ლაბორატორია

ყურადღება, სლოკინი! კორონავირუსმა არატიპური სიმპტომი გამოავლინა

279
(განახლებულია 17:18 08.08.2020)
გამომდინარე იქიდან, რომ კორონავირუსი ჯერ კიდევ არ არის შესწავლილი, მეცნიერების აზრით, აუცილებელია მის ყველა არატიპურ გამოვლენაზე გამახვილდეს ყურადღება

თბილისი, 8 აგვისტო — Sputnik. ხშირი სლოკინი შესაძლოა კორონავირუსის განვითარების ერთ–ერთი ნიშანი იყოს, ვარაუდობენ ამერიკელი მეცნიერები.

შესაბამისი დასკვნები მათ ჟურნალ The American Journal of Emergency Medicine–ში გამოქვეყნებულ კვლევაში ჩამოაყალიბეს.

მესიკოსებმა ესოდენ მოულოდნელი დასკვნა მას შემდეგ გააკეთეს, რაც 62 წლის ჩიკაგოელი პაციენტი გამოიკვლიეს. ირკვევა, რომ მას COVID-19–ის არცერთი მანამდე ცნობილი სიმპტომი არ უფიქსირდებოდა — ხველება, სხეულის მაღალი ტემპერატურა თუ ტკივილები მკერდის არეში. სამაგიეროდ მამაკაცი ოთხი დღის განმავლობაში განუწყვეტლივ ასლოკინებდა.

კორონავირუსზე ჩატარებულმა ტესტმა დადებითი შედეგი აჩვენა, ხოლო პაციენტის ფილტვებში, რომელსაც თანმდევი ქრონიკული დაავადებები ჰქონდა, დაჩრდილვა აღმოაჩინეს.

ექიმების თქმით, ეს პირველი დარეგისტრირებული შემთხვევაა, როდესაც კორონავირუსით ინფიცირებული პაციენტი სლოკინს უჩიოდა. ამასთან დაკავშირებით, სპეციალისტები მოუწოდებენ საზოგადოებას, ყურადრება გაამახვილონ სლოკინზე, რომელიც შესაძლოა იყოს კიდეც COVID-19–ით დაავადების სიგნალი.

ამასთან სპეციალისტები ხაზს უსვამენ, რომ ახალი ტიპის კორონავირუსი ჯერ კიდევ არ არის შესწავლილი და ამიტომაც აუცილებელია, რომ დაავადების თითოეულ არატიპურ გამოვლენაზე ყურადღება გამახვილდეს.

 

279
თემები:
მსოფლიო და მეცნიერება (493)

მიუხედავად ზეწოლისა: დაასრულებენ თუ არა რუსეთი და ევროპა პროექტს „ჩრდილოეთის ნაკადი 2“

16
რუსეთის ენერგეტიკის მინისტრი ალექსანდრ ნოვაკი დარწმუნებულია, რომ გაზსადენის პროექტი „ჩრდილოეთის ნაკადი – 2“, რომელიც რუსულ გაზს ევროპას ბალტიის ზღვის გავლით მიაწვდის, სრულად განხორციელდება

ენერგეტიკის სამინისტროს ხელმძღვანელმა დაამატა, რომ პროექტი მზადყოფნის მაღალ დონეზეა. გაზსადენის ბედი ეჭვქვეშ დადგა ალექსეი ნავალნის სავარაუდო მოწამვლის გამო. ევროპის რიგმა ქვეყნებმა გადაწყვიტეს ისარგებლონ შექმნილი ვითარებით და კვლავ შეეცადონ ჩაშალონ „ჩრდილოეთის ნაკადი – 2-ის“ მშენებლობა, რასაც დიდი ხანია ითხოვენ შეერთებული შტატები საკუთარი ინტერესებიდან გამომდინარე, ხოლო ევროპარლამენტმა მიიღო რეზოლუცია, რომელიც პროექტის გაყინვისკენ მოუწოდებს. იხილეთ ვიდეოში - რას ფიქრობს გერმანიის მოსახლეობა აშშ-ის ზეწოლაზე და როგორ აღმოჩნდა გერმანიის პორტი „მუკრანი“ ქალაქ ზასნიცში პოლიტიკური სკანდალის ეპიცენტრში „ჩრდილოეთის ნაკადი – 2-ის“ გამო.

16
მტირალი ბიჭუნა

ბავშვის სიჯიუტის დონე წარმატების განმსაზღვრელია: ცნობილია 40 წლიანი კვლევის შედეგი

91
(განახლებულია 15:32 18.09.2020)
ბრიტანელმა მეცნიერებმა 12 წლის ბავშვები შეარჩიეს და 40 წლის განმავლობაში აკვირდებოდნენ მათ, რის შემდეგაც საინტერესო დასკვნა გააკეთეს

თბილისი, 18 სექტემბერი ― Sputnik. ჯიუტი ბავშვები უფრო ხშირად ხდებიან წარმატებული ადამიანები, ასეთია ბრიტანელი მეცნიერების 40 წლიანი კვლევის შედეგი, რის თაობაზეც The Independent-ი წერს.

სპეციალისტებმა გაერთიანებული სამეფოს სხვადასხვა კუთხიდან 12 წლის ბავშვების ჯგუფზე ფსიქოლოგიური ტესტების სერია ჩაატარეს, რის შემდეგაც რეგულარულად უკავშირდებოდნენ მათ, იგებდნენ ახალ ინფორმაციას მათი წარმატებების შესახებ სწავლასა და სამუშაოზე.

„ბავშვები, რომლებიც ხშირად არღვევენ წესებს და უფროსებს ეწინააღმდეგებიან, ცხოვრებაში უფრო მეტს აღწევენ და მეტ თანხასაც იღებენ“, — წერს გამოცემა.

თავდაპირველად მკვლევარები გეგმავდნენ გამოერკვიათ, როგორ მოქმედებს მოზარდ თაობაზე მშობლების სოციალურ-ეკონომიკური სტატუსი, თუმცა, როგორც შემდეგ გაირკვა, ოჯახის მატერიალური მდგომარეობა არ იყო ის, რაც ყველაზე დიდ გავლენას ახდენდა ბავშვების მომავალზე.

პროექტის ავტორების განმარტებით, ექსპერიმენტის ის მონაწილენი, რომლებიც მოზარდობისას ძალზე ჯიუტები იყვნენ და მშობლებს ხშირად არ ემორჩილებოდნენ, მოგვიანებით უფრო წარმატებულნი აღმოჩნდნენ კარიერასა და ცხოვრების სხვა სფეროებში.

91
თემები:
მსოფლიო და მეცნიერება (493)
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

0
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

0
თემები:
კრიმინალი საქართველოში