კორონავირუსის ვაქცინის გამოცდა

კორონავირუსის ვაქცინაზე უკვე რიგი დგას: მდიდარი ქვეყნები წინასწარ ირეზერვებენ მარაგს

172
(განახლებულია 14:50 03.08.2020)
მანამდე ჯანდაცვის მსოფლიო ორგანიზაციამ გაავრცელა განცხადება, რომ კორონავირუსის ვაქცინას პირველად ღარიბი ქვეყნები მიიღებენ.

თბილისი, 3 აგვისტო ― Sputnik. შეერთებულმა შტატებმა, დიდმა ბრიტანეთმა, ევროკავშირმა და იაპონიამ უკვე დაირეზერვეს კორონავირუსის ვაქცინის 1,3 მილიარდი დოზა, მიუხედავად იმისა, რომ მოქმედი ფორმულა ჯერ კიდევ არ არის შექმნილი, წერს გამოცემა Bloomberg Airfinity-ს კვლევაზე დაყრდნობით.

გამოცემა ირწმუნება, რომ შეერთებულმა შტატებმა და ბრიტანეთმა მოილაპარაკეს კომპანია Sanofi-სთან და ასევე GlaxoSmithKline Plc-თან, ხოლო იაპონიამ ხელი მოაწერა შეთანხმებას Pfizer-თან. გარდა ამისა, ევროკავშირის ქვეყნები ასევე „აგრესიულად“ არიან განწყობილი ამ საკითხში და აპირებენ, პირველებმა შეისყიდონ პრეპარატის აუცილებელი დოზები.

ანალიტიკოსები შიშობენ, რომ ვაქცინის დოზა არ იქნება საკმარისი პლანეტის 7,8 მილიარდი მოსახლისთვის და ამიტომ მდიდარი ქვეყნები ბოლოში აღმოჩნდებიან ვაქცინის რიგში. საქმე ისაა, რომ, როგორც მანამდე ჯანდაცვის მსოფლიო ორგანიზაციამ განაცხადა, COVID-19-ის ვაქცინას პირველად ღარიბი ქვეყნები, ასევე სამედიცინო მუშაკები და რისკის ჯგუფში შემავალი ადამიანები მიიღებენ.

გარდა ამისა, ანალიტიკოსების აზრით, კიდევ ერთი დაბრკოლება გლობალური იმუნიზაციის საკითხში ისაა, რომ იმუნიტეტის გამომუშვებას, სავარაუდოდ, არა ერთი, არამედ ორი დოზა დასჭირდება.   

Bloomberg-ი იხსენებს 2009 წლის შემთხვევას, როდესაც მსოფლიო უკვე აღმოჩნდა მსგავს ვითარებაში ღორის გრიპის პანდემიისას. მაშინ მდიდარმა ქვეყნებმა ვაქცინის მიწოდებაზე მონოპოლია მიიღეს.

აღსანიშნავია, რომ 25 ივლისს აშშ-ის პრეზიდენტმა დონალდ ტრამპმა ერთგვარად დაიტრაბახა, რომ შეერთებულმა შტატებმა პრეპარატ „რემდესივირის“ მსოფლიო მარაგების 90% შეისყიდა, რომელიც კორონავირუსით ინფიცირებული პაციენტების ერთ-ერთი სამკურნალო საშუალებაა.

172
თემები:
COVID-19-ის პანდემია მსოფლიოში (1151)
პლანეტების აღლუმი

წელიწადი უდრის რამდენიმე საათს: აღმოჩენილია ახალი პლანეტა

7
(განახლებულია 12:34 24.09.2020)
ახლად აღმოჩენილ პლანეტაზე ტემპერატურა პლუს 1700 გრადუსს აღწევს ცელსიუსით და საოცრად სწრაფად ბრუნავს თავისი „მზის“ გარშემო

თბილისი, 24 სექტემბერი — Sputnik. ასტრონომთა საერთაშორისო ჯგუფმა ვარსკვლავ LTT 9779-ის მეზობლად აღმოაჩინა პლანეტა–გიგანტი, რომლის წელიწადიც სულ რამდენიმე საათს შეადგენს.  კვლევა გამოქვეყნებულია ჟურნალში Nature Astronomy.

