პროტესტი მინსკში

ვითარება ბელარუსში: პროტესტის მესამე ღამე

498
(განახლებულია 14:38 12.08.2020)
ძალოვანი უწყებების წარმომადგენლები ამჯერად ყურადღებას ამახვილებდნენ მძღოლებზე და ასევე ჟურნალისტებზე, რომლებსაც ართმევდნენ მეხსიერების ბარათებს და უმტვრევდნენ აპარატურას.

თბილისი, 12 აგვისტო – Sputnik. ბელარუსის დედაქალაქ მინსკში და სხვა ქალაქებში არეულობები საპროტესტო აქციებზე დაახლოებით 02:00 საათზე (თბილისის დროით 01:00 სთ) დასრულდა, იუწყება РИА Новости.

გუშინ, საღამოს ზედიზედ მესამედ ადამიანებმა, რომლებიც ბელარუსის საპრეზიდენტო არჩევნების შედეგებს აპროტესტებენ, შეკრება დაიწყეს დედაქალაქის სხვადასხვა ნაწილებში, ძირითადად, გარეუბნებში.

შეკრებილები ყვიროდნენ, ერთმანეთს ესალმებოდნენ, ტაშს უკრავდნენ. ასევე თავს იყრიდნენ ავტომობილები, რომლებიც სიგნალებით მხარს უჭერდნენ აქციის მონაწილეებს.

„ომონი“ (მილიციის განსაკუთრებული დანიშნულების ქვედანაყოფი) აქციებს შლიდა რეზინის ტყვიებით, იყენებდა ხმოვან ყუმბარებს. აქციების ყველაზე აქტიური მონაწილეები დააკავეს. ქუჩებში ხშირად ნახავდით ახალგაზრდებს ჯოხებითა და პლასტმასის ბოთლებით ხელში, რომლებიც მილიციის თანამშრომლებს წინააღმდეგობას უწევდნენ. მოხდა რამდენიმე დაპირისპირება, რომლის დროსაც მილიციელებმა გამოიყენეს ხელკეტები და ზოგიერთი ახალგაზრდა დააკავეს.

აქტივისტების დევნისას „ომონი“ შტურმით იღებდა სახლების სადარბაზოებს, სადაც ახალგაზრდებს შეიძლებოდა თავი შეეფარებინათ.

იყო დაკავებულების დახსნის მცდელობებიც – ხის ჯოხების, ფეიერვერკების, ქვებისა და ჩირაღდნების გამოყენებით.

„Sputnik–ბელარუსის“ ინფორმაციით, ძალოვნები გაძლიერებულად აკონტროლებდნენ ავტომობილების გადაადგილებას. გაჩერებულ მანქანებში ეძებდნენ აქციის მონაწილეებს, გზებზე ეკითხებოდნენ მგზავრობის მიზნების შესახებ. ზოგჯერ ისინი ავტომობილებს ურტყამდნენ და მინებს უმსხვრევდნენ. „მოხვდათ“ ჟურნალისტებსაც – მათ გლეჯდნენ ბეიჯებს, ართმევდნენ მეხსიერების ბარათებს, უმტვრევდნენ აპარატურას.

აქციების პირველი ორი ღამის შემდეგ ბელარუსის შსს-ს დაახლოებით 5 ათასი დაკავებული ჰყავს. დედაქალაქის მსგავსად, რეგიონებშიც აქციები არ იყო ხალხმრავალი, მაგრამ სპეცრაზმი სასტიკად მოქმედებდა.

ბელარუსის საპრეზიდენტო არჩევნები – ცნობილია ცესკოს წინასწარი მონაცემები>>

ბელარუსის მოქალაქეები არასანქცირებულ მიტინგებს უკვე მესამე დღეა მართავენ. ისინი არ ეთანხმებიან არჩევნების შედეგებს, რომლის წინასწარი მონაცემებით ქვეყნის მოქმედი პრეზიდენტი ალექსანდრ ლუკაშენკო დამაჯერებლად ლიდერობს.

