევა

79
(განახლებულია 11:35 21.09.2020)
ბრიტანელმა მედიკოსებმა იმ დაავადების წინასწარი და არასტანდარტული მინიშნებები დაადგინეს, რომლის ადრეულ ეტაპზე გამოვლენაც საკმაოდ რთულია

თბილისი, 21 სექტემბერი — Sputnik. ფილტვების კიბოს განვითარებაზე ადრეული მინიშნება თითებისა და ფრჩხილების მდგომარეობას შეუძლია, აცხადებენ დიდი ბრიტანეთის ჯანდაცვის სამსახურის (NHS) სპეციალისტები.

როგორც გამოცემა Express–ი წერს, ფილტვების კიბო ერთ–ერთ ყველაზე საშიშ დაავადებად იმის გამოც მიიჩნევა, რომ მისი ადრეულ სტატიაზე გამოვლენა საკმაოდ რთულია. ისეთი სიმპტომები, როგორებიცაა: ხველება, ტკივილი მკერდის არეში, ხიხინი თუ ნახველი, მოგვიანებით ჩნდება.

ბრიტანელმა მედიკოსებმა კი ფილტვების ავთვისებიანი დაავადების ადრეული და არასტანდარტული მინიშნებები დაადგინეს.

მათი თქმით, ფილტვების კიბოს განვითარების პროცესში შესაძლებელია ორგანიზმში გამომუშავდეს ჰორმონების მსგავსი ქიმიური ნივთიერებები, რომელთა გავლენითაც სისხლისა და სითხეების დიდი ნაწილი კიდურებისკენ, განსაკუთრებით, თითების წვერებზე განლაგებული ქსოვილებისკენ მიედინება. შედეგად, თითები დიდდება და სქელდება.

„ფილტვების კიბოს განსაზღვრა თითების მდგომარეობის ცვლილებითაა შესაძლებელი. ერთ–ერთი სიმპტომი — ეს თითების წვერების გადართოვება, გადიდება თუ გასქელებაა“, — აცხადებენ ბრიტანელი ექიმები.

გარდა ამისა, მედიკოსების თქმით, საშიში დაავადების შემთხვევაში, ფრჩხილების ირგვლივ კანი უჩვეულოდ პრიალა ხდება.

ექიმები გვაფრთხილებენ, რომ თუ ფრჩხილებს გვერდიდან შეხედეთ და შენიშნეთ, რომ ისინი ამობურცული გახდა, რაც მანამდე არ გქონიათ, მაშინვე უნდა მიაკითხოთ სამკურნალო დაწესებულებას.

ჯანმრთელობის ტესტი 30 წამში: დააკვირდით თითებს>>

სპეციალისტები ამბობენ, რომ ექიმთან დაუყოვნებლივ წასვლა და გამოკვლევის ჩატარება ასევე აუცილებელია თითებზე შენიშნული სხვა ზემოთ ჩამოთვლილი ცვლილებების შემთხვევაშიც.

მათი თქმით, გარდა ფილტვების კიბოსი, თითების მდგომარეობის შეცვლა ასევე შეუძლია სხვა სახიფათო დაავადებებსაც — გულის ინფექციის, მანკისა და ფილტვების ქრონიკული ინფექციის ჩათვლით.  

 

79
თემები:
მსოფლიო და მეცნიერება
ცესკოს შენობა

როგორ ჩატარდება არჩევნები კორონავირუსის პანდემიის პირობებში ცესკომ წესები დაადგინა

0
(განახლებულია 16:20 21.09.2020)
ცესკოს დადგენილებით რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენებისა და სხვა წესები.

თბილისი, 21 სექტემბერი – Sputnik. საქართველოს ცესკომ (ცენტრალური საარჩევნო კომისია) საპარლამენტო არჩევნების დღისთვის, მსოფლიოსა და ქვეყანაში კორონავირუსის ეპიდემიიდან გამომდინარე, ეპიდემიური პროტოკოლი შეიმუშავა, რომელიც განსაზღვრავს ამომრჩევლებისა და საუბნო საარჩევნო კომისიების წევრებისა და ჩართული მხარეების სანიტარიულ–ჰიგიენურ წესებს კენჭისყრის პერიოდში.

ეთიკა პოლიტიკოსებისთვის - ცესკომ პარტიებს სპეციალური კოდექსი შეუდგინა>>

ცესკომ მიიღო დადგენილება, რომლითაც რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენების, საარჩევნო უბანზე უფლებამოსილი პირის სხვა პირით ჩანაცვლების წესები.

