ალექსანდრ ლუკაშენკო

ლუკაშენკო: „წმინდანი არ ვარ“

94
(განახლებულია 20:53 17.08.2020)
ლუკაშენკომ მინსკის ბორბლებიანი გამწევების ქარხანაში სტუმრობისას განაცხადა, რომ არჩევნები ქვეყანაში „ცივილიზებულად“ ჩატარდა და ამომრჩევლის ხმების 80% არ შეიძლება გაყალბებული იყოს.

თბილისი, 17 აგვისტო – Sputnik. ბელარუსის პრეზიდენტმა ალექსანდრ ლუკაშენკომ განაცხადა, რომ ის „წმინდანი არ არის“, მის ხასიათში არის სისასტიკე, მაგრამ წინააღმდეგ შემთხვევაში „ქვეყანა არ იქნებოდა“.

„დიახ, მე ხომ წმინდანი არა ვარ. თქვენ იცით ჩემი სისასტიკის ამბავი. იცით, რომ სისასტიკე რომ არ იყოს, ქვეყანა არ იქნებოდა. ზუსტად იცით, რომ თქვენ შვილებს არ ვაწყენინებ და ქვეყანას არავის მივცემ. ესაა მთავარი“, – განაცხადა ლუკაშენკომ, იუწყება სახელმწიფო სააგენტო „ბელტა“.

ლუკაშენკომ მინსკის ბორბლებიანი გამწევების ქარხანაში სტუმრობისას ასევე განაცხადა, რომ ქვეყანაში არჩევნები „ცივილიზებულად“ ჩატარდა და ამომრჩევლის ხმების 80%-ის გაყალბება წარმოუდგენელია.

„ვიცი, მესმის, რაც ხდება. ამიტომ არსებითზე ვილაპარაკოთ. თქვენ მუშა ხალხი ხართ. თქვენც მიცნობთ. ყოველთვის მხარს უჭერდით პრეზიდენტს. ეს ვიცი. დაე, ყველაფერი არ ვიცოდე, მაგრამ გახსოვდეთ, კაცურად გეტყვით და მომისმინეთ, მერე იმოქმედეთ, როგორც გინდათ: ყველაზე საშინელი ცხოვრებაში ღალატია. არ მინდა გისაყვედუროთ, რომ ვიღაცას უღალატეთ, რადგან კარგად ვიცი რაც ხდება“, – აღნიშნა ლუკაშენკომ.

მან ქარხნის თანამშრომლებს მუშაობისკენ მოუწოდა.

„ყველაფერი გადავიტანე. ამასაც გადავიტან. ახლა საკუთარ თავზე იფიქრეთ. დავუშვათ, დღეს წავედი, ხვალ რა იქნება, გიფიქრიათ? თქვენ, ხელფასები რომ იყოს, ნუ დაღუპავთ საკუთარ საწარმოს. ლუკაშენკო ხვალ წავა, მაგრამ თქვენ ხომ აქ რჩებით“, – განაცხადა ქვეყნის მეთაურმა.

ბელარუსში საპროტესტო აქციები მიმდინარეობს 9 აგვისტოს ჩატარებული საპრეზიდენტო არჩევნების შემდეგ, რომელიც ლუკაშენკომ ხმების 80 პროცენტით მოიგო. საპროტესტო აქციებზე ძალოვანი უწყებების წარმომადგენლები დემონსტრანტების წინააღმდეგ თავდაპირველად იყენებდნენ ცრემლსადენ გაზს, წყლის ჭავლს, ხმოვან ყუმბარებს, რეზინის ტყვიებს, შემდეგ კი მათ მომიტინგეების დაშლა და მათ წინააღმდეგ ძალისმიერი მეთოდების გამოყენება შეწყვიტეს.

ოფიციალური მონაცემებით, პირველ დღეებში 6,7 ათასი ადამიანი დააკავეს, დაშავდა ასობით ადამიანი, ერთი – დაიღუპა. ოპოზიცია მიიჩნევს, რომ არჩევნებზე სვეტლანა ტიხანოვსკაიამ გაიმარჯვა და არა მოქმედმა პრეზიდენტმა ლუკაშენკომ.

