ბრედ პიტი

ბრედ პიტის ახალი შეყვარებული 27 წლის პოლიგლოტი მოდელია

846
(განახლებულია 20:36 27.08.2020)
მსახიობ ბრედ პიტის ახალი მეგობარი გოგონა მასმედიამ ანჯელინა ჯოლის შეადარა, რომელსაც მსახიობი 2016 წელს დაშორდა.

თბილისი, 27 აგვისტო — Sputnik. ჰოლივუდის მსახიობ ბრედ პიტს, რომელიც ახლა 56 წლისაა, 27 წლის მეგობარი გოგონა ჰყავს, იუწყება Daily Mail წყაროზე დაყრდნობით.

View this post on Instagram

A post shared by Nico (@nico.potur) on

გავრცელებული ინფორმაციით, საუბარია გერმანელ მოდელზე ნიკოლ პოტურალსკიზე, რომელიც ბრედ პიტთან ერთადაა სამოგზაუროდ წასული საფანგეთის სამხრეთში. სწორედ ამ მოგზაურობის დროს შენიშნა წყვილი თვითმხილველმა, რომლის თქმითაც ბრედი და ნიკოლი შეყვარებული მოზარდებივით იქცეოდნენ.

„ისინი ერთმანეთს კოცნიდნენ სახალხოდ და ბრედს, როგორც ჩანს, არ ეშინოდა, რომ ვინმე იცნობდა. მისი მხლებელი გოგონა ძალიან ლამაზი და აშკარად მასზე ძალიან პატარა იყო“, — ამბობს წყარო.  

ნიკოლის შესახებ ცნობილია, რომ მას ჰყავს შვილი, იცის ხუთი ენა და არის ზვიგენების გადარჩენის ორგანიზაციის დამფუძნებელი.

View this post on Instagram

Boiling...

A post shared by Nico (@nico.potur) on

ჟურნალისტებმა ბრედ პიტის ახალ პასიას ანჯელინა ჯოლის ასლი უწოდეს, რომელსაც მსახიობი 2016 წელს გაეყარა.

846
თემები:
მსოფლიო დღეს (2067)
სამართალდამცველები დამოუკიდებლობის მოედანზე მინსკში

ბელარუსში მომიტინგეების წინააღმდეგ ცრემლსადენ გაზს იყენებენ, სპეცნაზი მონაწილეებს აკავებს

74
მინსკის ცენტრში, სადაც მასობრივი აქციები იმართება, გადაკეტილია ზოგიერთი ქუჩა, დაკეტილია შვიდი მეტროს სადგური, ასევე მთელს ქალაქში მობილური ინტერნეტის სიჩქარე დაკლებულია

თბილისი, 20 სექტემბერი — Sputnik. მინსკში და ბელარუსის სხვა ქალაქებში არასანქციონირებულ საპროტესტო აქციებზე მიმდინარეობს, დაიწყო დაკავებები, განუცხადა РИА Новости-ს შსს-ს პრესმდივანმა ოლგა ჩემოდანოვამ.

„ამ დროისათვის ათზე მეტი ადამიანი დაკავებულია მინსკში, თუმცა მონაცემები იცვლება. მიმდინარეობს დაკავებები ბელარუსის რეგიონებშიც, მაგრამ ჯერჯერობით ვერ ვიტყვით, რამდენი ადამიანია მთლიანად დაკავებული ქვეყნის მასშტაბით... ყველა დაკავება უკავშირდება მხოლოდ და მხოლოდ მასობრივი შეკრებების შესახებ კანონმდებლობის დარღვევას“, - განაცხადა მან.

მან ასევე დაადასტურა, რომ ბრესტში მილიცია აფრქვევდა ცრემლსადენ გაზს. მისი თქმით, ეს გაკეთდა „მომიტინგეების კანონსაწინააღმდეგო ქმედებების აღსაკვეთად“. ადრე ცრემლსადენი გაზის გამოყენების შესახებ იუწყებოდა ერთ-ერთი ოპოზიციური Telegram-არხი, რომელმაც გაავრცელა ვიდეო, სადაც ჩანს, რომ სპეცნაზელები მიემართებიან მომიტინგეთა ჯგუფისკენ და მათთან მიახლოებისას ერთ-ერთი ძალოვანი იღებს გაზის ბალონის მსგავს საგანს და მათ სახეში აფრქვევს. ამის შემდეგ კი დაკავებები იწყება.

მინსკის ცენტრში ოპოზიცია ტრადიციულ პროტესტის მარშს მართავს. ერთ-ერთ მეტროსადგურთან აქციის მონაწილეები შეიკრიბნენ. მოგვიანებით  მათთან ახლოს ჩერდება ძალოვანების მანქანა, საიდანაც გადმოხტნენ სპეცნაზელები, რომლებმაც ადამიანების დაკავება დაიწყეს.

მინსკის ცენტრში, სტელასთან ახლოს შეიკრიბა რამდენიმე ათასი ადამიანი, იქ ასევე სპეცნაზი მოქმედებს.

მინსკის ცენტრში, სადაც მასობრივი აქციები იმართება, გადაკეტილია ზოგიერთი ქუჩა, დაკეტილია შვიდი მეტროს სადგური. უფლებამოსილი ორგანოების განკარგულებით მთელს ქალაქში დაკლებულია მობილური ინტერნეტის სიჩქარე.

