ვითარება ყაზახეთში

ახალი და უცნობი პნევმონია ყაზახეთში: ინფიცირებულია 500 ადამიანი

238
(განახლებულია 16:04 10.07.2020)
ჩინეთის საელჩო ყაზახეთში ირწმუნება, რომ ახალი დაავადებით გამოწვეული სიკვდილიანობა ბევრად მაღალია, ვიდრე COVID-19-სგან.

თბილისი, 10 ივლისი — Sputnik. ყაზახეთის სამ ოლქში ახალი უცნობი პნევმონიით დაავადებულთა რაოდენობა მკვეთრად გაიზარდა, გააფრთხილა ჩინეთმა საკუთარი მოსახლეობა. შესაბამისი განცხადება ყაზახეთში ჩინეთის საელჩოს საიტზეა გამოქვეყნებული.

საელჩო ეყრდნობა მასმედიით გავრცელებულ მონაცემებს და ირწმუნება, რომ ჯერ კიდევ გამოუკვლეველი პნევმონიის შემთხვევები ივნისის შუა რიცხვებიდან მკვეთრად გაიზარდა ქვეყნის სამ ოლქში. ამასთან, განცხადებაში ხაზი აქვს გასმული, რომ ახალი დაავადებით სიკვდილიანობა ბევრად მაღალია, ვიდრე COVID-19-სგან.

დიპლომატები ასევე ირწმუნებიან, რომ ამ მომენტისთვის თითქმის 500 ადამიანია ინფიცირებული, რომელთაგან 30-ის მდგომარეობა კრიტიკულია.

პეკინმა მოუწოდა საკუთარ მოქალაქეებს, დაიცვან სიფრთხილის ყველა ზომა და თავი აარიდონ თავშეყრის ადგილებს.

ბუბონური შავი ჭირი ჩინეთში: ხელისუფლება სპეციალურ რეკომენდაციებს გასცემს>>

აღსანიშნავია, რომ ყაზახეთის ჯანდაცვის სამინისტრო უარყოფს ინფორმაციას უცნობი პნევმონიის შემთხვევების შესახებ.

ამასთან, კორონავირუსით ინფიცირებულთა დიდი რაოდენობის გამო 5 ივლისს ყაზახეთში ორკვირიანი მკაცრი კარანტინი გამოცხადდა. შეწყვეტილია ავტობუსების მიმოსვლა რეგიონებში, აკრძალულია მასობრივი ღონისძიებების ჩატარება, დახურულია ბაზრები, სილამაზის სალონები, კინოთეატრები, რელიგიური ობიექტები. ამ დროისათვის ქვეყანაში კორონავირუსით ინფიცირების 55 ათასი შემთხვევაა გამოვლენილი.

 

238
თემები:
მსოფლიო დღეს (1940)
თერმოსკრინინგი გამოცდაზე ერევანში

სომხეთში საგანგებო მდგომარეობა გახანგრძლივდა

126
(განახლებულია 19:04 12.08.2020)
სომხეთში საგანგებო მდგომარეობა 16 მარტიდან, ხუთი თვეა მოქმედებს. ხელისუფლება ირწმუნება, რომ ის უკანასკნელად გახანგრძლივდა.

თბილისი, 12 აგვისტო – Sputnik. სომხეთში საგანგებო მდგომარეობა 11 სექტემბრამდე გაგრძელდება. ეს გადაწყვეტილება ოთხშაბათს ქვეყნის მთავრობის რიგგარეშე სხდომაზე მიიღეს, იტყობინება „Sputnik–სომხეთი“.

იუსტიციის მინისტრმა რუსტამ ბადასიანმა აღნიშნა, რომ ხელისუფლებამ ასეთი გადაწყვეტილება მიიღო, რადგან, მიუხედავად ახალი შემთხვევების რაოდენობის შემცირებისა, სომხეთში COVID-19-ით გარდაცვალების მაჩვენებელი მაღალია.

ამავე დროს მან თქვა, რომ გარკვეული შეზღუდვები გადაიხედება. საქმე ეხება უცხოელი მოქალაქეების სომხეთში შესვლას, მასობრივი შეხვედრების ჩატარებას. დაიშვება ღონისძიებების ჩატარება სოციალური დისტანციისა და ნიღბის ტარების გათვალისწინებით.

