პლანეტების აღლუმი

დასახლებული პლანეტები დედამიწასთან ახლოს: ერთი უკვე იდენტიფიცირებულია

167
(განახლებულია 10:02 01.08.2020)
ერთი ასეთი ვარსკვლავი უკვე იდენტიფიცირებულია — ეს Beta Canum Venaticorum–ია, რომელიც დედამიწიდან სულ რაღაც 27 სინათლის წლითაა დაშორებული

თბილისი, 1 აგვისტო — Sputnik. ამერიკელი მეცნიერების მიერ ჩატარებული მოდელირების შედეგებმა აჩვენა, რომ ზოგ ვარსკვლავს შესაძლოა დაახლოებით შვიდი დასახლებული პლანეტა ჰქონდეს.

ნაშრომი გამოქვეყნებულია Astronomical Journal–ში.

კალიფორნიის უნივერსიტეტეის მკვლევარებმა, ასტრობიოლოგ სტივენ კეინის ხელმძღვანელობით, ჩვენთვის უახლოესი პლანეტარული სისტემა TRAPPIST-1–ის მაგალითზე, შექმნა სხვადასხვა ზომის პლანეტების სისტემის პირობითი მოდელი, რომლებიც საკუთარი ვარსკვლავების გარშემო ბრუნავენ.

აღსანიშნავია, რომ ვარსკვლავი TRAPPIST-1 წითელი ჯუჯაა, რომელიც დაახლოებით იუპიტერის ზომისაა. დღეისათვის ცნობილი მისი შვიდი პლანეტიდან სამი დედამიწის მსგავსია და ისინი „დასახლებულ ზონაში“ მდებარეობენ.

„ამან ვარსვლავის დასახლებული პლანეტების მაქსიმალურ რაოდენობაზეც დამაფიქრა და იმაზეც, რატომ აქვს ჩვენს ვარსკვლავს — მზეს, მხოლოს ერთი ასეთი პლანეტა“, – აცხადებს სტივენ კეინი.

მოდელირების შედეგებმა აჩვენა, რომ ზოგ ვარსკვლავს შესაძლოა დაახლოებით შვიდი პლანეტა ჰქონდეს თხევადი წყლით, ხოლო მზის მსგავს ვარსკვლავს — მაქსიმუმ ექვსი.

მარსზე უძველესი მდინარეების კვალი აღმოაჩინეს: ქვეყნდება სამეცნიერო კვლევა>>

შემდგომ ეტაპზე კვლევია ავტორებმა გაარკვიეს, რატომ არის მზის სისტემაში მხოლოდ ერთი დასახლებული პლანეტა, თუკი მათი რაოდენობა ექვსი შეიძლება იყოს. აღმოჩნდა, რომ მთელი საქმე იუპიტერში, რომლის მასაც ორნახევარჯერ მეტია მზის სისტემის სხვა პლანეტების საერთო მასასთან შედარებით. სწორედ ამიტომ ის დიდ გავლენას ახდენს ჩვენი სისტემის დასახლებულობაზე, ვინაიდან სხვა პლანეტების ორბიტებს არღვევს.

ახლა შრომის ავტორები აპირებენ, მიზანმიმართულად ეძებონ ვარსკვლავები, რომლებსაც გარს მცირე ზომის პლანეტების რკალი ექნება. სწორედ ეს ვარსკვლავები გახდება მათი სამიზნე NASA–ს პროექტ HabEx–ზე მუშაობისას.

სტატიაში ნათქვამია, რომ ერთი ასეთი ვარსკვლავი უკვე იდენტიფიცირებულია — ეს Beta Canum Venaticorum–ია, რომელიც დედამიწიდან სულ რაღაც 27 სინათლის წლითაა დაშორებული, მის პლანეტარულ სისტემაში არ შედიან იუპიტერის მსგავსი გიგანტები და არ არის გამორიცხული, რომ ამ ზონაში რამდენიმე დედამიწისმაგვარი პლანეტა აღმოჩნდეს.
 

167
თემები:
მსოფლიო და მეცნიერება (455)
აფეთქება ბეირუთში

ბეირუთში აფეთქების შემდეგ 16 ადამიანი დააკავეს

99
(განახლებულია 18:47 07.08.2020)
გამოირკვა, რომ ბეირუთის პორტის დირექტორმა, სადაც ამონიუმის ნიტრატის მძლავრი აფეთქება მოხდა, არ იცოდა ნივთიერების საშიშროების შესახებ.