ადრე გავრცელდა ინფორმაცია, რომ სახელმწიფო დროშის მოედნისა და დამოუკიდებლობის სასახლის მიმდებარე ტერიტორიაზე მობილიზებულია ჯავშანტექნიკა, შსს-ს სატვირთო მანქანები. შსს აფრთხილებს მოსახლეობას, რომ აღკვეთს უკანონო აქციებს და მოსახლეობას მოუწოდებს თავი შეიკავონ მათში მონაწილეობისგან.

ვითარება ბელარუსში

9 აგვისტოს ბელარუსში სახელმწიფოს მეთაურის არჩევნები ჩატარდა. ქვეყნის ცესკოს მონაცემებით, არჩევნებში გაიმარჯვა ალექსანდრ ლუკაშენკომ, რომელმაც ამომრჩეველთა ხმების 80,1% მიიღო, ხოლო მეორე ადგილზე სვეტლანა ტიხანოვსკაია გავიდა 10,12%-ით.

ოპოზიციამ არჩევნების შედეგები არ აღიარა და ქვეყანაში არასანქცირებული მასობრივი საპროტესტო აქციები დაიწყო, რომლებსაც ძალოვანი ორგანოების წარმომადგენლები სასტიკად გაუსწორდნენ. თავად ტიხანოვსკაიამ ბელორუსია დატოვა და ლიეტუვაში გაემგზავრა.

შინაგან საქმეთა სამინისტროს მონაცემებით, საპროტესტო აქციებისას დაკავებულია 6,7 ათასზე მეტი კაცი, დაშავდა ასობით ადამიანი. ხელისუფლებამ ოფიციალურად დაადასტურა საპროტესტო აქციის მონაწილე სამი პირის დაღუპვის ფაქტი. ამჟამად ბელარუსის რამდენიმე ქალაქში საპროტესტო აქციები გრძელდება. ასევე მიმდინარეობს ალექსანდრ ლუკაშენკოს მხარდამჭერი დემონსტრაციები.

74
თემები:
მსოფლიო დღეს (2067)
ჯანდაცვის მსოფლიო ორგანიზაციის შტაბბინა ჟენევაში

„აღარ იცავენ ზომებს“ - ჯანმო COVID-19-თან დაკავშირებულ გაუარესებულ სიტუაციას აფასებს

56
ჯანმოში აღნიშნეს, რომ სკოლების გახსნა კორონავირუსის გავრცელებასთან ბრძოლაში ერთ-ერთი გამოწვევა გახდა, მაგრამ ეს საჭირო ნაბიჯია განათლების, ბავშვთა სოციალიზაციისა და უთანასწორობის აღმოსაფხვრელად

თბილისი, 20 სექტემბერი — Sputnik. ბალკანეთის რეგიონის და მთლიანად ევროპის ქვეყნების მცხოვრებლებმა შეწყვიტეს კორონავირუსის საწინააღმდეგო წესების შესრულება, რამაც რეგიონში ეპიდემიოლოგიური ვითარების გართულება გამოიწვია. ამის შესახებ РИА Новости-ს ჯანდაცვის მსოფლიო ორგანიზაციის ბელგრადის ოფისში განუცხადეს.

ალბანეთის, ბოსნიისა და ჰერცეგოვინას, სლოვენიის, ჩრდილოეთ მაკედონიის, ხორვატიის, მონტენეგროს და თვითგამოცხადებული რესპუბლიკა კოსოვოს ხელისუფლებები აღნიშნავენ კორონავირუსით დაავადებულთა და გარდაცვლილთა რაოდენობის ზრდას ივლისსა და აგვისტოში ავადობის შემცირებისა და შეზღუდვების შერბილების და საზღვრების ნაწილობრივი გახსნის შემდეგ.

„ჩვენ ვაწყდებით სერიოზულ ეპიდემიოლოგიურ ვითარებას არამარტო რეგიონში, არამედ მთელს ევროპაში. მნიშვნელოვანია, რომ ყველა ქვეყანა ამ სიტუაციაზე ჯანდაცვის ადექვატური ზომებით კოორდინირებულად და მტკიცედ რეაგირებდეს. ეს ნიშნავს სავარაუდო შემთხვევებისა და მათ შორის კავშირების შემოწმებას, კონტაქტში მყოფი პირთათვის კარანტინს, დისტანციის დაცვას, თუ შეუძლებელია პირბადეების ტარება, სუნთქვის და ხელების ჰიგიენის დაცვას“, - განუცხადეს სააგენტოს ჯანმოში.

როგორც ორგანიზაციაში აღნიშნეს, ეპიდვითარების გაუარესების მიზეზებს შორისაა მოქალაქეების მიერ უსაფრთხოების ზომების არ შესრულება, განსაკუთრებით გართობის დროს, სტადიონებზე, ღამის კლუბებში, რელიგიურ ობიექტებზე, დღესასწაულებზე და სხვა მასობრივ შეკრებებზე.

„ინფექციის პროფილაქტიკა და კონტროლი მასზე სერიოზული გამოწვევა გახდა ზოგიერთი სახელმწიფოსთვის“, - აღნიშნეს ორგანიზაციაში.

ჯანმოს ბოლო მონაცემებით, მსოფლიოში კორონავირუსის შემთხვევების რაოდენობა უკვე 30 მილიონს აჭარბებს. ბოლო დღე-ღამეში პლანეტაზე 312 ათასზე მეტი ინფიცირებული გამოვლინდა. გარდაიცვალა უკვე 948 ათასი ადამიანი.

56
თემები:
COVID-19-ის პანდემია მსოფლიოში
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0