თბილისი, 27 ივლისი — Sputnik. ამერიკული კოსმოსური სააგენტო NASA-ს როვერებმა დედამიწაზე ზემაღალი გაფართოების 4K ვიდეორგოლები გადმოგზავნეს, რომლებზეც პლანეტა მარსის პანორამაა აღბეჭდილი.
10-წუთიან ვიდეოზე, რომელიც YouTube-ზეა გამოქვეყნებული, მარსის პანორამული ხედებია დაფიქსირებული — გიგანტური უდაბნოებით, მასიური დიუნებით, დამსკდარი ზედაპირითა და ბასრი ქვებით.
„მარსის კადრები მეცნიერების ისტორიაში პირველად გადმოიცემა გამაოგნებლად მაღალი 4K გაფართოებით", – ამბობენ ვიდეოს ავტორები.
მათი განმარტებით, ვიდეო NASA-ს როვერების — Spirit-ის, Opportunity-სა და Curiosity-ს მიერ გადაღებული ციფრული ფოტოების გამოყენებით დამზადდა. სპეციალისტებმა აღნიშნული ფოტოები ისე „შეკერეს“, რომ მარსის ზედაპირზე მოძრავი ვიდეოკამერის ილუზია შექმნილიყო.