საკლასო ოთახი

სასჯელი შეუსრულებელი საშინაო დავალების გამო: 15 წლის გოგონა დაპატიმრებულია

160
(განახლებულია 15:36 22.07.2020)
მოსამართლემ არ დააკმაყოფილა ადვოკატის შუამდგომლობა გოგონას გათავისუფლების თაობაზე, მიიჩნია რა, რომ საპატიმროში ყოფნა მას სასიკეთოდ წაადგება.

თბილისი, 22 ივლისი — Sputnik. ოკლენდის საოლქო სასამართლომ (აშშ) უარი უთხრა გათავისუფლებაზე 15  წლის მოსწავლე გოგონას, რომელიც არასრულწლოვანთა საპატიმროში შეუსრულებელი დავალების გამო მოხვდა, იუწყება Metro Times.

გავრცელებული ინფორმაციით, გოგონა სახელად გრეისი (გვარს არ ასახელებენ) 2019 წელს დაადანაშაულეს თავდასხმასა და ქურდობაში, თუმცა მაშინ არ დააპატიმრეს და გამოსაცდელი ვადით დატოვეს თავისუფლებაზე. მიმდინარე წლის მაისის შუა რიცხვებში კი მოსამართლემ ის არასრულწლოვანი კანონდამრღვევებისთვის განკუთვნილ კომპლექსში გადაგზავნა, ვინაიდან ჩათვალა, რომ შეუსრულებელი საშინაო დავალება გამოსცდელი ვადის პირობების დარღვევა იყო.

გრეისის ადვოკატმა მისი ვადამდე გათავისუფლების შუამდგომლობით მიმართა სასამართლოს, მაგრამ მოსამართლე მერი ელენ ბრენანმა არ დააკმაყოფილა მოთხოვნა, მიიჩნია რა, რომ კომპლექსში ყოფნა სასარგებლო იქნება გრეისისთვის.

  • „ვფიქრობ, რომ შენ ზუსტად იქ ხარ, სადაც უნდა იყო“, — უთხრა მოსამართლემ გოგონას.

ბრენანმა განმარტა, რომ ის სამჯერ იყო გამოძახებული გრეისის სახლში დედასა და შვილს შორის ჩხუბის გამო.

„ის დააკავეს არა შეუსრულებელი საშინაო დავალების, არამედ იმის გამო, რომ საფრთხეს წარმოადგენს დედისთვის“, — ციტირებს გამოცემა მოსამართლის სიტყვებს.

მანამდე ცნობილი გახდა, რომ არასრულწლოვან გოგონას ყურადღების დეფიციტის სინდრომი აქვს და მას განსაკუთრებულად გაუჭირდა ონლაინ–გაკვეთილების პერიოდში, რაზეც სკოლები კორონავირუსის პანდემიის გამო გადავიდნენ.

 

160
თემები:
მსოფლიო დღეს (2080)
ზურგის მასაჟი

ზურგში ტკივილები საშიში დაავადების ნიშანია: ბრიტანელი ექიმები

38
(განახლებულია 12:39 23.09.2020)
სპეციალისტების თქმით, ზურგში ტკივილები შესაძლოა სულაც არ იყოს მალთაშორისი დისკების დაავადება და ეს სასიკვდილოდ საშიშ დაავადებაზე მიანიშნებდეს

თბილისი, 23 სექტემბერი — Sputnik. ტკივილები ზურგში შესაძლოა კუჭქვეშა ჯირკვლის კიბოს განვითარებაზე მიანიშნებდეს, იუწყება გამოცემა Express–ი კიბოს კვლევის საქველმოქმედო ფონდ Cancer Research UK–ის სპეციალისტებზე დაყრდნობით.

ექიმების თქმით, კუჭქვეშა ჯირკვლის კიბო, გამომდინარე ამ ოგანოს მდებარეობიდან, შეიძლება მარტივად აირიოს მალთაშორისი დისკების დაავადებაში. ამასთან ტკივილები შეიძლება დაიწყოს მუცლის არეში და მხოლოდ ამის შემდეგ გავრცელდეს ზურგზე.

„დისკომფორტი ძლიერდება, როდესაც ადამიანი ჰორიზონტალურ მდგომარეობას იღებს, და სუსტდება ჯდომის დროს. მდგომარეობა შეიძლება გაუარესდეს ჭამის შემდეგ. ეს ყველაფერი გარკვეული ნერვების დაზიანების თავისებურებებს უკავშირდება“, —  განმარტავენ ექიმები.

სპეციალისტების თქმით, იმ შემთხვევაში, თუ ადამიანს ზურგში გამუდმებული ტკივილები აქვს და ამასთან ეს არც შესაბამისი ტრავმებით ან ფიზიკური დატვირთვებით არ არის გამოწვეული, აუცილებლად უნდა მიმართოს ექიმს.  

38
თემები:
მსოფლიო და მეცნიერება
ალექსანდრ ლუკაშენკო

გასაიდუმლოებული ინაუგურაცია: ალექსანდრ ლუკაშენკო ოფიციალურად გახდა ბელარუსის პრეზიდენტი

38
ინაუგურაციის ჩატარების საკითხი გასაიდუმლოებული იყო და მხოლოდ მისი დაწყების წინ გახდა ცნობილი. ამასთან, მაღალი რანგის სტუმრები ბელარუსის პრეზიდენტის რეზიდენციაში ბოლო მომენტში მიიწვიეს.

