დიაბეტი

აღმოჩენილია დიაბეტის შეჩერების გზა: მეცნიერებმა მანამდე უცნობი პროცესი შეისწავლეს

287
(განახლებულია 12:11 02.09.2020)
მეცნიერებმა აქამდე არ იცოდნენ, რა ასტიმულირებდა იმუნური უჯრედების მიერ ინსულინის წარმომქმნელი კუჭქვეშა ჯირკვლის ბეტა–უჯრედებზე შეტევას და მათ განადგურებას

თბილისი, 2 სექტემბერი — Sputnik. სან–დიეგოს (აშშ) იმუნოლოგიის ინსტიტუტის მეცნიერებმა აღმოაჩინეს მეთოდი, რომელიც შაქრიანი დიაბეტის შემდგომ განვითარებას აჩერებს, იუწყება სამეცნიერო გამოცემა Science Advances–ი.

გავრცელებული ინფორმაციით, სპეციალისტებმა დაავადებასა და იმუნური უჯრედების აქტივობას შორის კავშირი იპოვეს.

იმუნოლოგების თქმით, პირველი ტიპის დიაბეტის განვითარების რისკს ეკოლოგიური და გენეტიკური ფაქტორები ახლავს, ხოლო თავად დაავადება, როგორც წესი, შემთხვევით ჩნდება.

როგორც ცნობილია, ორგანიზმის იმუნური უჯრედები ინსულინის გამომმუშავებელ კუჭქვეშა ჯირკვლის ბეტა–უჯრედებს უტევს და თანდათანობით ანადგურებს მათ. მეცნიერებმა აქამდე არ იცოდნენ, რა ასტიმულირებდა ამ პროცესს.

სან–დიეგოელმა იმუნოლოგებმა ლაბორატორიული ექსპერიმენტი ჩაატარეს თაგვებზე. ოპერაციის დროს ქირურგებმა  დაბლოკეს სიმპათიკური ნერვიდან სიგნალების გადაცემა კუჭქვეშა ჯირკვლისთვის, რამაც ინსულინის წარმომქმნელი ბეტა–უჯრედების გამანადგურებელი იმპულსებისგან დაცვის შესაძლებლობა გააჩინა.

ექსპერიმენტის შედეგად მეცნიერებმა დაასკვნეს, რომ შაქრიანი დიაბეტის თავიდან ასაცილებლად ტვინიდან კუჭქვეშა ჯირკვლისკენ წამოსული ნერვული  იმპულსების დაბლოკვაა საკმარისი.

 

287
თემები:
მსოფლიო და მეცნიერება (492)
მსოფლიო ბანკი

როდის აღდგება მსოფლიო ეკონომიკა კორონავირუსის შემდეგ - მსოფლიო ბანკის პასუხი

100
მსოფლიო ბანკი ივნისში აცხადებდა, რომ 2020 წელს მეორე მსოფლიო ომის შემდეგ მსოფლიო ეკონომიკაში რეკორდული ვარდნა მოხდება - 5,2%-ით, 2,5%-იანი ზრდის ნაცვლად, რაც იანვარში იყო მოსალოდნელი

თბილისი, 17 სექტემბერი – Sputnik. მსოფლიო ეკონომიკას კორონავირუსის პანდემიით გამოწვეული კრიზისიდან გამოსასვლელად შეიძლება ხუთი წელი დასჭირდეს, განაცხადა მსოფლიო ბანკის მთავარმა ეკონომისტმა კარმენ რეინჰარტმა (Carmen Reinhart). ამის შესახებ РИА Новости სააგენტო Reuters-ზე დაყრდნობით იუწყება.

„სავარაუდოდ, კარანტინთან დაკავშირებული ყველა შემზღუდავი ზომების გაუქმების ფონზე სწრაფი ნახტომი მოხდება, მაგრამ სრულ აღდგენას ხუთ წლამდე დრო დასჭირდება“,  - ციტირებს სააგენტო ეკონომისტს.

ამასთან რეიჰარტი ვარაუდობს, რომ კრიზისის შემდეგ მსოფლიოში სიღარიბის დონე პირველად ბოლო 20 წლის განმავლობაში გაიზრდება.

ეკონომისტის თვალსაზრისით, პანდემიით გამოწვეული კრიზისი მსოფლიოში უთანასწორობას გააღრმავებს, რადგან მდიდარ ქვეყნებში  კრიზისი უფრო მეტად დააზარალებს მოსახლეობის უღარიბეს ფენებს, და უღარიბესი ქვეყნები მეტად დაზარალდება, ვიდრე მდიდრები.

ჯანდაცვის მსოფლიო ორგანიზაციამ (ჯანმო) 11 მარტს კორონავირუსული ინფექციის აფეთქება პანდემიად გამოაცხადა. ჯანმოს ბოლო მონაცემებით, მსოფლიოში ინფიცირების 29,1 მილიონზე მეტი შემთხვევა გამოვლინდა, 926 ათასზე მეტი ადამიანი გარდაიცვალა.

100
თემები:
COVID-19-ის პანდემია მსოფლიოში
ამერიკული დოლარი

Duty Free-ს მსოფლიო ქსელის დამფუძნებელმა მთელი ფული ქველმოქმედებას შესწირა

63
(განახლებულია 20:37 17.09.2020)
„ფორბსის“ ინფორმაციით, ჩაკ ფინი ასკეტურ ცხოვრებას ეწევა სან-ფრანცისკოში მდებარე მოკრძალებულ ბინაში, რომელიც უფრო სტუდენტური საერთო საცხოვრებლის ოთახს ჰგავს.

თბილისი, 17 სექტემბერი — Sputnik. ამერიკელმა ფილანტროპმა და ბიზნესმენმა, მაღაზია Duty Free-ს მსოფლიო ქსელის შემქმნელმა ჩაკ ფინიმ მთელი თავისი მრავალმილიარდიანი ქონება ქველმოქმედებაზე დახარჯა, იუწყება გამოცემა Forbes.

​ფინის თქმით, მან და მისმა მეუღლემ მხოლოდ 2 მლნ დოლარი დაიტოვეს პენსიაზე კომფორტული ცხოვრებისთვის, ხოლო დანარჩენი მან მთლიანად ქველმოქმედებაზე გაიღო.

გავრცელებული ინფორმაციით, ბიზნესმენმა 40 წლის განმავლობაში 8 მილიარდი დოლარი გადაურიცხა სხვადასხვა საქველმოქმედო ფონდებს.

„ჩვენ ბევრი რამ ვისწავლეთ. უკან რომ ვიხედები, ვხვდები, რომ ზოგი რამის გაკეთება სხვანაირადაც შეიძლებოდა, მაგრამ მაინც ძალიან კმაყოფილი ვარ. მიხარია, რომ მიზანს სიცოცხლეშივე მივაღწიე“, — თქვა ფილანტროპმა.

„ფორბსის“ ინფორმაციით, ჩაკ ფინი ასკეტურ ცხოვრებას ეწევა სან-ფრანცისკოში მდებარე მოკრძალებულ ბინაში, რომელიც უფრო სტუდენტური საერთო საცხოვრებლის ოთახს ჰგავს.

 

63
თემები:
მსოფლიო დღეს
ლელა წურწუმია და კახა მამულაშვილი

„გავიკეთე ტესტი... ნერვები აღარ მაქვს და არც თმა თავზე“ - „მამულიჩა“ განცხადებას ავრცელებს

0
(განახლებულია 12:21 18.09.2020)
ცნობილი პროდიუსერი კორონავირუსის ტესტირებაზე იმყოფებოდა. ნახეთ რა ვიდეოს ავრცელებს კლინიკიდან მამულიჩა

ცნობილმა პროდიუსერმა კახა მამულაშვილმა „ინსტაგრამის“ „სთორიზე“ ვიდეო მიმართვა გაავრცელა, სადაც ამბობს, რომ კორონავირუსზე პირველ საუნივერსიტეტო კლინიკაში ტესტი გაიკეთა და პასუხს ელოდება. „მამულიჩა“ ამბობს, რომ ვირუსზე მეტად იმ ადამიანების კომენტარებმა გააღიზიანა, ვისაც ეჭვი ჰქონდა, რომ შესაძლოა მას ვირუსი ჰქონოდა. „ნერვები აღარ მაქვს და არც თმა თავზე“ - ამბობს პროდიუსერი.

ცნობილი პროდიუსერი ქართველი პოპ-დივას მეუღლე. წყვილი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს.

View this post on Instagram

A post shared by Kakhi Mamulashvili.Mamulicha (@mamulicha888) on

ლელა წურწუმიამ კარიერა 90-იანებში დაიწყო. მომღერლის სიმღერები ახლაც გაჰიტებულია. მამულიჩას და ლელას ყველაზე მეტად ის ახარებთ, რომ მათ და კომპოზიტორების მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

View this post on Instagram

A post shared by Kakhi Mamulashvili.Mamulicha (@mamulicha888) on

მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. ლელას და მის გერს – მამულიჩას სიმპათიურ ვაჟიშვილს ძალიან მეგობრული ურთიერთობა აქვთ, რაც საზოგადოების გაკვირვებას იწვევს. როგორც ჩანს, ლელა ოჯახის ახალ წევრებთან – რძალთან და შვილიშვილთანაც კარგ დროს ატარებს და ამას სოციალური ქსელის ოფიციალურ გვერდზე აქვეყნებს.

0
თემები:
სელებრითების ცხოვრება