ლაბორატორია

მეცნიერებმა კორონავირუსსა და რეზუს-ფაქტორს შორის კავშირი დაადგინეს

894
(განახლებულია 16:25 13.08.2020)
ექსპერტები ვარაუდობენ, რომ ავადობის მაღალი მაჩვენებელი, შესაძლებელია, გამოწვეული იყოს რეზუს-ფაქტორსა და ორგანიზმის იმუნურ პასუხს შორის არსებული კავშირით.

თბილისი, 13 აგვისტო – Sputnik. მეცნიერებმა შეძლეს რეზუს-ფაქტორსა და COVID-19-ით ინფიცირებას შორის კავშირის პოვნა, წერს გამოცემა „იზვესტია“ კვლევის მონაცემებზე დაყრდნობით.

სამეცნიერო პროექტზე მუშაობდნენ ბარსელონის უნივერსიტეტის (ესპანეთი) და კამპინასის უნივერსიტეტის (ბრაზილია) სპეციალისტები.

ერთად მათ დეტალურად შეისწავლეს კორონავირუსის ახალი ტიპის გავრცელება 100-ზე მეტ ქვეყანაში და დაადგინეს, რომ ინფიცირების რიცხვის ექსპონენტური მატება დამახასიათებელია იმ სახელმწიფოებისთვის, რომლებშიც უარყოფითი რეზუს-ფაქტორით ყველაზე მეტი ადამიანი ცხოვრობს.

მაგალითად, კორონავირუსის ძლიერი ეპიდემიის შემთხვევები დაფიქსირდა ისეთ ქვეყნებში, როგორებიცაა ავსტრალია, ავსტრია, ბრაზილია, ახალი ზელანდია, ესპანეთი, დიდი ბრიტანეთი, შვეიცარია და აშშ. ექსპერტები ამ სიტუაციას ხსნიან იმით, რომ უარყოფითი რეზუს-ფაქტორის მქონე ნებისმიერი სისხლის ჯგუფის ადამიანებისთვის კორონავირუსით ინფიცირების ბევრად სწრაფი ტემპია დამახასიათებელი.

როგორც გამოცემა წერს, ავადობის ყველაზე მაღალი სიხშირე შეიძლება გამოწვეული იყოს რეზუს-ფაქტორსა და ორგანიზმის იმუნურ პასუხს შორის არსებული კავშირით.

კორონავირუსი მსოფლიოში – 13 აგვისტოს მონაცემები>>

საინტერესოა, რომ უფრო ადრე კარლოვის უნივერსიტეტის (ჩეხეთი) მეცნიერებმა დაადგინეს, რომ ასეთი ადამიანები უფრო ხშირად უჩივიან ალერგიულ, საჭმლის მომნელებელ, გულის, ჰემატოლოგიურ, იმუნურ და ნევროლოგიურ პრობლემებს. გარდა ამისა, ჩეხმა მკვლევარებმა დაამტკიცეს, რომ უარყოფითი რეზუს-ფაქტორის მქონე ადამიანებში გულ-სისხლძარღვთა, რესპირატორული და სხვა დაავადებების განვითარების უფრო მაღალი რისკი შეინიშნება.

894
თემები:
COVID-19-ის პანდემია მსოფლიოში (1150)
მაიკლ პენსი

ინციდენტი ჰაერში: აშშ-ის ვიცე-პრეზიდენტის თვითმფრინავი მოულოდნელად დაჯდა

30
(განახლებულია 13:54 23.09.2020)
ირკვევა, რომ ინციდენტი აფრენიდან მოკლე ხანში მოხდა, რის შემდეგაც ვიცე–პრეზიდენტის ხომალდი სიფრთხილის ზომებიდან გამომდინარე დასვეს ნიუ–ჰემპშირში

თბილისი, 23 სექტემბერი — Sputnik. ვაშინგტონიდან აფრენილი თვითმფრინავი, რომლის ბორტზეც აშშ–ის ვიცე–პერზიდენტი მაიკლ პენსი იმყოფებოდა, მოულოდნელად დაეშვა ნიუ–ჰემპშირის აეროპორტში, იუწყებაCNN–ი პენსის პრესმდივანზე დაყრდნობით.

​გავრცელებული ინფორმაციით, თვითმფრინავის შტატგარეშე დაჯდომის მიზეზი — ეს ჰაერში ფრინველთან შეჯახება იყო.

ირკვევა, რომ ინციდენტი აფრენიდან მოკლე ხანში მოხდა, რის შემდეგაც ვიცე–პრეზიდენტის ხომალდი სიფრთხილის ზომებიდან გამომდინარე დასვეს ნიუ–ჰემპშირში.

როგორც გამოცემა წერს, მაიკლ პენსი და მისი თანმხლები პირები ვაშინგტონში სატვირთო თვითმფრინავით დაბრუნდნენ.

30
თემები:
მსოფლიო დღეს
კორონავირუსის პანდემია

სახელდება კორონავირუსის გადაცემის უმთავრესი მიზეზი: ახალი კვლევა

56
(განახლებულია 12:48 23.09.2020)
მეცნიერებმა მოუძებნეს ახსნა, რატომ გაძლიერდა პანდემია ივლისში მსოფლიოს სხვადასხვა მჭიდროდ დასახლებულ ცხელ და ნოტიო კლიმატიან ქალაქებში

თბილისი, 23 სექტემბერი — Sputnik. მეცნიერებმა დაადგინეს, რომ COVID-19-ის გამომწვევი ვირუსის, SARS-CoV-2-ის გადაცემის ძირითადი ფაქტორი ჰაერში ტენიანობის აორთქლების სიჩქარეა, იუწყება EurekAlert-ი.

