მაკაკა ლოპბურიში

პოლიცია მაიმუნებთან ბრძოლაში დამარცხდა: მაკაკებმა ქალაქი დაიპყრეს - ვიდეო

160
(განახლებულია 18:00 29.07.2020)
წესით უწყინარი მაკაკები საკვების მოსაპოვებლად მაღაზიებსაც ესხმიან თავს, ადამიანებსაც და პროდუქტით დატვირთულ ავტომობილებსაც

თბილისი, 29 ივლისი — Sputnik. პოლიციელებს უკვე იმედი გადაეწურათ, რომ ტაილანდის ქალაქ ლოპბურს შესეულ მაიმუნებს დაამარცხებენ, წერს გამოცემა New York Times–ი.

​​გავრცელებული ინფორმაციით, ლოპბურის ქუჩებში ყოველთვის ბევრი მაკაკა იყო, თუმცა ბოლო დროს მათი რაოდენობა შესამჩნევად გაიზარდა. ირკვევა, რომ ვითარება მას შემდეგ დამძიმდა, რაც ქალაქში, კორონავირუსის პანდემიის გამო, ტურისტები გაქრნენ. სწორედ ისინი უმასპინძლდებოდნენ მაკაკებს სხვადასხვა ნუგბარით.

ახლა 70 ათასიან ლოპბურში 8,4 ათასი მაკაკა დასეირნობს, რომლებიც, გარდა იმისა, რომ ცარიელ სახლებში შედიან, მაღაზიების ვიტრინებსაც ამსხვრევენ საკვების მოსაპოვებლად და ადამიანებსაც კი ესხმიან თავს. განსაკუთრებით დაზარალებულ კვარტალში დაიკეტა ათობით მაღაზია, სკოლა, კინოთეატრი და საპარიკმახერო.

​გამოცემა აღწერს, როგორ დაესხნენ მაკაკები პროდუქტებით დატვირთულ ავტომობილს, რასაც პოლიციელი შორიდან უმწეოდ ადევნებდა თვალს. სამართალდამცველმა განმარტა, რომ ცხოველებთან ბრძოლას აზრი არ ჰქონდა, ვინაიდან მათი რაოდენობა თვალისდახამხამებაში მხოლოდ გაიზრდებოდა.

 

160
თემები:
მსოფლიო დღეს (1905)
პოლიციის მანქანა კიევში

ახალგაზრდა კაცი ბანკის აფეთქებით იმუქრება: ვრცელდება სავარაუდო ტერორისტის ფოტო

115
(განახლებულია 15:06 03.08.2020)
ბანკის განყოფილებაში, რომელიც ქალაქის ცენტრში მდებარეობს ბიზნესცენტრის შენობაში, ახალგაზრდა მამაკაცი ბომბის აფეთქებით იმუქრება

თბილისი, 3 აგვისტო ― Sputnik. პოლიცია მოლაპარაკებებს აწარმოებს მამაკაცთან, რომელიც კიევის ბიზნესცენტრში არსებულ ბანკში ბომბის აფეთქებით იმუქრება, აცხადებს უკრაინის შინაგან საქმეთა მინისტრის მოადგილე ანტონ გერაშჩენკო.

„სამ აგვისტოს, 12 საათზე, პოლიციაში „უნივერსალ ბანკის“ წარმომადგენელმა დარეკა და შეატყობინა, რომ ბანკის განყოფილებაში უცნობი, დაახლოებით 35 წლის მამაკაცი იმყოფება, რომლის თქმითაც, ზურგჩანთაში ბომბი უდევს და პოლიციის გამოძახებას ითხოვს.  ბანკის თანამშრომლებმა შენობა დატოვა, ხოლო განყოფილების ხელმძღვანელი ადგილზე საკუთარი სურვილით დარჩა. ამოქმედდა სპეციალური საპოლიციო რეჟიმი „გრომი“. პოლიციამ მოლაპარაკებები დაიწყო ტერორისტთან“, ― დაწერა გერაშჩენკომ საკუთარ  Facebook-ზე.

ცოტა ხნის წინ გერაშჩენკომ დააკონკრეტა, რომ წინასწარი ინფორმაციით, ტერორისტი უზბეკეთის მოქალაქე სუჰრობ კარიმოვია, რომელიც 25.03.1988-საა დაბადებული. 

შეგახსენებთ, რომ მანამდე, 21 ივლისს, უკრაინაში, ლუცკის ცენტრში, მამაკაცმა ავტობუსის 13 მგზავრი აიყვანა მძევლად. მას თან ჰქონდა ასაფეთქებელი და სხვა იარაღი., მძევლები გათავისუფლება მოხერხდა, ხოლო მამაკაცი დააკავეს. ამის შემდეგ, 23 ივლისს, პოლტავის ოლქში მამაკაცმა, რომლის დაკავებასაც ცდილობდნენ, მძევლად აიყვანა პოლიციელი და მასთან ერთად გაიქცა პოლიციის ავტომობილით.  