94
თემები:
მსოფლიო დღეს (2083)
„მეტრონომი“ ნიუ-იორკში

კატასტროფამდე დარჩა შვიდი წელი: ნიუ-იორკის საათი ქვეყნიერების დასასრულს აითვლის

15
(განახლებულია 16:20 23.09.2020)
ნიუ-იორკში მდებარე იდუმალი საათის, „მეტრონომის“ ფუნქცია რადიკალურად შეიცვალა - ამიერიდან ის შეუქცევადი კატასატროფის დადგომამდე დარჩენილ დროს აითვლის

თბილისი, 23 სექტემბერი — Sputnik. ოც წელზე მეტია, რაც ნიუ-იორკის იუნიონ-სკვერზე მდებარე ერთ-ერთი შენობის ფასადის ელექტრონული საათი ნიუ-იორკელებისთვის საიდუმლოდ რჩება — 15 ციფრი ციფერბლატზე, რომლებიც გაუგებარი თანმიმდევრობით იცვლება, არაფრით ჯდება დროის ათვლაში, წერს გამოცემა The New-York Times-ი.

​იყო ვერსიები, რომ საათი, როგორც „მეტრონომის“ ინსტალაციის ნაწილი, გვიჩვენებს ყველაფერს, მაგრამ არა დროს. მაგალითად, ბევრი დღესაც დარწმუნებულია, რომ ციფერბლატზე 15-ნიშნა რიცხვი — არის შეერთებული შტატების სახელმწიფო ვალი, პლანეტაზე მცხოვრები ადამიანების რაოდენობა, დამწვარი და გაჩეხილი ტყეების ფართობი და ა.შ.

ვერსიები ბევრია, მაგრამ რეალურად ეს მართლაც საათია, რომლის მარცხენა ნაწილი მიმდინარე დროს აჩვენებს წამის მეასედების სიზუსტით, ხოლო მარჯვენა მხარე —  მეორე დღის დასაწყისამდე დარჩენილ დროს.

ახლა კი „მეტრონომის“ მისია რადიკალურად შეიცვალა — ამიერიდან ის აჩვენებს, თუ რამდენი დარჩა კაცობრიობას შეუქცევადი კლიმატური კატასტროფის დაწყების მომენტამდე.

ათვლის დაწყებამდე ციფერბლატზე  გაჩნდა წარწერა The Earth has a deadline („დედამიწას ვადა აქვს“).

ეკრანზე მოცემული ციფრების თანახმად, დღევანდელი დღიდან კლიმატური კოლაფსის დადგომამდე 7 წელი და 103 დღეა დარჩენილი.

იდეის ავტორები, მხატვრები გან გოლანი და ენდრიუ ბოიდი აცხადებენ, რომ ამ გზით სურთ საზოგადოების ყურადღება გლობალური დათბობის პრობლემებს მიაპყრონ და საათის მაჩვენებლებს „დედამიწაზე ყველაზე მნიშვნელოვან ციფრებს“ უწოდებენ.

15
თემები:
მსოფლიო დღეს (2083)
როუვენ რივლინი

უჩვეულო ინიციატივა: ისრაელის პრეზიდენტმა თავისი ხელფასის შემცირება მოითხოვა

22
(განახლებულია 14:26 23.09.2020)
ისრაელის პრეზიდენტის ხელფასი ერთ თვეში დაახლობით 18 ათას აშშ დოლარს უტოლდება, ხოლო დეპუტატებისა - 12 ათას დოლარს

თბილისი, 23 სექტემბერი — Sputnik. ისრაელის პრეზიდენტმა როუვენ (რუბი) რივლინმა ქვეყნის მთავრობას მისთვის ხელფასის 10%-ით შემცირების თხოვნით მიმართა, ამის შესახებ პრეზიდენტმა საკუთარ Twitter–აკაუნტზე დაწერა.

​მანამდე, 21 სექტემბერს, ისრაელის მინისტრთა კაბინეტმა მინისტრებისა და ქნესეთის (პარლამენტის) დეპუტატებისთვის დროებით ჯამაგირის 10%-ით შემცირების გადაწყვეტილება მიიღო. ინიციატივა ქვეყნის ფინანსთა მინისტრ ისრაელ კაცს ეკუთვნოდა.

აღნიშნული წინადადების განხილვისას საგარეო საქმეთა მინისტრმა არიე დერიმ ყველა მაღალჩინოსანი სახელმწიფო მოხელისთვის ხელფასების 20%-ით შემცირება მოითხოვა, თუმცა მის ინიციატივას მხარი არ დაუჭირეს.

ისრაელის პრეზიდენტის ხელფასი დაახლოებით 64 ათას შეკელს (18 ათასი 479 აშშ დოლარი) შეადგენს ერთ თვეში, ხოლო ქნესეთის დეპუტატის ხელფასი თვეში დაახლოებით 44 ათას შეკელს (12 768 აშშ დოლარი) უტოლდება.

22
თემები:
მსოფლიო დღეს (2083)