ფულის გადაცემა ხელიდან ხელში

რაც უფრო ხელგაშლილი ხართ, მით უფრო... - მეცნიერული კვლევა

190
(განახლებულია 19:21 02.09.2020)
მეცნიერებმა შეისწავლეს, რა გავლენას ახდენს უანგაროდ გაღებული თანხები ადამიანის სიცოცხლის ხანგრძლივობაზე.

თბილისი, 2 სექტემბერი — Sputnik. გერმანელ და ამერიკელ მეცნიერთა კვლევებით დადგინდა, რომ ხელგაშლილობა მარტო მორალური თვალსაზრისით კი არ არის კარგი, არამედ იმითაც, რომ ასეთი ადამიანები უფრო დიდხანს ცოცხლობენ, იუწყება სამეცნიერო ჟურნალი MedicalXpress.

სწალულები ირწმუნებიან, რომ სიცოცხლის საშუალო ხანგრძლივობა უფრო მაღალია იმ საზოგადოებაში, რომლის წევრებიც მარტივად უნაწილებენ ერთმანეთს რესურსებს. მათი დასკვნა ემყარება მთელ რიგ ქვეყნებში უანგარო, ე.წ. სატრანსფერო გადარიცხვების ანალიზს.

მეცნიერებმა ყურადღებით შეისწავლეს, რამდენად ხშირად ურიცხავენ ადამიანები ფულს ერთმანეთს და გამოთვალეს, შემოსავლის რამდენ პროცენტს იკავებს ამგვარი ოპერაციები მთელი სიცოცხლის განმავლობაში.

ამ მხრივ ლიდერები აღმოჩნდნენ საფრანგეთი და იაპონია, სადაც ადამიანის სიცოცხლის საშუალო ხანგრძლივობაცა და უანგარო გადარიცხვების დონეც ყველაზე მაღალია.

ირკვევა, რომ ამ ქვეყნების მცხოვრებლები მთელი სიცოცხლის განმავლობაში თავიანთი შემოსავლის 68–69%-ს იღებენ უანგაროდ ნათესავებისთვის, მეგობრებისა თუ საქველმოქმედო ორგანიზაციებისთვის.

რამდენ ხანს იცოცხლებთ: მეცნიერები დღეგრძელობის რამდენიმე ნიშანს ასახელებენ>>

თუმცა უნდა აღინიშნოს ისიც, რომ მეცნიერების დასკვნით, ხელგაშლილობა ასევე ახდენს გავლენას ნაკლებად მდიდარი ქვეყნების მოსახლეობის სიცოცხლის ხანგრძლივობაზეც. მაგალითად, მიუხედავად იმისა, რომ სამხრეთ აფრიკის რესპუბლიკა სხვა აფრიკულ ქვეყნებთან შედარებით უფრო მეტადაა ეკნომიკურად განვითარებული, იქ სატრანსფერო გადახდები მცირედაა გავრცელებული. შესაბამისად, რესპუბლიკაში ადამიანის სიცოცხლის საშუალო ხანგრძლივობა ბევრად დაბალია, ვიდრე მის მეზობელ, ნაკლებად წარმატებულ სახელმწიფოებში.

 

190
თემები:
მსოფლიო და მეცნიერება (493)

მიუხედავად ზეწოლისა: დაასრულებენ თუ არა რუსეთი და ევროპა პროექტს „ჩრდილოეთის ნაკადი 2“

12
რუსეთის ენერგეტიკის მინისტრი ალექსანდრ ნოვაკი დარწმუნებულია, რომ გაზსადენის პროექტი „ჩრდილოეთის ნაკადი – 2“, რომელიც რუსულ გაზს ევროპას ბალტიის ზღვის გავლით მიაწვდის, სრულად განხორციელდება

ენერგეტიკის სამინისტროს ხელმძღვანელმა დაამატა, რომ პროექტი მზადყოფნის მაღალ დონეზეა. გაზსადენის ბედი ეჭვქვეშ დადგა ალექსეი ნავალნის სავარაუდო მოწამვლის გამო. ევროპის რიგმა ქვეყნებმა გადაწყვიტეს ისარგებლონ შექმნილი ვითარებით და კვლავ შეეცადონ ჩაშალონ „ჩრდილოეთის ნაკადი – 2-ის“ მშენებლობა, რასაც დიდი ხანია ითხოვენ შეერთებული შტატები საკუთარი ინტერესებიდან გამომდინარე, ხოლო ევროპარლამენტმა მიიღო რეზოლუცია, რომელიც პროექტის გაყინვისკენ მოუწოდებს. იხილეთ ვიდეოში - რას ფიქრობს გერმანიის მოსახლეობა აშშ-ის ზეწოლაზე და როგორ აღმოჩნდა გერმანიის პორტი „მუკრანი“ ქალაქ ზასნიცში პოლიტიკური სკანდალის ეპიცენტრში „ჩრდილოეთის ნაკადი – 2-ის“ გამო.

12
მტირალი ბიჭუნა

ბავშვის სიჯიუტის დონე წარმატების განმსაზღვრელია: ცნობილია 40 წლიანი კვლევის შედეგი

90
(განახლებულია 15:32 18.09.2020)
ბრიტანელმა მეცნიერებმა 12 წლის ბავშვები შეარჩიეს და 40 წლის განმავლობაში აკვირდებოდნენ მათ, რის შემდეგაც საინტერესო დასკვნა გააკეთეს

თბილისი, 18 სექტემბერი ― Sputnik. ჯიუტი ბავშვები უფრო ხშირად ხდებიან წარმატებული ადამიანები, ასეთია ბრიტანელი მეცნიერების 40 წლიანი კვლევის შედეგი, რის თაობაზეც The Independent-ი წერს.