თეორიული მოდელირებისა და ჰიდროდინამიკური ექსპერიმენტების დახმარებით, სპეციალისტებმა შეისწავლეს ტენიანობის, გარემოს ტემპერატურისა და ქარის სიჩქარის გავლენა ვირუსის ნაწილაკების შემცველი ნერწყვის უმცირესი წვეთების გავრცელებაზე.

აღმოჩნდა, რომ მაღალი ტემპერატურისა და დაბალი ტენიანობის დროს, აორთქლების მაღალი სიჩქარის გამო, ვირუსის სიცოცხლისუნარიანობა მნიშვნელოვნად მცირდება. ცხელ ამინდში მაღალი ტენიანობის შემთხვევაში კი  კორონავირუსის გადაცემის ალბათობა კვლავ მაღალი რჩება.

მეცნიერთა აზრით, მიღებული მონაცემები ცხადყოფს, თუ რატომ გაძლიერდა პანდემია ივლისში მსოფლიოს სხვადასხვა მჭიდროდ დასახლებულ ცხელ და ნოტიო კლიმატიან ქალაქებში.

56
თემები:
მსოფლიო და მეცნიერება
ნანუკა გოგიჩაიშვილი, ნათია ბანძელაძე, გიორგი გოგიჩაიშვილი და ნინი გოგიჩაიშვილი

ნანუკა და ნინი გოგიჩაიშვილების მოდური ბაბუა - აი ვის ჰგვანან ტოპ-მოდელი დები

0
(განახლებულია 13:04 23.09.2020)
გოგიჩაიშვილების ოჯახის წევრი შეუდარებლად გამოიყურება. მოდელების ბაბუის შთამბეჭდავი „ლუქი“. რა ფოტოს აქვყნებს ნანუკა გოგიჩაიშვილი?

მოკრძალებული ჯვრისწერის შემდეგ, გოგიჩაიშვილების ოჯახი დედაქალაქს დაუბრუნდა. ნანუკა და ნიკოლოზ ნაყოფია ოფიციალურად ცოლ-ქმარნი არიან. წყვილს ალავერდის მონასტერში ჯვრისწერა ვიწრო წრეში ჰქონდა. მათ კახეთში მხოლოდ ნათესავებმა მიაკითხეს. ნანუკამ აღნიშნა, რომ ქორწილი არ იქნება, ბუნებრივია, მიზეზი პანდემიაა.

ნანუკა გოგიჩაიშვილმა მოდური ბაბუის ფოტო სოციალურ ქსელში განათავსა. ხანდაზმული ოჯახის წევრი მოდელის ძაღლს ასეირნებს და შეუდარებლად გამოიყურება.

პოპულარულ ოჯახში რამდენიმე თვის წინ დიდი ტრაგედია დატრიალდა. რამდენიმეწლიანი ბრძოლის შემდეგ გიორგი გოგიჩაიშვილის ორგანიზმმა სენს ვერ გაუძლო. მისმა გარდაცვალებამ გული მთელ ქვეყანას დასწყვიტა. მსახიობის კეთილი როლები, ბავშვების უკიდეგანო სიყვარული და გულახდილი ღიმილი ყველას კარგად დაამახსოვრდა. მისი უბოროტო და ყველას მიმართ ყურადღებიანი ხასიათი ბევრისთვის მაგალითად იქცა. გოგიჩას ადამიანები არასდროს დაივიწყებენ, რადგან ის ბავშვობის უდარდელ წლებთანაა დაკავშირებული.

View this post on Instagram

1. #❤️🪐♾

A post shared by Leonard Cohen Was Right (@ninigogicha) on

ცნობილი მსახიობი და ტელეწამყვანი გიორგი გოგიჩაიშვილი ივლისში 51 წლის ასაკში გარდაიცვალა. გი­ორ­გი გო­გი­ჩა­იშ­ვილს, ბავ­შვე­ბის­თვის, მისი პა­ტა­რა მა­ყუ­რებ­ლის­თვის კი უბ­რა­ლოდ გო­გი­ჩას 49 წლის ასაკ­ში გან­საც­დე­ლის პე­რი­ო­დი და­უდ­გა. ჯერ სა­ზო­გა­დო­ებ­რივ არხზე გა­და­ცე­მა „ყო­ჩა­ღე­ბის ქუჩა“ და­უ­ხუ­რეს, შემ­დეგ კი სრუ­ლი­ად მო­უ­ლოდ­ნე­ლად გა­ჩე­ნილ მძი­მე სენ­თან ბრძო­ლა დას­ჭირ­და. მკურ­ნა­ლო­ბის კურ­სი უცხო­ეთ­ში, სტამ­ბუ­ლის კლი­ნი­კა­ში ჩა­უ­ტარ­და. ეს ავად­მყო­ფო­ბა მისი ოჯა­ხის­თვის მოწ­მენ­დილ ცაზე მე­ხის გა­ვარ­დნა­სა­ვით იყო. მკურნალობის შემდეგ ერთი პერიოდი მსახიობი თავს კარგადაც გრძნობდა, თუმცა ბოლო თვეები მდგომარეობა გაუარესდა და ის გარდაიცვალა.

0
თემები:
სელებრითების ცხოვრება