თბილისი, 7 აგვისტო – Sputnik. ბეირუთში აფეთქების საქმეზე ძალოვანი სტრუქტურების წარმომადგენლებმა პორტის 16 თანამშრომელი დააკავეს, განაცხადა სამხედრო სასამართლოს წარმომადგენელმა, მოსამართლის მოვალეობების შემსრულებელმა ფადი აკიკიმ, იუწყება РИА Новости.

„სამხედრო პროკურატურა ასრულებს საბედისწერო აფეთქების გამოძიების საწყის ეტაპს. დაიკითხა 20-მდე ადამიანი – პორტის ადმინისტრაციისა და საბაჟო სამმართველოს წარმომადგენლები, ვინც რემონტს ატარებდა და იქ ასაფეთქებელ ნივთიერებას ინახავდა“, – აღნიშნა სააგენტოს თანამოსაუბრემ.

ბეირუთის პორტის დირექტორი ჰასან ქორეითემი 16 დაკავებულს შორის აღმოჩნდა, იუწყება ლიბანის ტელეარხი LBC.

როგორც უფრო ადრე ქორეითემმა განაცხადა, მან იცოდა პორტში ასაფეთქებელი ნივთიერებების შენახვის შესახებ, მაგრამ ვერ წარმოედგინა, თუ ასეთი საშიში იყო. მისი თქმით, საპორტო სამსახურებმა 2014 წლიდან არაერთხელ აცნობეს სასამართლო ხელისუფლებას საშიში ტვირთის არსებობის თაობაზე, მაგრამ მათგან არანაირი პასუხი არ მიუღიათ.

პორტის დირექტორს ქვეყნის ფარგლებს გარეთ გასვლა აეკრძალა.

ბეირუთში ზარალი დათვალეს: ქვეყანას მილიარდობით დოლარის ზიანი მიადგა – ფოტო>>

ლიბანის მასმედიის ცნობით, ქვეყნის ცენტრალური ბანკის „ფულის გათეთრებაზე“ მომუშავე სპეციალურმა კომისიამ ასევე გასცა განკარგულება – გაიყინოს სახელმწიფო საბაჟოსა და პორტის ხელმძღვანელების ანგარიშები.

მძლავრი აფეთქება ბეირუთში სამშაბათს, საღამოს მოხდა. ხელისუფლების განცხადებით, აფეთქების მიზეზი პორტში ექვსი წლის განმავლობაში 2750 ტონა ამონიუმის გვარჯილის არასათანადო პირობებში შენახვა გახდა. ქალაქის შენობების ნახევარი დაზიანდა. საავადმყოფოები სავსეა დაშავებულებით.

ბოლო მონაცემებით, დაიღუპა 149 ადამიანი და დაშავდა 5 ათასამდე. ბევრი ადამიანი დღემდე უგზო-უკვლოდ დაკარგულად ითვლება. ტრაგედიასთან დაკავშირებით ლიბანში სამდღიანი გლოვაა გამოცხადებული. ქალაქში ორი კვირით საგანგებო მდგომარეობა გამოცხადდა.

ბეირუთის გუბერნატორმა მარვან აბუდმა პორტში მომხდარი აფეთქების შედეგად მიყენებული ზარალი 3-დან 5 მილიარდ აშშ დოლარამდე შეაფასა. ლიბანს დახმარება მსოფლიოს სხვადასხვა ქვეყანამ შესთავაზა.

99
თემები:
მსოფლიო დღეს
კორონავირუსი მსოფლიოში

კორონავირუსი მსოფლიოში 7 აგვისტოს მონაცემები

66
(განახლებულია 16:26 07.08.2020)
კორონავირუსით ინფიცირებულთა რაოდენობა 19 მილიონს უახლოვდება. მხოლოდ ბოლო 24 საათში ის თითქმის 260 ათასით გაიზარდა.

თბილისი, 7 აგვისტო – Sputnik. ახალი ტიპის კორონავირუსით დაავადებულთა რაოდენობამ მთელ მსოფლიოში 7 აგვისტოსთვის 18 614 177 შეადგინა, გარდაიცვალა 702 642 ადამიანი, ნათქვამია ჯანდაცვის მსოფლიო ორგანიზაციის – ჯანმოს ვებ-გვერდზე.

ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში – 9 981 204 ადამიანი, მას მოსდევს ევროპა – 3 477 225. ბოლო დღე-ღამეში მსოფლიოში 259 344 ახალი შემთხვევა დაფიქსირდა, გარდაიცვალა 6 488 ადამიანი.

ამავე დროს, ჯონს ჰოპკინსის უნივერსიტეტის მონაცემებით, გამოვლენილია კორონავირუსის 19 007 938 შემთხვევა და გარდაცვლილია 713 406 ადამიანი.

