კორონავირუსი აშშ-ში

Reuters: აშშ-ში კორონავირუსით ინფიცირების რიცხვმა დღეღამურ რეკორდს გადააჭარბა

204
ჯანმო-ს ბოლო მონაცემებით, მსოფლიოში ინფიცირების შემთხვევების რაოდენობამ 9,4 მილიონს გადააჭარბა, გარდაიცვალა 484 ათასი ადამიანი.

თბილისი, 27 ივნისი – Sputnik. აშშ-ში პარასკევს კორონავირუსით ინფიცირების ახალი დღეღამური რეკორდი დამყარდა - ახალი შემთხვევების რაოდენობამ 45 242-ს მიაღწია, იუწყება РИА Новости სააგენტო Reuters-ზე დაყრდნობით.

ჯონს ჰოპკინსის უნივერსიტეტის მონაცემებით, COVID-19-ით 125 ათასზე მეტი ადამიანი გარდაიცვალა. უნივერსიტეტის ინფორმაციით, პანდემიის პერიოდში აშშ-ში 2 467 510 ინფიცირების შემთხვევა გამოვლინდა, 663 ათასზე მეტი ადამიანი გამოჯანმრთელდა.

ადრე აშშ-ის პრეზიდენტმა დონალდ ტრამპმა განაცხადა, რომ კორონავირუსით ინფიცირების შემთხვევების მატების ფონზე ქვეყანაში ლეტალური შემთხვევების რაოდენობა იკლებს.

მარტში ჯანმომ COVID-19-ის აფეთქებას პანდემია უწოდა. ორგანიზაციის ბოლო მონაცემებით, მსოფლიოში ინფიცირების შემთხვევების რაოდენობამ 9,4 მილიონს გადააჭარბა, გარდაიცვალა 484 ათასი ადამიანი.

204
თემები:
COVID-19-ის პანდემია მსოფლიოში (1022)
მშვილდომანია

მშვილდ-ისრით შეიარაღებულმა კაცმა პოლიციელები განაიარაღა: მიმდინარეობს მასშტაბური ძებნა

93
(განახლებულია 16:07 13.07.2020)
როგორც გაირკვა, პოლიციაში უკვე იცნობდნენ 31 წლის მამაკაცს, რომელიც მანამდე არაერთხელ იყო მიყვანილი განყოფილებაში კანონდარღვევების გამო.

თბილისი, 13 ივლისი — Sputnik. გერმანიის ბადენ-ვიურტემბერგის ფედერალურ მიწაზე ახალგაზრდა მამაკაცმა, რომელიც მშვილდ-ისრით იყო შეიარაღებული, რამდენიმე პოლიციელი განაიარაღა, იუწყება Baden Online.

გავრცელებული ინფორმაციით, ინციდენტი ქალაქ ოპენაუში მოხდა.

​როგორც ირკვევა, 12 ივლისის დილით პოლიციის განყოფილებას შეატყობინეს, რომ ტყეში არსებულ ქოხში შეიარაღებული მამაკაცი იმყოფებოდა. ადგილზე მისულმა სამართალდამცველებმა ქოხში აღმოაჩინეს 31 წლის კაცი რომელსაც თან მშვილდ-ისარი ჰქონდა. თავდაპირველად ის მშვიდად იქცეოდა, მაგრამ მოულოდნელად პისტოლეტი ამოიღო და პოლიციელებს დაუმიზნა. მან ოფიცრებს იარაღის დაყრა მოსთხოვა, რასაც ისინი დაემორჩილნენ კიდეც „უარესის თავიდან აცილების მიზნით“. ამის შემდეგ უკვე კბილებამდე შეიარაღებული მამაკაცი ტყეში მიიმალა. 

​​გაირკვა ისიც, რომ სამართალდამცველები გაქცეულს მანამდეც იცნობდნენ, ვინაიდან ის არაერთხელ იყო მიყვანილი განყოფილებაში სხვადასხვა კანონდარღვევის გამო.

პოლიციის განცხადებით, მათ არ იციან, როგორ ფსიქოლოგიურ მდგომარეობაშია გაქცეული, რომლის ძებნაშიც 100-ზე მეტი სამართალდამცველი, საპატრულო მანქანები და პოლიციის ვერტმფრენებია ჩართული.

 

93
თემები:
მსოფლიო დღეს
არომატი

უსიამოვნო სუნები ოფიციალურად აიკრძალა: ქვეყანა მაღალ ჯარიმებს აწესებს

109
(განახლებულია 15:43 13.07.2020)
ამიერიდან მოქალაქეს შეუძლია უჩივლოს მეზობელს, რომლის ბინიდანაც სადარბაზოში უსიამოვნო სუნი გავრცელდება.