ბოლო რამდენიმე დღის განმავლობაში საპოტესტო გამოსვლების დროს მასმედიის ბევრი თანამშრომელი დააკავეს. მათი უმრავლესობა უკვე გამოუშვეს. ზოგიერთის წინააღმდეგ ფიზიკური ძალაც გამოიყენეს.

498
თემები:
მსოფლიო დღეს (2091)
დონალდ ტრამპი

„შეთქმულება მომიწყო“: დონალდ ტრამპს ძმიშვილი სასამართლოში უჩივის

28
(განახლებულია 11:38 25.09.2020)
პრეზიდენტის უფროსი ძმის ქალიშვილი ბიძებსა და მამიდას მის წინააღმდეგ „შეთქმულების ორგანიზებაში“ სდებს ბრალს

თბილისი, 25 სექტემბერი — Sputnik. აშშ–ის პრეზიდენტ დონალდ ტრამპს უფროსი ძმის, ფრედის ქალიშვილი მერი ტრამპი ნიუ–იორკის უზენაეს სასამართლოში უჩივის და მისი კუთვნილი ათობით მილიონი დოლარის მიტაცებაში სდებს ბრალს, იუწყება გაზეთი New York Times-ი.

​გავრცელებული ინფორმაციით, გარდა პრეზიდენტი ბიძისა, მერი ტრამპი იგივე ბრალს სდებს მამიდა მერიენსა და აწ უკვე გარდაცვლილ მეორე ბიძას, რობერტს. მისი თქმით, ახლო ნათესავების „სამეულმა“ შეთქმულების გზით წაართვეს მასა და მის ძმას მამისეული ქონების ნაწილი და ასევე არ მისცეს მათ ბაბუის მიერ დატოვებული მემკვიდრეობის წილი.

სარჩელში აღნიშნულია, რომ 1981 წელს ფრედ ტრამპის გარდაცვალების შემდეგ, 16 წლის მერის მეურვეები დონალდ, რობერტ და მერიენ ტრამპები გახდნენ, რომლებმაც, იმის ნაცვლად, რომ მის ინტერესებზე ეზრუნათ, მთელი სქემა შექმნეს ქონების მისატაცებლად.

უკვე 1999 წელს კი, როდესაც ტრამპების მამა, ანუ მერის ბაბუა გარდაიცვალა, ქალი აიძულეს, ხელი მოეწერა გარიგებაზე, რომლის თანახმადაც მას „ათობით მილიონი დოლარი (და შეიძლება მეტიც) წაართვეს“.

„თაღლითობა იყო არა უბრალოდ ოჯახური საქმიანობა მათთვის, არამედ ცხოვრების წესი“ — ნათქვამია დონალდ, რობერტ და მერიენ ტრამპების წინააღმდეგ შედგენილ სარჩელში.

აღსანიშნავია, რომ მანამდე მერი ტრამპი თავის ახალ წიგნში წერდა, რომ აშშ–ის პრეზიდენტ დონალდ ტრამპს, ოჯახის ნეგატიური გავლენის გამო, სხვა ადამიანებისადმი თანაგრძნობის უნარი აქვს წართმეული და უამრავი კომპლექსით იტანჯება.

 

28
თემები:
მსოფლიო დღეს (2091)
ევროკავშირის დროშა

„შესაძლო პუნქტი“: ევროკავშირში რუსეთის წინააღმდეგ ახალი სანქციები მზადდება

38
(განახლებულია 10:37 25.09.2020)
წყაროს თქმით, ევროკავშირში მუდმივი წარმომადგენლების სხდომის დღის წესრიგში მონიშნულია პუნქტი რუსეთის მიმართ ახალი სასანქციო ჩამონათვალის შესახებ

თბილისი, 25 სექტემბერი — Sputnik. ევროკავშირის წევრი ქვეყნების მუდმივი წარმომადგენლების კომიტეტმა (COREPER) 28 სექტემბრის სხდომაზე შესაძლოა, უკრაინის გამო რუსეთისთვის დაწესებული ინდივიდუალური სანქციების ფარგლებში, ახალი ჩამონათვალის საკითხი განიხილონ, იუწყება РИА Новости ევროკავშირში არსებულ წყაროზე დაყრდნობით.