საქართველოში, ბოლო ოფიციალური მონაცემებით, კორონავირუსით ინფიცირებულია 1213 ადამიანი, გამოჯანმრთელდა 994, გარდაიცვალა 17 პაციენტი.

კორონავირუსის პირველი შემთხვევა 26 თებერვალს დაფიქსირდა.

ჯანმომ კორონავირუსის პანდემიის შესახებ 2020 წლის 11 მარტს გამოაცხადა.

66
თემები:
COVID-19-ის პანდემია მსოფლიოში
სახელმწიფო დეპარტამენტი

მიმოხილვა: რა წერია აშშ-ის გლობალური ურთიერთქმდების ცენტრის მოხსენებაში

0
(განახლებულია 15:55 07.08.2020)
ამერიკელებმა ფარდა ახადეს მსოფლიო სადეზინფორმაციო კამპანიის რუსულ ტაქტიკას. მაგრამ ეს „ფარდის ახდა“ სახელმწიფო დეპარტამენტის მხრიდან ამერიკელების დეზინფორმირებისა და ამასთან, მთავრობისთვის უფრო მეტი ფულის „გამოძალვის“ მცდელობაა.

გევორქ მირზაიანი

ამ დღეებში აშშ–ს სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსული პროპაგანდისა და დეზინფორმაციის ეკოსისტემის საფუძვლები“. ავტორების მიზანი „რუსეთის მოქმედების ტაქტიკის მხილება იყო, რათა ჩვენმა პარტნიორებმა, მოკავშირე მთავრობებმა, სამოქალაქო საზოგადოების ორგანიზაციებმა, მეცნიერებმა, პრესამ და საზოგადოებამ მთელ მსოფლიოში შეძლონ დეზინფორმაციასა და პროპაგანდაზე შემდგომი ანალიზის ჩატარება და კოლექტიური პასუხის გაძლიერება“.

სიურპრიზი სიურპრიზზე 

ერთი შეხედვით ყველაფერი სოლიდურად გამოიყურება — ტექსტის 75 გვერდი, 313 ბმული, გრაფიკები და ცხრილები. მისი მიხედვით, რუსეთის ხელისუფლება ცდილობს გამოიყენოს მედიასაშუალებები თავისი თვალსაზრისით გასატარებლად (!) — და, რა თქმა უნდა, ეს კრემლის გენიალური გამოგონებაა, სხვა ქვეყნებმა უნდა ისწავლონ, როგორ მოიქცნენ. 

კიდევ ერთი „აღმოჩენა“ ისაა, რომ რუსეთის სახელმწიფო მედიის მიერ გამოქვეყნებულ ინფორმაციებს სხვა გამოცემები იტაცებემ და შემდეგ მთელ ინტერნეტში ვრცელდება. ავტორებმა, როგორც ჩანს, მხოლოდ ახლა აღმოაჩინეს ინტერნეტის თავისეურებები და ინფორმაციის გადაცემის ამჟამინდელი გარემო.

მოხსენებაში რუსეთის ძირითადი მედიასაშუალებებისა და მათი მფლობელების აღწერა ასევე წარმოადგენს კოლოსალურ ფასეულობას ნებისმიერი ანალიტიკოსისთვის — რატომღაც ხომ ისე გამოდის, რომ პროსახელმწიფოებრივ არხებს, გამოცემებსა და ინტერნეტსაიტებს ისეთი ადამიანები ხელმძღვანელობენ, რომლებიც პროსახელმწიფოებრივ იდეოლოგიას იზიარებენ?!

გარდა ამისა, მკვლევარებისთვის ასევე დიდი ფასეულობაა მოხსენების ცენტრალური აზრი: მოსკოვის ნებისმიერი თვალსაზრისი მსოფლიო პრობლემებზე, მის შესახებ ნებისმიერი პუბლიკაცია არის არა სიტყვის თავისუფლების გამოვლენა, არამედ რუსული პროპაგანდისა და სიცრუის ბოროტი მაგალითი, რომელიც გონებას უბინდავს დასავლეთის უცოდველ მოსახლეობას.

რა თქმა უნდა, შეიძლება ითქვას, რომ ამ  მოხსენების მეცნიერულ ღირებულებას მარტო ეს აზრიც კი აუფასურებს, მაგრამ მას ღირებულება უბრალოდ არ გააჩნია. არსებითად ეს 75 გვერდი არის ბანალური აზრების ჩამონათვალი, რომლის მიზანიც არა საფარველის ჩამოგლეჯაა, არამედ სახელმწიფო მდივან მაიკ პომპეოს თხოვნის მატერიალური გამყარებაა გლობალური ურთიერთქმედების ცენტრის დაფინანსების ორჯერ გაზრდის თაობაზე. სწორედ რუსეთისა და სხვა ქვეყნების დეზინფორმაციასთან ბრძოლის სახელით.