თბილისი, 13 ივლისი — Sputnik. რუმინეთში ძალაში შევიდა კანონი ოლფაქტიური დისკომფორტის შესახებ, რომლის თანახმადაც ქვეყანაში ოფიციალურად იკრძალება უსიამოვნო სუნების გავრცელება, იუწყება სააგენტო Agerpres.

„ოლფაქტიური დისკომფორტი — ეს არის საქმიანობის შედეგი, რომელსაც შეუძლია ზემოქმედება მოახდინოს მოსახლეობის ჯანმრთელობასა და გარემოზე, და რომელიც ობიექტურად აღიქმება, როგორც სხვადასხვა ინტენსივობის სუნები, ან ობიექტურად იზომება მოქმედი სტანდარტების მიხედვით“, — ნათქვამია კანონის განმარტებით ბარათში.

ცნობილი ხდება, რომ ყნოსვითი დისკომფორტის დონეს გარემოს დაცვის ადგილობრივი სამმართველოები განსაზღვრავენ, ხოლო სუნების ინტენსივობა ეროვნული და ასევე საერთაშორისო სტანდარტებით დადგინდება.

ნორმატივების გადაჭარბების შემთხვევაში დამრღვევ კომპანიებს დახურვა ან ჯარიმა ემუქრებათ 16,7 ათასი ევროს ოდენობით. ფიზიკური პირების შემთხვევაში კი ჯარიმა ნაკლები იქნება და 6,3 ათას ევროს შეადგენს.

კანონის ინიციატორების თქმით, ადამიანებმა უნდა იზრუნონ მეზობლებთან კარგი ურთიერთობის დასამყარებლად. რუმინეთში კი ბევრი საცხოვრებელ ბინას ფანჯრების მეშვეობით კი არ ანიავებს, არამედ სადარბაზოში გამავალი კარის გაღებით.

ამიერიდან ამ ჩვევის მქონე რუმინელები კანონით დაისჯებიან მეზობლების საჩივრის საფუძველზე.

 

109
თემები:
მსოფლიო დღეს
ვალუტის კურსი

რა უჯდება ეროვნულ ბანკს ეროვნული ვალუტის სტაბილურობა

0
(განახლებულია 15:16 13.07.2020)
კორონავირუსუს პანდემიამ  ეკონომიკის იმ  სფეროებს,  საიდანაც ქვეყანაში უცხოური ვალუტის შემოდინება ხდება, სერიოზული დარტყმა მიაყენა.

ტურიზმის გაჩერებამ, უცხოეთიდან ფულადი გზავნილებისა და პირდაპირი უცხოური ინვესტიცების კლებამ, ისედაც გაუფასურებული ლარი კიდევ  უფრო მეტად გაუფასურების საფრთხის წინაშე დააყენა.

ლარის კურსმა ვარდნა 9 მარტიდან დაიწყო, როდესაც კორონავირუსის პანდემიასთან დაკავშირებულ გაურკვევლობას მსოფლიო ბაზრებზე ნავთობის ფასების მკვეთრი ვარდნა დაემატა. 25 მარტისთვის ლარი უკვე 24%-ით იყო გაუფასურებული და 3,45 ნიშნულამდე იყო მისული.

სავალუტო ბაზრის სტაბილიზების მიზნით, ეროვნულმა ბანკმა სამ თვეში უკვე რვა აუქციონი გამართა რომლებზეც ჯამში 230 მილიონი დოლარი გაყიდა.

მიმდინარე წლის 30 ივნისის მდგომარეობით ეროვნული ბანკის სავალუტო რეზერვი უკვე 3 მილიარდ 616 მილიონი აშშ დოლარია.

ეკონომისტი ნიკა შენგელია მიიჩნევს, რომ წლის ბოლომდე ეროვნულ ბანკს ლარის სატბილურობის შესანარჩუნებლად საკუთარი რეზერვების დახარჯვა კიდევ ბევრჯერ მოუწევს.

„ეროვნულს ბანკს აქვს საკმარისი სავალუტო რეზერვი, რათა ლარის კურსი სტაბილურობა 3 დონიან ნიშნულთან ახლოს შეინარჩუნოს, ვფიქრობთ რომ წლის ბილომდე ეროვნული ვალუტის კურსის მითითებულ ნიშნულთან სიხლოვეს შენარჩუნება ეროვნულ ბანკს კვლავ დამატებით 250 - 300 მილიონი დოლარი დაუჯდება“- აღნიშნა ნიკა შენგელიამ Sputnik საქართველოსთან საუბრისას.

