ჯეფ ბეზოსი

ისტორიული რეკორდი: პლანეტის უმდიდრესი ადამიანი კიდევ უფრო გამდიდრდა

149
(განახლებულია 14:24 02.07.2020)
„ბლუმბერგის“ რეიტინგიდან ასევე ცნობილი ხდება, რამდენია ამ მომენტისთვის ბიძინა ივანიშვილის ქონება და რომელ ადგილს იკავებს ის რეიტინგში.

თბილისი, 2 ივლისი — Sputnik. მსოფლიოს უმდიდრესი ადამიანის, კომპანია Amazon-ის მფლობელი ჯეფ ბეზოსის ქონებამ ახალ ისტორიულ რეკორდს – 172 მლრდ დოლარს მიაღწია, იუწყება სააგენტო „ბლუმბერგი“ მათ მიერ გამოთვლილ რეიტინგზე Bloomberg Billionaires Index (BBI) დაყრდნობით.

„ბლუმბერგის“ ინფორმაციით, წინა რეკორდი ბეზოსის ქონებაში 2018 წლის 4 სექტემბერს დაფიქსირდა, როდესაც მისმა  კაპიტალმა 167,7 მლრდ დოლარი შეადგინა.

სააგენტო აღნიშნავს, რომ ახალი რეკორდის დამყარება Amazon-ის აქციების გაძვირებას მოჰყვა: 1 ივლისის მდგომარეობით, აქციების ფასმა 4,4%-ით მოიმატა და ერთი ცალის ღირებულებამ რეკორდულ 2878,7 დოლარს მიაღწია.

აღსანიშნავია, რომ მაისში კონსალტინგურმა კომპანია Comparisun-მა გამოაქვეყნა პროგნოზი, რომლის თანახმადაც ჯეფ ბეზოსს ყველა შანსი აქვს გახდეს პირველი ადამიანი მსოფლიოში, რომლის ქონებაც 2026 წლისთვის ერთ ტრილიონ დოლარს გადააჭარბებს. 

ჟურნალ Forbes-ის მონაცემებით, ბეზოსი უკვე მესამე წელია რჩება მსოფლიოს უმდიდრეს ადამიანად.

დედამიწის ფონდი: პლანეტის უმდიდრესი ადამიანი გრანტების გაცემას იწყებს>>

BBI-ს მონაცემებით, სიმდიდრის მხრივ მეორე პოზიციაზეა ბილ გეიტსი – 114 მლრდ დოლარით, ხოლო მესამეზე – მარკ ცუკერბერგი – 90 მლრდ დოლარით. 

რაც შეეხება ქართველ მილიარდერ ბიძინა ივანიშვილს, მისი ქონება, Bloomberg Billionaires Index-ის თანახმად, 5,35 მლრდ დოლარს შეადგენს და ის 378-ე პოზიციას იკავებს. 

 

149
თემები:
მსოფლიო დღეს (2346)
მზის ჩასვლა

როდის შეუქმნის გადახურებული მზე დედამიწას საფრთხეს: ცნობილია თარიღი

30
(განახლებულია 13:28 03.12.2020)
უახლოეს ათწლეულებში მზის აქტიურობა დაიკლებს და მაგნიტური ქარიშხლების რაოდენობა შემცირდება, თუმცა ამავდროულად გაიზრდება გალაქტიკური კოსმოსური გამოსხივება

თბილისი, 3 დეკემბერი — Sputnik. მზე, რომელმაც თავისი სიცოცხლის ნახევარი გალია, დედამიწას გადახურებით რამდენიმე მილიონი წლის შემდეგ დაემუქრება, განაცხადა РИА Новости–სთან ინტერვიუსი კოსმოსური კვლევების ინსტიტუტის დირექტორმა ანატოლი პეტრუკოვიჩმა.

„როცა ჩვენი ვარკვლავი დაიბადა, უფრო ცივი იყო, ვიდრე ახლაა. დროთა განმავლობაში ის თანდათან ხურდება და მისი გამოსხივება იზრდება. თანამედროვე გაგებით, მზე დედამიწას უკვე რამდენიმე მილიონი წლის შემდეგ შეუქმნის საფრთხეს, ვინაიდან მისგან წამოსული სითბური ნაკადი მეტისმეტად ცხელი იქნება დედამიწის ტანამედროვე კლიმატისთვის“, — აღნიშნა მეცნიერმა.