მოგვიანებით მან მძევალი უვნებლად გაათავისუფლა, მანქანა მიატოვა და გაუჩინარდა. პირველ აგვისტოს ანტონ გერაშჩენკომ გაავრცელა ინფორმაცია, რომ პოლიციელებმა აღნიშნული მამაკაცი მას შემდეგ მოკლეს, რაც მან კიდევ ერთხელ აიყვანა დაკავებისას მძევლად პოლიციელი.  

 

115
თემები:
მსოფლიო დღეს (1905)
„გაზპრომის“ ოფისი

პოლონეთმა „გაზპრომი“ მაქსიმალური თანხით დააჯარიმა „ჩრდილოეთის ნაკადი 2-ისთვის

112
(განახლებულია 12:30 03.08.2020)
მანამდე პოლონურმა რეგულატორმა „გაზპრომს“ იმ დოკუმენტების გადაცემა მოსთხოვა, რომლებიც „ჩრდილოეთის ნაკადი 2-ის“ ფინანსირებას შეეხებოდა

თბილისი, 3 აგვისტო ― Sputnik. პოლონურმა ანტიმონოპოლიურმა რეგულატორმა UOKiK-მა რუსული „გაზპრომი“ 213 მილიონი ზლოტით დააჯარიმა გაზსადენ „ჩრდილოეთის ნაკადი 2-ის“ საქმეში თანამშრომლობაზე უარის გამო.

„ეს მაქსიმალური სამქციაა, რომელიც კანონმდებლობითაა გათვალისწინებული ინფორმაციის მიწოდებაზე UOKiK-ის თავმჯდომარის მოთხოვნის დაუკმაყოფილებლობისთვის, რაც 50 მლნ ევროს შეესაბამება“, ― ნათქვამია რეგულატორის თავმჯდომარე ტომაშ ხრუსტნის განცხადებაში.

UOKiK-ში განმარტეს, რომ საუბარია გამოძიებაზე, რომელიც გაზსადენის მშენებლობის ფინანსირებას შეეხება რეგულატორის თანხმობის გარეშე.  2018 წელს UOKiK-მ ამ საკითხზე ექვს კომპანიას წაუყენა ბრალი:  „გაზპრომს“, შვეიცარიულ Engie Energy-სა და ასევე ნიდერლანდურ  Uniper-ს, OMV-ს, Shell-სა და Wintershall-ს. 

„გამოძიების მსვლელობისას UOKiK-ის თავმჯდომარემ „გაზპრომისგანაც“ მოითხოვა საქმესთან დაკავშირებული დოკუმენტაცია, მაგრამ კომპანიამ უარი თქვა მნიშვნელოვანი ინფორმაციის მიწოდებაზე“, ― განაცხადა რეგულატორმა.

გასულ წელს UOKiK-მა უკვე დააჯარიმა  Engie Energy 172 მლნ ევროთი, რომელმაც ასევე უარი თქვა მოთხოვნილი დოკუმენტების მიწოდებაზე. იმ დროისათვის სწორედ ეს იყო ყველაზე მსხვილი ჯარიმა რეგულატორის ისტორიაში.

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. პროექტს ახორციელებს Nord Stream 2 AG ერთადერთ აქციონერთან, „გაზპრომთან“ ერთად. ევროპელი პარტნიორები ― Royal Dutch Shell-ი, OMV, Engie, Uniper-ი და Wintershall-ი მშენებლობას სანახევროდ, ანუ თითოეული 950 მლნ ევროთი აფინანსებენ.

აშშ აქტიურად ეწინააღმდეგება პროექტს და ევროკავშირს საკუთარ თხევად გაზს სთავაზობს. ასევე ეწინააღმდეგება უკრაინაც, რომელსაც რუსული საწვავის ტრანზიტის დაკარგვისა ეშინია. ეს ორი და კიდევ ევროპის ზოგი ქვეყანა პროექტს პოლიტიკურს უწოდებენ.

გასული წლის ბოლოს აშშ-მა დაამტკიცა თავდაცვის ბიუჯეტი, რომელშიც შევიდა სანქციები „ჩრდილოეთის ნაკადი 2-ის“ მშენებლობაში მონაწილე კომპანიების წინააღმდეგ. შედეგად მშენებლობა შეჩერდა.

„გაზპრომში“ აცხადებდნენ, რომ დამოუკიდებლად შეუძლიათ გაზსადენის დასრულება. მანამდე გავრცელებული ინფორმაციის თანახმად, მილსადენის გაყვანა დღეიდან შეიძლებოდა განახლებულიყო, რაც დანიის მიერ გაცემული მშენებლობის ახალი უფლების გასაჩივრების ვადა ამოიწურებოდა.

 

112
თემები:
მსოფლიო დღეს (1905)
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

0
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

0
თემები:
სელებრითების ცხოვრება