მზის ჩასვლა

როგორ ჩადის მზე სხვა პლანეტებზე: NASA ვიდეოს აქვეყნებს

106
(განახლებულია 14:08 27.06.2020)
აღნიშნული ვიდეო სააგენტოს სპეციალისტმა მაშინ შექმნა, როდესაც კომპიუტერულ ინსტრუმენტს ამუშავებდა პლანეტა ურანზე მომავალი მისიისთვის.

თბილისი, 26 ივნისი — Sputnik. აშშ-ის კოსმოსური კვლევების სააგენტო NASA-მ სხვა პლანეტებზე მზის ჩასვლის სიმულაციური ვიდეო წარმოადგინა. 

სიმულაცია სააგენტოს სპეციალისტმა ჯერონიმო ვილანუევამ შექმნა.

„ჯერონიმო ვილანუევამ, პლანეტარულმა მეცნიერმა NASA-ს მერილენდის ფრენების ცენტრ Goddard-დან, მზის ჩასვლის სიმულაცია მაშინ შექმნა, როდესაც კომპიუტერულ ინსტრუმენტს ამუშავებდა პლანეტა ურანზე შესაძლო მისიისთვის, რომელიც ყველაზე ცივი პლანეტაა მზის სისტემაში“, — ნათქვამია პრეს-რელიზში.

გავრცელებული ინფორმაციით, აღნიშნული ვიზუალიზაცია ასპროცენტიანი არ არის, თუმცა დღეისათვის არსებულ სანდო მონაცემებს ეყრდნობა ამა თუ იმ პლანეტის ატმოსფეროს შესახებ.

მეცნიერების თქმით, თუ მათი ვარაუდები სწორია, მაშინ მზის ჩასვლა ურანზე თითქმის ისეთივეა, როგორიც დედამიწაზე — ლაჟვარდისფრიდან მაძღარ ლურჯამდე გადასვლითა და ფირუზისფერი ჩრდილებით.

 

106
თემები:
მსოფლიო და მეცნიერება (422)
მევლუთ ჩავუშოღლუ

სომხეთ-აზერბაიჯანის შეჯახება: თურქეთმა არჩევანი გააკეთა

57
(განახლებულია 15:39 13.07.2020)
მანამდე აზერბაიჯანელმა სამხედროებმა სადავო ტეიროტირიაზე სომხურ საყრდენ პუნქტზე მიიტანეს იერიში და გაანადგურეს იგი

თბილისი, 13 ივლისი — Sputnik. აზერბაიჯან–სიმხეთის საზღვარზე არსებულ დაძაბულ ვითარებაში თურქეთი აზერბაიჯანს უჭერს მხარს, განაცხადა თურქეთის საგარეო საქმეთა მინსიტრმა მევლუთ ჩავუშოღლუმ.

„ის, რასაც სომხეთი აკეთეს, მიუღებელია. დაე, გონს მოვიდეს. ჩვენ მხარს დავუჭერთ აზრბაიჯანს მისი ტერიტორიული მთლიანობის შენარჩუნების საქმეში. აზერბაიჯანი მარტო არ არის“, — განაცხადა ჩავუშოღლუმ თურქული ტელეარხის, TRT–ს ეთერში.

აზერბაიჯანის თავდაცვის სამინისტრომ 12 ივლისს განაცხადა, რომ სომეხმა სამხედროებმა მათ პოზიციებს ნაღმმტყორცნებიდან გაუხსნეს ცეცხლი, რის საპასუხოდაც აზერბაიჯანელმა სამხედროებმა სომხეთის საყრდენი პუნქტი გაანადგურეს.

ამ დროისათვის ორი ქვეყნის საზღვარზე ვითარება კვლავ დაძაბულია.

57
თემები:
მსოფლიო დღეს
მშვილდომანია

მშვილდ-ისრით შეიარაღებულმა კაცმა პოლიციელები განაიარაღა: მიმდინარეობს მასშტაბური ძებნა

110
(განახლებულია 16:07 13.07.2020)
როგორც გაირკვა, პოლიციაში უკვე იცნობდნენ 31 წლის მამაკაცს, რომელიც მანამდე არაერთხელ იყო მიყვანილი განყოფილებაში კანონდარღვევების გამო.

თბილისი, 13 ივლისი — Sputnik. გერმანიის ბადენ-ვიურტემბერგის ფედერალურ მიწაზე ახალგაზრდა მამაკაცმა, რომელიც მშვილდ-ისრით იყო შეიარაღებული, რამდენიმე პოლიციელი განაიარაღა, იუწყება Baden Online.