წყაროს თქმით, COREPER–ის სხდომის დღის წესრიგში მონიშნულია „შესაძლო პუნქტი“ ახალი სასანქციო ჩამონათვალის შესახებ იმ ქმედებების გამო, რომლებიც „ძირს უთხრის ან ემუქრება უკრაინის ტეროტორიულ მთლიანობას, სუვერენიტეტსა და დამოუკიდებლობას“.

ამასთან წყარომ განმარტა, რომ ახალი სასანქციო სიის დასამტკიცებლად შეიძლება წერილობითი პროცედურა ამოქმედდეს.

„პუნქტი მონიშნულია როგორც შესაძლო. ამ ეტაპზე უცნობია, დამტკიცდება თუ არა ის“, — თქვა მან.

რუსეთსა და დასავლეთის ქვეყნებს შორის ურთიერთობა მას შემდეგ გამწვავდა, რაც ყირიმი რუსეთს შეუერთდა ნახევარკუნძულზე ჩატარებული საყოველთაო რეფერენდუმის შედეგებით. დასავლეთმა რუსეთი ჩარევაში დაადანაშაულა და მის წინააღმდეგ სანქციები აამოქმედა, რაზეც მოსკოვმა საპასუხო ზომებით ირეაგირა: ევროპული საქონელი საკუთარი წარმოების პროდუქციით ჩაანაცვლა და განაცხადა, რომ რუსეთთან სანქციების ენაზე საუბარი კონტრპროდუქტიულია. ამასთან რუსეთის ხელისუფლებამ არაერთხელ აღნიშნა, რომ უკრაინაში მიმდინარე კონფლიქტში მხარეს არ წარმოადგენს.

რუსული გაზსადენის მშენებლობაზე დასაქმებულ ხომალდებს აღარ დააზღვევენ>> 

ინდივიდუალური სანქციები რუსეთისა და უკრაინის იმ მოქალაქეთა წინააღმდეგ, რომლებსაც ევროკავშირი უკრაინის ტერიტორიული მთლიანობისა და სუვერენიტეტის შებღალვაში სდებს ბრალს, პირველად 2014 წლის მარტში დაწესდა და მას შემდეგ რეგულარულად ხანგრძლივდება ვადაში. აღნიშნული სანქციები ეხება 174 პირსა და 44 ორგანიზაციას. მიმდინარე წლის 10 სექტემბერს ევროკავშირმა მორიგ ჯერზე გაახანგრძლივა სანქციები ექვსი თვით — 2021 წლის მარტის შუა რიცხვებამდე.

 

38
თემები:
მსოფლიო დღეს (2091)
მესტია, საქართველო

რა ვიცით საქართველოზე? - შეამოწმეთ და შეივსეთ ცოდნა

0
(განახლებულია 12:29 25.09.2020)
იცით, რომ ძველად საქართველოში „იქმდის სანმდის ვაზი ხარობდა“, დაბლობად მიიჩნეოდა, ხოლო სადაც არ ხარობდა — მთად?

საქართველო ჩვენი სამშობლოა და თითოეულ ჩვენგანს გარკვეული ცოდნა აქვს მის შესახებ, მაგრამ არსებობს დეტალები, რომლებიც შესაძლოა არ იცოდეთ.

ქვემოთ რამდენიმე საინტერესო ინფორმაციას გაგაცნობთ.