საქართველოში მცურავი გაცვლითი კურსის რეჟიმი მოქმედებს, რაც იმას ნიშნავს, რომ ის მთლიანად განისაზღვრება სავალუტო ბაზრის მიერ, რომელიც შედგება კომერციული ბანკებისგან, საინვესტიციო ფონდებისგან და იმ კორპორაციებისა თუ ინდივიდებისგან, რომელთა ინტერესში უცხოური ვალუტის ყიდვა–გაყიდვა შედის.

თუმცა ქვეყანაში, სადაც იმპორტს დიდი წილი უჭირავს, არასტაბილური და გაუფასუფრებული ეროვნული ვალუტა საფრთხეს ფასების სტაბილურობასაც უქმნის, რაც თავის მხრივ უკვე ეროვნული ბანკის რეგულირების სფეროა.

სავალუტო აუქციონების გარდა ეროვნული ბანკი რყევების შესამცირებლად ყოველდღიურ ინტერვენციებს იყენებს. კერძოდ, როდესაც დღის განმავლობაში გაცვლითი კურსის რყევები აჭარბებს წინასწარ განსაზღვრულ ნიშნულს, ეროვნული ბანკი უცხოური ვალუტით ვაჭრობაში გარკვეული თანხით ერთვება.

13 ივლისის მდგომარეობით, საქართველოს ეროვნული ვალუტა აშშ დოლარის მიმართ 3,0624 GEL/$1  ნიშნულზეა.

ნიკა შენგელიას აზრით, მიუხედავად იმისა რომ ეროვნული ბანკი ბაზარზე სავალუტო ინტერვენციებს ისევ გააგრძელებს, ლარის კურსის მერყეობა თვალშისაცემი სექტემბრის მეორე ნახევრიდან გახდება და ამის მიზეზი იმპორტის ზრდა იქნება.

„რაც შეეხება ინფლაციას, რომელიც თარგეთირებულთან შედარებით 3,1% ით მეტია. ვფიქრობთ ივლის- აგვისტოს თვეში ამ მაჩვენებლის მნიშვნელოვანი ცვლილება მოსალოდნელი არ არის“ - აღნიშნა ნიკა შენგელიამ.

საქსტატის ცნობით, წლიური ინფლაცია  (2020 წლის ივნისი 2019 წლის ივნისთან შედარებით) კვლავ მაღალ დონეზე რჩება - 6,1%.

ეკონომისტი ვეფხია გიორგაძე კი თვლის, რომ ეროვნული ბანკი რეზერვების გაყიდვით ლარის კურსის სტაბილურობას დიდ ხანს ვერ უზრუნველყოფს. 

„ეროვნული ბანკი თუ არ შეამცირებს რეალურად ფულის მასას ეკონომიკაში და მის რაოდენობას ეკონომიკის ადეკვატურს არ გახდის, მაშინ მას მოუწევს ქარის წისქვილებთან ბრძოლა, ლარის კურსიც მეტად გაუფასურდება, ვერც ინფლაციას გაართმევს თავს და ეს რეზერვიც შემოელევა გზადაგზა“- აღნიშნა ვეფხია გიორგაძემ Sputnik საქართველოსთან საუბრისას.

როგორც ვეფხია გიორგაძემ განმარტა, ეროვნულ ბანკს ეკონომიკაში ფულის მასის შემცირება რეზერვების გამოყენების გარეშეც შეუძლია რეფინანსირების სესხების შემცირების ხარჯზე.

„რეფინანსირების სესხი ეს ის ინსტრუმენტია, რომლითაც ეროვნული ბანკი ახდენს კომერცილი ბანკებისთვის მოკლევადიანი ლიკვიდობის მიწოდებას, აქ დავამატებდი რომ ეროვნული ბანკი ვერ აკონტროლებს რეალურად აქვს თუ არა მოკლევადიანი ლიკვიდობის პრობლემა კომერციულ ბანკს, ის ენდობა კომერციული ბანკებისგან შემოსულ მოთხოვნას, რის შემდეგაც ფული უკვე ეკონომიკაში ხვდება“ - აღნიშნა ვეფხია გიორგაძემ.

ვეფხია გიორგაძის თქმით,  დღეს საქართველოს სავალუტო  რეზერვების მოცულობა ისედაც ნაკლებია საერთაშორისო ორგანიზაციების მიერ დადგენილ მაჩვენებელზე. რეზერვები კი ქვეყნის მხრიდან საგარეო ვალდებულებების შესრულების - უცხოური ვალუტით გადახდების შეუფერხებლად განხორციელების ერთგვარი გარანტია და ერთ-ერთი მთავარი ფაქტორია, რომელსაც საერთაშორისო დონორი ორგანიზაციები ქვეყნისთვის სესხების გაცემისას ითვალისწინებენ.

ნატა პატარაია

 

0