გავრცელებული ინფორმაციით, ინციდენტი ქალაქ ოპენაუში მოხდა.

​როგორც ირკვევა, 12 ივლისის დილით პოლიციის განყოფილებას შეატყობინეს, რომ ტყეში არსებულ ქოხში შეიარაღებული მამაკაცი იმყოფებოდა. ადგილზე მისულმა სამართალდამცველებმა ქოხში აღმოაჩინეს 31 წლის კაცი რომელსაც თან მშვილდ-ისარი ჰქონდა. თავდაპირველად ის მშვიდად იქცეოდა, მაგრამ მოულოდნელად პისტოლეტი ამოიღო და პოლიციელებს დაუმიზნა. მან ოფიცრებს იარაღის დაყრა მოსთხოვა, რასაც ისინი დაემორჩილნენ კიდეც „უარესის თავიდან აცილების მიზნით“. ამის შემდეგ უკვე კბილებამდე შეიარაღებული მამაკაცი ტყეში მიიმალა. 

​​გაირკვა ისიც, რომ სამართალდამცველები გაქცეულს მანამდეც იცნობდნენ, ვინაიდან ის არაერთხელ იყო მიყვანილი განყოფილებაში სხვადასხვა კანონდარღვევის გამო.

პოლიციის განცხადებით, მათ არ იციან, როგორ ფსიქოლოგიურ მდგომარეობაშია გაქცეული, რომლის ძებნაშიც 100-ზე მეტი სამართალდამცველი, საპატრულო მანქანები და პოლიციის ვერტმფრენებია ჩართული.

 

110
თემები:
მსოფლიო დღეს
ტრაილერი

რამდენ მძღოლს-დაუფიქსირდა კორონავირუსი საქართველოში

0
(განახლებულია 19:38 13.07.2020)
საქართველოში ბოლო დღე-ღამეში კორონავირუსის ცხრა ახალი შემთხვევა გამოვლინდა, რომელთაგანაც ხუთი სატვირთო ავტომობილის  მძღოლია

თბილისი, 13 ივლისი — Sputnik. საქართველოში ბოლო ოთხი კვირის განმავლობაში დაფიქსირებული ახალი კორონავირუსის შემოტანილი შემთხვევების ერთ-ერთი მთავარი წყარო სატვირთო ავტომობილების მძღოლები არიან, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

საქართველოში ბოლო დღე-ღამეში კორონავირუსის ცხრა ახალი შემთხვევა გამოვლინდა, რომელთაგანაც ხუთი სატვირთო ავტომობილის  მძღოლია,

„ერთ-ერთი მთავარი წყარო შემოტანილი შემთხვევების სწორედ სატვირთოების მძღოლები არიან. თითოეული მათგანის სწრაფი იდენტიფიცირება ხდება და არ მიეცათ მათ საშუალება, ინფექციის შემდეგომი გავრცელების. ამ სისტემამ კარგად იმუშავა. 63 მძღოლია, რაც საკმაოდ დაბალი პროცენტია იმ მძღოლებისა, რომლებსაც ყოველდღიურად შემოაქვთ ტვირთი საქართველოში, სადღაც 0,2 პროცენტის ფარგლებშია“, – აღნიშნა ამირან გამყრელიძემ.

გამყრელიძის განცხადებით, მნიშვნელოვანია, რომ სერიოზულად გაზრდილია ტესტირება.

„საზღვარზე შემოსულ სატვირთო ავტომანქანების მძღოლებს დაახლოებით 40 000-მდე სწრაფი ტესტი აქვთ ჩატარებული. საეჭვო შემთხვევა მოწმდება PCR-ტესტით. ბოლო 4 კვირის განმავლობაში 63 მძღოლს დაუდასტურდა კოვიდინფექცია“, - აღნიშნა  ამირან გამყრელიძემ.

ეზუგბაია: კორონავირუსის ცხრა ახალი შემთხვევიდან ცხრავე შემოტანილია >>

ოფიციალური მონაცემებით, საქართველოში ახალი კორონავირუსით დაავადებულთა რაოდენობამ 995-ს მიაღწია. გამოჯანმრთელებულთა მონაცემი დღეს არ შეცვლილა და კვლავ 857-ია. გარდაცვლილია – 15. კარანტინის რეჟიმში იმყოფება 5001, ხოლო სტაციონარებში ექიმების დაკვირვების ქვეშ 219 პაციენტია.

0
თემები:
COVID-19 საქართველოში