ბედნიერება ფულშია  

გასაკვირი არ არის, რომ რუსი პოლიტიკოსებისა და ექსპერტების რეაქცია ამ მოხსენებაზე იყო რაღაც საშუალო დაცინვასა და ზიზღს შორის. მასში მოყვანილი არგუმენტები მათ სერიოზულად არ აღიქვეს და მორიგ რუსოფობიულ თითხვნად შეაფასეს. თუმცა იმავდროულად არიარეს, რომ მოხსენების ავტორებს მის გამოსაქვეყნებლად სრულიად მართებული საფუძველი ჰქონდათ.

„სახელმწიფო დეპარტამენტის რუსოფობების ანტირუსული ბოდვის მორიგი ულუფა მოხსენების ფორმით, ხილულად წარმოაჩენს ამერიკელი პოლიტიკოსების პანიკურ შიშს ქვეყნის შიგნით და მსოფლიოში მიმდინარე მოვლენებზე ალტერნატიული თვალსაზრისის წინაშე“, — ამბობს რუსი დეპუტატი სერგეი ჟელეზნიაკი.

RT–სა და Spputnik–ს იმაზე ნაკლები ფული აქვთ, ვიდრე მსხვილ დასავლურ მედიას, მაგრამ მათ სწორედ ის ალტერნატიული თვალსაზრისი გააჩნიათ.

ვირაცას შესაძლოა აქამდე ეჩვენებოდეს, რომ დასავლეთში სიტყვის თავისუფლებაა, მაგრამ ეს ასე არაა. მთელ რიგ საკითხებზე ამერიკული მედია საბჭოთა გაზეთებს ჩამოჰგავს — ისინი ერთიან, პოლიტიკურად კორექტულ თვალსაზრისს ტრანსლირებენ.

და ეს თვალსაზრისი — შავკანიანებისა და მემარცხენეების მიერ ამერიკაში მოწყობილი არეულობა, ამერიკული ისტორიული მემკვიდრეობის რღვევის სისწორე, უდანაშაულობის პრეზუმფციის მიმართ ზიზღი და ასევე რუსეთის დემონიზაცია — დასავლელ მკითხველს ბეზრდება და ალტერნა ტიულ თვალსაზრისს ისინი რუსეთის ინგლისურენოვან მედიაში ნახულობენ.

ეს კი უკვე სერიოზული პრობლემაა აშშ–სთვის, ვინაიდან მსოფლიო საინფორმაციო სფეროზე კონტროლი არის კიდევ ამერიკული დომინირების საფუძველი. სწორედ ამიტომაც, როგორც რუსეთის საგარეო საქმეთა სამინისტროში აღნიშნავენ, „ვაშინგტონი აკრიტიკებს ნებისმიერ საინფორმაციო წყაროს, რომლებიც ალტერნატიულ თვალსაზრისს ავრცელებენ, და ცდილობს ჩაახშოს ნებისმიერი ხმა, რომელიც ეწინააღმდეგება ამერიკულ მიდგომებს“. ხოლო როცა კრიტიკა არ შველის, სანქციებს აწესებენ.

ამგვარი დევნა რეალურად ასუსტებს აშშ–ის გეოპოლიტიკურ შესაძლებლობებს. მაგალითად, რუსეთის გამოყენების მხრივ ჩინეთის შესაკავებლად, და ასევე სხვა გლობალური საკითხების გადასაჭრელად. სულ უფრო მეტი ამერიკელი ექსპერტი მოუწოდებს ვაშინგტონს, უფრო პრაგმატულად მიუდგეს მოსკოვთან დიალოგს. ამის მაგალითია 103 გამოჩენილი ამერიკელი ექსპერტის ღია წერილი Politiko–ში, რომელთა შორის არიან ყოფილი დიპლომატები და პოლიტიკოსები.

„მაგრამ ოკეანისგაღმელი ოპონენტების ისეთი დოკუმენტებს, როგორიცაა გლობალური ურთიერთქმედების ცენტრის მოხსენება, შეუძლია მხოლოს ერთ მიზანს მიაღწიოს — ბოლო მახვილი ჩასცეს რუსულ–ამერიკულ დიალოგს გლობალურ საკითხებზე და წლების განმავლობაში გამორიცხოს უნდობლობის კრიზისის გადალახვა ჩვენს ქვეყნებს შორის“, — აღნიშნავს ჟელეზნიაკი.

რედაქცია შესაძლოა არ ეთანხმებოდეს ავტორის მოსაზრებებს!

0