დონალდ ტრამპი

ირანმა დონალდ ტრამპის დაპატიმრებაზე ორდერი გასცა

115
(განახლებულია 21:52 29.06.2020)
თეირანის პროკურორის თქმით, დონალდ ტრამპის დევნა მას შემდეგაც გაგრძელდება, რაც მას საპრეზიდენტო ვადა ამოეწურება.

თბილისი, 29 ივნისი — Sputnik. ირანის სასამართლო ხელისუფლებამ ინტერპოლს მოსთხოვა, გამოაცხადონ საერთაშორისო ძებნაში აშშ-ის პრეზიდენტი დონალდ ტრამპი — გენერალ ქასემ სულეიმანის მკვლელობისთვის, იუწყება სააგენტო Mehr.

„ჩვენ მოვახერხეთ 36 ადამიანის იდენტიფიცირება, რომლებიც ქასემ სულეიმანის მკვლელობის მომზადებაში მონაწილეობდნენ. მათ შორის არიან აშშ-ისა და სხვა ქვეყნების პოლიტიკური და სამხედრო მოღვაწეები“, — ციტირებს სააგენტო თეირანის პროკურორ ალი მეჰრის სიტყვებს.

პროკურორის თქმით, ქვეყნის სასამართლო ორგანოებმა მიიღეს დადგენილება აღნიშნული პირების პასუხისმგებლობაში მიცემისა და ინტერპოლის ხაზით „წითელი სტატუსის“ მინიჭების შესახებ, რაც ეჭვმიტანილების მსოფლიო მასშტაბით ძებნაში სამართალდამცველების მხრიდან ხელშეწყობას მოიაზრებს.

ალი მეჰრის განმარტებით, სიის თავში, რომელში შეყვანილ პირებსაც ბრალი ედებათ მკვლელობასა და ტერორიზმში, „თავად აშშ-ის პრეზიდენტი დონალდ ტრამპი დგას, რომლის დევნაც მისი საპრეზიდენტო ვადის ამოწურვის შემდეგაც გაგრძელდება“.

ირანის ისლამური რევოლუციის გუშაგთა კორპუსის გენერალი ქასემ სულეიმანი შეერთებულმა შტატებმა მიმდინარე წლის 3 იანვარს ბაღდადის აეროპორტთან მოკლა. მაშინ პრეზიდენტმა ტრამპმა განაცხადა, რომ სულეიმანი აშშ-ის ოთხ საელჩოზე თავდასხმას ამზადებდა.

ამის პასუხად 8 იანვარს ირანმა რაკეტები გაუშვა ერაყში მდებარე ორი ამერიკული სამხედრო ბაზის მიმართულებით და განაცხადა, რომ ეს სულეიმანის მკვლელობაზე შურისძიება იყო.

 

115
თემები:
მსოფლიო დღეს (1845)
ექიმები კორონავირუსით ინფიცირებულ პაციენტთან

აშშ-ში გაქცეულმა ჩინელმა ვირუსოლოგმა ამერიკულ ტელეარხს სკანდალური ინტერვიუ მისცა

209
(განახლებულია 20:39 14.07.2020)
ჩინეთიდან აშშ-ში გაქცეული ვირუსოლოგი შიშობს საკუთარი სიცოცხლის გამო და მზადაა ამერიკის მთავრობას საინტერესო მტკიცებულებები მიაწოდოს.

თბილისი, 14 ივლისი — Sputnik. ჰონკონგელი ვირუსოლოგი, დოქტორი ლი-მენ იანი, რომელიც მიმდინარე წლის დასაწყისში გაიქცა აშშ-ში, აცხადებს, რომ შიშობს საკუთარი სიცოცხლის გამო, იუწყება Fox News.

​ვირუსოლოგის თქმით, პეკინს სურს, რომ ხალხი დუმდეს ჩინეთში მიმდინარე მოვლენებზე და აცხადებს, რომ ჩინეთს კორონავირუსის საშიშროების თაობაზე სიმართლის დამალვა სურს.

„მე ვიცი როგორ ეკიდება [ჩინეთის ხელისუფლება] ინფორმატორებს. მათ სურთ, რომ ხალხი დუმდეს არა მარტო COVID-19-ის შესახებ, არამედ ჩინეთში მიმდინარე სხვა მოვლენებზეც“, — განუცხადა ლი-მენ იანმა ტელეწამყვან ბილ ჰემერს.