თუმცა, პეტრუკოვიჩის თქმით, კაცობრიობას ჯერ კიდევ ძალიან დიდი დრო აქვს ამ პრობლემის გადასაჭრელად — მაგალითად, ატმოსფეროს დარეგულირებისა თუ დედამიწიდან გაფრენის გზით.

ამასთან მეცნიერმა აღნიშნა, რომ უახლოეს ათწლეულებში მოსალოდნელია მზის აქტიურობისა და მაგნიტური ქარიშხლების რაოდენობის შემცირება. თუმცა ამავდროულად გაიზრდება გალაქტიკური კოსმოსური გამოსხივება, რასაც დედამიწისთვის არა, მაგრამ პლანეტათშორისი ფრენებისთვის ძალიან დიდი მნიშვნელობა აქვს.

 

 

 

 

30
თემები:
მსოფლიო და მეცნიერება
ვითარება მანჰეტენზე

დადგინდა კვლევით: აშშ-ში COVID-19 მანამ იყო, სანამ ჩინეთი ვირუსს აღმოაჩენდა

122
(განახლებულია 12:56 03.12.2020)
დონორული სისხლის ანალიზმა აჩვენა, რომ აშშ-ში კორონავირუსი მანამ ჰქონდათ ადამიანებს, სანამ ჩინეთი მისი არსებობის შესახებ ოფიციალურ განცხადებას გავარცელებდა

თბილისი, 3 დეკემბერი — Sputnik. გასული წლის დეკემბერში აშშ–ის მოსახლეობაში შეგროვებული სისხლის ნიმუშების რეტროსპექტულმა კვლევამ აჩვენა, რომ ზოგ მათგანს COVID-19 ჯერ კიდევ მანამდე ჰქონდა, სანამ ჩინეთი ახალი ვირუსის არსებობას გამოაცხადებდა, ნათქვამია სტატიაში, რომელიც Clinical Infectious Diseases–ზეა გამოქვეყნებული.

ჩინეთმა უჰანში უცნობი პნევმონიის ფაქტების შესახებ 2019 წლის 31 დეკემბერს გაავრცელა ოფიციალური განცხადება, რომელიც შემდგომში ახალი ტიპის კორონავირუსი აღმოჩნდა. აშშ–ში COVID-19–ის პირველი შემთხვევა 2020 წლის 20 იანვარს დაურეგისტრირდა ვაშინგტონის შტატის მცხოვრებს, რომელიც მანამდე ჩინეთში მოგზაურობდა.

როგორც ირკვევა, აშშ–ის დაავადებათა კონტროლისა და პროფილაქტიკის ცენტრებმა (CDC) დონორული სისხლის 7 000–ზე მეტი ნიმუში შეისწავლეს, რომლებიც ამერიკის წითელი ჯვრის საზოგადოებას 2019 წლის 13 დეკემბრიდან 2020 წლის 17 იანვრამდე ჰქონდა შეგროვებული ქვეყნის ცხრა შტატში. აქედან 106–მა ნიმუშმა დადებითი პასუხი გამოავლინა SARS-CoV-2–ის ანტისხეულებზე.

კვლევის ავტორებმა დამატებითი ტესტირება ჩაატარეს, რათა ანტისხეულების სხვა ვირუსების მიმართ ჯვარედინი რეაქტიულობა გამოერიცხათ, და დაადგინეს, რომ აღმოჩენილი ანტისხეულები სწორედ SARS-CoV-2–ისა იყო.

მეცნიერების განმარტებით, შესაძლო ცრუდადებითი ტესტების გათვალისწინებითაც კი, დარწმუნებით შეიძლება ითქვას, რომ გასული წლის დეკემბრის დასაწყისში ახალი კორონავირუსი უკვე იყო აშშ–ის ტერიტორიაზე.

თუმცა მკვლევარები დაზუსტებით ვერ ამბობენ, სად და როდის დაინფიცირდნენ ანტისხეულების მქონე ადამიანები — შესაძლოა ისინი ახალი დაბრუნებულები იყვნენ ჩინეთიდან, სადაც, როგორც მონაცემები მეტყველებს, ჯერ კიდევ ნოემბერში ცირკულირებდა ახალი ტიპის კორონავირუსი.

აღსანიშნავია, რომ მანამდე საფრანგეთსა და იტალიაში ჩატარებულმა რეტროსპექტულმა კვლევებმა ასევე გამოავლინა SARS-CoV-2–ის ანტისხეულები სისხლის იმ ნიმუშებში, რომლებიც 2019 წლის დეკემბრის დასაწყისში შეგროვდა.

არა თავად ვირუსი: დადგინდა, რა აზიანებს COVID-19-ის დროს ცენტრალურ ნერვულ სისტემას>>

ახლა მეცნიერები აპირებენ, კვლევების ფარგლებში, დაუკავშირდნენ იმ ადამიანებს, რომელთა სისხლშიც კორონავირუსის მიმართ ანტისხეულები აღმოჩნდა, რათა დაადგინონ, იმოგზაურეს თუ არა მათ ჩინეთში 2019 წლის ბოლოს, და ჰქონდათ თუ არა COVID-19–ისთვის დამახასიათებელი სიმპტომები იმ პერიოდში.

 

122
თემები:
მსოფლიო და მეცნიერება
მზარეული წვავს სოსისებს

უვნებელი სოსისი: დიეტოლოგებმა ფასტფუდის „გაუვნებელყოფის“ ხერხი მოიფიქრეს

0
(განახლებულია 13:52 03.12.2020)
ექსპერტებმა განმარტეს, როგორი სოსისია ასი პროცენტით უვნებელი და რომელი ფასტფუდია ძეხვეულზე უვნებელი

თბილისი, 3 დეკემბერი — Sputnik. მიუხედავად იმისა, რომ სოსისები და ძეხვეული ტრადიციულად ერთ-ერთ ყველაზე მავნე საკვებად მიიჩნევა, ნუტრიციოლოგებმა მაინც მოძებნეს მათი „გაუვნებელყოფის“ ხერხი, იუწყება ABC.

გამოცემასთან საუბრისას ექსპერტებმა აღნიშნეს, რომ მათი ხშირი გამოყენება არასასურველია დიდი რაოდენობით დაბალი ხარისხის ცხოველური ცხიმების, აგრეთვე შაქრისა და მარილის შემცველობის გამო. ექსპერტებმა შეცდომაც კი უწოდეს მოსაზრებას, რომ ძეხვეული უფრო „ნატურალური“  საკვებია, ვიდრე სოსისები.

„სოსისები და ძეხვეული ყოველთვის მზადდება ისეთი ხორცის ჩამონაჭრებისგან, რომლებიც მაინცდამაინც ახალი არ არის —  ამ პროდუქტების დამზადების ერთ-ერთი მიზანია ხორცის ნარჩენებისა და ბევრად უხარისხო ნაჭრების უდანაკარგოდ მოხმარება“, — აღნიშნა დიეტოლოგმა.

ნუტრიციოლოგების აზრით, მცენარეული სოსისები ასევე შეიცავს მავნე ნივთიერებებს და ჩვეულებრივზე მეტად სასარგებლო არაფრით არ არის.

  • ექსპერტებმა ყველაზე „სწორი“ უწოდეს ქათმის ფარშით შინ მომზადებულ, პარმეზანთან შერეულ სოსისებს. მათი თქმით, ასეთი პროდუქტის გემო უჩვეულო, მაგრამ „ასი პროცენტით უვნებელი“ იქნება.

გარდა ამისა, დიეტოლოგებმა მოულოდნელად აღნიშნეს, რომ ფასტფუდის ზოგი სახეობა უფრო ჯანსაღია, ვიდრე სოსისეული. ასეთად მათ ჰამბურგერები დაასახელეს. თუმცა ისიც თქვეს, რომ სჯობს უპირატესობა შინ მომზადებულ კოტლეტს მივანიჭოთ.

0
თემები:
სასარგებლო რჩევები