AUDI

Audi ბოდიშს იხდის: სკანდალურმა რეკლამამ სოციალური ქსელები აღაშფოთა ვრცელდება ფოტო

202
(განახლებულია 20:14 04.08.2020)
ავტოკონცერნი ბოდიშს იხდის რეკლამისთვის, რომელზეც ავტომობილზე მიყუდებული პატარა გოგონაა გამოსახული ბანანით ხელში.

თბილისი, 4 აგვისტო — Sputnik. გერმანული ავტოკონცერნი Audi ბოდიშს იხდის ავტომობილ Audi RS 4-ის რეკლამის გამო, რომელმაც სოციალური ქსელების მომხმარებლები ნეგატიურად განაწყო, ნათქვამია კონცერნის განცხადებაში.

სარეკლამო ფოტოზე მანქანას მიყუდებული პატარა გოგონაა გამოსახული ბანანით ხელში, ხოლო სარეკლამო სლოგანი ასე გამოიყურება: Lets your heart beat faster – in every aspect — „მიეცით გულს უფლება, სცემდეს უფრო ჩქარა — ყველა ასპექტში“.

​კონცერნის Twitter-ზე 2 აგვისტოს გამოქვეყნებულ ფოტოს კრიტიკის ქარიშხალი მოჰყვა. როგორც გამოცემა Spiegel აღნიშნავს, სოციალური ქსელის ზოგი მომხმარებელი ჩიოდა, რომ რეკლამის შემქმნელებმა არ გაითვალისწინეს ის ფაქტი, რომ ბავშვები ხშირად ხდებიან ავტოავარიების მსხვერპლი, მათ შორის იმის გამოც, რომ მძღოლები მათ ვერ ხედავენ ავტომობილების გაზრდილი გაბარიტების გამო.

გარდა ამისა, იყვნენ ისეთებიც, რომლებიც Audi-ს სულაც ბავშვის სექსუალიზაციაში სდებდა ბრალს.

„ჩვენ გავიგეთ თქვენი ნათქვამი და, მოდით, განვმარტოთ: ჩვენ ვზრუნავთ ბავშვებზე. Audi RS 4 საოჯახო ავტომობილია, მას მძღოლის დასახმარებლად 30-ზე მეტი სისტემა აქვს, მათ შორის, საგანგებო მუხრუჭის სისტემაც. ამიტომაც წარმოვაჩინეთ ის სარეკლამო კამპანიის ფარგლებში ოჯახის სხვადასხვა წევრებთან ერთად. ჩვენ იმედი გვქონდა, რომ გაჩვენებდით: საგზაო მოძრაობის ყველაზე სუსტ მონაწილეებსაც კი შეუძლიათ ენდონ RS-ის ტექნოლოგიას. ეს შეცდომა იყო! Audi-ს არ ჰქონია განზრახვა, შეხებოდა ვინმეს გრძნობებს. გულწრფელად ვითხოვთ პატიებას ამ უტაქტო გამოსახულებისთვის და გპირდებით, რომ მას აღარ გამოვიყენებთ“, — ნათქვამია კომპანიის განცხადებაში.

ამასთან კონცერნში პირობას დებენ, რომ სარეკლამო კამპანიის მიმართულებით შიდა შემოწმებას ჩაატარებენ.

 

202
თემები:
მსოფლიო დღეს (2066)

მიუხედავად ზეწოლისა: დაასრულებენ თუ არა რუსეთი და ევროპა პროექტს „ჩრდილოეთის ნაკადი 2“

11
რუსეთის ენერგეტიკის მინისტრი ალექსანდრ ნოვაკი დარწმუნებულია, რომ გაზსადენის პროექტი „ჩრდილოეთის ნაკადი – 2“, რომელიც რუსულ გაზს ევროპას ბალტიის ზღვის გავლით მიაწვდის, სრულად განხორციელდება

ენერგეტიკის სამინისტროს ხელმძღვანელმა დაამატა, რომ პროექტი მზადყოფნის მაღალ დონეზეა. გაზსადენის ბედი ეჭვქვეშ დადგა ალექსეი ნავალნის სავარაუდო მოწამვლის გამო. ევროპის რიგმა ქვეყნებმა გადაწყვიტეს ისარგებლონ შექმნილი ვითარებით და კვლავ შეეცადონ ჩაშალონ „ჩრდილოეთის ნაკადი – 2-ის“ მშენებლობა, რასაც დიდი ხანია ითხოვენ შეერთებული შტატები საკუთარი ინტერესებიდან გამომდინარე, ხოლო ევროპარლამენტმა მიიღო რეზოლუცია, რომელიც პროექტის გაყინვისკენ მოუწოდებს. იხილეთ ვიდეოში - რას ფიქრობს გერმანიის მოსახლეობა აშშ-ის ზეწოლაზე და როგორ აღმოჩნდა გერმანიის პორტი „მუკრანი“ ქალაქ ზასნიცში პოლიტიკური სკანდალის ეპიცენტრში „ჩრდილოეთის ნაკადი – 2-ის“ გამო.