სპეციალისტებმა გაერთიანებული სამეფოს სხვადასხვა კუთხიდან 12 წლის ბავშვების ჯგუფზე ფსიქოლოგიური ტესტების სერია ჩაატარეს, რის შემდეგაც რეგულარულად უკავშირდებოდნენ მათ, იგებდნენ ახალ ინფორმაციას მათი წარმატებების შესახებ სწავლასა და სამუშაოზე.

„ბავშვები, რომლებიც ხშირად არღვევენ წესებს და უფროსებს ეწინააღმდეგებიან, ცხოვრებაში უფრო მეტს აღწევენ და მეტ თანხასაც იღებენ“, — წერს გამოცემა.

თავდაპირველად მკვლევარები გეგმავდნენ გამოერკვიათ, როგორ მოქმედებს მოზარდ თაობაზე მშობლების სოციალურ-ეკონომიკური სტატუსი, თუმცა, როგორც შემდეგ გაირკვა, ოჯახის მატერიალური მდგომარეობა არ იყო ის, რაც ყველაზე დიდ გავლენას ახდენდა ბავშვების მომავალზე.

პროექტის ავტორების განმარტებით, ექსპერიმენტის ის მონაწილენი, რომლებიც მოზარდობისას ძალზე ჯიუტები იყვნენ და მშობლებს ხშირად არ ემორჩილებოდნენ, მოგვიანებით უფრო წარმატებულნი აღმოჩნდნენ კარიერასა და ცხოვრების სხვა სფეროებში.

90
თემები:
მსოფლიო და მეცნიერება (493)
ევა ბარბაქაძე

„მიყვარს ჩემი ფუმფულა სხეული...“ ევა ბარბაქაძე გასუქდა? ფოტო

0
(განახლებულია 13:00 19.09.2020)
შორენა ბეგაშვილის ერთადერთმა ქალიშვილმა სოციალურ ქსელში საცურაო კოსტიუმში გადაღებული ფოტო გამოაქვეყნა. ნახეთ რას სწერენ ევას.

ახალბედა ფოტომოდელის ევა ბარბაქაძის ახალმა ფოტომ, რომელიც მან „ინსტაგრამის“ „სთორიზე“ განათავსა, სოციალური ქსელის მომხმარებლების ვნებათაღელვა გამოიწვია. გოგონამ უამრავი წერილი მიიღო, რომელიც მისი წონის ცვლილებას ეხებოდა. ბოლოს ევამ გულშემატკივრებს ერთიანად გასცა პასუხი: „მიყვარს ჩემი ფუმფულა სხეული. ნუ მზომავთ. დიეტა დავიწყე იმისთვის, რომ ფორმაში ჩავდგე. ძალიან გამხდარიც ვიყავი და არ მიხდებოდა“.

ცოტა ხნის წინ ცნობილი მოდელის და ტელეწამყვანის შორენა ბეგაშვილის გოგონამ დაბადების დღეზე საოცარი საჩუქარი – ძვირადღირებული „აუდის“ მარკის ავტომობილი მიიღო. გოგონამ და დედამ „ინსტაგრამზე“ ერთდროულად დადეს ფოტოები. ევამ ფოტოებს დააწერა „ყველაზე ბედნიერი დღე ჩემს ცხოვრებაში“, ხოლო შორენამ – „საუკეთესო საჩუქარი ჩემს ევას შენგან“.

როგორც ჩანს, საჩუქრის ავტორი შორენა ბეგაშვილის ახალი პარტნიორია. შორენამ ფოტოზე მისი ინიციალი „ლ“ მონიშნა. ბოლო დროს აქტიურად ვრცელდება ინფორმაცია, რომ შორენა ბეგაშვილი კრიმინალურ ავტორიტეტზე ლაშა ბარათელზეა შეყვარებული, რომელიც თურქეთში ცხოვრობს, და სწორედ მის გამო დაანგრია ბიზნესმენ ირაკლი ნანაძესთან შექმნილი ოჯახი. გავრცელებული ინფორმაციით, ლაშა ბარათელი შორენას ირაკლი ნანაძესთან ყოფნის დროსაც ანებივრებდა ძვირადღირებული საჩუქრებით.

View this post on Instagram

BEST DAY OF MY LIFE🎈🎈🎈🎈🎈

A post shared by ევა🧚🏽‍♀️ (@_evvabarbaqadze_) on

შორენას და ევას განსაკუთრებული დედაშვილობა აკავშირებთ. მთელი საქართველო შეძრა ევას ტრაგიკულმა ისტორიამ, რომლის გამო შორენას ქონების დიდი ნაწილის გაყიდვა მოუწია. შეგახსენებთ, ულამაზესმა ევამ ხერხემალზე 17 ოპერაცია გადაიტანა. მის შემთხვევას სასწაული უწოდეს თურქმა ექიმებმა, რომლებმაც ის ფეხზე დიდი ძალისხმევის შედეგად დააყენეს.

View this post on Instagram

💗

A post shared by ევა🧚🏽‍♀️ (@_evvabarbaqadze_) on

შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანებზე არ ჩანდა. პოპულარობა დედა-შვილის ცხოვრებაში დიდი შრომისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა. ახლა მთელი ქვეყანა ევას და შორენას სილამაზეზე საუბრობს. მათ ბოლო პერიოდში ერთმანეთს სულ უფრო ხშირად ადარებენ.

0
თემები:
სელებრითების ცხოვრება