Президент Украины Владимир Зеленский

ზელენსკი: COVID-19-ით ინფიცირებულთა ზრდა უკრაინის მედიცინას კოლაფსამდე მიიყვანს

140
(განახლებულია 21:07 21.08.2020)
კორონავირუსის გამოვლენილი შემთხვევების რაოდენობამ უკრაინაში 100 ათასს გადააჭარბა, დღეში უკვე 2 ათასზე მეტი ადამიანი ინფიცირდება.

თბილისი, 21 აგვისტო – Sputnik. კორონავირუსით ინფიცირებულთა რიცხვის შემდგომი ზრდა უკრაინის სამედიცინო სისტემის კოლაფსს გამოიწვევს, რომლის წინაშეც სახელმწიფო უძლურია, განაცხადა უკრაინის პრეზიდენტმა ვლადიმირ ზელენსკიმ პარასკევს ბრიფინგზე.

უკრაინის ეროვნული უშიშროებისა და თავდაცვის საბჭოს აპარატის კოროვირუსის გავრცელების მონიტორინგის სისტემამ პარასკევს განაცხადა, რომ ქვეყანაში კორონავირუსული ინფექციის გამოვლენილი შემთხვევების რაოდენობა ბოლო ერთი დღის განმავლობაში 2106-ით გაიზარდა, გარდაიცვალა 23 ადამიანი.

„ჩვენ ამ ტალღაზე უკვე 2 ათასზე მეტი ვართ (ქვეყანაში გამოვლენილი კორონავირუსის შემთხვევები დღეში - რედ.), ეს ძალიან საშიშია... ჩვენ ხომ არ შეგვიძლია... მხოლოდ ინფექციური საავადმყოფოების აშენება და იქ საწოლების დადგმა და ყველა საავადმყოფოს გადაიარაღება (ინფექციურად - რედ.). ამიტომ ინფიცირებულთა რაოდენობის ზრდა ჩვენთვის უბრალოდ მთლიანად შეაჩერებს მედიცინას და სახელმწიფო ვერ შეძლებს ვერაფრის გაკეთებას“, – განაცხადა ზელენსკიმ ნიკოლაევის ოლქში ვიზიტის დროს. ტრანსლაცია Facebook-ზე პრეზიდენტის ოფისს მიჰყავდა.

მან უკრაინელებს მოუწოდა, რომ იყვნენ ფრთხილად და ატარონ ნიღბები. მისი თქმით, განსაკუთრებით ეს ეხება მორწმუნეებს, რომლებიც ეკლესიებს სტუმრობენ, ასევე მათ, ვინც ქორწილში და სხვა ხალხმრავალ ადგილებში წასვლას გეგმავს.

უფრო ადრე უკრაინის ჯანდაცვის სამინისტრომ განაცხადა, რომ ქვეყანაში COVID-19-ით ინფიცირების 100 643 შემთხვევა დაფიქსირდა, გარდაიცვალა 2 207 ადამიანი, გამოჯანმრთელდა – 51 078.

11 მარტს ჯანმრთელობის მსოფლიო ორგანიზაციამ ახალი კოროვირუსული ინფექციის, COVID-19-ის აფეთქება პანდემიად გამოაცხადა. ჯანმოს უახლესი მონაცემებით, მსოფლიოში გამოვლენილია ინფიცირების 22,2 მილიონზე მეტი შემთხვევა, გარდაიცვალა 782 ათასზე მეტი ადამიანი.

 

140
გულის შეტევის სიმპტომები ქალებში

სექსი გულის შეტევიდან მოკლე ხანში უნდა აღდგეს: ებრაელი მეცნიერები წარმოდგენებს ამსხვრევენ

30
(განახლებულია 13:20 25.09.2020)
ისრაელში ჩატარებულმა კვლევებმა აჩვენა, რომ ნორმალური სქესობრივი ცხოვრების აღდგენას გულის შეტევიდან რამდენიმე თვეში, ნამდვილად შეუძლია გააუმჯობესოს პაციენტის სიცოცხლისუნარიანობა.

თბილისი, 25 სექტემბერი — Sputnik. გულის შეტევის გადატანის შემდეგ ბევრ ადამიანს მიჩნია, რომ სექსუალური ცხოვრების ძალიან მალე განახლება ახალი შეტევის პროვოცირებას უწყობს ხელს. მაგრამ ახალმა კვლევამ აჩვენა, რომ ყველაფერი პირიქითაა, წერს გამოცემა WebMD–ი თელ–ავივის უნივერსიტეტის მეცნიერების კვლევაზე დაყრდნობით, რომელიც 23 სექტემბერს გამოქვეყნდა  European Journal of Preventive Cardiology–ში.

ისრაელში ჩატარებულმა კვლევებმა აჩვენა, რომ ნორმალური სქესობრივი ცხოვრების აღდგენას გულის შეტევიდან რამდენიმე თვეში, ნამდვილად შეუძლია გააუმჯობესოს პაციენტის სიცოცხლისუნარიანობა.

წამყვან სპეციალისტ იარივ ჰერბერს მიაჩნია, რომ სექსის აღდგენა ადამიანს თავს უფრო მხნედ და ახალგაზრდად აგრძნობინებს, რაც მის ფსიქიკაზე დადებითად აისახება.

„სექსუალურობა და სექსუალური აქტივობა კარგი ფიზიკური მდგომარეობის ნიშანია. გულის შეტევიდან მოკლე ხანში სქესობრივი ცხოვრების აღდგენით, ადამიანი თავს უფრო ახალგაზრდად და ენერგიულად იგრძნობს. ამას პაციენტის ზოგადი მდგომარეობის გაუმჯობესება შეუძლია“, — აცხადებს ებრაელი მეცნიერი.

გავრცელებული ინფორმაციით, ჰერბერის გუნდმა 65 წლის და ოდნავ უმცროსი ასაკის დაახლოებით 500 ადამიანის მონაცემები შეისწავლეს, რომლებმაც 1992–93 წლებში გულის შეტევა გადაიტანეს.

აღმოჩნდა, რომ მათ, ვინც გულის შეტევიდან პირველ ექვს თვეში რეგულარულად იყო დაკავებული სექსით, სიკვდილის რისკი 35%-ით ნაკლებად ემუქრებოდა, ვიდრე მათ, ვინც საერთოდ შეწვიტა სქესობრივი ცხოვრება.

მკვლევარების თქმით,სექსი — ეს ფიზიკური ვარჯიშის ფორმაა, რომელიც ზრდის გულის შეკუმშვების სიხშირეს და ასევე არტერიულ წნევას. და მიუხედავად იმისა, რომ ზოგ შემთხვევაში სექსს, ისევე როგორც სპორტს, გულის შეტევის პროვოცირება შეუძლია, თელავიველი სწავლულები ირწმუნებიან, რომ ამის რისკი სპორტთან შედარებით ბევრად დაბალია.

იარივ ჰერბერის თქმით, სწორედ ამ (და კიდევ სხვა მიზეზებითაც) ზოგი პაციენტი, მათ შორის, ახალგაზრდებიც, ვერ ბედავენ სქესობრივი ცხოვრების განახლებას გულის შეტევიდან დიდი ხნის განმავლობაში.

 

30
თემები:
მსოფლიო და მეცნიერება
დონალდ ტრამპი

„შეთქმულება მომიწყო“: დონალდ ტრამპს ძმიშვილი სასამართლოში უჩივის

33
(განახლებულია 11:38 25.09.2020)
პრეზიდენტის უფროსი ძმის ქალიშვილი ბიძებსა და მამიდას მის წინააღმდეგ „შეთქმულების ორგანიზებაში“ სდებს ბრალს

თბილისი, 25 სექტემბერი — Sputnik. აშშ–ის პრეზიდენტ დონალდ ტრამპს უფროსი ძმის, ფრედის ქალიშვილი მერი ტრამპი ნიუ–იორკის უზენაეს სასამართლოში უჩივის და მისი კუთვნილი ათობით მილიონი დოლარის მიტაცებაში სდებს ბრალს, იუწყება გაზეთი New York Times-ი.

​გავრცელებული ინფორმაციით, გარდა პრეზიდენტი ბიძისა, მერი ტრამპი იგივე ბრალს სდებს მამიდა მერიენსა და აწ უკვე გარდაცვლილ მეორე ბიძას, რობერტს. მისი თქმით, ახლო ნათესავების „სამეულმა“ შეთქმულების გზით წაართვეს მასა და მის ძმას მამისეული ქონების ნაწილი და ასევე არ მისცეს მათ ბაბუის მიერ დატოვებული მემკვიდრეობის წილი.

სარჩელში აღნიშნულია, რომ 1981 წელს ფრედ ტრამპის გარდაცვალების შემდეგ, 16 წლის მერის მეურვეები დონალდ, რობერტ და მერიენ ტრამპები გახდნენ, რომლებმაც, იმის ნაცვლად, რომ მის ინტერესებზე ეზრუნათ, მთელი სქემა შექმნეს ქონების მისატაცებლად.

უკვე 1999 წელს კი, როდესაც ტრამპების მამა, ანუ მერის ბაბუა გარდაიცვალა, ქალი აიძულეს, ხელი მოეწერა გარიგებაზე, რომლის თანახმადაც მას „ათობით მილიონი დოლარი (და შეიძლება მეტიც) წაართვეს“.