  • ფართობის მიხედვით საქართველოში ყველაზე დიდია მესტიის რაიონი, რომელიც მოიცავს 304 400 ჰექტარს. მეორე მაჩვენებელი აქვს დუშეთის რაიონს — 298 ათასი ჰექტარი, შემდეგ კი მოდის დედოფლისწყაროს რაიონი, რომელიც გადაჭიმულია 252 900 ჰექტარზე;
    საქართველოში ტყის საფარი 2,5 მილიონ ჰექტარზე მეტია; 
  • საქართველოს შავი ზღვის სანაპირო  ზოლი — მდინარე ფსოუს შესართავიდან სარფამდე  — 310 კილომეტრს აღემატება;
  • შავი ზღვა 200 მეტრის სიღრმიდან ფსკერამდე მკვდარია. მასში არანაირი ცოცხალი არსება არ ხარობს, რადგან დიდი რაოდენობით მომწამვლელ გაზს შეიცავს;
  • საქართველოში დიდი თუ მცირე 860 ტბა და 43 ხელოვნური წყალსაცავია, მათი საერთო ფართი 170 კვადრატული კილომეტრია (რაც ქვეყნის ტერიტორიის 0,24 % - ია)
  • დაახლოებით 3– 4 ათასი წლის წინ ხმელთაშუა ზღვიდან შავ ზღვაში წყალი შეიჭრა. წყლის დონის 3-4 მეტრით აწევამ დატბორა კოლხეთის დაბლობი. 1000 წლის შემდეგ შემდეგ ზღვამ ისევ უკან დაიხია და დაგვრჩა დაჭაობებული კოლხეთის დაბლობი;
  • საქართველოში 215 მილიონი ტონა მარგანეცის მარაგია;
  • ჩვენს წელთაღრიცხვამდე I საუკუნეში შავი ზღვის სანაპიროს „დაწევის“ გამო ჩაიძირა ქალაქი დიოსკურია — თანამედროვე სოხუმის მიმდებარედ;
  • საქართველოში არის ტალახის მოქმედი ვულკანები. ასეთი ვულკანების კრატერში თავისუფლად ჩასვლა და ბანაობაა შესაძლებელი. ყველაზე პოპულარულია ახტალა. მეორე ადგილზეა კილაკუპმა (დედოფლისწყაროს რაიონში), რომელსაც „მეორე ახტალადაც“ მოიხსენიებენ;
  • საქართველოში  წყლის წლიური რესურსი 65 ტრილიონი ლიტრია (აქედან  18 ტრილიონი ლიტრი სასმელად ვარგისი მტკნარი წყალია), ხოლო მინერალური წყლის წლიური რესურსი 50 მილიარდ ლიტრია. საქართველოში მინერალური წყალი 1500–მდე ადგილზე ამოდის;
  • უძველესი სამაგიდო თამაში ნარდი ქართველთა წინაპრებმა, ქალდეველებმა გამოიგონეს;
  • ძველად საქართველოში კარგი საჭურვლის დასამზადებლად სამჭედლოებში წაბლის ხის ნახშირს იყენებდნენ;
  • საქართველოში ნავთობის მარაგი 2 მილიარდ ტონას აღემატება, ხოლო მისი წლიური მოხმარება მხოლოდ 3,5 მილიონი ტონაა;
  • საქართველოში ბუნებრივი აირის დადასტურებული მარაგი დაახლოებით 300 მილიარდ კუბურ მეტრს შეადგენს. ხოლო ჩვენი ქვეყნის ყოველწლიური მოხმარება 2–2,5 მილიარდი კუბური მეტრია;
  • საქართველოში 26 ათასამდე დიდი თუ პატარა მდინარეა და მათი საერთო სიგრძე 6 ათასი კილომეტრია;
  • საქართველოში 58 დიდი, საშუალო თუ მცირე მოქმედი ჰიდროელექტროსადგურია, ხოლო ჰიდრორესურსების ჯამური პოტენციური სიმძლავრე 15 ათასი მეგავატსაათია, თუმცა პოტენციალის 80 % აუთვისებელია და მთლიანი ჰიდრორესურსების მხოლოდ 20 %-ია გამოყენებული;
  • ძველად საქართველოს მთა და დაბლობი შემდეგნაირად განისაზღვრებოდა: „იქმდის სანმდის ვაზი ხარობდა“, დაბლობად (ბარი) მიიჩნეოდა, ხოლო სადაც არ ხარობდა — მთად. ამჟამად საქართველოს ტერიტორიის დაახლოებით 65 პროცენტი უკავია მთას, ხოლო დაბლობს — 35 პროცენტი;
  • საქართველოში დაახლოებით 5000-მდე დაბა და სოფელია, მათგან 200-მდე სოფელი ან სრულიად გაუკაცრიელებულია, ან მისი მოსახლეობა 20 მობინადრეს არ აღემატება...
0
თემები:
იცით თუ არა, რომ...