11
მტირალი ბიჭუნა

ბავშვის სიჯიუტის დონე წარმატების განმსაზღვრელია: ცნობილია 40 წლიანი კვლევის შედეგი

89
(განახლებულია 15:32 18.09.2020)
ბრიტანელმა მეცნიერებმა 12 წლის ბავშვები შეარჩიეს და 40 წლის განმავლობაში აკვირდებოდნენ მათ, რის შემდეგაც საინტერესო დასკვნა გააკეთეს

თბილისი, 18 სექტემბერი ― Sputnik. ჯიუტი ბავშვები უფრო ხშირად ხდებიან წარმატებული ადამიანები, ასეთია ბრიტანელი მეცნიერების 40 წლიანი კვლევის შედეგი, რის თაობაზეც The Independent-ი წერს.

სპეციალისტებმა გაერთიანებული სამეფოს სხვადასხვა კუთხიდან 12 წლის ბავშვების ჯგუფზე ფსიქოლოგიური ტესტების სერია ჩაატარეს, რის შემდეგაც რეგულარულად უკავშირდებოდნენ მათ, იგებდნენ ახალ ინფორმაციას მათი წარმატებების შესახებ სწავლასა და სამუშაოზე.

„ბავშვები, რომლებიც ხშირად არღვევენ წესებს და უფროსებს ეწინააღმდეგებიან, ცხოვრებაში უფრო მეტს აღწევენ და მეტ თანხასაც იღებენ“, — წერს გამოცემა.

თავდაპირველად მკვლევარები გეგმავდნენ გამოერკვიათ, როგორ მოქმედებს მოზარდ თაობაზე მშობლების სოციალურ-ეკონომიკური სტატუსი, თუმცა, როგორც შემდეგ გაირკვა, ოჯახის მატერიალური მდგომარეობა არ იყო ის, რაც ყველაზე დიდ გავლენას ახდენდა ბავშვების მომავალზე.

პროექტის ავტორების განმარტებით, ექსპერიმენტის ის მონაწილენი, რომლებიც მოზარდობისას ძალზე ჯიუტები იყვნენ და მშობლებს ხშირად არ ემორჩილებოდნენ, მოგვიანებით უფრო წარმატებულნი აღმოჩნდნენ კარიერასა და ცხოვრების სხვა სფეროებში.

89
თემები:
მსოფლიო და მეცნიერება
მეწყერი ონში

ქედაში მეწყერი ჩამოწვა: დატბორილია სახლები, დაზიანებულია გზა

0
ბათუმი-ახალციხის ცენტრალური ავტომაგისტრალის ქედის მონაკვეთზე მოძრაობა ცალმხრივად არის შესაძლებელი.

თბილისი, 19 სექტემბერი – Sputnik. ქედის მუნიციპალიტეტში ძლიერი წვიმის შედეგად რამდენიმე ადგილზე საცხოვრებელ სახლებთან ახლოს მეწყერი ჩამოწვა, იუწყება „პირველი არხი“.

ადიდებულმა მდინარემ დააზიანა სავარგულები და წყალი შევიდა საცხოვრებელ სახლებშიც.

მეწყერმა და ღვარცოფმა დააზარალა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი.

ბათუმი-ახალციხის ცენტრალური ავტომაგისტრალის ქედის მონაკვეთზე მოძრაობა ცალმხრივად არის შესაძლებელი.

ქედის მუნიციპალიტეტის მერიის ინფორმაციით, სოფელ ზვარესთან გზის სავალ ნაწილზე მიწის მასის ჩამოშლის შედეგად  მოძრაობა ნახევარი საათით შეწყვეტილი იყო.

ტელეკომპანიის ინფორმაციით, დილიდან მობილიზებულია ტექნიკა და მიმდინარეობს სალიკვიდაციო სამუშაოები. ადგილზე იმყოფებიან მუნიციპალიტეტის მერი, სამაშველო სამსახურები და სალიკვიდაციო შტაბის წევრები.

0
თემები:
უამინდობა საქართველოში