ასევე დასაშვებია ოჯახური შეკრებები, მაგრამ მონაწილეთა რაოდენობა არ უნდა აღემატებოდეს 40 ადამიანს. სავალდებულო იქნება კომენდანტურის წესების დაცვაც.

ბადასიანის მოხსენებისა და განხილვის შემდეგ მინისტრთა კაბინეტმა გადაწყვეტილების პროექტი ერთხმად მიიღო. დოკუმენტი დღესვე ეროვნული ასამბლეის სპეციალურ სხდომაზე განიხილება.

126
თემები:
COVID-19-ის პანდემია მსოფლიოში
პროტესტი მინსკში

ბელარუსში მასობრივი პროტესტის კოორდინატორები დააკავეს

96
(განახლებულია 18:44 12.08.2020)
ბელარუსის ხელისუფლება აცხადებს, რომ დააკავეს მასობრივი არეულობის კოორდინატორები, ერთ-ერთი მათგანი თანამოაზრეების მოქმედებებს სასტუმროდან აკონტროლებდა.

თბილისი, 12 აგვისტო – Sputnik. ბელარუსში მამაკაცი დააკავეს, რომელიც, სავარაუდოდ, მინსკში საპროტესტო აქციების დაფინანსებაში მონაწილეობდა, იუწყება „Sputnik–ბელარუსი“ სახელმწიფო მასმედიაზე დაყრდნობით.

არსებული ინფორმაციით, მამაკაცი მინსკში „დანა მოლის“ სავაჭრო ცენტრის მიმდებარე ტერიტორიაზე დააკავეს.

„დაკავების დროს მამაკაცმა აქტიური წინააღმდეგობა გაუწია შინაგან საქმეთა ორგანოების თანამშრომლებს, ერთ-ერთ მათგანს ცხვირი გაუტეხა. მამაკაცის ზურგჩანთაში 10000 დოლარზე მეტი იპოვეს, რომელიც გათვლილი იყო აჯანყების მონაწილეებისთვის“, – წერს „ბელტა“ ბელარუსის შსს-ზე დაყრდნობით.

ასევე ვრცელდება ინფორმაცია, რომ დაკავებული ადრე ნასამართლევი იყო ბელარუსის სისხლის სამართლის კოდექსის მუხლით „განსაკუთრებით საშიში ფსიქოტროპული ნივთიერებების შეძენა, შენახვა და გადატანა არალეგალურად, გასაღების მიზნით“, და მის მიმართ არაერთხელ აღიძრა ადმინისტრაციული პასუხისმგებლობა.

ამჟამად საგამოძიებო მოქმედებები მიმდინარეობს.

სააგენტო მასობრივი პროტესტის კოორდინატორების დაკავების შესახებ ინფორმაციასაც ავრცელებს, რომელთაგან ერთ-ერთი თანამოაზრეების მოქმედებებს სასტუმროდან ხელმძღვანელობდა.

აღინიშნება, რომ მინსკის მცხოვრებმა სასტუმრო „ბელარუსის“ მე-17 სართულზე იქირავა ოთახი, საიდანაც ის აქციას კოორდინაციას უწევდა. ხაზგასმულია, რომ „ის მართავდა სამ დაქვემდებარებულ პირს. ისინი, თავის მხრივ, ასობით ადამიანს ხელმძღვანელობდნენ“.  

საპრეზიდენტო არჩევნები ბელორუსში 9 აგვისტოს გაიმართა. ცენტრალური საარჩევნო კომისიის წინასწარი მონაცემებით, ამომრჩეველთა 80.08%-მა ხმა მისცა ალექსანდრ ლუკაშენკოს, 10.9%-მა კი სვეტლანა ტიხანოვსკაიას. არჩევნების შემდეგ ფართომასშტაბიანი საპროტესტო აქცია მინსკსა და რესპუბლიკის რამდენიმე ქალაქში გაიმართა, აქციის მონაწილეები არჩევნების შედეგებს აპროტესტებენ. მომიტინგეების დასაშლელად პოლიციამ სპეციალური აღჭურვილობა და სპეცტექნიკა გამოიყენა, მათ შორის, ხმოვანი ყუმბარები და რეზინის ტყვიები. შინაგან საქმეთა სამინისტროს ინფორმაციით, მინსკში არეულობების დროს ერთი ადამიანი დაიღუპა, დაშავდა 200-ზე მეტი.

96
თემები:
მსოფლიო დღეს (1940)
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0