ვირუსოლოგმა მაგალითად 2003 წლის პანდემია მოიყვანა. მაშინ, მისი თქმით, ხელისუფლებამ დახურა ერთ-ერთი ლაბორატორია, რომლის თანამშრომლებმაც დაფარვის ფაქტები აღმოაჩინეს და გამოაქვეყნეს კიდეც.

იანის თქმით, ის ელოდება მომენტს, როდესაც შეძლებს ისაუბროს ყველაფერზე, რაც იცის და წარუდგინოს კიდეც მტკიცებულებები აშშ-ის მთავრობას.

  • „მინდა, რომ ამერიკელებმა გაიგონ, რამდენად საშინელია ეს. ეს ის არაა, რაც თქვენ დაინახეთ... ეს სულ სხვა რამაა“, — ამბობს დოქტორი.

ლი-მენ იანი ირწმუნება, რომ პეკინისთვის უკვე დეკემბერში იყო ცნობილი კორონავირუსით ინფიცირების ორმოცამდე შემთხვევა, და რომ ვირუსი მაშინ უკვე გადაეცემოდა ადამიანიდან ადამიანს. თუმცა, მიუხედავად ამისა, ჯანდაცვის მსოფლიო ორგანიზაცია 14 დეკემბერს აცხადებდა, რომ ახალი ტიპის კორონავირუსით ინფიცირებული ადამიანიდან  სხვისთვის დაავადების გადადების მკაფო დასტური არ არსებობდა.

 

209
თემები:
მსოფლიო დღეს (1845)
საარტილერიო ცეცხლი

დაღუპულია აზერბაიჯანელი გენერალი ვრცელდება ღამით შეტევის ვიდეო

357
(განახლებულია 19:58 14.07.2020)
აზერბაიჯანის თავდაცვის სამინისტრო ავრცელებს ვიდეოს, რომელშიც, მათი განმარტებით, სომხურ პოზიციებზე შეტევაა ასახული.

თბილისი, 14 ივლისი — Sputnik. სომხეთის სამხედრო ძალების მიერ განხორციელებული სროლების შემდეგ თოვუზის რაიონში გენერალ-მაიორი ფოლად გაშიმოვი და პოლკოვნიკი ილგარ მირზიაევი დაიღუპნენ, იუწყება „Sputnik–აზერბაიჯანი“ ქვეყნის თავდაცვის სამინისტროზე დაყრდობით.

„გენერალ–მაიორი ფოლად გაშიმოვი და პოლკოვნიკი ილგარ მირზაევი გმირულად დაეცნენ დილის ბრძოლებში“, — განუცხადა ჟურნალისტებს თავდაცვის მინისტრის მოადგილემ კარიმ ვალიევმა.

მისი თქმით, 13–14 ივლისის ღამით თოვუზის რაიონში გამძვინვარებული ბრძოლები გრძელდებოდა, შედეგად – „განადგურებულია მტრის დაახლოებით 100 მებრძოლი, დიდი რაოდენობით სამხედრო ტექნიკა და მნიშვნელოვანი ობიექტები“.

აზერბაიჯანის თავდაცვის სამინისტრომ YouTube-ზე გამოაქვეყნა ვიდეო, რომელშიც, მათი განმარტებით, სომხურ პოზიციებზე შეტევაა ასახული.

12 ივლისის დილით შეტაკება მოხდა აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე. აღსანიშნავია, რომ ეს ტერიტორია, რომელიც საკმაოდ ახლოსაა საქართველოს საზღვართან, ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისათვის სიმშვიდეა.

აზერბაიჯანის თავდაცვის სამინისტროს განცხადებით, სომეხმა სამხედროებმა მათი პოზიციები დაცხრილეს, ხოლო სომხეთის თავდაცვის სამინისტრომ, თავის მხრივ, აღნიშნა, რომ აზერბაიჯანელი სამხედროები არტილერიის დახმარებით ცდილობდნენ სომხური საყრდენი პუნქტის მიტაცებას.

ბაქოს ინფორმაციით, ბრძოლებში დაიღუპა ოთხი აზერბაიჯანელი სამხედრო, ხოლო ერევანი უარყოფს მათი მხრიდან დაღუპულების არსებობას და აცხადებს, რომ შეტაკებისას ორი პოლიციელი და სამი სამხედრო დაიჭრა.

აღსანიშნავია, რომ სროლები გაგრძელდა ორშაბათსაც. კერძოდ, ერევანი აცხადებდა, რომ ბაქო 15–20 წუთიანი ინტერვალით ცხრილავდა ტერიტორიას, ხოლო ბაქო სომხურ მხარეს აბრალებს სროლების წარმოებას.

357
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია