უკრაინის საგარეო საქმეთა სამინისტრო

უკრაინამ ბელარუსიდან ელჩი კონსულტაციებისთვის გაიწვია

182
ბელარუსიდან უკრაინის ელჩი მინსკთან შემდგომი ურთიერთობის განვითარების საკითხებზე კონსულტაციებისთვის გაიწვიეს

თბილისი, 17 აგვისტო - Sputnik. უკრაინის საგარეო საქმეთა სამინისტრომ მინსკიდან ელჩი იგორ კიზიმი ბელარუსთან შემდგომი ურთიერთობის პერსპექტივების განსახილველად კონსულტაციებისთვის გაიწვია, განაცხადა ქვეყნის საგარეო საქმეთა მინისტრმა დიმიტრი კულებამ, იუწყება Sputnik-ბელარუსი.

„მივიღე გადაწყვეტილება, კიევში გამოვიწვიო უკრაინის ელჩი ბელარუსში იგორ კიზიმი ახალ რეალობაში ბელარუსი-უკრაინის ურთიერთობების პერსპექტივების შესაფასებლად. ჩვენს ისტორიაში პირველად მივმართავთ ასეთ ნაბიჯს ბელარუსთან ურთიერთობაში და ამას ვაკეთებთ მხოლოდ და მხოლოდ მინსკის დაუშვებელი ქმედებების გამო“, - აღნიშნავს კულება განცხადებაში, რომელიც უკრაინის საგარეო საქმეთა სამინისტროს ვებგვერდზეა გამოქვეყნებული.

უკრაინის საგარეო საქმეთა მინისტრის განმარტებით, ელჩის გამოწვევის ერთ-ერთი მიზეზი არის მინსკის გადაწყვეტილება, გადასცეს ადრე დაკავებული რუსეთის მოქალაქეები რუსეთის ფედერაციას, მიუხედავად იმისა, რომ კიევმა არაერთხელ გაგზავნა მინსკში მათი უკრაინისთვის გადაცემის მოთხოვნა.

„როგორც მოგეხსენებათ, გასულ პარასკევს ოფიციალურმა მინსკმა დაკავებულები რუსეთს გადასცა, მიუხედავად უკრაინისთვის მათი გადაცემის ყველა სამართლებრივი და მორალური საფუძვლის არსებობისა. ამ  ნაბიჯმა შეარყია ნდობა ჩვენს ქვეყნებს შორის და მძიმე დარტყმა მიაყენა ჩვენს ორმხრივ ურთიერთობებს“, - აღნიშნავს კულება.

9 აგვისტოს ბელარუსში საპრეზიდენტო არჩევნები ჩატარდა. ცესკოს მონაცემებით, ალექსანდრ ლუკაშენკომ 80,1% მიიღო, მეორე ადგილზე 10,12%-ით სვეტლანა ტიხანოვსკაია გავიდა. ოპოზიცია შედეგებს არ ცნობს, თავად ტიხანოვსკაია კი ლიტვაში გაემგზავრა.

არჩევნების შედეგებით უკმაყოფილო ადამიანები 9 აგვისტოს საღამოდან ქუჩებში არიან გამოსული. პროტესტების დაწყებიდან ბელარუსში დაკავებულია დაახლოებით 7 ათასი მომიტინგე, საავადმყოფოებში ასობით ადამიანი მოხვდა, მათ შორის სამართალდამცავი ორგანოების თანამშრომლები. შსს-ს ინფორმაციით, არეულობების დროს დაშავდა ასობით ადამიანი, ერთი დაიღუპა.

182
თემები:
მსოფლიო დღეს (2066)

მიუხედავად ზეწოლისა: დაასრულებენ თუ არა რუსეთი და ევროპა პროექტს „ჩრდილოეთის ნაკადი 2“

12
რუსეთის ენერგეტიკის მინისტრი ალექსანდრ ნოვაკი დარწმუნებულია, რომ გაზსადენის პროექტი „ჩრდილოეთის ნაკადი – 2“, რომელიც რუსულ გაზს ევროპას ბალტიის ზღვის გავლით მიაწვდის, სრულად განხორციელდება

ენერგეტიკის სამინისტროს ხელმძღვანელმა დაამატა, რომ პროექტი მზადყოფნის მაღალ დონეზეა. გაზსადენის ბედი ეჭვქვეშ დადგა ალექსეი ნავალნის სავარაუდო მოწამვლის გამო. ევროპის რიგმა ქვეყნებმა გადაწყვიტეს ისარგებლონ შექმნილი ვითარებით და კვლავ შეეცადონ ჩაშალონ „ჩრდილოეთის ნაკადი – 2-ის“ მშენებლობა, რასაც დიდი ხანია ითხოვენ შეერთებული შტატები საკუთარი ინტერესებიდან გამომდინარე, ხოლო ევროპარლამენტმა მიიღო რეზოლუცია, რომელიც პროექტის გაყინვისკენ მოუწოდებს. იხილეთ ვიდეოში - რას ფიქრობს გერმანიის მოსახლეობა აშშ-ის ზეწოლაზე და როგორ აღმოჩნდა გერმანიის პორტი „მუკრანი“ ქალაქ ზასნიცში პოლიტიკური სკანდალის ეპიცენტრში „ჩრდილოეთის ნაკადი – 2-ის“ გამო.

12
მტირალი ბიჭუნა

ბავშვის სიჯიუტის დონე წარმატების განმსაზღვრელია: ცნობილია 40 წლიანი კვლევის შედეგი

91
(განახლებულია 15:32 18.09.2020)
ბრიტანელმა მეცნიერებმა 12 წლის ბავშვები შეარჩიეს და 40 წლის განმავლობაში აკვირდებოდნენ მათ, რის შემდეგაც საინტერესო დასკვნა გააკეთეს

თბილისი, 18 სექტემბერი ― Sputnik. ჯიუტი ბავშვები უფრო ხშირად ხდებიან წარმატებული ადამიანები, ასეთია ბრიტანელი მეცნიერების 40 წლიანი კვლევის შედეგი, რის თაობაზეც The Independent-ი წერს.

სპეციალისტებმა გაერთიანებული სამეფოს სხვადასხვა კუთხიდან 12 წლის ბავშვების ჯგუფზე ფსიქოლოგიური ტესტების სერია ჩაატარეს, რის შემდეგაც რეგულარულად უკავშირდებოდნენ მათ, იგებდნენ ახალ ინფორმაციას მათი წარმატებების შესახებ სწავლასა და სამუშაოზე.

„ბავშვები, რომლებიც ხშირად არღვევენ წესებს და უფროსებს ეწინააღმდეგებიან, ცხოვრებაში უფრო მეტს აღწევენ და მეტ თანხასაც იღებენ“, — წერს გამოცემა.

თავდაპირველად მკვლევარები გეგმავდნენ გამოერკვიათ, როგორ მოქმედებს მოზარდ თაობაზე მშობლების სოციალურ-ეკონომიკური სტატუსი, თუმცა, როგორც შემდეგ გაირკვა, ოჯახის მატერიალური მდგომარეობა არ იყო ის, რაც ყველაზე დიდ გავლენას ახდენდა ბავშვების მომავალზე.

პროექტის ავტორების განმარტებით, ექსპერიმენტის ის მონაწილენი, რომლებიც მოზარდობისას ძალზე ჯიუტები იყვნენ და მშობლებს ხშირად არ ემორჩილებოდნენ, მოგვიანებით უფრო წარმატებულნი აღმოჩნდნენ კარიერასა და ცხოვრების სხვა სფეროებში.

91
თემები:
მსოფლიო და მეცნიერება
მგზავრები პირბადეებით

რამდენი ადამიანი დაჯარიმდა პირბადის ტარების წესის დარღვევისთვის

0
დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა 20 ლარიანი ჯარიმით ისჯება, იურიდიული პირი კი პირბადის გარეშე ადამიანის დაშვებისთვის 500 ლარით ჯარიმდება

თბილისი, 19 სექტემბერი — Sputnik. კორონავირუსის პანდემიის განმავლობაში, საქართველოში პირბადის ტარების წესის დარღვევის 9 884 შემთხვევა დაფიქსირდა, იუწყება საზოგადოებრივი მაუწყებლის პირველი არხი შსს-ზე დაყრდნობით.

აღნიშნული სტატისტიკა 2020 წლის 12 ივნისიდან 2020 წლის 31 აგვისტოს პერიოდს მოიცავს.

აღნიშნულ პერიოდში 5 107 ფიზიკური და ერთი იურიდიული პირი დაჯარიმდა, 4 776 პირს კი სიტყვიერი შენიშვნა ან გაფრთხილება მიეცა.

ადმინისტრაციულ სამართალდარღვევათა კოდექსში შესაბამისი ცვლილებები 12 ივნისს შევიდა. 42(11) მუხლის თანახმად, დახურულ საჯარო სივრცეში, ტრანსპორტში ან ტაქსიში პირბადის გარეშე ყოფნა ფიზიკური პირისთვის 20 ლარიან ჯარიმას ითვალისწინებს.

ხოლო დახურულ საჯარო სივრცეში პირბადის არმქონე პირის დაშვება აღნიშნული სივრცის მფლობელი იურიდიული პირის/ინდივიდუალური მეწარმის 500 ლარით დაჯარიმებას გამოიწვევს.

0
თემები:
COVID-19 საქართველოში