პუბლიკაციაში ნათქვამია, რომ ნეპტუნის მსგავსი და ზემაღალ ტემპერატურამდე გავარვარებული პლანეტა იმდენად ახლოს ბრუნავს თავისი ვარსკვლავის, ანუ „მზის“ გარშემო,  რომ მისი წელიწადი სულ რაღაც 19 საათის განმავლობაში გრძელდება.

ამასთან კვლევებით დადასტურდა, რომ პლანეტა ნეპტუნზე ორჯერ მძიმეა, თუმცა მისი მსგავსი სიმკვრივე აქვს.

პლანეტას თავისი „მზე“ ცელსიუსით 1700 გრადუსზე მეტად ახურებს. ასეთ ტემპერატურაზე კი მძიმე ელემენტები, მაგალითად, რკინა, ატმოსფეროში იონიზირდება. სწორედ ამიტომ მეცნიერები საგონებელში არიან ჩავარდნილი, როგორ შეინარჩუნა პლანეტამ წყალბად–ჰელიუმოვანი (H/He) გარსი ესოდენ დიდი ხნის განმავლობაში — თავისი ვარსკვლავის ინტენსიური გამოსხივების გათვალისწინებით.

ასტრონომების ვარაუდით, პლანეტა რაღაც დროის განმავლობაში შესაძლოა შორს იყო თავისი მნათობისგან და მხოლოდ შედარებით ცოტა ხნის წინ  (კოსმოსური საზომით) მიუახლოვდა მას მჭიდროდ.

აღსანიშნავია რომ ვარსკვლავი LTT 9779 მზის სისტემიდან დაახლოებით 260 სინათლის წლითაა დაშორებული და ზალიან მდიდარია ლითონებით.

7
თემები:
მსოფლიო და მეცნიერება
ევროკავშირის შტაბბინა

გაუმართლებელია და შეუსაბამო: ევროკავშირი არ ცნობს რუსეთის სანქციებს

27
(განახლებულია 12:06 24.09.2020)
მანამდე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ გაავრცელა ინფორმაცია, რომ რუსეთი აფართოებს შავ სიას ევროკავშირის მოქალაქეებისთვის

თბილისი, 24 სექტემბერი — Sputnik. ევროკავშირი არ ცნობს რუსეთის მიერ გამოცხადებულ საპასუხი სანქციებს და გაუმართლებლად მიიჩნევს მათ, განუცხადა სააგენტო РИА Новости–ს ევროკავშირის ოფიციალურმა წარმომადგენელმა პიტერ სტანომ.

შეგახსენებთ: რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ ოთხშაბათს გაავრცელა ინფორმაცია, რომ ბრიუსელის კონფრონტაციული ხაზის პასუხად, რუსეთი აფართოებს შავ სიას ევროკავშირის მოქალაქეებისთვის.

„ჩვენ უარვყოფთ რუსეთის მიერ გამოცხადებულ ამ საპასუხი სანქციებს ისევე, როგორც მის სხვა სანქციებს, კერძოდ, სოფლის მეურნეობის სექტორში, ვინაიდან ისინი გაუმართლებელია“, — განაცხადა სტანომ.

მისი განმარტებით, ევროკავშირის სანქციები რუსეთისა და მისი მოქალაქეების წინააღმდეგ, „არის მისამართიანი და შეესაბამება საერთაშორისო სამართალს“.

„[ევროკავშირის] სიაში შეყვანა ხდება მკაფიო კრიტერიუმებისა და იურიდიულად არგუმენტირებული მტკიცებულებების საფუძველზე“, — ხაზი გაუსვა პიტერ სტანომ.

ევროგაერთიანების წარმომადგენლის თქმით, ევროკავშირის სანქციები მიმართულია „გარკვეული ქცევების შეცვლისკენ“.

გარდა ამისა, სტანომ მოუწოდა რუსეთის საგარეო საქმეტა სამინისტროს, დააზუსტოს ამ სანქციების დაწესების მიზეზი და მათი იურიდიული საფუძველი.

 

27
თემები:
მსოფლიო დღეს