მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ბოცვრების ებოლა“: ემუქრება თუ არა ადამიანებს კორონავირუსზე უფრო საშიში ინფექცია

CC0 / Pixabay / ბოცვერი
ბოცვერი - Sputnik საქართველო
გამოწერა
ახალი ეპიდემია სპეციალისტების განსაკუთრებულ შეშფოთებას იწვევს, რადგან ვირუსი, რომლის ვაქცინაც არ არსებობს, პირველად გადავიდა შინაური ცხოველებიდან გარეულ ბოცვრებსა და კურდღლებზე.

თბილისი, 3 ივლისი — Sputnik. ბოცვრების ჰემორაგიული დაავადების გამომწვევი სასიკვდილო ვირუსი (RHDV2) მთელ შეერთებულ შტატებშია გავრცელებული, მან უკვე დახოცა ათასობით ცხოველი, იტყობინება Business Insider.

ვირუსის აფეთქება პეკინში - Sputnik საქართველო
SOS! ჩინეთში გრიპის უცნობი შტამი გამოვლინდა – არსებობს ახალი პანდემიის საფრთხე

ზოგი ვეტერინარი ამ ვირუსს „ბოცვრების ებოლას“ უწოდებს, რადგან ვირუსი ასევე იწვევს ბოცვრების ორგანოებისა და ქსოვილების დაზიანებას, შედეგად ვითარდება შინაგანი სისხლდენა და სიკვდილი. სპეციალისტების თქმით, ხშირად ერთადერთი გარეგანი ნიშანი იმისა, რომ ცხოველი დაინფიცირებულია, მათი სიკვდილის შემდეგ ჩნდება, როცა უეცრად სისხლი ცხვირიდან დენას იწყებს.

აპრილიდან შეერთებული შტატების სოფლის მეურნეობის სამინისტრომ RHDV2-ით დაავადების შემთხვევები არიზონაში, კალიფორნიაში, კოლორადოში, ნევადაში, იუტაში, ტეხასსა და ნიუ-მექსიკოში დაადასტურა.

გავრცელდა ინფორმაცია, რომ ვირუსი სისხლით, ფეკალიებითა და შარდით ვრცელდება.

ვეტერინარის თქმით, „ბოცვერების ებოლა“, საშიშროების ხარისხის მიხედვით, ახალი ტიპის კოროვირუსს აჭარბებს, რადგან ინფიცირებული ცხოველი შემთხვევათა 90%-ში იღუპება.
ვირუსი - Sputnik საქართველო
ამჯერად ჰანტავირუსი: ჩინეთში მამაკაცი პირდაპირ ავტობუსში გარდაიცვალა

მეცნიერები ირწმუნებიან, რომ RHDV2 ადამიანებისთვის, კატებისა და ძაღლებისთვის საფრთხეს არ წარმოადგენს, მაგრამ მას შეუძლია ზედაპირებზე და ტანსაცმელზე სამ-ნახევარი თვის განმავლობაში გაჩერდეს.

გამოცემის ინფორმაციით, აშშ-ს გარდა, ინფიცირების შემთხვევები დაფიქსირებულია საფრანგეთში, ავსტრალიასა და კანადაშიც. პირველად ინფექციის შესახებ 1984 წელს გახდა ცნობილი, როდესაც ბოცვრები ჩინეთში დაავადდნენ. 

ამჟამინდელი ეპიდემია სპეციალისტების განსაკუთრებულ შეშფოთებას იწვევს, რადგან ვირუსი შინაური ცხოველებიდან გარეულ ბოცვრებსა და კურდღლებზე პირველად გადავიდა. მისი ვაქცინა ჯერჯერობით არ არსებობს.

ყველა ახალი ამბავი
0