„თაღლითობა იყო არა უბრალოდ ოჯახური საქმიანობა მათთვის, არამედ ცხოვრების წესი“ — ნათქვამია დონალდ, რობერტ და მერიენ ტრამპების წინააღმდეგ შედგენილ სარჩელში.

აღსანიშნავია, რომ მანამდე მერი ტრამპი თავის ახალ წიგნში წერდა, რომ აშშ–ის პრეზიდენტ დონალდ ტრამპს, ოჯახის ნეგატიური გავლენის გამო, სხვა ადამიანებისადმი თანაგრძნობის უნარი აქვს წართმეული და უამრავი კომპლექსით იტანჯება.

 

33
თემები:
მსოფლიო დღეს
ნადირობა

საქართველოში  უკანონო ნადირობის 304 შემთხვევა გამოვლინდა

0
(განახლებულია 13:20 25.09.2020)
უკანონო ნადირობის ყველაზე მეტი-230  შემთხვევა დასავლეთის რეგიონული სამმართველოს სამოქმედო ტერიტორიაზე დაფიქსირდა.

თბილისი, 25 სექტემბერი – Sputnik. ნადირობის სეზონის გახსნიდან დღემდე საქართველოს მასშტაბით უკანონო ნადირობის 304 ფაქტი გამოვლინდა, იუწყება გარემოსდაცვითი ზედამხედველობის დეპარტამენტი. 

საქართველოში გადამფრენ ფრინველებზე ნადირობის სეზონი 22 აგვისტოს გაიხსნა. არემოსდაცვითი ზედამხედველობის დეპარტამენტის თანამშრომლები ნადირობის სეზონის ფარგლებში ნადირობის წესების დარღვევის გამოვლენისა და უკანონო ნადირობის აღკვეთის მიზნით საქართველოს მასშტაბით 24-საათიან გაძლიერებულ კონტროლს ახორციელებენ.

უწყების ცნობით, უკანონო ნადირობის ყველაზე მეტი – 230  შემთხვევა დასავლეთ საქართველოს ტერიტორიაზე დაფიქსირდა.  რაც შეეხება დედაქალაქს, აქ სამი ფაქტი დაფიქსირდა.

„გარემოსდაცვითი ზედამხედველობის დეპარტამენტის თანამშრომლებმა სამცხე-ჯავახეთში უკანონო ნადირობის 21, აღმოსავლეთ რეგიონული სამმართველოს სამოქმედო ტერიტორიაზე-18, აჭარასა და გურიაში-14, სამეგრელო -ზემო სვანეთში-7. ქვემო ქართლში-6, კახეთში კი 5 ფაქტი გამოავლინეს“, – აღნიშნულია განცხადებაში.

სპეციალისტებმა შემოწმების დროს 279 ხელნაკეთი მოწყობილობა ე.წ. „მანოკი“ ამოიღეს. გარდა ამისა, გამოვლენილი სამართალდარღვევებიდან 20 შემთხვევაში სამართალდამრღვევები დაწესებული მოსაკრებლის გადახდის დამადასტურებელი ქვითრის გარეშე ნადირობდნენ, 12 მონადირეს კი დაურეგისტრირებელი იარაღი აღმოაჩნდა. 

გარემოსდაცვითი ზედამხედველობის დეპარტამენტი მოქალაქეებს მოუწოდებს, კანონდარღვევის დაფიქსირების შემთხვევაში, მიმართონ გარემოს დაცვისა და სოფლის მეურნეობის სამინისტროს „ცხელ ხაზს“ – 153 (ზარი უფასოა, ანონიმურობა დაცულია), რათა მყისიერად მოხდეს კანონდარღვევაზე რეაგირება.

საქართველოში ნადირობისათვის დაშვებულ გადამფრენ ფრინველთა ცალკეულ სახეობებზე დაწესებულია ნადირობის ვადები და დღიური ლიმიტები.

ნადირობის დროს იკრძალება მცენარეული საფარის დაწვა, გარეული ფრინველის კვერცხის შეგროვება და გაყიდვა, ცხოველთა ბუდეების, ბუნაგების, საცხოვრებელი ადგილების მოშლა ან განადგურება, ცხოველთა მასობრივი მოპოვებისთვის სხვადასხვა მოწყობილობის გამოყენება, ნადირობა თვითმფრინავიდან, ვერტმფრენიდან, ავტომობილიდან, მოტოციკლიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან.

ნადირობა ასევე აკრძალულია სახელმწიფო ნაკრძალებში, ეროვნულ პარკებში და მათ გარშემო 500-მეტრიან ზონაში, საქართველოს ქალაქების ადმინისტრაციულ საზღვრებში.

0
თემები:
ჩვენ და ბუნება