თბილისი, 31 აგვისტო — Sputnik. პოტენციურად სახიფათო ასტეროიდი სახელწოდებით 2011 ES4 დღეს, თბილისის დროით 20:12 საათზე დედამიწას მაქსიმალურად მოუახლოვდება, იუწყება მსოფლიო მასმედია NASA-ზე დაყრდნობით.
კოსმოსური კვლევების სააგენტოს ცნობით, ასტეროიდი, რომლის ზომაც 22-დან 50 მეტრამდეა, დედამიწას 120 ათასი კმ მანძილზე ჩაუვლის წამში 8,16 კილომეტრის სიჩქარით. შედარებისთვის: მთვარე ჩვენი პლანეტიდან 384,4 ათასი კმ-ით არის დაშორებული.
გარდა ამისა, ცნობილი ხდება, რომ კიდევ ერთი ასტეროიდი 2018 VP1 დედამიწას მინიმალურ დაშორებაზე 2 ნოემბერს მოუახლოვდება დაახლოებით 19:33 საათზე (თბილისის დრო) და 384 ათასი კილომეტრის დაშორებით ჩაუფრენს მას.
NASA-ს ინფორმაციით, იმის ალბათობა, რომ ასტეროიდი დედამიწის ატმოსფეროში შემოვა, 0,41%-ს, ანუ 240-დან ერთ შანსს შეადგენს.