თერმოსკრინინგის გავლა კენჭისყრის შენობაში შესვლამდე სავალდებულოა როგორც საუბნო საარჩევნო კომისიების წევრების, ისე საარჩევნო უბანზე ყოფნის უფლების მქონე პირებისთვის. თუ პირს დაუფიქსირდება 37°С, ან უფრო მეტი ტემპერატურა, ის საარჩევნო უბანზე არ დაიშვება. თუ მაღალი ტემპერატურის გამო კენჭისყრის შენობაში არ იქნა დაშვებული ან კენჭისყრის შენობა დატოვა პარტიის მიერ დანიშნულმა საუბნო საარჩევნო კომისიის წევრმა, პარტიას აქვს უფლება, მის ნაცვლად დაუყონებლივ დანიშნოს საუბნო საარჩევნო კომისიის სხვა წევრი.

საუბნო საარჩევნო კომისიების წევრები და საარჩევნო უბანზე ყოფნის უფლების მქონე პირები შენობაში შესვლამდე ხელებს დადგენილი წესით დაიმუშავებენ და გაიკეთებენ პირბადეს. საუბნო საარჩევნო კომისიის წევრები დამატებით უზრუნველყოფილი იქნებიან დამცავი ფარითა და ერთჯერადი ხელთათმანებით.

ხელის ჩამორთმევისა და გადაკოცნის გარეშე: დეპუტატებს სიფრთხილისკენ მოუწოდებენ>>

კენჭისყრის შენობის შესასვლელებთან განთავსებული იქნება დეზობარიერი, ხელის დეზინფექციისთვის საჭირო ხსნარი და ინფორმაცია ვირუსის გავრცელების პრევენციული ღონისძიებების შესახებ. ასევე საარჩევნო ადმინისტრაცია უზრუნველყოფს, რომ ზედაპირებს, რომლებზეც ხშირად ხდება შეხება, სათანადო წესით ჩაუტარდეს დეზინფექცია (სამ საათში ერთხელ ან დაბინძურების მიხედვით), ხოლო საარჩევნო უბნები შეძლებისდაგვარად განიავდეს.

როგორც დოკუმენტშია აღნიშნული, ფარული კენჭისყრის კაბინები ისე მოეწყობა, რომ მაქსიმალურად იყოს დაცული სანიტარულ-ჰიგიენური მოთხოვნები და ამასთან, არ დაირღვეს კენჭისყრის ფარულობის პრინციპი. 

რაც შეეხება ამომრჩეველს, მათთვის შემდეგი წესები იმოქმედებს:

ამომრჩეველი არ გაივლის თერმოსკრინინგს, მაგრამ ვალდებულია, ეკეთოს პირბადე.

ამომრჩეველს კენჭისყრის პერიოდში პირბადის მოხსნა ორჯერ მოუწევს – იდენტიფიცირებისა და კანონით განსაზღვრული პროცედურების შესასრულებლად. პირბადის გამოყენებაზე გამონაკლისი დაშვებული იქნება იმ პირებისთვის ვისაც ჯანმრთელობის მდგომარეობის გამო უჭირს პირბადის ტარება, ამ შემთხვევაში აღნიშნულმა პირმა სამედიცინო ცნობა უნდა წარადგინოს.

საარჩევნო კომისიების კონკურსებში მონაწილე კონკურსანტებს COVID-19 დაუდასტურდა>>

ამომრჩეველი კენჭისყრის შენობაში უზრუნველყოფილი იქნება ინდივიდუალური კალმისტრით, რომელიც ხმის მიცემის შემდეგ უნდა განათავსოს კალმისტრებისთვის განკუთვნილ სპეციალურ კონტეინერში და დროულად დატოვოს საარჩევნო უბანი.

სანიტარიულ–ჰიგიენურ წესები საარჩევნო უბნებზე ამომრჩევლების, საარჩევნო კომისიების წევრებისა და ჩართული მხარეებისთვის შეიმუშავა სპეციალურმა სამუშაო ჯგუფმა, რომელშიც საარჩევნო ადმინისტრაციის, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან.

საარჩევნო ადმინისტრაცია იზრუნებს, რომ ამომრჩევლებს და არჩევნებში ჩართულ ყველა მხარეს დეტალურად მიაწოდოს ინფორმაცია დადგენილებით განსაზღვრული სანიტარულ-ჰიგიენური პროცედურების შესახებ. ამისთვის ფართომასშტაბიანი საინფორმაციო კამპანიაა დაგეგმილი.

„ცესკო აგრძელებს საქმიანობას პანდემიის პირობებში არჩევნების პროფესიულ დონეზე ორგანიზებისთვის და კენჭისყრის დღეს ყველასათვის უზრუნველყოფს თავისუფალ და ჯანმრთელობისთვის უსაფრთხო გარემოს“, – აღნიშნულია ცესკოს განცხადებაში.

საქართველოში საპარლამენტო არჩევნები 31 ოქტომბერს არის დანიშნული.

0
თემები:
საქართველოს საპარლამენტო არჩევნები 2020