თბილისი, 23 სექტემბერი — Sputnik. ალექსანდრ ლუკაშენკო ოფიციალურად გახდა ბელარუსის პრეზიდენტი, ინაუგურაციის ცერემონია დამოუკიდებლობის სასახლეში გაიმართა, იუწყება „Sputnik ბელარუსი“.

სააგენტოს ინფორმაციით, ინაუგურაციის ჩატარების საკითხი გასაიდუმლოებული იყო და მხოლოდ მისი დაწყების წინ გახდა ცნობილი. ამასთან, მაღალი რანგის სტუმრები ბელარუსის პრეზიდენტის რეზიდენციაში ბოლო მომენტში მიიწვიეს.

ცერემონიას ესწრებიან პარლამენტის დეპუტატები, ჩინოვნიკები და სახელმწიფო მედიისა და საზოგადოების წარმომადგენლები.

ალექსანდრ ლუკაშენკომ, კონსტიტუციის თანახმად, ფიცი ბელორუსულ ენაზე დადო და ხელი მოაწერა აქტს ფიცის დადების შესახებ. ამის შემდეგ ქვეყნის ცესკოს თავმჯდომარე ლიდია ერმოშინამ მას რესპუბლიკის პრეზიდენტის მოწმობა გადასცა.

აღსანიშნავია, რომ ალექსანდრ ლუკაშენკო ზედიზედ მეექვსედ გახდა ბელარუსის პრეზიდენტი.

 

38
თემები:
მსოფლიო დღეს (2080)
ნინო ბურჯანაძე

ბურჯანაძე: სააკაშვილი საქართველოში არ დაბრუნდება თავის კეთილდღეობას ეჭვქვეშ არ დააყენებს

0
(განახლებულია 12:07 23.09.2020)
საქართველოს ყოფილმა პრეზიდენტმა განაცხადა, რომ დაბრუნებას აპირებს, ხოლო „ერთიანმა ნაციონალურმა მოძრაობამ“, არჩევნებში გამარჯვების შემთხვევაში, პრემიერად მისი კანდიდატურა წამოაყენა

თბილისი, 23 სექტემბერი – Sputnik. საქართველოს პარლამენტის ყოფილი თავმჯდომარე, პარტი „ერთიანი საქართველო – დემოკრატიული მოძრაობის“ ლიდერი ნინო ბურჯანაძე აცხადებს, რომ ყოფილი პრეზიდენტი მიხეილ სააკაშვილი, თავისი დაპირებების მიუხედავად, სამშობლოში არ დაბრუნდება.

„არა, არ დაბრუნდება. ეს ის ადამიანი არ არის, რომელიც თავის კეთილდღეობასა და თავისუფლებას კითხვის ნიშნის ქვეშ დააყენებს. მისი ჩამოსვლის შანსი 1%–ია. ხელისუფლებაში ნამდვილად არ დაბრუნდება. ქართველი ხალხი პარტია „ნაცმოძროაბას“ იმდენი რაოდენობით არ დაუჭერს მხარს, რომ ის პირველ ადგილზე გავიდეს და მთავრობა ჩამოაყალიბოს. კოალიციურ მთავრობაშიც კი არასდროს დავუჭერ მხარს სააკაშვილს", - განაცხადა ბურჯანაძემ РИА Новости–სთან ინტერვიუში.

პოლიტიკოსის თქმით, როდესაც ექს–პრეზიდენტმა 2013 წელს საქართველო დატოვა, ის უღირსად მოიქცა. ამასთან, ბურჯანაძე მიიჩნევს, რომ სააკაშვილი რომ ქართული მართლმსაჯულების წინაშე წამდგარიყო, მას ხელისუფლებაში დაბრუნების შანსი ჰქონდა, რადგან „ხალხი მალე ივიწყებს ყველაფერს“.

„არ უნდა წასულიყო. როდესაც სააკაშვილი და მისი ხელისუფლება თავის დროზე მდევნიდა, როცა აპატიმრებდნენ ჩემს შვილს და როდესაც არავის შეეძლო ჩემთვის უსაფრთხოების გარანტიის მოცემა, როდესაც ყველა, ვინც მიცავდა, მძღოლებიც კი, დააპატიმრეს, მე არ წავსულვარ“, – დასძინა მან.

უფრო ადრე სააკაშვილმა განაცხადა, რომ უკრაინიდან საქართველოში ბრუნდება. მან აღიარა, რომ მისი პრეზიდენტობის დროს ბევრი შეცდომა დაუშვა, თუმცა ახლა საკმარისი გამოცდილება შეიძინა, რომ უფრო ღირსეულად „ემსახუროს თავის ქვეყანას“. საქართველოს ხელისუფლების წარმომადგენლებმა სააკაშვილის განცხადება უარყოფითად შეაფასეს. იუსტიციის მინისტრმა თეა წულუკიანმა პირობა დადო, რომ მას საზღვრის გადმოკვეთისთანავე დააკავებენ.

ინტერვიუს სრული ტექსტი იხილეთ ria.ru–ზე.

0